1 Pyɛr 2:23 - Kálar Nzyɛ̌m : Ejwán é Sáá

²³ Ɨ́ jɔʼ bé á lwɨlwɨ́ɨ nye yɨ́, nye á bé abɔla mélwɨ́ɨ maá. Ɨ́ jɔʼ nyé á sia e mitúú yɨ́, nye á bé abɛ̂ŋ óntɨ̂m le obɨn bé. Nye á jaa sáa ó, njɨ enʉǎ twiʼ yé, tímlě Nzyɛ̌m, mʉr dí etíʼe mílɔ̌b lɨ́ otîtyěl nyá.

Kálara Zyɛ̌m Edwán é mpʉ̌n

²³ É jɔʼ bé a lwɨɨ-lwɨɨ nye e, nye a baabala molwɨɨ maa. É jɔʼ nye a sia e mɨtuu ɨ, nye a baabɛŋ bʉr o dɔm be. Nye a kʉ ka sa ó njɨ nʉa tiʼ ye, timle Zyɛm ya, nyɛɛ mʉr lé etiʼe mɨlɔb é l'ocɨcyel ɨ.

1 Pyɛr 2:23 ပူးပေါင်းရင်းမြစ်များ

1 Pyɛr 4:19

Ebe nó, baá Nzyɛ̌m á tíʼe ɨ́ lémé wé ó, nyě dwé ó bé mitúú bá, bé ɨ́ jala le etímle bé bʉr o tɨ̂ʼ ɨ́ mebó mé Kwihbʉr gá wɨ́ná, dí mʉr jálá le ebúʼlɔɔ nyá. Bé otô dóló le esâ bísyɛ́ɛla bimpâ.

Ebrœ̂ 12:3

Símsáá gá nye. Bɨ̌n e símsá mpʉ ósyɛ̂l o mísyóm bé á cɨ nye mekǎn mé ébébe, nyɨɛ njɨ lɨ́ edûhwo bé yɨ́. Sísímsáá gá nó, bɨ̌n nkʉ̂ be, akâr mítúú, nkʉ̂ tyɛʼ.

Mɨlʉmlʉ 4:29

Nó ó, Dâ ɛ̌, ɨ́ báánâ, jóʼáá mpʉ bé mû kǎ bɛ̂ŋ bɨ́h yɨ́. Dibɨɨ ósyɛ̂l o mésá bô nzɨ̌ ó, bé lɛ́yɨɨ lɔ́ɔ́ gô ɨ́ kpɛŋlɛm, abáawǒ sɔ̂ʼ.

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.

2 Timotɛ 1:12

Sɨ́ǎ yaá ó mé dí esia e mitúú yɨ́. Damá jóʼǒ mpʉ mé dí ebi mítúú mí tɨ̂ʼ yɨ́, mé ajóʼo bá sôn, ebe mé dí egʉ́a mʉ̂r mé á dyɛ̂ʼwo e né nyá. Mɨ́ bûʼla ntémé ó, nyě e nkul esâ ó, me bâʼlaa lɛ́ʼlá nyé á dwe me wɨ́. Nye óbaʼlě lɛ́ʼlá waá ó, tó pyâl ɨ́ móhó Yésʉs ngá báʼǎ nze wɨ́.

Lʉkas 23:46

Yésʉs ntɔ̂ʼ tíme kʉ́kʉ́. Nye ó: «Dâ ɛ̌, mɨ́ tímlě sísǐm wâm ɨ́ mebó mô!» Le nyé á sil elwib, le nyé ntɔ̂ʼ á sula swɨ̂h.

Mɨngwiha 19:11

Nó ó, me á si bee jʉ́o mû mběʼ. Mpáŋá kablá, yé á si pyâl tɨ̂. Mʉr á kalwo ɨ́ yé kʉ́ nyá, bé lɨ́ ejébe nyé ó: «Waá Ebûʼlɔɔ.» Nye lɨ́ ejébɔɔ ntémé ó: «Mʉr Otyeetye.» Nyě títíʼé mílɔ̌b le elwímla dɔ̂m ó, lɨ́ otîtyěl.

1 Pyɛr 3:9

Mʉ̌r sá abɔlǎ syɛ́ɛla ébébe le ebébe. Mʉ̌r sá abɔla mélwɨ́ɨ́ e melwɨ́ɨ. Yé jala yɨ́ɛ ó, bɨ̌n yálaa baányâ-melwɨ́ɨ ó, lɨ́ esyɛɛ bé metyéelé, ebě, Nzyɛ̌m á jébe bɨ̌n ó, bɨ̌n sâʼ nó. Bɨ̌n bé onʉa métyɛʼ me mpóm mé Nzyɛ̌m mpʉ nkɔ̂b líʼe nyɨ́n.

2 Tesalonika 1:5

Yé ó jwɨʼ dí elɛ̂ʼle mɨ́ná gá ó, Nzyɛ̌m, nyě e nkam ɨ́ mbi nyé dí etíʼe bʉ̂r milɔ̌b myɔ́ɔ́ wɨ́ yɨ́. Ɨ́ mpʉ bɨ́n dí esâ bíhwó nó yɨ́, yé lɨ́ esâ ó, bɨ̌n jálaa e bidiá ɨ́ Mpóʼo mé Nzyɛ̌m. Sá tɨ̂ʼ ó bɨ́n dí esia e mitúú e mindɛ̌l myaá yɨ́.

Éfɛsɔs 6:9

Bɨ̌n ojwɨ́ɨ, sáʼ gá bitúʼǎ bín bisyɛ́ɛla bimpwár bínɨ̌. Akǎ bɛ̂ŋ gá byê. Bɨ̌n bé ɨ́ jala le egʉ́a gá ó, njwɨ́ɨ wɨ́n le onɔ́ɔ́, bɨ̌n óbɛ̂h, nye ɨ́ jʉ́o kʉ́. Nye ádwááwó bʉ̂r mempǒm.

Rôm 2:5

Jɔʼ yɨ́yɛ̂h gó dí esâ élele é léme, nkʉ̂ bene édwirǎ léme yɨ́, go náǎ ó, lɨ́ ebul bíbaa bí ébébě Nzyɛ̌m ngá niniʼe gó bí. Byé ókǎ láŋɔɔ ó, ɨ́ móhó Nzyɛ̌m ólɛ̂ʼle bʉ̂r ɨ́ buo buo nkpaa nyé wɨ́. Dʉ́o laá ntémé ó nyé ngá lɛ̂ʼle mʉ̂r nyɨnyɛ̂h mpʉ nyé dí etíʼe bʉ̂r milɔ̌b lɨ́ otîtyěl yɨ́.

Mɨlʉmlʉ 17:31

Nó nyé á tyêl dʉ́ó nyé ngá tíʼe bʉ̂r ó sí yɨ̂ʼ bɨ́bɛ̂h milɔ̌b myɔ́ɔ́ lɨ́ otîtyěl lɨ́. Nye ntémé, nyɨ́ pɛ̂h mʉ̂r ngá tíʼe mílɔ̌b myɔ́ɔ́ myaá nyá. Nyɨ́ lɛ̂ʼle bʉ̂r bɨ́bɛ̂h jwɨʼ ɨ́ syɛ́ɛla yɨ̂: epɛh nyé, dwih nyé lɨ́ odwe!»

Mɨlʉmlʉ 9:1

Ɨ́ jɔʼ yaá, Saʉ̂l á bé apǎ gwâʼ égúno, ó nyě jʉ́ ó, ompʉ́n mé Tî Yésʉs. Nye nzě tó bee njwɨ́ɨ opara,

Lʉkas 23:9

Nye ntɔ̂ʼ dî nyé metíá ɨ́ buo buo, Yésʉs nyɨɛ l'ayala nyé mǎ.

Mɨlʉmlʉ 7:59

Jɔʼ bé á be lɨ́ elúmo nyé mekóʼ yɨ́, Étiene nyɨɛ nzě kɛn díé mé Nzyɛ̌m, lɨ́ elwǐb mbi wɨ̂: «Dâ Yésʉs, nʉaǎ sísǐm wâm!»

Lʉkas 23:41

Mɨná ó dí ejala le esia e mbǐ túú wɨ̂, ebě, mɨná ó b'á sɨsâ bisyɛ́ɛla bi dí ɨ́ bébe bí. Nyɨɛ á bé asâ syɛ́ɛla ébébe gwár.»