1 Pyɛr 3:14 - Kálar Nzyɛ̌m : Ejwán é Sáá

¹⁴ Bɨ́n ósia yɨ́ɛ e mitúú ebe bɨ́n dí edû bísyɛ́ɛla bí ótîtyěl nó, go ó, Nzyɛ̌m ósʉ bɨ́n metyɛʼ me mpóm tɨ̂. Ajóʼo gá bʉ́á páʼ bʉ̂r. Milémé mín sá akoro bɨ́n tɨ̂.

Kálara Zyɛ̌m Edwán é mpʉ̌n

¹⁴ ǃBɨn si sia yɛɛ e mɨtuu ebe mɨmpaŋ bɨsyɛɛla bɨn lé esa nɛʼɛ, Zyɛm ósʉ bɨn mocyɛʼ mo mpom tɨ. Ajoʼo ga bʉa e bʉr. Mɨleme beʼ l'akolo bɨn tɨ.

1 Pyɛr 3:14 ပူးပေါင်းရင်းမြစ်များ

Mataos 10:28

Ayɨ́ kpɛ́ɛ gá bʉr o dí e nkul ejʉ̂ bɨ́n nkǒ páʼ bípúno, dí abe e nkul ejʉ̂ bɨ́n nkǒ páʼ sísǐm bá. Kpɛ́yɨ́ɨ́ gá njɨ Nzyɛ̌m, mʉr dí e nkul esâ ó, nyʉ̂l le sísǐm, byé tô dwe ɨ́ bɨ́ siʼe nyá.

2 Korɛnt 12:10

Sá tɨ̂ʼ ó mé dí e bisʉhʉʉ ɨ́ léme yɨ́, ó me díʼee tyɛʼbol, me lwɨ́ɔɔ, me síaa e mitúú e mindɛ̌l, le ntémé, me tíblɔɔ le esáŋɔɔ míngamla lɨ́ esú mé Krîst. Ebě, ɨ́ jɔʼ mé dí lɨ́ etyɛʼ yɨ́, ɨ́ jɔʼ gwár e gwár yaá ó mé dí e nkul ntémé.

Jacques 1:12

Metyɛʼ me mpóm, mé díʼee e mʉr dí edûhwo mébʉ́blá nyá. Ebe mʉ̂r tɨ̂ʼ síl ébóblɔɔ nó, nye óbi myɛ́na me tɨ̂: twǐʼ Tî Yésʉs á kɛʼ bʉr o dí ekpɛl nyé bá yɨ́.

Yʉanes 14:27

«Mepyɛbla ó mé líʼé bɨ́n e mǎ nɨ̌. Mepyɛbla mâm ó mé dwé bɨ́n nɨ̌. Mé adwe bɨ́n mǎ mpʉ bʉ̂r ó sí yɨ̂ʼ dí edwe bɨ́n bisɔ̂ʼ, kǎ sûʼlǎ dɛn byé yɨ́. Bisɨ́ǎ bî, byé ayɨ́ tɨ̂l bɨ́n mekʉ̌ sí. Ayɨ́ jóʼo gá bʉ́á.

Yʉanes 14:1

Yésʉs, nye e bé ó: «Bisɨ́ǎ bî, byé ayɨ́ tɨ̂l bɨ́n mekʉ̌ sí. Dyɛ́ʼwáá gá e Nzyɛ̌m. Dyɛ́ʼwáá gá ntémé e me.

Markus 10:29

Yésʉs, nye e né ó: «Mě lɛ́ɛ́ bɨ́n lɨ́ otyeetye ó, yé abe e mʉr dí, sí líʼě mbɛ̌r wé, bɨ́ɔɔ́ bé, okɛ́l bé, nyɔ̌ŋ wé, sɔ́ŋ wé, bwán bé, le bipemé byé ɨ́ lɔ̌b nyé dí edû mé le ebúʼlǎ Mbɨambɨa Lɔ́ɔ nyá, mʉr tɨ̂ʼ di, abáʼǎ bi byé nzɔʼ nter báánâ. Nye óbi mímbɛ̌r e bipemé. Nye ókœb bɨ́ɔɔ́ le okɛ́l, le onyɔ̌ŋ, le bwân. Nye ósia ntémé e mitúú ɨ́ lɔ̌b Mbɨambɨa Lɔ́ɔ waá. Nó ɨ́ jɔʼ éswéhlɨ́ é sí yɨ̂ʼ ngá pyâl yɨ́, mʉr waá óbǐ twǐʼ njʉ̌m dǐ.

Markus 8:35

Ebě, mʉr kpɛ́l ékamle e twiʼ yé nyá, ódímle yê. Tó kœb ó, waá ngá dwě twiʼ yé lɨ́ esú lâm, le laá é Mbɨambɨa Lɔ́ɔ nyá, nyɨ́haá ótiʼe.

Mataos 19:29

Yé abe e mʉr dí elíʼě mbɛ̌r wé, bɨ́ɔɔ́ bé, okɛ́l bé, sɔ́ŋ wé, nyɔ̌ŋ wé, bwán bé, nkʉ̂ bipemé byé ebe nyé dí edû mé, dí abáʼǎ bi byé nzɔʼ nter, nʉa ntémé twǐʼ njʉ̌m dǐ, jala e nkɔb líʼe nyé.

Mataos 16:25

Ebě, mʉr dí ekpɛl ékamle e twiʼ yé nyá, ódímle yê. Tó kœb ó, waá ngá bîr yé lɨ́ esú lâm nyá, nyɨ́haá ó ngá baʼle yê.

1 Pyɛr 3:6

Diʼee gá mpʉ̌ Sara. Nye á si sâ Abraham mejóʼo, le ejɨjébe nyé ó: «Dâ ɛ̌!» Nó ó, diʼee gá mpʉ mísile mé Sara, lɨ́ esâ émbɨa, le epɛʼ bʉ́á ɨ́ milémé mín.

Mataos 10:39

Waá ngá kamle e twiʼ yé nyá, ódímle yê. Waá ngá dwě twiʼ yé ɨ́ lɔ̌b wâm nyá, óbáʼǎ bi yê.»

Filipi 1:29

Nzyɛ̌m á dib bɨ̌n nzɨ̌ ó, bɨ̌n gúmlaa Krîst, abě njɨ ɨ́ jɔʼ bɨ́n dí ebúʼla nyé yɨ́, kʉ́ buú be ntémé, ɨ́ jɔʼ bɨ́n dí esia e mitúú ɨ́ mpúhlá nyɨ́n e nɔ́ɔ́ yɨ́.

Mataos 10:31

Ayɨ́ jóʼo gá bé bʉ́á: bɨ̌n bé le odimé, laa báátɔlɔɔ ɨ́ buo buo!»

Mɨlʉmlʉ 9:16

Mɛm mʉr tɨ̂, me ólɛ̂ʼle nyé bím mítúú nyé jálá le esia e myé ɨ́ buo buo ɨ́ lɔ̌b wâm mí.»

Jacques 5:11

Mɨná lɨ́lɛ́ɛ́ gá ó, mʉr á dûhwo mitúú e bíhwó nyá, nyě e metyɛʼ me mpóm. Bɨ̌n bé á be ó sí jóʼǒ mpʉ̌ Job nyɨɛ á dûhwo mitúú yɨ́. Bɨ̌n ntémé bé lɨ́ egʉ́ǎ mpʉ̌ Dâ Nzyɛ̌m á ka sâ nye mpam lɨ́ epíhé yɨ́, ebě, Dâ Nzyɛ̌m, nyě e njɨ́ʼá nkóó. Nye ɨ́ buú cwɨ́a e bʉr.