1 Pyɛr 2:19 - Kálar Nzyɛ̌m : Ejwán é Sáá

¹⁹ Bé dwé mʉ̂r mebě me mpéne, ntɔ̂ʼ dwe mʉ̂r waá bintɨ́ʼá tɨ̂ʼ nɛ́ɛ: mʉ̂r waá ódûhwo bíntɨ́ʼá byaá ɨ́ lɔ̌b lémé wé dí edwáawǒ Nzyɛ̌m wɨ́ nó, syɛ́ɛla yaá, yé ɨ́ mbɨa ɨ́ míh mé Nzyɛ̌m.

Kálara Zyɛ̌m Edwán é mpʉ̌n

¹⁹ ǃBé si dwe mʉr mobe mo mpene, ntɔʼ kab mʉr waa bɨntɨʼa tɨʼ nɛʼɛ, ǃɨ mʉr waa si sia e bɨntɨʼa byaa ebe nye lé edwaabe Zyɛm nɛʼɛ, nye ósʉŋɔ mocyɛʼ mo mpom mo Zyɛm.

1 Pyɛr 2:19 ပူးပေါင်းရင်းမြစ်များ

1 Pyɛr 2:20

Bɨ́n sá mísyóm, ntɔ̂ʼ dûhwo ébíʼé é tɨ̂ʼ nó, bɨ̌n bé ólîʼ e wáǎ nyɔm tɨ̂ʼ ɨ́ míh mé Nzyɛ̌m? Tó kœb ó, ɨ́ jɔʼ bɨ́n ósâ syɛ́ɛla mpâ, bɨ̌n ntɔ̂ʼ sia e bintɨ́ʼá le bíhwó yɨ́, syɛ́ɛla yaá, yê bɨ̌n ó mpǎŋ syɛ́ɛla ɨ́ míh mé Nzyɛ̌m.

1 Korɛnt 15:10

Damá jóʼo nó, me mʉr milʉ́mlʉ́ ó, ɨ́ metyɛʼ me mpóm Nzyɛ̌m á sʉ me má. Nye á bé asʉ mé mǎ dwêh. Nye á sʉ me mǎ ó, me nkʉ̂ séa, laa bʉ́ʉ́ bʉ̂r o mílʉ́mlʉ́ bé bɨ́bɛ̂h. Lɨ́ otyeetye, ntʉ mé á séa. Metyɛʼ me mpóm me dí ɨ́ me má, mé ó dí esâ ó, me séaa.

Lʉkas 6:32

«Yé bé bɨ̌n kpɛl ó, njɨ baá kpɛ́l bɨ́n bá nó, bɨ̌n bé lɨ́ enkɛ́ɛ ményʉ̂l ó, bʉr sêʼlaa bɨ̌n ɨ́ yé ɛ́? Damá jóʼo ósyɛ̂l o mísyóm, bé lɨ́ ekpɛl ntémé baá o dí ekpɛl bé bá.

Rôm 13:5

Sɨ́ǎ yaá ó bɨ́n jálá le esâ ójwɨ́ɨ mejóʼo yɨ́. Abuú bě njɨ lɨ́ ekpɛ́ɛ nkpáa le bintɨ́ʼá mé Nzyɛ̌m. Bɨ̌n sá ntémé nye mejóʼo maá ó, ebe bɨ́n dí egwɨ̂m ó, mipahlá mí lémé mín díʼee myaá mi dí ɨ́ pyɛɛɛ mí.

Yʉanes 15:21

Sâ gwár, bé ótîtible bɨ́n nó ó ɨ́ lɔ̌b wâm, ebě, bé agʉ́a mʉ̂r á ntɨh me nyá.

2 Timotɛ 1:12

Sɨ́ǎ yaá ó mé dí esia e mitúú yɨ́. Damá jóʼǒ mpʉ mé dí ebi mítúú mí tɨ̂ʼ yɨ́, mé ajóʼo bá sôn, ebe mé dí egʉ́a mʉ̂r mé á dyɛ̂ʼwo e né nyá. Mɨ́ bûʼla ntémé ó, nyě e nkul esâ ó, me bâʼlaa lɛ́ʼlá nyé á dwe me wɨ́. Nye óbaʼlě lɛ́ʼlá waá ó, tó pyâl ɨ́ móhó Yésʉs ngá báʼǎ nze wɨ́.

2 Korɛnt 8:1

Bɨ́ɔɔ́ bɨ́h le okɛ́l bɨ́h, bɨ̌h bé lɨ́ ekpɛl ó, bɨ̌n gʉ́ŋaa lɔ̌b wɨ̂: Nzyɛ̌m á si kʉ sʉ metyɛʼ me mpóm mé ɨ́ bʉr ó Mbɛ̌r-Nzyɛ̌m dí ɨ́ sí Masedónia bá.

2 Korɛnt 1:12

Sá bɨ́h dí enkʉ́na tɨ̂ʼ yɨ́, yé ó yɨ̂: kʉ̌ tyen dí tîtyěl, waá bɨ́h dí edû e milémé míh mímyɛ̂h ɨ́ míh mé Nzyɛ̌m wɨ́. Mipahlá mílémé míh, myé boʼlo ó, bɨ̌h bé e mbɨambɨa kʉ̌ tyen. Ɨ́ kʉ̌ tyen waá, bɨ̌h jaá sâ ó, njɨ bím mpâm mé Nzyɛ̌m dí ekpɛl ó, bɨ̌h sâʼ yɨ́. Kʉ̌ tyen ngwár waá ó bɨ́h á bu dû kwá nyɨ́n, le ɨ́ sí yɨ̂ʼ yɨ́yɛ̂h wɨ́. Wé abɔma e milɛ́ʼlá bʉ̂r ó sí yɨ̂ʼ dí edwe bʉ̂r mí.

Mɨlʉmlʉ 11:23

Jɔʼ nyé á pyâl gʉ̂ʼ yɨ́, nye nzě bee bíjwɨʼ byé á lɛ̂ʼle ó, Nzyɛ̌m á be ɨ́ buú cwɨ́a le obûʼla bí. Nye ntɔ̂ʼ soho, nzě tɨ́e bé ó, bé díʼee twíí mpâ ɨ́ mpúhlá nyɔ́ɔ́ e Yésʉs.

Ebrœ̂ 10:2

Bʉ̂r o dí edîʼ Nzyɛ̌m mindwéá bá, sí pubɔɔ lɨ́ otyeetye nó, lɛ́ɛ́, bé akǎ be e mipahlá mí ébébe ɨ́ milémé myɔ́ɔ́. Lɛ́ɛ́ ntémé ó, bé abe lɨ́ ekǎ tô dóló le edwidwe nyé mindwéá mí tɨ̂.

1 Pyɛr 4:15

Mʉ̂r sɔ́má yɨ́n bɔ́má e bintɨ́ʼá nó, yé ajala le eduho e mʉr waá mʉr tɨ̂. Nye ayɨ́ bɔma e bintɨ́ʼá ebe nyé dí njʉ̂l bʉr, nkʉ̂ syɛ̂l ebébe, nkʉ̂ mʉr dí elâʼ lʉ̂ ɨ́ milɔ̌b myé onkán nyá.