1 Pyɛr 3:15 - Kálar Nzyɛ̌m : Ejwán é Sáá

¹⁵ Díʼéé gá e tiŋé ɨ́ miléme ó, bɨ̌n bé ódwě Krîst kûm, ebe nyé dí Tî wɨ́n yɨ́. Diʼee gá ntémé ɨ́ cǎr ó, bɨ̌n gwâ yala mʉ̂r nyɨnyɛ̂h ngá dî bɨ́n tíá, dumo e sá dí egbâ bɨ́n mpûʼla ɨ́ léme yɨ́.

Kálara Zyɛ̌m Edwán é mpʉ̌n

¹⁵ É mɨleme min tʉŋlʉ, cyelɨ ga Krɨst é dia ndɨ ti ɨ, lé elɛʼle ó, nye ó kʉ be tî win. ǃƗ mʉr si dî bɨn tia é lɔb sa lé egba bɨn mbɛla é mɨleme nɛʼɛ, bɨn bé òkpahbe bɨha nye tia waa.

1 Pyɛr 3:15 ပူးပေါင်းရင်းမြစ်များ

Kolosi 4:6

Mekǎn mɨ́n, mé ɨ́ jala le ebe ɨ́ jɔʼ yɨ́yɛ̂h ó, ɨ́ mbɨa mbɨa, lwɨ́ŋlá e nyɔm. Gwá yɨyala gá e mʉr nyɨnyɛ̂h mbɨ̂mbɨá.

1 Pyɛr 3:2

Ebě, ojʉ́m bɨ́n, bé óbeě mpʉ bɨ́n dí ejóʼǒ Nzyɛ̌m bʉ́á, le edû kʉ̌ tyen dí e medile wɨ́ yɨ́.

Títos 1:2

Bé lɨ́ etyɛ̂b mekʉ̌ sí ɨ́ sɨ́ŋ ɨ́ lɔ̌b mpûʼla gá nyɨ́ná nyɨ̂: ó, Nzyɛ̌m ódwe mɨ́ná gá twǐʼ njʉ̌m dǐ. Nzyɛ̌m, mʉr dí alɛ́ɛ bíbɛr nyá, á kɛʼ mɨná gá twiʼ yaá ó, jɔʼ kʉ́ e sí, byé á be apǎ bě kuhá yɨ́.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Ebrœ̂ 6:1

Nó, mɨná gwáʼaa edwe gá milɛ́ʼlá bé dí enyɛɛ́ jɨ̂ʼ ésôʼ, myaá mi dí edumo e Krîst mí. Mɨná dwéelaa gá myaá mi dí esâ ó, mʉr tɔ́maa ɨ́ pɨʼ mí. Bɨ̌h bé ákǎ báʼǎ lɛ̂ʼle bɨ́n milʉ́ mékǎn mâ: etúmǒ koo e bibol bísyɛ́ɛla, edwirǎ léme, edyêʼ koo e Nzyɛ̌m,

Kolosi 1:5

Búʼó le kpɛ̌l yɨ́n yaá duho ó, ɨ́ mpûʼla dí bɨ̌n ɨ́ miléme, ó bɨ̌n bé óbǐ sá dí bɨ̌n komá ɨ́ jʉ́o kʉ́ yɨ́. Mbɨambɨa Lɔ́ɔ dí le otyeetye wɨ́, wé ó b'á nyɛɛ lɛ̂ʼle bɨ̌n syɛ́ɛla yaá.

Kolosi 1:23

Bɨ́n ótô dóló le edyɛ̂ʼwo e Tî Yésʉs, le etyɛ̂b mekʉ̌ sí ɨ́ sɨ́ŋ nó, go ó, milémé mín, myé odi ɨ́ puuu. Mʉr apɨ́ŋla gâ! Mʉ̌r sá abîr ó, bé sâʼ ó, bɨ̌n léhee, nkʉ̂ sóŋlǒ Mbɨambɨa Lɔ́ɔ bɨ́n á jóʼo wɨ́. Mbɨambɨa Lɔ́ɔ waá, wé mû lɨ́ etúnɔɔ ó, ɨ́ sí yɨ́yɛ̂h, ɨ́ páʼ bʉ̂r bɨ́bɛ̂h dí sí jʉ́o bá. Mɛm Pɔ̂l á tyélɔɔ ɨ́ syɛ́ɛ́ ó, me lɛ́yɨɨ bʉr wǎ.

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

1 Pyɛr 3:4

Ojaá wɨ́n, wé ɨ́ jala le ebe ó, waá o tʉ́ŋlʉ̌, mbi ójaa dí abe e nkul ekúrwo wɨ́. Lémé wɨ́n díʼee ɨ́ tala tala, ɨ́ pyɛɛɛ. Mbi ójaá waá ó dí ɨ́ buo ódimé ɨ́ míh mé Nzyɛ̌m.

1 Pyɛr 1:17

Bɨ̌n kɨkɛn díé mé Dâ, mʉr dí etíʼe bʉ̂r milɔ̌b lɨ́ otîtyěl, adwáawo bʉ̂r mempǒm nyá. Nyě títíʼé bé milɔ̌b myɔ́ɔ́ myaá ó, dû mpʉ bísyɛ́ɛla byɔ́ɔ́, byé á be yɨ́. Mpʉ bɨ́n dí ekɛ̌n Dâ Nzyɛ̌m yɨ́, jwɨʼ gwár e gwár yaá ntémé ó bɨ́n jala le elɛ̌ŋ twiʼ yɨ́n yɨ́, lɨ́ edû kʉ̌ tyen dí elɛ̂ʼle ó, bɨ̌n bé lɨ́ edwáawo nyé wɨ́.

Mɨlʉmlʉ 24:25

Pɔ̂l nzě nyɛl édwe nyé milɛ́ʼlá ɨ́ mpʉ mʉ̂r jálá le etiʼe lɨ́ otîtyěl le emâr léme yɨ́, le mpʉ̌ Nzyɛ̌m ngá tíʼe mílɔ̌b yɨ́. Félix ntɔ̂ʼ bil bʉ́á. Nye e né ó: «Paá nyɛɛ́ swîʼ! Jɔʼ mé óbi épʉ́la yɨ́, mé obáʼǎ jébe gô.»

Mɨlʉmlʉ 21:39

Nó ó, Pɔ̂l á yala ó: «Mɛm, me ó Yúden. Me á byɛ̂l ó, Tarsôs ɨ́ sí Silisía. Nkana yâm mé á duho tɨ̂ʼ yɨ́, yé e kûm ɨ́ buo buo. Me lɨ́ ejɨʼla e go ó, go kámaa ó, me lwíbɨɨ e bʉr.»