1 Pyɛr 3:16 - Kálar Nzyɛ̌m : Ejwán é Sáá

¹⁶ Sáʼ gá nó e njwɨr ɨ́ tala tala, ndu e bʉ́á. Mipahlá mílémé mín, myé díʼee njɨ myaá mi dí ɨ́ pyɛɛɛ mí. Bɨ́n dú mbɨambɨa kʉ̌ tyen ɨ́ Krîst, bʉ̂r kǎ swêʼ bɨ́n míe náǎ tɨ̂ʼ nɛ́ɛ: bé ósûʼlǎ kǎ jóʼo sôn, ebe bé dí bʉr o mélwɨ́ɨ.

Kálara Zyɛ̌m Edwán é mpʉ̌n

¹⁶ Saʼ ga no e njwɨr é tala tala, lé edwaabe bʉr o lé edî no e. Mɨpɛhla mɨleme min, myé diʼe njɨ myaa ndɨ é pyɛɛɛ ɛ. ǃƗ bʉr ka fœʼ bɨn, bɨn yɛɛ lé ekœʼ mbɨambɨa ebò e cyen é Krɨst nɛʼɛ, bé ófuʼla ka bil fwon ebe movoʼ bé a fœʼ bɨn ɨ.

1 Pyɛr 3:16 ပူးပေါင်းရင်းမြစ်များ

1 Pyɛr 2:12

Diʼee gá e kʉ̌ tyen mpâ témé ohááden. Bé damá swêʼ bɨ́n, nkʉ̂ lɛ́ɛ ó, bɨ̌n bé ɨ́ bébe, bé óbánǎ bee bísyɛ́ɛla bimpâ bɨ́n dí esâ bí, ntɔ̂ʼ dwě Nzyɛ̌m kûm tɨ̂ʼ ɨ́ móhó nyé ónze mɨ́ná gá ɨ́ menɔɔlʉ wɨ́.

Ebrœ̂ 13:18

Sáʼ gá sɨ́n ɨ́ minjɨʼla ɨ́ lɔ̌b wɨ́h. Ɨ́ wɨ́h pâʼ, bɨ̌h bé lɨ́ egʉ́a ó, bɨ̌h dú ó, kʉ̌ tyen dí tîtyěl wɨ́. Bɨ̌h bé lɨ́ ekʉ́ gʉ́a ntémé ó, mipahlá mílémé míh, myé ó njɨ myaá mi dí ɨ́ pyɛɛɛ mí.

1 Pyɛr 2:15

Sá Nzyɛ̌m dí egwɨ̂m ɨ́ wɨ́n pâʼ yɨ́, yé ó: bɨ̌n sâʼ bisyɛ́ɛla bimpâ, bɨ̌n díblaa bigʉʼlʉgʉ́ minum, byé l'akǎ lwǐb sá dí asiŋa ɨ́ lɔ̌b wɨ́n yɨ́.

Títos 2:8

Lwǐb yô, yé díʼee lwɨ́ŋlá e lɛ́ʼlá mpâ mɨ́ná dí edwe gá wɨ́. Ɨ́ tɨ̂, bʉ̂r bé óbe, akœ̌b sá ébébe bé ólɛ́ɛ, dumo e lwǐb yô yɨ́. Bʉr o dɔ̂m ónɨ̌, bé ókǎ jóʼo sôn ntémé, bé l'abe e sá ébébe bé ólɛ́ɛ, dumo e mɨná gâ.

Mataos 5:11

Metyɛʼ me mpóm, mé díʼee e bɨ̌n ɨ́ jɔʼ bé ópya bɨ́n, le etíble bɨ́n, le elaʼ bɨ́n milɔ̌b mí ébébe mimbi mimbi ɨ́ lɔ̌b wâm yɨ́.

1 Pyɛr 2:19

Bé dwé mʉ̂r mebě me mpéne, ntɔ̂ʼ dwe mʉ̂r waá bintɨ́ʼá tɨ̂ʼ nɛ́ɛ: mʉ̂r waá ódûhwo bíntɨ́ʼá byaá ɨ́ lɔ̌b lémé wé dí edwáawǒ Nzyɛ̌m wɨ́ nó, syɛ́ɛla yaá, yé ɨ́ mbɨa ɨ́ míh mé Nzyɛ̌m.

1 Pyɛr 3:21

Medíbé maá, mé mveʼle ó, ndubó dí etíʼ bɨ́n ɨ́ báánâʼ wɨ́. Ndubó gá wɨ́ná, wé atíʼ mɨ́ná gâ ɨ́ lɔ̌b wé dí epɛʼ mɨ́ná gá mebomo. Wé tíʼ mɨ́ná gá ó, ebe wé dí gwɨ́má yɨ́ná ó, Nzyɛ̌m púbaa mɨná gâ, tó kumo ɨ́ milémé gá míná tʉ́ŋlʉ̌, ó mipahlá mi tɨ̂ʼ nkʉ̂ di ɨ́ pyɛɛɛ. Wé pubo mɨ́ná gá miléme myaá ó, ɨ́ nzɨ̌ pahá sóo mé Yésʉs-Krîst.

1 Timotɛ 1:5

Ɨ́ metwɨ́ɨ́ ménɨ̌, ndumló tɨ̂, wé ó, mɨná kpɛ́laa gâ. Kpɛ̌l yaá, yé dúhaa ɨ́ miléme mi dí ɨ́ sɔ́ɔ́ɔ́ mí, le ɨ́ mipahlá míléme mi dí ɨ́ pyɛɛɛ mí. Kpɛ̌l yaá dúhaa ntémé ɨ́ mpǎŋ búʼó yɨ́ná dí abě mbáʼrá e mikóo yɨ́.

Rôm 9:1

Mě lɛ́ɛ́ ó, otyeetye, abe bíbɛr. Mě lɛ́ɛ́ ó, ɨ́ mpúhlá nyɨ́h e Yésʉs-Krîst. Mipahlá mí lémé wâm, myé lɨ́ ekʉ́ boʼlǒ lɔ́ɔ waá e nzɨ̌ Sísǐm mé Nzyɛ̌m.

Mɨlʉmlʉ 24:16

Sá tɨ̂ʼ ó mé dí egbâ nkûl lɨ́ etiʼe ɨ́ míh mé Nzyɛ̌m le maá me bʉ̂r, e mipahlá mí léme mi dí ɨ́ pyɛɛɛ mí yɨ́.

Ebrœ̂ 9:14

á dwɛʼra e metié mé Krîst! Nye ókʉ́ pubo mípahlá mílémé gá míná, e nzɨ̌ Sísǐm mé Nzyɛ̌m dí edǐ njʉ̌m dǐ e njʉ̌m dǐ wɨ́. Mɨná damá sâ gá Nzyɛ̌m bisyɛ́ɛla bi dí mpʉ mímúu bí, mɨná bé ógwá pubɔɔ gá tɨ̂ʼ ó e metié mé, ánta nye, maá nyé mʉr tɨ̂ʼ á nkɛ́ɛ, tó dwě Nzyɛ̌m Sɔ́ŋ má. Nye á be ntémé ó, abe e sâ gwár bʉ̂r, bé á gwa dwe nye mebě tɨ̂. Ɨ́ tɨ̂ʼ ó mɨ́ná bé ókǎ sâ gá Nzyɛ̌m dí kublakúbla nyá gwɨ́hlá óbûʼla mpâ yɨ́.

2 Korɛnt 1:12

Sá bɨ́h dí enkʉ́na tɨ̂ʼ yɨ́, yé ó yɨ̂: kʉ̌ tyen dí tîtyěl, waá bɨ́h dí edû e milémé míh mímyɛ̂h ɨ́ míh mé Nzyɛ̌m wɨ́. Mipahlá mílémé míh, myé boʼlo ó, bɨ̌h bé e mbɨambɨa kʉ̌ tyen. Ɨ́ kʉ̌ tyen waá, bɨ̌h jaá sâ ó, njɨ bím mpâm mé Nzyɛ̌m dí ekpɛl ó, bɨ̌h sâʼ yɨ́. Kʉ̌ tyen ngwár waá ó bɨ́h á bu dû kwá nyɨ́n, le ɨ́ sí yɨ̂ʼ yɨ́yɛ̂h wɨ́. Wé abɔma e milɛ́ʼlá bʉ̂r ó sí yɨ̂ʼ dí edwe bʉ̂r mí.

2 Timotɛ 1:3

Me lɨ́ edwě Nzyɛ̌m nzyǒo ɨ́ jɔʼ yɨ́yɛ̂h. Me lɨ́ esâ sɨ́n lɨ́ esâ mínjɨʼla ɨ́ lɔ̌b gô, móhó e pum. Mě séá nyé syɛ́ɛ́ yaá ó e mipahlá mí léme mi dí ɨ́ pyɛɛɛ mí, jwɨʼ gwár mpʉ bímpám byâm, byé á sɨsâ nye yǎ yɨ́.

1 Timotɛ 1:19

ɨ́ nzɨ̌ búʼó yô le mipahlá mí lémé myô mi dí ɨ́ pyɛɛɛ mí. Bʉ́ʉ́ bʉ̂r bɨ́ɛ, bé á be ó sí kâr éjwɨ́ɨ mílémé myɔ́ɔ́, búʼó yɔ́ɔ́, yé ntɔ̂ʼ ndáma, nwɨɨla e sitíma dí elʉ́ŋa ɨ́ medíbé, dîm yɨ́.

2 Korɛnt 4:2

Bɨ̌h bé asâ bísyɛ́ɛla mésǒ bi dí edulo sôn bí. Bɨ̌h bé acéně sɔ̂ʼ ɨ́ milɔ̌b mé Nzyɛ̌m bɨ́h dí elɛ̂ʼle mí. Bɨ̌h jaá dwe ó, njɨ mpǎŋ lɛ́ʼlá dí tyeetye wɨ́. Ɨ́ mbi waá ó bɨ́h dí esâ ó, mʉr nyɨnyɛ̂h béyɨɨ bɨ̌h mbɨ̂mbɨá yɨ́. Bɨ̌h sá nó ó, ɨ́ míh mé Nzyɛ̌m.

Mɨlʉmlʉ 28:22

Nó ó, bɨ̌h bé lɨ́ ekpɛl égʉ́ǎ mpʉ gó dí epahle mílɔ̌b myaá yɨ́, ebě, ɨ́ páʼ wɨ́h, sá bɨ́h bɨɛ dí egʉ́a yɨ́, yé ó, bé lɨ́ eswêʼ yébé waá ɨ́ bigúmó bíbyɛ̂h.»

1 Pyɛr 4:4

Ohááden ónɨ̌, bé mû ó lɨ́ ekʉ́ kâm lɨ́ ebeě mpʉ bɨ́n dí, akǎ lɔ̂ʼwa lɨ́ esâ bísyɛ́ɛla bí ébébě mpʉ bɨ́n le onɔ́ɔ́, bé á nyɛɛ sɨsâ yɨ́. Bé mû ó lɨ́ elwɨ́ɨ bɨ́n tɨ̂.