1 Pyɛr 3:13 - Kálar Nzyɛ̌m : Ejwán é Sáá

¹³ Nzé ósâ bɨ́n ebébe ɨ́ jɔʼ mílémé mín mû ɨ́ báná báná ó, bɨ̌n sâʼ embɨa yɨ́ ɛ́?

Kálara Zyɛ̌m Edwán é mpʉ̌n

¹³ Zé a ngbaa sa bɨn cere é jɔʼ mɨleme, myé ó bɨn é ntɨɨɨŋ ó, bɨn saʼ embɨa ɛ?

1 Pyɛr 3:13 ပူးပေါင်းရင်းမြစ်များ

1 Tesalonika 5:15

Mʉr abwóolo ébébe le ebébe. Sáʼ gá bisyɛ́ɛla bimpâ páʼ nyɨ́n e bʉr bɨ́bɛ̂h.

Rôm 8:28

Mɨná bé lɨ́ egʉ́a gá ó, Nzyɛ̌m, nye lɨ́ eboó komlo bísá bíbyɛ̂h ó, byé díʼee e nyɔm lɨ́ esú é bʉ̂r o dí ekpɛl nyé, baá nyé á jébe ɨ́ mitíʼá mí lémé wé bá.

3 Yʉanes 1:11

Mbɨambɨa só wǎm, ayɨ́ baŋǎ sá dí ɨ́ bébe yɨ́, njɨ yaá dí ɨ́ mbɨa yɨ́. Mʉr dí esâ bísyɛ́ɛla bi mpâm nyá, duho ó kwá mé Nzyɛ̌m. Syɛ̂l ebébe nyɨɛ, nyé apǎ beě Nzyɛ̌m.

1 Timotɛ 5:10

Go ócɛmǎ kúho díe ó, waá wé óbe, wé mû sí gúmo ɨ́ páʼ bísyɛ́ɛla bimpâ wɨ́. Wé díʼee mbi mʉ́má wɨ̂: waá á gwɨ̂l bwân, nʉa ójwóo mbɨ̂mbɨá, waá á jwɨɨ bʉr o mé Nzyɛ̌m mekʉ̌, kɛm bʉ̂r o dí esia e mitúú bá, gbâ nkûl lɨ́ esâ bísyɛ́ɛla bimpâ mimbi mímyɛ̂h wɨ́.

1 Korɛnt 14:1

Sáŋáá gá nzɨ̌ ekpɛla. Gwɨ́mɨ́ɨ́ gá mindwéá Sísǐm mé Nzyɛ̌m dí entɨh mí, kʉ́ buú sahle ɨ́ ndwéá égwîh mílɔ̌b mé Nzyɛ̌m.

Rôm 13:3

Baá dí esâ émbɨa bá, bé abe e bʉ́á ɨ́ miléme lɨ́ etyɛ̂b ɨ́ mempǒm mé ójwɨ́ɨ. Tó kœb ó, bʉr o dí esâ ébébe bá, bé ó dí e bʉ́á nyaá ɨ́ milémé myɔ́ɔ́. Nzê gǒ gwɨ́m ó, mipahlá mí lémé myô, myé díʼee ɨ́ pyɛɛɛ jɔʼ yɨ́yɛ̂h ɨ́ míh mé ójwɨ́ɨ baá ɛ̌? Sáʼ émbɨa bé, bé nkʉ̂ sêʼle gô!

Éfɛsɔs 5:1

Baŋaa gá Nzyɛ̌m, ebě, bɨ̌n mû ó bwân nyé dí ekpɛl bá.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.