1 Pyɛr 2:20 - Kálar Nzyɛ̌m : Ejwán é Sáá

²⁰ Bɨ́n sá mísyóm, ntɔ̂ʼ dûhwo ébíʼé é tɨ̂ʼ nó, bɨ̌n bé ólîʼ e wáǎ nyɔm tɨ̂ʼ ɨ́ míh mé Nzyɛ̌m? Tó kœb ó, ɨ́ jɔʼ bɨ́n ósâ syɛ́ɛla mpâ, bɨ̌n ntɔ̂ʼ sia e bintɨ́ʼá le bíhwó yɨ́, syɛ́ɛla yaá, yê bɨ̌n ó mpǎŋ syɛ́ɛla ɨ́ míh mé Nzyɛ̌m.

Kálara Zyɛ̌m Edwán é mpʉ̌n

²⁰ ǃBɨn si sa syem, bɨn ntɔʼ dihbe ebiʼe nɛʼɛ, ebe yé bɨn lé enkɛɛ monyʉl ó, bʉr seʼla bɨn ɨ? To kœb ó, bɨn bé ósʉŋɔ mocyɛʼ mo mpom mo Zyɛm é jɔʼ bɨn bé ócwɨa e bʉr, bɨn ntɔʼ sia e bɨntɨʼa le bihbe e.

1 Pyɛr 2:20 ပူးပေါင်းရင်းမြစ်များ

1 Pyɛr 2:19

Bé dwé mʉ̂r mebě me mpéne, ntɔ̂ʼ dwe mʉ̂r waá bintɨ́ʼá tɨ̂ʼ nɛ́ɛ: mʉ̂r waá ódûhwo bíntɨ́ʼá byaá ɨ́ lɔ̌b lémé wé dí edwáawǒ Nzyɛ̌m wɨ́ nó, syɛ́ɛla yaá, yé ɨ́ mbɨa ɨ́ míh mé Nzyɛ̌m.

1 Pyɛr 3:17

Nzyɛ̌m óbě sí tíʼe ɨ́ lémé wé ó, nyě dwé ó go túú nó, yé mbɨa ɨ́ páʼ gô ó, go síaa e túú waá, duho ɨ́ bisyɛ́ɛla bimpâ byô, laa ó, go síaa e túú duho ɨ́ syóm gô pa sá wɨ́.

1 Pyɛr 3:14

Bɨ́n ósia yɨ́ɛ e mitúú ebe bɨ́n dí edû bísyɛ́ɛla bí ótîtyěl nó, go ó, Nzyɛ̌m ósʉ bɨ́n metyɛʼ me mpóm tɨ̂. Ajóʼo gá bʉ́á páʼ bʉ̂r. Milémé mín sá akoro bɨ́n tɨ̂.

Lʉkas 6:32

«Yé bé bɨ̌n kpɛl ó, njɨ baá kpɛ́l bɨ́n bá nó, bɨ̌n bé lɨ́ enkɛ́ɛ ményʉ̂l ó, bʉr sêʼlaa bɨ̌n ɨ́ yé ɛ́? Damá jóʼo ósyɛ̂l o mísyóm, bé lɨ́ ekpɛl ntémé baá o dí ekpɛl bé bá.

Mataos 5:47

Bɨ́n ójaá sohǒ njɨ bɨ́ɔɔ́ bɨ́n nó, yé dí sá édwán tɨ̂? Bʉr o dí agʉ́ǎ Nzyɛ̌m bá, bé sá ntémé ó, jwɨʼ gwár yaá!

1 Korɛnt 4:11

Kumǒ kumáa ɨ́ jɔʼ yɨ̂, bɨ̌h bé lɨ́ edwe nzâ, ti e dwéh médíbé. Yé lɨ́ esáa bɨ́h mimbôr. Bé lɨ́ ebî bɨ́h. Bé lɨ́ edwih bɨ́h ɨ́ yɨ̂ʼ gúmo, tyen ɨ́ yʉ́ʉ́.

Markus 14:65

Nó ó bʉ́ʉ́ bʉ̂r ɨ́ sɔ́má yɔ́ɔ́ bé á nze taare esyɛɛ nye metyéelé ɨ́ mîh, le ebúblo nyé mpǒm, le etû nyé bikúra, le elɛ́ɛ e né ó: «Twóóláá díé é mʉ̂r ŋmɛ́h gó nyá.» Bisója, byé ntɔ̂ʼ nʉa nyê, nze ŋmɛ́hɔɔ nyé mempɛ̂h.

Mataos 26:67

Nó ó bʉ́ʉ́ bʉ̂r ɨ́ sɔ́má yɔ́ɔ́ bé á nze syɛɛ nye metyéelé ɨ́ mîh le etû nyé bikúra. Bʉ́ʉ́, bé á ŋmɨŋmɛ̂h ó nye mempɛ̂h.

Filipi 4:18

Me á si bi sá yɨ́yɛ̂h bɨ́n á lómlo me yɨ́. Bím yaá, yé ɨ́ buo. Me mû ó, ɨ́ twíha ɨ́ lɔ̌b bísá Epafrɔ́ditɔs á nze e byé bí. Nzyɛ̌m, nye lɨ́ ebee míndwéá mín mbɨ̂mbɨá mpʉ míndwéá mi dí edíʼɔɔ nyé e mbɨambɨa menumó mí. Yé ó mbi míndwéá Nzyɛ̌m dí ekpɛl wɨ́.

Éfɛsɔs 5:10

Gʉ́ŋáá gá sá Tî Yésʉs dí ebeě mbɨ̂mbɨá yɨ́.

Galásia 4:18

Yé mbɨa ó, ɨ́ jɔʼ mʉ̂r dí egwɨ̂m yʉ́ʉ́ sá dí ɨ́ mbɨa yɨ́; nyě sá asâ nó njɨ ɨ́ jɔʼ mé dí tɨ̂ʼ ɨ́ bɨ̌n yɨ́.