1 Pyɛr 4:13 - Kálar Nzyɛ̌m : Ejwán é Sáá

¹³ Sohaa gá ɨ́ buo buo ɨ́ jɔʼ bɨ́n dí esia e mitúú mé Krîst yɨ́. Bɨ́n ósia e mitúú myé myaá le bisʉhʉʉ nó, bɨ̌n ntémé bé óbuú soho ɨ́ jɔʼ méntyɛnwa mé, mé ónyɨ̂n ɨ́ ponó yɨ́.

Kálara Zyɛ̌m Edwán é mpʉ̌n

¹³ Soha ga é buobuo, ebe, bɨn bɨ nʉa nkɔb é mɨtuu mo Krɨst. Ebe no ó bɨn bé óbe e buobuo bɨsʉhʉ é jɔʼ moncɛnba me, mé ónyin é kpɛŋlɛm ɨ.

1 Pyɛr 4:13 ပူးပေါင်းရင်းမြစ်များ

Rôm 8:17

Yé bé mɨná gá mû ó bwân mé Nzyɛ̌m nó, go ó, mɨná gá ntémé bé ó bʉr o ngá bi ménkɔb kwá mé Nzyɛ̌m bá. Yé óbe ɨ́ páʼ gá wɨ́ná ó, jwɨʼ gwár e gwár e mpʉ̌ Krîst, mɨ́ɔɔ́ gá wɨ́ná, ngá bi mé ménkɔb yɨ́. Mɨ́ná gá le onɔ́ɔ́, bé ósia e mitúú mímpwár, lɨ́ esú ó, mɨná bíʼee gá kûm mpwár nó, mɨná bé ónʉa gá membɨa maá, jala e nkɔb líʼe gá nyɨ́ná.

Rôm 5:3

Damá jóʼo mítúú mɨ́ná dí esia gá e myé mí, mɨná bé lɨ́ ekʉ́ bánǎ nkʉ́na gâ, ebě, mɨná bé lɨ́ egʉ́a gá ó, baá o dí esia e mitúú bá, bé ójɨ̂ʼ bíhwó tɨ̂.

Filipi 3:10

Sá mé dí egwɨ̂m yɨ́, yé ó, me gwâ gʉ́ǎ Krîst. Mě gwɨ́m ntémé ó, Nzyɛ̌m séaa ɨ́ me mpʉ nyé á séa e nkul lɨ́ epɛ̌h Yésʉs-Krîst yɨ́. Me síaa e mitúú mímpwár Krîst á bi mí. Eswie lâm nkʉ̂ nwɨɨla ntémé e laá lé.

2 Korɛnt 1:7

Bɨ̌h bé e mpûʼla ɨ́ miléme ɨ́ lɔ̌b wɨ́n; bɨ̌h bé apɨ́ŋla, ebě, bɨ̌h bé lɨ́ egʉ́a ó, jwɨʼ gwár e gwár e mpʉ bɨ́n dí ebi nkɔ̂b mitúú yɨ́, nó ntémé ó bɨ́n ngá bi étʉ́m mé Nzyɛ̌m yɨ́. Etʉ́m lé laá, lé ó nkul nyé ógbâ mɨ́ná gá ɨ́ miléme nyɨ́.

1 Pyɛr 5:10

Nzyɛ̌m ó dí mʉr dí elɛ̂ʼle mɨ́ná gá mpam ɨ́ bijɔʼ bíbyɛ̂h nyá. Nye ntémé ó b'á jébe mɨná gá ó, mɨná tô di gá ɨ́ mentyɛnwa mé ɨ́ nzɨ̌ mé Yésʉs-Krîst. Mentyɛnwa maá, mé ódi ó, njʉ̌m dǐ e njʉ̌m dǐ. Bɨ́n óbe, sí sia e mitúú, tâŋ bá mâ jɔʼ nó, Nzyɛ̌m, nyé obáʼǎ komlo bɨ́n, pɨr bɨ́n mekʉ̌ sí ɨ́ sɨ́ŋ. Nyé obáʼǎ gbâ bɨ́n nkul ɨ́ menyʉ̂l, sumo bɨ́n sí ɨ́ píʼi.

2 Korɛnt 4:10

Bijɔʼ bíbyɛ̂h, bɨ̌h bé lɨ́ ejóno ɨ́ lɔ̌b éswie mé Yésʉs dí ɨ́ menyʉ́l mɨ́h lɨ́. Yê bɨ̌h nó ó, twiʼ mé Yésʉs nkʉ̂ nyɨ̂n ntémé ɨ́ menyʉ́l mɨ́h.

2 Timotɛ 2:12

Mɨ́ná dúhwó gá mitúú nó, mɨná gá le onɔ́ɔ́ di ntémé ojwɨ́ɨ. Mɨ́ná kɛ́lá gá nye nó, nye ntémé kɛ́la mɨ́ná gâ.

2 Korɛnt 4:17

Ebě, bwá mítúú bɨ́h dí esia e myé ɨ́ báánâʼ mí, myé lɨ́ elaǎ mpʉ̌ ngúl mpáá. Mitúú myaá míɛ, myé ó sá dí esâ ó, bɨ̌h bíʼee kûm ɨ́ buo buo ngá dǐ njʉ̌m dǐ e njʉ̌m dǐ nyɨ́ yɨ́.

Mɨlʉmlʉ 5:41

Nó mpʉ bʉ̂r o mílʉ́mlʉ́, bé á duho ɨ́ bʉ̌m nɨ́nɨ́ɨ́ yɨ́, bɨ́bɛ̂h, bé ntɔ̂ʼ lóno ɨ́ bisʉhʉʉ, ebě, Nzyɛ̌m á bee ó, bé ó mbi bʉ̂r o jálá le esáŋɔɔ bísá bí ésɔ́m ɨ́ lɔ̌b díé mé Yésʉs bá.

Mɨngwiha 1:9

Yé ó mɛm Yʉánɛs, mɨ́ɔɔ́ wɨ́n. Mɨná gá bé ɨ́ mpúhlá e Yésʉs ó, lɨ́ esia e mitúú mímpwár. Mɨná gá óbɛ̂h bé ɨ́ mpóʼo Yésʉs dí ejwɨ́ɨ yɨ́. Mɨná gá óbɛ̂h ó dí e bíhwó nyé dí egbâ bʉ̂r ɨ́ miléme nyɨ́. Bé á mɛ̂r me, pɨrɔɔ mé wâʼ ɨ́ tíhé dí ejébɔɔ «Pátmos» wɨ́ ó, ebě, lɔ́ɔ́ mé Nzyɛ̌m le milɔ̌b mé Yésʉs mé dí eboʼlo mí.

1 Pyɛr 5:1

Me ó lɨ́ sɔ́má ótyɛ̂b bé ésôʼ ɨ́ Mbɛ̌r-Nzyɛ̌m. Me ntémé, me ó mboʼlo á bee mitúú mé Krîst nyá. Me ntémé, me ó mʉr ngá bi nkɔ̂b líʼe ɨ́ mentyɛnwa múo nzě nyɨ̂n ɨ́ kpɛŋlɛm má nyá. Mě cɛmá ɨ́ báánâʼ ó, bʉ́ʉ́ ótyɛ̂b bé ésôʼ ɨ́ Mbɛ̌r-Nzyɛ̌m bɨ́bɛ̂h, lɨ́ epihle bɨ́n egwǎl ó:

Kolosi 1:24

Báánâ, me mû ó e bisʉhʉʉ ɨ́ léme ɨ́ lɔ̌b mítúú mé dí esia e myé lɨ́ esú lɨ́n mí. Mitúú Yésʉs-Krîst á be asia e myé mí, míɛ ó mɛ̂m dí ekǎ sia e myé ɨ́ bipúno byâm bî. Mě jóʼó mégunwa me tɨ̂ʼ ó, lɨ́ esú é nyʉ̂l mé Krîst, dí Mbɛ̌r-Nzyɛ̌m nyɨ́.

Mataos 16:27

Ebě, Mwân mé Mʉr múo nzě pyâl ɨ́ mentyɛnwa me Sɔ́ŋ wé, bé e bééngeles bé. Jɔʼ yaá ó nyé ngá tíʼe bʉ̂r milɔ̌b, dû mpʉ bísyɛ́ɛla byɔ́ɔ́, byé á be yɨ́.

Mataos 5:12

Sohaa gâ, mɛɛlaa gâ, ebě, myɛ́na ménɨ́nɨ́ɨ́ le embɨa, mé lɨ́ ebóno bɨ́n ɨ́ jʉ́o kʉ́, ebě, bé á tîtible ogwíha o mílɔ̌b bé á nyɛɛ pyâl e bɨ̌n bá ó mpʉ́nʉ̌.»

1 Pyɛr 1:13

Nó, diʼee gá ɨ́ cǎr ó, bɨ̌n sâʼ bisyɛ́ɛla bimpâ. Gwá mâr gá miléme. Mpûʼla, nye díʼee bɨ̌n ɨ́ miléme ó, bɨ̌n bé ódweŋɔɔ̌ mpǎŋ ndwéá ɨ́ jɔ̌ʼ Yésʉs-Krîst óbáʼǎ nyɨ̂n yɨ́.

Mɨlʉmlʉ 16:25

Kúnókúno e témé pum nɛ́ɛ: Pɔ̂l, bé e Silâs nzě jɨʼla e Nzyɛ̌m, le edyɛɛ méjéme lɨ́ esú lé égúmlǒ Nzyɛ̌m. Myúú mímbʉʼ, myé á be ó lɨ́ ejôʼlo bê.

Mataos 25:34

Jɔʼ yaá, njwɨ́ɨ ólɛ́ɛ e baá o dí nye ɨ́ mbó éjʉ́m bá ó: “Ntáʼ gâ, bʉr o Sɔ́ŋ wǎm á sʉ metyɛʼ me mpóm bá. Ntaá nzě nî gá ɨ́ sí nyé á boo komlo bɨ̌n, táare ɨ́ jɔʼ kʉ́ e sí, byé á be apǎ bě kuhá yɨ́.

Mataos 25:31

«Jɔʼ Mwân mé Mʉr ónze ɨ́ mentyɛnwa mé, bé e beéngeles bɨ́bɛ̂h yɨ́, nye ónʉǎ diá ɨ́ mecwɨ́ɨ́ mé jwɨ́ɨ́ yé, maá me dí ɨ́ ntyɛ̌n ntî ntyɛ̌n má.

Mataos 25:23

Nó ó njwɨ́ɨ wé á nze lɛ́ɛ e né ó: “Ɨ́ mbɨa! Go ó syɛ̂l mesâ dí mʉr ebúʼlɔɔ nyá, ebě, go á si gwa baʼle sá dí tîtííǎ yɨ́. Me ósâ ó, go bâʼlaa byaá bi dí ɨ́ buo buo bí. Nó ó, ntaá nzě nʉa nkɔ̂b bisʉhʉʉ jwɨʼ gwár e gwár e mpʉ mé dí ɨ́ bisʉhʉʉ yɨ́.”

Mataos 25:21

Nó ó njwɨ́ɨ wé á nze lɛ́ɛ e né ó: “Yé ɨ́ mbɨa. Go ó mpǎŋ syɛ̂l mesâ dí mʉr ebúʼlɔɔ nyá, ebě, go á si gwa baʼle sá dí tîtííǎ yɨ́. Me ósâ ó, go bâʼlaa byaá bi dí ɨ́ buo buo bí. Nó ó, ntaá nzě nʉa nkɔ̂b bisʉhʉʉ jwɨʼ gwár e gwár e mpʉ mé dí ɨ́ bisʉhʉʉ yɨ́.”

Mɨngwiha 1:7

Paá bee gâ: nye lɨ́ enze ɨ́ dwiné. Bʉr bɨ́bɛ̂h, bé óbee nyê, damá be ó baá bé á lúmo nye ekʉá bá. Bʉr o bíkúl bí sí yɨ̂ʼ bíbyɛ̂h, bé ójɨ médwê le ekâm ékúhó lé. Eee! Amɛn!

Lʉkas 17:30

Nó ntémé ó yé ngá syɛ́ɛlɨ ɨ́ móhó Mwân mé Mʉr ngá nze wɨ́.

Markus 8:38

Bʉr ó myǎ wɨ̂, bé ó odûl bé ónzyɛ̌m oswîh. Mʉr nyɨnyɛ̂h jéʼé mê, jóʼo mílɛ́ʼlá myâm sôn témé osyɛ̂l o mísyóm ó myǎ wɨ̂ʼ nyá, Mwân mé Mʉr ójéʼe ntémé mʉr waá ɨ́ dʉ́ó nyé ngá nze ɨ́ mentyɛnwa me Sɔ́ŋ wé, pûhla e maá bééngeles dí ti bá yɨ́.»

Rôm 8:18

Mbeá wâm, wé ó wɨ̂: mitúú mɨ́ná dí esia gá e myé ɨ́ báánâʼ mí, myé ó sá dí dwêh yɨ́. Sá dí ɨ́ bwǎʼ lɔ̌b, laa mítúú myaá yɨ́, yé ó kûm Nzyɛ̌m ngá lɛ̂ʼle mɨ́ná gá nyɨ́.

2 Korɛnt 1:5

Ebě, mpʉ bɨ́h dí ekabla mítúú mé Krîst yɨ́, jwɨʼ gwár yaá ntémé ó bɨ́h dí ebi ménkɔb ɨ́ nkul nyé dí egbâ bɨ́h ɨ́ miléme nyɨ́.

1 Pyɛr 2:21

Nzyɛ̌m á jébe bɨ̌n ó, bɨ̌n sâʼ nye syɛ́ɛla yaá ó, ebě, Krîst mʉr tɨ̂ʼ á si sia e mitúú lɨ́ esú é nyɔm wɨ́n. Ɨ́ tɨ̂ʼ, nye á si lɛ̂ʼle bɨ̌n mveʼle bɨ́n jálá le edû yɨ́. Nye á sâ nó ó, bɨ̌n nkʉ̂ dû mébo mé. Yê cɛmá ɨ́ Mekaná mé Nzyɛ̌m ó:

Yʉ̂d 1:24

Kûm, mpwaʼ, nkul le jwɨ́ɨ, byé díʼee e mʉr dí e nkul ekamle e bɨ̌n ó, bɨ̌n sá atwe, waá ntémé dí e nkul etyêl bɨ́n ɨ́ míh mé, abe e sá ébébe nyé óboʼlo bɨ́n e tɨ̂, le bisʉhʉʉ ɨ́ buo buo nyá.