1 Pyɛr 3:5 - Kálar Nzyɛ̌m : Ejwán é Sáá

⁵ Ɨ́ mimbú mí píhe, bʉbá bé á be tí ɨ́ míh mé Nzyɛ̌m bá, bé á si bi mpûʼla ɨ́ miléme ɨ́ páʼ mé Nzyɛ̌m, bé ntɔ̂ʼ sáa égbâ ójaá ompâ waá ɨ́ menyʉ́l mɔ́ɔ́ tʉ́ŋlʉ̌. Bé á sɨsâ ojʉ́m bɔ́ɔ́ ó, mejóʼo.

Kálara Zyɛ̌m Edwán é mpʉ̌n

⁵ Molu pihe, bʉba bé a be mɨsaŋ é mih mo Zyɛm ɨ, mɨleme myɔɔ, myé a be ó lwɨŋla e mbɛla é nko paʼ mo Zyɛm. Bé ntɔʼ gba mpaŋ ojaa waa é monyʉl mɔɔ tʉŋlʉ. Bé a dɨ sa ojʉm bɔɔ ó, njɨ mojoʼo.

1 Pyɛr 3:5 ပူးပေါင်းရင်းမြစ်များ

1 Timotɛ 5:5

Nó ó, waá dí kúho tyeetye ɨ́ ntɛ̂ʼ wé omér wɨ́, wé lɨ́ ekʉ́ sâ sɨ́n lɨ́ ejɨʼla e Nzyɛ̌m móhó e pum, ó nye súʼaa wê. Nzyɛ̌m nye omér ó dí egbâ wé mpûʼla ɨ́ léme.

1 Timotɛ 5:10

Go ócɛmǎ kúho díe ó, waá wé óbe, wé mû sí gúmo ɨ́ páʼ bísyɛ́ɛla bimpâ wɨ́. Wé díʼee mbi mʉ́má wɨ̂: waá á gwɨ̂l bwân, nʉa ójwóo mbɨ̂mbɨá, waá á jwɨɨ bʉr o mé Nzyɛ̌m mekʉ̌, kɛm bʉ̂r o dí esia e mitúú bá, gbâ nkûl lɨ́ esâ bísyɛ́ɛla bimpâ mimbi mímyɛ̂h wɨ́.

1 Timotɛ 2:15

Mʉ́má ódyɛ̂ʼwo e Nzyɛ̌m, le ekpɛl bʉ̂r, dǐ tí ɨ́ páʼ mé Nzyɛ̌m, le edwe nyʉ̂l nyé medile nó, nye óbǐ twiʼ lɨ́ ebyá nyé dí ebyâ lɨ́.

Mɨlʉmlʉ 9:36

Yé á bě Yópe ó e nyʉ́ʉ́ mpʉ́n mʉmá, díé lé Tabitâ. Díe laá, lé lɨ́ epâʼlɔɔ ɨ́ lwǐb grɛ̂k ó “Dɔ́rkas”: “Mpwaŋ-ebeɔɔ”. Nye á be ɨ́ jɔʼ yɨ́yɛ̂h ó, lɨ́ ebuú cwɨ́a e bʉr, le esusúʼo báántéʼenteʼe o bʉ̂r.

Lʉkas 2:37

njʉ̂m wé ntɔ̂ʼ dwe, nyɨɛ ntɔ̂ʼ lîʼ kúho. Nye á didi ó nó, tótôʼ, tó kumo mímbû mekám mwom e mimbú mínâ. Nye á bé abɔ́ʼa e mpáh Nzyɛ̌m. Nye á sɨséa tɨ̂ʼ ó, móhó e pum. Nye á bɨbe ó, lɨ́ eti méde e bijɔʼ, lɨ́ esú lé éjɨʼla e Nzyɛ̌m.

Ebrœ̂ 11:11

Ɨ́ lɔ̌b búʼó, Abraham á si dwe Sara ebum, nyé osí laǎ jɔʼ nyé á be ó, nye díʼee sɔ́ŋ mwân yɨ́. Sara ntémé kǔn mʉ́má. Abraham á bě e búʼó ó, Nzyɛ̌m ókʉ́ bánǎ lóŋlo nkɛ́ʼ nyé.

1 Timotɛ 2:10

Bé ɨ́ jala le elɛ̂ʼle bʉ̂r kʉ̌l ó, bisyɛ́ɛla bimpâ bi dí ejala e bʉbá dí ekam ó, bé lɨ́ edwě Nzyɛ̌m kûm bá bí.

Mɨlʉmlʉ 1:14

Bɨ́bɛ̂h, bé á sisyɛŋa léme ngwár ó, bé tirwo ó e syɛ́ɛ́ mínjɨʼla. Tɨ̂ʼ ntémé, yé á be ó le obûʼla o bʉ́bá, le nyɔ̌ŋ mé Yésʉs, Maria, ti e bɨ́ɔɔ́ le okɛ́l mé Yésʉs.

Éfɛsɔs 5:33

Yé ntémé, yê ɨ́ páʼ wɨ́n ó: mʉrʉ̂m nyɨnyɛ̂h, nye ɨ́ jala le ekpɛl mʉ́má wé ánta nye mpʉ nyé dí ekpɛl nyé mʉr tɨ̂ʼ yɨ́. Mʉmá, nye dwáawaa njʉ̂m wé.

1 Pyɛr 1:3

Mɨná gúmlaa gá waá dí Nzyɛ̌m mé Tî gá wɨ́ná Yésʉs-Krîst, waá dí Sɔ́ŋ wé nyá. Nyɨ́ buú jɨ̂ʼ mɨ́ná gá nkoó, ntɔ̂ʼ dwe mɨ́ná gá nkul ebyɛ̂l jɔʼ mbá, lɨ́ esú ó, mɨná díʼee gá lwɨ́ŋlá e mpûʼla ɨ́ miléme. Mpûʼla nyaá, nyě duhó ó, ɨ́ nkul pɛhá nyé á pɛh Yésʉs-Krîst ɨ́ soo wɨ́.