1 Pyɛr 4:11 - Kálar Nzyɛ̌m : Ejwán é Sáá

¹¹ Yé bé mʉr ólwib mílɔ̌b mé Nzyɛ̌m nó, nye lɛ́yɨɨ sá yɨ́yɛ̂h mpʉ mʉ̂r dí ekala mílɔ̌b mé Nzyɛ̌m nyá jálá le esâ yɨ́. Yé bé nyě súʼó ó bʉ́ʉ́ bʉ̂r nó, nye súʼaa bé e nkǔl Nzyɛ̌m mʉr tɨ̂ʼ á ntɨh nye nyɨ́. Nó ó Nzyɛ̌m ngá dweŋɔɔ kûm ɨ́ sá yɨ́yɛ̂h ɨ́ nzɨ̌ mé Yésʉs-Krîst yɨ́. Kûm le nkul, byé dwéŋɔɔ nye njʉ̌m dǐ e njʉ̌m dǐ. Amɛn.

Kálara Zyɛ̌m Edwán é mpʉ̌n

¹¹ ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.

1 Pyɛr 4:11 ပူးပေါင်းရင်းမြစ်များ

1 Korɛnt 10:31

Nó ó, bɨ̌n damá de méde nkʉ̂ de ményoʼ, nkʉ̂ bɨ̌n damá sâ yʉ́ʉ́ sɔ̂ʼ: sáʼ gá syɛ́ɛla yaá yɨ́yɛ̂h lɨ́ esú lé édwě Nzyɛ̌m kûm tɨ̂!

Éfɛsɔs 6:10

Ekǎn lé épíhé mé mû o nzě lɛ́ɛ bɨ́n lɨ̂, lé ó, bɨ̌n gbâʼ nkul ɨ́ mpúhlá nyɨ́n e Tî Yésʉs. Biʼee gá pîm nɨ́nɨ́ɨ́, duho e né.

1 Pyɛr 4:10

Mpʉ mʉ̂r nyɨnyɛ̂h ɨ́ sɔ́má gá yɨ́ná á bi wé mbǐ ndwéá yɨ́, bɨbaʼlaa gá mindwéá mín myaá lɨ́ esú lé ékɛm bʉ̂r ó sɔ́má yɨ́n oswîh. Sɨ́sáʼ gá nó, ebě, bɨ̌n bé ó osyɛ̂l o mésá mé Nzyɛ̌m dí ɨ́ mbɨǎ njwɨr, baá bé á bi metyɛʼ me mpóm mé Nzyɛ̌m mimbi mimbi bá.

Mɨlʉmlʉ 7:38

Nye ó b'á be, bé e kúl bʉ̂r o b'Ɨ́zraɛ̂l, ɨ́ jɔʼ bé á syɛŋa ɨ́ lʉá yɨ́. Nye á be ó, bé e bimpám gá bíná ndu e éngeles á lwib e bé lɨ́ ecwɨ́ʼ é Sináyɨ̂ nyá. Moyɨ̂z ó b'á nyɛɛ bi mingwíhá mílɔ̌b mé Nzyɛ̌m ɨ́ nzɨ̌ mé éngeles, kǎ kala mɨ́ná gá myǎ. Milɔ̌b myaá ó dí edwě twiʼ.

Éfɛsɔs 4:29

Mʉr alwib gá ekǎn e dí e bibol tɨ̂ʼ lɨ́. Nye lwíbɨɨ njɨ sá ngá be e nyɔm lɨ́ esú lé égbâ bʉ́ʉ́ bʉ̂r pîm ɨ́ búʼó yɨ́. Nye jáa lwǐb njɨ sá dí ɨ́ mbɨa yɨ́, lɨ́ esú ó, Nzyɛ̌m sʉ́ʼoo bʉr o dí ejóʼo nyé bá metyɛʼ me mpóm.

Rôm 3:2

Yé e nyɔm ɨ́ menzɨ̌ mɨ́mɛ̂h. Sá ésôʼ dí e nyɔm yɨ́, yé ó, Nzyɛ̌m á taare edwe mingwíhá mílɔ̌b myé ó, bɨ̌n oYúden.

Jacques 1:19

Bɨ́ɔɔ́ bâm! Okɛ́l bâm, bʉr mé dí ekpɛl bá! Gʉ́ŋáá gá ó: mʉr, nye ɨ́ jala le ekpâhwǎ jóʼo, sâ gwár, akpâhwǎ lwib, akpâhwǎ kpaa ébúʼ.

Kolosi 4:6

Mekǎn mɨ́n, mé ɨ́ jala le ebe ɨ́ jɔʼ yɨ́yɛ̂h ó, ɨ́ mbɨa mbɨa, lwɨ́ŋlá e nyɔm. Gwá yɨyala gá e mʉr nyɨnyɛ̂h mbɨ̂mbɨá.

1 Korɛnt 12:4

Yé ɨ́ buo mímbi míndwéá Sísǐm mé Nzyɛ̌m dí edwe bɨ́n mí. Sâ gwár, Sísǐm wɨ́ɛ njɨ ngwár.

1 Pyɛr 2:5

Kamaa gá ó, Nzyɛ̌m súmaa mbɛ̌r Sísǐm wé ngá di tɨ̂ʼ wɨ́. Diʼee gá mekóʼ me dí kublakúbla má, maá ngá kɛlɔɔ tɨ̂ʼ ɨ́ nzumó nyaá má. Bɨ̌n bé ósûʼla bʉ̂r o dí tí, baá o dí ɨ́ sɔ́má ópara bé bá. Mindwéá bɨ́n ngá dwidwě Nzyɛ̌m e nzɨ̌ Sísǐm wé mí, Nzyɛ̌m óbee myé mbɨ̂mbɨá ó, lɨ́ esú mé Yésʉs-Krîst.

Yʉ̂d 1:25

Nye omér ó dí Nzyɛ̌m. Kûm dwéŋɔɔ Nzyɛ̌m, dí Tiʼbʉr gá wɨ́ná nyá, ɨ́ nzɨ̌ mé Yésʉs-Krîst, Tî gá wɨ́ná, táare ɨ́ mimbú mí píhe, le ɨ́ báánâ, tó kumǒ kumáa ɨ́ twǐʼ njʉ̌m dǐ e njʉ̌m dǐ. Amɛn.

Ebrœ̂ 5:12

Yɨ́ boó laǎ jɔʼ bɨ́n á jala le epyâl ólɛ̂ʼla yɨ́. Yé jɨ ó, bé báʼa nzě lɛ̂ʼle bɨ́n bisá bí ésôʼ bɨ́n á nyɛɛ lɛ̂ʼlɔɔ ɨ́ milɔ̌b mé Nzyɛ̌m bí. Bɨ̌n dína ó mpʉ bítyéé bi dí ede ébêl bí. Bɨ̌n bé apǎ dyɛnwa e mede mé ótɔ́má bʉ̂r.

1 Timotɛ 6:16

Njɨ nye omér ó dí abe e nkul edwe. Nyě dǐ ó, ɨ́ myɛ́n tʉ́ŋlʉ̌, mbǐ myɛ́n nyʉ́ʉ́ mʉ̂r dí abe e nkul ekúnwo e tɨ̂ʼ wɨ́. Mʉr ngwár, nyé apǎ bee nyê. Mʉr ntémé, nyé abe e nkul ebee nyê. Kûm, ndu e nkul, byé dwéŋɔɔ nye njʉ̌m dǐ e njʉ̌m dǐ. Amɛn.

1 Timotɛ 1:17

Nzyɛ̌m dí njwɨ́ɨ melú mé mpóʼo mɨ́mɛ̂h, adwidwe nyá, waá dí anyɨ̂n, waá dí Nzyɛ̌m nye omér nyá, dúu e kûm, byé díʼee e né njʉ̌m dǐ e njʉ̌m dǐ. Amɛn.

1 Korɛnt 3:10

Metyɛʼ me mpóm mé Nzyɛ̌m ó b'á sâ ó, me séaa mpʉ swîm mimbɛ̌r yɨ́. Me á si tyêl nkan. Nyʉ́ʉ́ mʉ̂r nyɨɛ nzě sumo tɨ̂. Yé jala ó, mʉr nyɨnyɛ̂h sâʼ ocwóó ɨ́ mbǐ sumá nyé dí esumo wɨ́.

Mataos 6:13

Ayɨ́ bîr ó, bɨ̌h níʼee ɨ́ mebʉ́blá. Syɛbɨɨ bɨ́h ɨ́ mebó mé Sátan.”»

1 Pyɛr 5:11

Nkul ti e jwɨ́ɨ, byé dwéŋɔɔ nye njʉ̌m dǐ e njʉ̌m dǐ. Amɛn.

Jacques 1:26

Mʉ̂r láá ó, nye ó mbûʼla, nye l'amɛ̂r jɨ̂m yé nó, nyě kʉ́á ó nye mʉr tɨ̂. Búʼó mʉ̂r waá, yé ó dwêh.

Filipi 2:11

Nó ntémé ó mʉ̂r nyɨnyɛ̂h ókam ó, Yésʉs-Krîst ó dí Tî yɨ́. Nye ósâ nó ó, lɨ́ ebeʼ kûm mé Nzyɛ̌m Sɔ́ŋ.

Éfɛsɔs 5:20

Ɨ́ jɔʼ yɨ́yɛ̂h, dwéʼ gá Nzyɛ̌m Sɔ́ŋ nzyǒo ɨ́ sá yɨ́yɛ̂h, le epɨr e díé mé Tî gá wɨ́ná, Yésʉs-Krîst.

1 Korɛnt 6:20

ebě, Nzyɛ̌m á si jána myɛ́na ɨ́ bwaʼ bwaʼ ɨ́ jɔʼ nyé á sâ ó, bɨ̌n gúmaa e né yɨ́. Nó, dwéʼ gá Nzyɛ̌m kûm, lɨ́ ebaʼle ményʉ́l mɨ́n ti.

Rôm 11:36

Yé abe e mʉr, ebě, nye ó b'á komlo bisá bíbyɛ̂h. Byé á kwɨmlɨ ntémé ó, ɨ́ nzɨ̌ nyé. Sá yɨ́yɛ̂h, yê tɨ̂ʼ ó, lɨ́ esú lé. Mɨná gúmlaa gá nye njʉ̌m dǐ e njʉ̌m dǐ. Amɛn.

Filipi 1:11

Nó ó bɨ́n ngá di ótîtyěl o bʉ̂r lɨ́ edû kʉ̌ tyen mpâ ɨ́ mpúhlá nyɨ́n e Yésʉs-Krîst yɨ́. Bʉr, bé óbuú dwě Nzyɛ̌m kûm le esêʼle nyé ɨ́ lɔ̌b wɨ́n.

2 Korɛnt 9:13

Syɛ́ɛ́ bɨ́n ngá séa yɨ́, yé ólɛ̂ʼle bʉ̂r ó, bɨ̌n bɨ́ sul bɨ́n bʉr o tɨ̂ʼ sí, sâ méjóʼo, táare ɨ́ jɔʼ bɨ́n á kam Mbɨambɨa Lɔ́ɔ́ mé Krîst yɨ́, kumo mûh. Bʉr, bé ódwě Nzyɛ̌m kûm tɨ̂. Bé ódwe nyé kûm ntémé ó, ɨ́ jɔʼ bé óbeě mpʉ bɨ́n ngá súʼo bé e mingúlá mín, kala e bʉr bɨ́bɛ̂h yɨ́.

Rôm 16:27

Ɨ́ Nzyɛ̌m nye omér, waá dí Twóó ocwóó nyá, kûm díʼee e né ɨ́ Mwân wé, Yésʉs-Krîst, njʉ̌m dǐ e njʉ̌m dǐ. Amɛn.

Yʉanes 13:31

Jɔ̌ʼ Yʉ́das á bě sí tô kʉ̌l yɨ́, Yésʉs, nye e bé ó: «Ɨ́ báánâ, kûm Mwân mé Mʉr, nyɨ́ pan. Kûm mé Nzyɛ̌m, nyɨ́ pan ntémé ɨ́ nye.

Rôm 12:3

Nzyɛ̌m á si lɛ̂ʼle me mpam nyé. Ɨ́ mpam nyaá ó mé dí elɛ́ɛ e mʉr nyɨnyɛ̂h dí ɨ́ sɔ́má yɨ́n nyá ó: mʉ̌r sá abuú láa nyé mʉr tɨ̂. Nye sêʼlaa nye mʉr tɨ̂ʼ, antaa sʉ́ŋa. Mʉr nyɨnyɛ̂h, nye pâhlaa nye mʉr tɨ̂, nye nkʉ̂ gʉ́ǎ mbi mʉ̂r nyé dí wɨ́, lɨ́ edû mbǐ búʼó Nzyɛ̌m á gbâ nye ɨ́ léme wɨ́.

2 Korɛnt 2:17

Nó ó, bɨ̌h bɨɛ, bé abě mpʉ óbɛ́ma o mílɔ̌b mé Nzyɛ̌m. Nzyɛ̌m á lómo bɨ̌h ó e lwǐb yé. Lwǐb yaá, yé abě mbáʼrá e mikóo. Bɨ̌h bɨɛ, bé ó baá Nzyɛ̌m á ntɨh bá. Bɨ̌h lwib mílɔ̌b myé ó, ɨ́ mpǒm mé Nzyɛ̌m, ɨ́ mpúhlá nyɨ́h e Krîst.

Éfɛsɔs 1:19

Mě jɨʼlá ntémé ó, bɨ̌n gʉ́ŋaa nkǔl nɨ́nɨ́ɨ́ nyé, nyaá dí entaǎ sá yɨ́yɛ̂h nyɨ́. Bɨ̌n gʉ́ŋaa ntémé mpʉ nyé dí enze mɨ́ná gá ɨ́ nkɔ̌m e nkǔl nɨ́nɨ́ɨ́ nyaá yɨ́. Nyě gbɨ́gbá nkûl nyé nyɨnyɛ̂h ó, lɨ́ esúʼo mɨ́ná gâ, bʉr o b'á dyêʼ koo e né bá.

1 Tesalonika 2:4

Yé á be ó mpʉ̌ Nzyɛ̌m dí ekpɛl yɨ́. Nye ó b'á nyɛɛ bóblo bɨ̌h, ntɔ̂ʼ kǎ gʉ́a ɨ́ pébébé ó, bɨ̌h bé ó bʉr o jálá le egwá baʼlě Mbɨambɨa Lɔ́ɔ́ wé bá. Sá tɨ̂ʼ ó bɨ́h dí etúno wé mpʉ nyɨ́ɛ ógwá kpɛl yɨ́. Bɨ̌h bé asáa élwib ɨ́ mbi bʉ̂r dí ekpɛl mí. Bɨ̌h túnó wé ó, lɨ́ edû gwɨ́má mé Nzyɛ̌m, nyɨɛ mʉr dí epahle bíjwɨʼ mílémé gá míná nyá.

Títos 2:1

Gua, lɨ́lɛ́ʼláá sá yɨ́yɛ̂h dí ejala e lɛ́ʼlá mpâ mɨ́ná dí edwe gá wɨ́ yɨ́.

Títos 2:15

Nó ó gó jálá le elwib e bʉr, le tɨ́e bé yɨ́. Lɛ́ʼláá bʉ̂r mebébe mɔ́ɔ́ e nkul jwɨ́ɨ nyǒ nyɨnyɛ̂h. Mʉ̌r sá apyêh gô.

Ebrœ̂ 13:7

Sísímsáá gá otyɛ̂b bé ésôʼ bɨ́n, baá bé á lɨlɛ́ɛ bɨ̌n lɔ́ɔ́ mé Nzyɛ̌m bá. Símsáá gá kʉ̌ tyen wɔ́ɔ́ le ndumló bícwiʼ byɔ́ɔ́. Dyɛ́ʼwáá gá e Nzyɛ̌m mpʉ bé á sâ yɨ́.

1 Pyɛr 2:12

Diʼee gá e kʉ̌ tyen mpâ témé ohááden. Bé damá swêʼ bɨ́n, nkʉ̂ lɛ́ɛ ó, bɨ̌n bé ɨ́ bébe, bé óbánǎ bee bísyɛ́ɛla bimpâ bɨ́n dí esâ bí, ntɔ̂ʼ dwě Nzyɛ̌m kûm tɨ̂ʼ ɨ́ móhó nyé ónze mɨ́ná gá ɨ́ menɔɔlʉ wɨ́.

1 Pyɛr 4:16

Sâ gwár, mʉr dí esia e bintɨ́ʼá ebe nyé dí krǐsten nyá, nyě sá ajóʼo bá sôn ɨ́ lɔ̌b bíntɨ́ʼá byaá. Nye gúmlaa njɨ Nzyɛ̌m le epɨr e díé mé Krîst.