1 Pyɛr 2:7 - Kálar Nzyɛ̌m : Ejwán é Sáá

⁷ Ekóʼ laá, lé ɨ́ buo ódimé ɨ́ mbeá wɨ́n, bɨ̌n bʉr o b'á dyɛ̂ʼwo e lé bá. Sâ gwár, bʉr o dí ebene édyɛ̂ʼwo e lé bá, bɨ́ɛ bee lé ó mpʉ «Ékóʼ óswim ó mbɛ̌r bé á bene lɨ́. Lé ó b'á ka sûʼla ekóʼ e dí esúʼo nkân mbɛ̌r lɨ́.»

Kálara Zyɛ̌m Edwán é mpʉ̌n

⁷ Bɨn bʉr o ndɨ e buʼo yaa ba ɔɔ! Bɨn mu ó lé ebi kum lé eduho boo Zyɛm ɨ. Baa ndɨ abe e buʼo e, bɛɛ, bé ebee nye ó, mpʉ «Ekoʼ ofim o mbɛr bé a pyeh ɨ, lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ.»

1 Pyɛr 2:7 ပူးပေါင်းရင်းမြစ်များ

Mataos 21:42

Yésʉs ntɔ̂ʼ lɛ́ɛ e bé ó: «Yê cɛmá ɨ́ Mekaná mé Nzyɛ̌m ó: “Ekóʼ óswim ó mbɛ̌r bé á bene lɨ́, lé ó b'á ka sûʼla ekóʼ e dí esúʼo médwii me sɔ́ŋ lɨ́. Yé á syɛ́ɛ nó ó ɨ́ nkul mé Nzyɛ̌m. Yé ó sá mɨ́ná dí ekâm gá yɨ́!” Bɨ̌n bé á bé así láa pêh yaá?» Yésʉs nzě kɛl mékǎn mâʼ ó:

1 Pyɛr 2:8

Mekaná mé Nzyɛ̌m, mé lɨ́ elɛ́ɛ, dumo e Krîst ó: «Ekóʼ lé écwehle bʉ̂r, lé ó ebɔ̌ʼ ngá bɨma bʉ̂r ó, bé twêʼ ɨ́ nkɨ́ŋlɨ́m lɨ́.» Bé jaá twitwe ó, njɨ nko bé dí abûʼlǎ lɔ́ɔ́ mé Nzyɛ̌m yɨ́. Nkɔ̌b Nzyɛ̌m á boo dwe bé nyɨ́ ó tɨ̂ʼ nyɨ́.

1 Pyɛr 1:8

Bɨ̌n bé lɨ́ ekpɛl nyé, bɨ̌n l'apǎ bee yɨ́ɛ nye. Bɨ̌n bé lɨ́ edyɛ̂ʼwo e né, damá be ó bɨ̌n dína ó, apǎ bee nyê, nzě pyâl ɨ́ báánâ. Ɨ́ tɨ̂, diʼee gá lwɨ́ŋlá e bisʉhʉʉ. Sohaa gá ɨ́ mbi mʉ̂r dí abe e nkul ejwɨʼ, nkʉ̂ lɛ́ɛ byé wɨ́. Kûm, nyě e bɨ̌n tɨ̂.

Ebrœ̂ 11:31

Ɨ́ búʼó mé Rahâb, sadága mʉ́má, nye á bé adwe ɨ́ jɔʼ bʉ̂r oswîh, bé á jʉ́ŋɔɔ yɨ́. Bé á si sâ Nzyɛ̌m ebɨ̌h. Nyɨɛ ó b'á gʉ́a ebaʼle bʉr o b'á nze byamle sí Kanân bá.

Ebrœ̂ 4:11

Nó mɨná gbâʼ gá nkul lɨ́ esú lé énî ɨ́ gúmó bʉ̂r dí egbala yɨ́. Gwá di gá le ocwóó, ó mʉ̌r sá asâ ébɨ̌h e Nzyɛ̌m, nkʉ̂ duma sí mpʉ bímpám gá bíná byé á duma yɨ́.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

Kolosi 2:10

Bɨ̌n bé á be ó sí dira mínyɔm mímyɛ̂h ɨ́ mpúhlá nyɨ́n e Krîst. Nye ó dí lʉ̂ kʉ́ misísǐm mí édúrʉ́ʉ́ mímyɛ̂h: le myaá mi dí milʉ̂ mí, le myaá mi dí e nkul jwɨ́ɨ mí.

Rôm 15:31

Jɨʼlaa gá ó, mě sá abil ɨ́ mebó mé bʉ̂r ó Yʉ́da dí adyɛ̂ʼwo e Nzyɛ̌m bá. Jɨʼlaa gá ntémé ó, obûʼla ó Yerʉ́zalɛm nʉ́aa mingúlá mé ótô bé e myé mí mbɨ̂mbɨá.

Rôm 10:21

Ɨ́ nkǒ páʼ bʉ̂r o b'Ɨ́zraɛ̂l bɨ́ɛ, Nzyɛ̌m lwib, dumo e bé ó: Mɨ́ syɛ̂m mébó mâm móhó ntinɨ̂, lɨ́ ejébe bʉ̂r bâm. Bɨ́ɛ njɨ lɨ́ esâ mé ebɨ̌h. Sá yɨ́yɛ̂h mé lɛ́ɛ́ bé yɨ́, bɨ́ɛ kʉ́ jaá pɨpɨ̌r pɨrɨ́ɨ.

Mɨlʉmlʉ 26:19

«Nó ó, njwɨ́ɨ Agrípa, me á bé apyêh mbeá ésimá wé á duho ɨ́ jʉ́o kʉ́ wɨ́.

Yʉanes 4:42

Bʉr baá, bê nzě lɛ́ɛ mʉ́má nɨ̌ ó: «Ɨ́ báánâ, bɨ̌h bé akǎ dyɛ̂ʼwo e né njɨ ɨ́ lɔ̌b lɔ́ɔ́ gô lɛ́ɛ́ bɨ́h wɨ́, ebě, bɨ̌h bʉr o tɨ̂, bɨ̌h bɨ́ jóʼǒ lwǐb yé le ekʉ́ gʉ́a ntémé ó, ɨ́ sí yɨ̂ʼ yɨ́yɛ̂h, nye ó dí bánǎ be Tiʼbʉr.»

Lʉkas 20:17

Yésʉs nzě dwɛ̂ʼ bê. Nye e né ó: «Wáǎ lɔ̌b dí cɛmá ó? “Ekóʼ óswim ó mbɛ̌r, bé á bene lɨ́, lé ó b'á ka sûʼla ekóʼ e dí esúʼo médwii me sɔ́ŋ lɨ́.”

Lʉkas 2:32

Mwân nyâ, nye óbe ó njʉl ngá kʉn bíkúl bíswîh ó, byé gʉ́ŋaa go wɨ́. Bʉr bô, bʉr o b'Ɨ́zraɛ̂l, bé óbuú sêʼlɔɔ ɨ́ nye.»

Lʉkas 2:34

Píe tɨ̂, Siméon nzě syɛɛ bé metyéelé, lɨ́ elɛ́ɛ e Maria, nyɔ̌ŋ mé Yésʉs ó: «Mwán nyâ, nye ó waá Nzyɛ̌m á ntɨh ó, nye twêhlaa baá o dí ebeně Nzyɛ̌m bá, le egbɛl bʉ́ʉ́ sí, baá o dí ekpɛl nyé bá. Nye óbe ó le jwɨ̌ʼ, lɨ́ elɛ̂ʼle nkûl mé Nzyɛ̌m. Bʉ́ʉ́ bʉ̂r bɨ́ɛ, bé ósóŋlo nyê.

1 Pyɛr 2:4

Síhláá gá bé bǎʼ e Tî Yésʉs. Nye ó ekóʼ e dí kublakúbla, laá bʉ̂r, bé á bene lɨ́. Nzyɛ̌m nyɨɛ á si pɛ̂h lé, bee lé le odimé.