1 Pyɛr 4:12 - Kálar Nzyɛ̌m : Ejwán é Sáá

¹² Bʉr ó kpɛ̌l bâm! Atwɨra gá ɨ́ jɔʼ bɨ́n dí ebee mébʉ́blá me dí enze má yɨ́. Mitúú bɨ́n dí esia e myé, myaá mi dí ɨ́ díʼa díʼa mpʉ̌ siʼe mínɨ̌, myé abe mítúú bɨ́n jálá le etwɨra mí.

Kálara Zyɛ̌m Edwán é mpʉ̌n

¹² Obɨɔ o kpɛl bam aa! Atwɨra ga é jɔʼ bɨn mu lé esia e mobʉbla é nyan nyan ɨ. Mɨtuu myaa ó ndɨ epyal-pyal bɨna ga bɨbɛh.

1 Pyɛr 4:12 ပူးပေါင်းရင်းမြစ်များ

2 Timotɛ 3:12

Mʉr nyɨnyɛ̂h kpɛ́l étíʼe lɨ́ edwě Nzyɛ̌m kûm, le epûhla e Yésʉs-Krîst nyá, ótíblɔɔ.

1 Pyɛr 5:9

Dyɛ́ʼwáá gá e Nzyɛ̌m. Lwímláá gá e Sátan. Bɨ̌n e gʉ́á ó, bɨ́ɔɔ́ gá bɨ́ná dí ɨ́ sí yɨ̂ʼ yɨ́yɛ̂h bá, bé lɨ́ edûhwǒ mbǐ túú ngwár waá.

1 Korɛnt 10:13

Mebʉ́blá bɨ́n á ntaa má, mé lɨ́ epyâl bɨ́n e bʉr bɨ́bɛ̂h. Tó kœb ó, Nzyɛ̌m, nye ó mʉr jálá le ebúʼlɔɔ nyá. Nye ábîr ó, bɨ̌n bóblɔɔ, tó pyâl ɨ́ jɔʼ bɨ́n ósâ syóm yɨ́. Jɔʼ mébʉ́blá, mé ópipyâl bɨ́n yɨ́, nye ókar bɨ́n nzɨ̌ swîh. Bɨ̌n bé odyɛ̂l tɨ̂, le esyɛ̂hle mísyóm bɨ́n á gwa sâ mí.

1 Korɛnt 3:13

Syɛ́ɛ́ mʉ̂r nyɨnyɛ̂h dí eséa yɨ́, yé ónyɨ̂n ɨ́ ponó ɨ́ dʉ́ó lé étíʼ é mílɔ̌b, ebě, nyɔ̌m sá yɨ́yɛ̂h, wé ónyɨ̂n ɨ́ sʉ́lʉ́lʉ́ ó, ɨ́ móhó waá. Nyɔm tɨ̂, wé nyɨ́nyɨ́n ó, ɨ́ siʼe ngá lɛ̂ʼlě nyɔ̌m syɛ́ɛla mʉ̂r yɨ́. Syɛ́ɛla yé sí dûhwo yɨ́ɛ siʼe yaá nó, lɛ́ɛ́, syɛ́ɛla yaá, yé á kʉ be ó e nyɔm lɨ́ esú mé Nzyɛ̌m.

1 Pyɛr 4:4

Ohááden ónɨ̌, bé mû ó lɨ́ ekʉ́ kâm lɨ́ ebeě mpʉ bɨ́n dí, akǎ lɔ̂ʼwa lɨ́ esâ bísyɛ́ɛla bí ébébě mpʉ bɨ́n le onɔ́ɔ́, bé á nyɛɛ sɨsâ yɨ́. Bé mû ó lɨ́ elwɨ́ɨ bɨ́n tɨ̂.

1 Pyɛr 2:11

Mě jɨʼlá e bɨ̌n, osó bâm ó, bɨ̌n díʼee mpʉ̌ sá lɛ́ɛ́, bɨ̌n bé ó milaa-nkpǎʼ, nkʉ̂ mpʉ ójwóo dí ɨ́ mesí mé sí yɨ̂ʼ bá. Ɨ́ nzɨ̌ nyaá ó bɨ́n ngá tí bísá bʉ̂r ó sí yɨ̂ʼ dí egwɨ̂m bí yɨ́. Bisâ byaá ó dí elwímla e misísǐm mín.