1 Pyɛr 2:6 - Kálar Nzyɛ̌m : Ejwán é Sáá

⁶ Ebě, yê cɛmá ɨ́ Mekaná mé Nzyɛ̌m ó: «Me á si pɛ̂h ekóʼ e dí ɨ́ buo ódimé lɨ́. Lé ó mê komó báánâ mpʉ ékóʼ e dí esúʼo nkân mbɛ̌r lɨ́. Waá nyɨnyɛ̂h ódyɛ̂ʼwo e lé nyá, ákóʼó kǎ soŋɔɔ.»

Kálara Zyɛ̌m Edwán é mpʉ̌n

⁶ Ebe, yé ó tila é Kalara Zyɛm ó: «Me a be ó si pɛh ekoʼ ndɨ é buo dime e. Lé ó me a komo é nkana Sion ɨ. Lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ. Waa nyiwɛh ójyɛʼ taa buʼo ye boo nye e, nye ákwoʼ ka bil fwon.»

1 Pyɛr 2:6 ပူးပေါင်းရင်းမြစ်များ

1 Pyɛr 2:4

Síhláá gá bé bǎʼ e Tî Yésʉs. Nye ó ekóʼ e dí kublakúbla, laá bʉ̂r, bé á bene lɨ́. Nzyɛ̌m nyɨɛ á si pɛ̂h lé, bee lé le odimé.

Éfɛsɔs 2:20

Bɨ̌n bé ó mpʉ̌ poro bé á lúmo ɨ́ mbɛ̌r yɨ́. Nkan mbɛ̌r nyɨɛ, nye ó bʉr o mílʉ́mlʉ́ mé Yésʉs, bé le ogwíha o mílɔ̌b mé Nzyɛ̌m. Yésʉs-Krîst mʉr tɨ̂ʼ ó dí medwii me sɔ́ŋ.

Markus 12:10

Bɨ̌n bé á bé así láǎ sá dí cɛmá yɨ́, ó: “Ekóʼ óswim ó mbɛ̌r bé á bene lɨ́, lé ó b'á ka sûʼla ekóʼ e dí esúʼo médwii me sɔ́ŋ lɨ́.

Rôm 10:11

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Mʉr nyɨnyɛ̂h ngá dyɛ̂ʼwo e né nyá, nye ásɔ́ma.

2 Timotɛ 3:16

Mekaná mé Nzyɛ̌m mɨ́mɛ̂h, mê tɨ̂ʼ ó, ebě, Nzyɛ̌m á si dwe bʉr pɨʼ ecɛma mê. Mé e nyɔm lɨ́ esú lé élɛ̂ʼle mɨ́ná, le edwe mɨ́ná mebě ɨ́ jɔʼ mɨ́ná sâ ébébe yɨ́. Mé lɨ́ esɨ̂ʼ mɨ́ná, le etɨ́e mɨ́ná mpʉ mɨ́ná jálá le edi lɨ́ otîtyěl yɨ́.

Yʉanes 7:38

Mʉr nyɨnyɛ̂h dí edyɛ̂ʼwo e mé nyá, “Misʉm médíbé mé twiʼ, myé ósɨ̂sah, duho nyé ɨ́ léme,” mpʉ Mékaná mé Nzyɛ̌m dí elɛ́ɛ yɨ́.»

Lʉkas 23:35

Bʉ́ʉ́ bʉ̂r ó sí yaá, bé á be ɨ́ tyɛ̂b tɨ̂ʼ ɨ́ gúmo yaá, lɨ́ edwɛ́ʼɔɔ. Otɔ́má ó bʉ̂r, bê nzě pya nyê. Bé ó: «Nye á si tiʼ bʉr oswîh. Nye káa tiʼ nyé mʉr tɨ̂, yé bé nye ó dí Mʉ̌r Nzyɛ̌m á lœm múló mé jwɨ́ɨ, waá Nzyɛ̌m á pɛ̂h nyá nó!»

Mataos 12:18

Syɛ̂l mesâ wǎm mé á pɛ̂h ó nyâ. Nye ó waá mé dí ɨ́ buú kpɛl le esoho nyá. Me á si gbâ Sísǐm wâm lɨ́ nye, lɨ́ esú ó, nye tôʼ le etúno ótîtyěl wâm lɨ́ bikúl bí bʉ̂r bíbyɛ̂h.

2 Pyɛr 3:16

Nyě cɨcɛmá bɨ́n milɔ̌b mimpwár myaá ó, ɨ́ mekaná mɨ́mɛ̂h nyé dí ecɛma má. Ɨ́ mʉ́ʉ́ mékaná, nye á cɛma ó, bisâ bi dí elára bʉ́ʉ́ bʉ̂r bí. Bʉr o dí anʉa mílɛ́ʼlá, baá o dí le ocábcab bá, ɨ́ jɔʼ bé láá mɨ́haá mékaná yɨ́, bé lɨ́ edwir mílɔ̌b mi tɨ̂ʼ gúú mbi swîh. Yé ó mpʉ bé dí eboó sɨsâ ntémé ɨ́ jɔʼ bé láá byúú bípéh Mékaná mé Nzyɛ̌m yɨ́. Bʉr baá, bé guŋlo ó, mempɨ́ mɔ́ɔ́ bé bʉr o tɨ̂ʼ ngá lʉ́ŋa, ntɔ̂ʼ dwe tɨ̂ʼ má.

2 Pyɛr 1:20

Bɨ̌n e gʉ́á sɨ̂: yé abe e mʉr á gwîh milɔ̌b mé Nzyɛ̌m ɨ́ lɔ̌b gwɨ́má yé ánta nye. Ogwíha o mílɔ̌b, bé á gwigwîh milɔ̌b myé ó, lɨ́ edû mpʉ̌ Sísǐm mé Nzyɛ̌m, wé á lɛ̂ʼle bé yɨ́. Ogwíha o mílɔ̌b pǎ nyɛɛ́ dû gwɨ́má mé Nzyɛ̌m, á dwɛʼra e mʉr ókǎ pâʼla míngwíhá mílɔ̌b myɔ́ɔ́ nyá! Sá bé á nyɛɛ gwîh, nzě cɛma yɨ́, mʉr nyé ajala le epâʼla yé mpʉ̌ gwɨ́má lémé wé dí yɨ́.

Éfɛsɔs 1:4

mɨná gúmlaa gá nye, ebě, nye á si boo twâr mɨná gâ, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Nye á twâr mɨná gá ó, mɨná gúmaa gá e né, ɨ́ nzɨ̌ mé Krîst, abe e sá ébébe nyé ónwâhle mɨ́ná gá e tɨ̂.

Mɨlʉmlʉ 1:16

«Bɨ́ɔɔ́ bâm! Okɛ́l bâm! Yé á jala ó, sá Sísǐm mé Nzyɛ̌m wé á lɛ́ɛ ɨ́ nzɨ̌ mé David yɨ́, yé díraa. Yé á be cɛmá ó, ɨ́ lɔ̌b mé Yʉ́das, mʉr á to le etɨ́e bʉr nzɨ̌ etó mɛ̂r Yésʉs nyá.

Lʉkas 20:17

Yésʉs nzě dwɛ̂ʼ bê. Nye e né ó: «Wáǎ lɔ̌b dí cɛmá ó? “Ekóʼ óswim ó mbɛ̌r, bé á bene lɨ́, lé ó b'á ka sûʼla ekóʼ e dí esúʼo médwii me sɔ́ŋ lɨ́.”

1 Pyɛr 2:8

Mekaná mé Nzyɛ̌m, mé lɨ́ elɛ́ɛ, dumo e Krîst ó: «Ekóʼ lé écwehle bʉ̂r, lé ó ebɔ̌ʼ ngá bɨma bʉ̂r ó, bé twêʼ ɨ́ nkɨ́ŋlɨ́m lɨ́.» Bé jaá twitwe ó, njɨ nko bé dí abûʼlǎ lɔ́ɔ́ mé Nzyɛ̌m yɨ́. Nkɔ̌b Nzyɛ̌m á boo dwe bé nyɨ́ ó tɨ̂ʼ nyɨ́.