1 Pyɛr 2:24 - Kálar Nzyɛ̌m : Ejwán é Sáá

²⁴ Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.

Kálara Zyɛ̌m Edwán é mpʉ̌n

²⁴ Krɨst nye mʉr tɨʼ a si nkɛɛ mɨsyem ga mina é nyʉl we, ntɔʼ dwè é klos. Nye a sa no ó, bɨna dwèʼ ga é nko paʼ mo Syem, bɨna nkʉʼ kœʼ ga ebò e cyen ndɨ cɨcyel ɨ. Bɨna bé a be ga ó mɨsyoblʉ. Bɨna ntɔʼ ka tiʼe ga ebe mopɨɨ me,

1 Pyɛr 2:24 ပူးပေါင်းရင်းမြစ်များ

Mataos 8:17

Nye á sâ nó ó, sá ngwíha milɔ̌b Ésayie á boo lɛ́ɛ yɨ́, yé díraa. Nye á cɛma ó: “Nye á si tiʼ bʉr o bídyɛ̂m gá bíná, pɛʼ mɨ́ná gá mitúú mékpaa ɨ́ menyʉ̂l.”

Rôm 6:11

Sɨ́sáʼ gá ntémé nó. Sísímsáá gá ó, bɨ̌n bé ó bʉr o b'á dwe nkǒ páʼ mísyóm bá. Símsáá gá ó, bɨ̌n mû tiʼe ó, ɨ́ páʼ mé Nzyɛ̌m ɨ́ mpúhlá nyɨ́n e Yésʉs-Krîst.

Mɨngwiha 22:2

Ɨ́ nkana yaá témé, yé á be ó e lɨ́ twiʼ. Yé á be ó, ɨ́ mipɨ̌n mí díbé yaá mímyɛ̂h mimbá. Lɨ́ yaá, yé gúmó mpúmó ɨ́ mbû ó, bijɔʼ kám e bibá, jɔʼ gwár ɨ́ ngɔn. Bʉr o bíkúl bíbyɛ̂h jʉ́jómó mékpaa mɔ́ɔ́ ó e biká bí lɨ́ yaá.

1 Yʉanes 2:29

Bɨ̌n bé lɨ́ egʉ́a ó, Krîst, nye ó tîtyěl mʉr. Bɨ̌n bé ɨ́ jala le egʉ́a ntémé ó, mʉr nyɨnyɛ̂h dí esɨsâ bísyɛ́ɛla bimpâ nyá, nyɨ́ byɛ̂l e nzɨ̌ nkul mé Nzyɛ̌m.

Jacques 5:16

Jɔʼ bɨ́n dí ebíle yɨ́, mʉr nyɨnyɛ̂h, nye ɨ́ jala le egwîh ébébe lé. Bɨ̌n bé ɨ́ jala le ejɨʼla páʼ nyɨ́n, bɨ̌n bʉr o tɨ̂, ɨ́ jɨʼla jɨʼla, tó pyâl ɨ́ jɔʼ bɨ́n ngá tíʼe yɨ́, ebě, minjɨʼla mi mʉ̂r dí tîtyěl nyá, myé e nkul.

Ebrœ̂ 9:28

Jwɨʼ gwár e gwár e Krîst. Nye á si dwe jɔʼ gwár, ó nye búraa le misyóm lɨ́ esú é bʉ̂r ɨ́ buo buo. Ɨ́ jɔʼ mbá nyé ókǎ nze yɨ́, nye ákǎ báʼǎ nze ɨ́ lɔ̌b ébúra e misyóm. Nye ónze ó, lɨ́ enzě tíʼ bʉ̂r o dí ebóno nyé bá.

Galásia 3:13

Mpʉ mɨ́ná dí abaʼle gá metié yɨ́, nó ó, Nzyɛ̌m, nyɨ́ syɛm mɨ́ná gâ. Sâ gwár, Yésʉs-Krîst á si dwih mɨná gá ɨ́ mpila ébébe, le enʉa méswomlʉ maá mɨ́mɛ̂h ɨ́ nyʉ̂l nyé lɨ́ esú gá lɨ́ná, ebě, yê cɛmá ó: Mʉr nyɨnyɛ̂h á tyelɔɔ ɨ́ lɨ́ kʉ́ nyá, nye ó waá Nzyɛ̌m á syɛm nyá.

Rôm 6:2

Yé abá be nó! Mɨná gá bé ó bʉr o b'á dwe ɨ́ nkǒ páʼ mísyóm bá. Yé ngá kǎ sâ ó, mɨná tôʼ le esâ gá syóm dóló?

Kolosi 3:3

Ebě, bɨ̌n bɨ́ dwe. Twiʼ yɨ́n mû ó lɨ́ esǒ kwá mé Krîst. Sá tɨ̂ʼ ó bícwiʼ bín e Nzyɛ̌m mû mpúhlá yɨ́.

Rôm 6:13

Abîr gá bitíl ményʉ́l bín ó, byé díʼee bisá bɨ́n ósâ syóm e tɨ̂ʼ bí. Syóm, wé ámû jaá nʉa bítíl ményʉ́l bín byaá, wê nzě sâ mísyóm e tɨ̂. Bɨ̌n bé ó bʉr o b'á nyɛɛ dwe, nzě kǎ pah bá. Tímláá gá Nzyɛ̌m bɨ̌n bʉr o tɨ̂, ti e bitíl ményʉ́l bín. Byé díʼee bɨ̌n bisá bɨ́n ótó sâ ótîtyěl o bísyɛ́ɛla e byé bí.

Yʉanes 1:29

Ɨ́ mɛ́n tɨ̂, Yʉánɛs kǎ bee ó, Yésʉs lɨ́ enze kwá nyé. Yʉánɛs nzě lɛ́ɛ ó: «Beyɨɨ gá Mâ Nteme mé Nzyɛ̌m dí edwih mísyóm mí sí mímyɛ̂h nyá!

Rôm 7:6

Ɨ́ mimbú mí píhe, mɨná bé á be gá ó, ɨ́ mpila métié. Nó ó, ɨ́ báánâ, mɨná mû ó, sí dwe gá ɨ́ nkǒ páʼ métié maá. Mɨná bɨ́ duho gá ɨ́ mpila métié mé á nyɛɛ mɨmɛ̂r mɨná gá lɨ́ okómó wɔ́ɔ́ má. Yé á syɛ́ɛ nó ó, mɨná nkʉ̂ séa gá Nzyɛ̌m syɛ́ɛ́ ɨ́ nzɨ̌ dwân, nyaá Sísǐm mé Nzyɛ̌m mû sí kar mɨ́ná gá nyɨ́. Mɨná bé akǎ dû gá nzɨ̌ myâ, nyaá mícɛmá myé, myé á nyɛɛ tɨtɨ́e nyɨ́.

1 Yʉanes 3:7

Bwán bâm, ayɨ́ bîr gá ó, mʉr dímlaa bɨ̌n. Mʉr dí esâ bísyɛ́ɛla bí ótîtyěl nyá ó dí tîtyěl mpʉ̌ Yésʉs dí tîtyěl yɨ́.

Rôm 6:7

Ebě, mʉr mû sí dwe nyá, nyé akǎ bě túʼǎ lɨ́ esú lé ésâ mísyóm.

Rôm 6:16

Bɨ̌n bé lɨ́ egʉ́ǎ mbɨ̂mbɨá ó, bɨ́n séá e mʉr, sâ nyé mejóʼo nó, bɨ̌n mû ó bitúʼǎ ɨ́ páʼ njwɨ́ɨ bɨ́n sɨ́sá méjóʼo nyá. Bɨ́n ósâ mâ twíí misyóm mejóʼo nó, lɛ́ɛ́, bɨ̌n mû ó sí dâʼre éswie ɨ́ menyʉ́l mɨ́n ó tɨ̂ʼ yɨ́. Bɨ́n sí sâ ó, bɨ̌n sá ó Nzyɛ̌m mejóʼo nó, lɛ́ɛ́, bɨ̌n bé óláŋɔɔ ɨ́ sɔ́má ótîtyěl o bʉ̂r.

2 Korɛnt 6:17

Dâ Nzyɛ̌m, nye lɨ́ elɛ́ɛ ntémé ó: «Duhaa gá ɨ́ sɔ́má yɔ́ɔ́. Bɔ́ʼáá gá e bê. Anyamlě kúna gá e sá dí e tilá yɨ́. Nó ó mé ónʉa bɨ́n e bisʉhʉʉ yɨ́.»

Mɨlʉmlʉ 5:30

Nzyɛ̌m bimpám gá bíná á si pɛh Yésʉs, dwih nyé lɨ́ odwe. Yésʉs waá ó bɨ́n á jʉ̂ lɨ́ ebomlo nyé e binzâŋ, bɨ́nɔɔ nyé ɨ́ kolôs kʉ́ nyá.

Lʉkas 4:18

«Bɨ̌h e Sísǐm mé Nzyɛ̌m ó mû. Nzyɛ̌m á lœm me múlo ó, me tôʼ le etúnǒ Mbɨambɨa Lɔ́ɔ́ wé kwá baántéʼenteʼe o bʉ̂r. Nye á lómo me ó, me tôʼ le elɛ́ɛ míkómó ó, mí pɛʼɔɔ. Me lɛ́yɨɨ ntémé baá o dí e ntím bá ó, bé mû ó lɨ́ ebee. Me lɛ́yɨɨ baá o dí ejaʼra e mpêl bá ó, bɨ́ bírɔɔ.

Mataos 5:20

Nó mě lɛ́ɛ́ bɨ́n ó: ótîtyěl wɨ́n, wé óbe, alaa waá óFarizyɛ̂n le olɛ̂ʼla o métié nó, bɨ̌n bé ákóʼó nî ɨ́ Mpóʼo mé Dâ.»

Ebrœ̂ 12:13

Bɨ̌n e gwá komlo ménzɨ̌, tyêl mé ɨ́ lîm, ó mekʉ̌ me dí e bidyɛ̂m má, mé sá akǎ piha. Bé tíʼaa yɨ́ɛ tíʼáa.

Mɨlʉmlʉ 13:29

Jɔʼ bé á sil esâ sá yɨ́yɛ̂h yé á be cɛmá ɨ́ Mekaná mé Nzyɛ̌m, dumo e né yɨ́, bê nzě pɛʼ nyé ɨ́ kolôs kʉ́, ntɔ̂ʼ dɨlɔɔ̌ múú wé.

Mɨlʉmlʉ 10:35

Ɨ́ bikúl bíbyɛ̂h, Nzyɛ̌m beě mbɨ̂mbɨá ó, mʉr nyɨnyɛ̂h dí edwáawo nyê, le esâ sá dí tîtyěl yɨ́ nyá.

Ebrœ̂ 7:26

Nye ó mbi njwɨ́ɨ opara wé á kʉ jala e mɨná gá wɨ́: nye ó mʉr dí tí, waá dí akúnwo e mpɨŋ nyá. Sá mébomo, yé abe ɨ́ nye. Nyé akúnwo bá le osyɛ̂l o mísyóm. Nye ntémé, nye ó mbɨ́ná kʉ́, laǎ jʉ́o le ejwoo le baántɛ́n.

Kolosi 2:20

Bɨ̌n e Krîst, bé á si dwe eswie empwár. Sá tɨ̂ʼ ó mílɛ́ʼlá bʉ̂r ó sí yɨ̂ʼ dí ekûhlo mí, dí abe lɨ́ ekǎ jwɨ́ɨ bɨ́n yɨ́. Ɨ́ tɨ̂ʼ, mʉ̌r sá akǎ dû mémpéné mé dí eduho ɨ́ milɛ́ʼlá myaá má, nkʉ̂ báʼǎ tiʼě mpʉ̌ sá lɛ́ɛ́, bɨ̌n gúmó ó e sí yɨ̂.

Rôm 6:22

Ɨ́ báánâ, Nzyɛ̌m, nyɨ́ táǎ góo, le edwih bɨ́n ɨ́ nkul mé Syóm. Bɨ̌n mû ó osyɛ̂l o mésá bé! Mpumó mû lɨ́ egúmo ɨ́ bicwiʼ bín nyɨ́, nye ó kʉ̌ tyen dí ejala e Nzyɛ̌m wɨ́. Ndumló tɨ̂, wé ó twǐʼ njʉ̌m dǐ.

Mɨlʉmlʉ 10:39

Bɨ̌h bɨɛ ó dí kwahaá oboʼlo o tɨ̂, bʉr o dí ekʉ́ gʉ́a bísyɛ́ɛla bíbyɛ̂h nyé á sâ ɨ́ sí bʉ̂r óYúden ndu e Yerʉ́zalɛm bí bá. Bé á si bomlo nye e binzâŋ, bɨ́nɔɔ nyé ɨ́ kolôs kʉ́, jʉ́ŋɔɔ nyê.

Mataos 27:26

Nó ó Pilátos á nze bîr bé Barábas. Jɔʼ nyé á lómo bʉr ó, bé ŋmɛ́hɛɛ Yésʉs mingáhá yɨ́, nye nzě líʼe ntémé num ó, bé tôʼ bomlo nyé e binzâŋ, bɨ̂n nyé ɨ́ kolôs kʉ́.

Éfɛsɔs 5:9

Mě lɛ́ɛ́ nó ó, ebě, bʉr o dí ɨ́ myɛ́n bá bɨɛ, bé lɨ́ egúmo mímbi mi mpúmó mímyɛ̂h: membɨa, otîtyěl, le otyeetye.

Yʉanes 19:1

Pilátos ntɔ̂ʼ lómo bísója byé, dwe byé nkul ó, byé nʉ́aa Yésʉs, le eŋmɛ́hɔɔ nyé mingáhá.

Filipi 1:11

Nó ó bɨ́n ngá di ótîtyěl o bʉ̂r lɨ́ edû kʉ̌ tyen mpâ ɨ́ mpúhlá nyɨ́n e Yésʉs-Krîst yɨ́. Bʉr, bé óbuú dwě Nzyɛ̌m kûm le esêʼle nyé ɨ́ lɔ̌b wɨ́n.

Markus 15:15

Mpʉ̌ Pilátos á tíʼe ɨ́ lémé wé ó, nyě koló ó entumo e bʉ̂r yɨ́, nye nzě bîr bé Barábas le elómo bʉ̂r ó, bé ŋmɛ́hɛɛ Yésʉs mingáhá. Nye ntɔ̂ʼ tímle bé nyǎ, ó bé tôʼ bomlo nyé ɨ́ kolôs kʉ́.

1 Korɛnt 15:3

Me á bě sí kala bɨ́n lɔ́ɔ́ mé á lɛ́ɔɔ wɨ́. Wé ɨ́ bwǎʼ nyɔm. Wé ó nɛ́ɛ: Krîst, nye á si búra e misyóm gá míná mpʉ yé á boo be cɛmá ɨ́ Mekaná mé Nzyɛ̌m yɨ́.

Kolosi 2:14

Micɛmá myé á lɨlɛ̂ʼle mebě gá mɨ́ná mí, nyɨ́ pɛʼ myé ɨ́ mɨná gá, bomlo myé e binzâŋ ɨ́ kolôs. Micɛmá myaá, myé ó b'á lɨlɛ̂ʼle mempéné mé á lwîlwimla e mɨná gá má.

Ebrœ̂ 10:5

Ɨ́ tɨ̂, ɨ́ jɔ̌ʼ Krîst á be, nye mû kúno enî ɨ́ sí yɨ̂ʼ yɨ́, nye á lɛ́ɛ e Nzyɛ̌m ó: «Gó agwɨ̂m ó, bé díʼɨɨ go otír, nkʉ̂ dwe gó yʉ́ʉ́ sɔ̂ʼ dí etáa mébyaʼ yɨ́. Go á komlo nyʉ̂l nyǎm ó, nye búraa e mpɨŋ bʉr.

Ebrœ̂ 10:10

Ɨ́ gwɨ́má yé yaá ó mɨ́ná bé á pubɔɔ gá jɔʼ gwár lɨ́ esú é bíjɔʼ bíbyɛ̂h yɨ́. Mɨná mû pubɔɔ gá ó, ɨ́ lɔ̌b ndwéá Yésʉs-Krîst á dwe Nzyɛ̌m nyʉ̂l nyé tâŋ ndwéá wɨ́.