1 Pyɛr 2:16 - Kálar Nzyɛ̌m : Ejwán é Sáá

¹⁶ Dúʼóó gá kʉ̌ tyen mpâ ónzyɛh o bʉ̂r jálá le edû wɨ́. Bɨ̌n damá be ónzyɛh o bʉ̂r, sâ gwár, asâ gá ebébe ɨ́ lɔ̌b dǐ bɨ́n dí tɨ̂ʼ yɨ́. Dǐ yaá, yé ajala le esûʼlǎ sá bɨ́n búbló ébébe é léme lɨ́n e tɨ̂ʼ yɨ́. Tiʼaa gá mpʉ bítúʼǎ bi dí egúmo e Nzyɛ̌m bí.

Kálara Zyɛ̌m Edwán é mpʉ̌n

¹⁶ Zyɛm a sa ó, bɨn diʼe é dia otî. É dia otî yin yaa, yé ajala le efuʼla sa bɨn buuro ebɨ-leme lɨn e tɨʼ ɨ. Kœʼœ ga ebò e cyen lé elɛʼle mpʉ bɨn ndɨ molʉa mo Zyɛm ɨ.

1 Pyɛr 2:16 ပူးပေါင်းရင်းမြစ်များ

Galásia 5:13

Bɨ́ɔɔ́ bâm! Okɛ́l bâm! Nzyɛ̌m á jébe bɨ̌n ó, nye pɛ́ʼɛɛ bɨ̌n lɨ́ mpila ébébe, bɨ̌n búlaa ɨ́ fá. Ɨ́ tyé yɨ́n yaá tʉ́ŋlʉ̌, akam gá ó, bɨ̌n sâʼ syóm njwɨr myâ gá wɨ́ná dí egwɨ̂m wɨ́. Kpɛlaa gâ. Séáá gá ntémé páʼ nyɨ́n.

Rôm 6:22

Ɨ́ báánâ, Nzyɛ̌m, nyɨ́ táǎ góo, le edwih bɨ́n ɨ́ nkul mé Syóm. Bɨ̌n mû ó osyɛ̂l o mésá bé! Mpumó mû lɨ́ egúmo ɨ́ bicwiʼ bín nyɨ́, nye ó kʉ̌ tyen dí ejala e Nzyɛ̌m wɨ́. Ndumló tɨ̂, wé ó twǐʼ njʉ̌m dǐ.

1 Korɛnt 7:22

Ebě, Tî Yésʉs sí jébě túʼǎ nó, go ó, yé mû ó nzyɛh ɨ́ Yésʉs tʉ́ŋlʉ̌. Mʉr á nyɛɛ bɨbe nzyɛh, waá Krîst á jébe nyá, mû ó túʼǎ mé Krîst píe njɨ́blɨ́ waá.

Rôm 6:18

Nzyɛ̌m á si táa góo, le edwih bɨ́n ɨ́ nkul mé Syóm. Bɨ̌n mû ɨ́ báánâʼ ó, bitúʼǎ byé, lɨ́ esú lé ésâ bísyɛ́ɛla bi dí otîtyěl bí.

Galásia 5:1

Krîst á pɛʼ mɨná gá ɨ́ dǐ ótúʼǎ ó, mɨná díʼee gá onzyɛh o bʉ̂r. Nó ó, gbáʼ gá nkul lɨ́ ebaʼlě dǐ yɨ́n yaá. Mʉ̌r sá akam ó, nye bâʼlaa di ɨ́ dǐ ótúʼǎ.

Jacques 1:25

Nó ó, mʉr waá dí esâ étié mé Nzyɛ̌m mejóʼo, le esâ sɨ́n lɨ́ ebaʼle lé nyá, nyɨ́haá ó Nzyɛ̌m ngá sʉ métyɛʼ me mpóm. Nye óswɨɨ métyɛʼ me mpóm ɨ́ syɛ́ɛla yé yɨ́yɛ̂h nyé ngá sâ yɨ́, ebě, nyé abě mbi mʉ̂r dí, le nyê jóʼó, le nyê jɨhá nyá. Nye lɨ́ esâ bísyɛ́ɛla bi tɨ̂. Etié laá, lé ó mbɨ̂mbɨá ɨ́ mipáʼ mímyɛ̂h. Lé e nkul etyêl mɨ́ná gá ɨ́ tyé ónzyɛh o bʉ̂r.

Jacques 2:12

Nó, ɨ́ jɔʼ bɨ́n mû lɨ́ ekpɛl écɨ ékǎn eswîh, ekǎn é kɛl, nkʉ̂ ó, bɨ̌n sá ó yʉ́ʉ́ syɛ́ɛla yɨ́, bɨ̌n e gʉ́á ó, Nzyɛ̌m ópahle mékǎn le bisyɛ́ɛla bín. Nye ókʉ́ dû étié e dí esâ ó, mɨná díʼee gá onzyɛh o bʉ̂r lɨ́.

Éfɛsɔs 6:6

Mʉr aséa gá syɛ́ɛ́ njɨ ɨ́ jɔʼ bé dí epála nyé yɨ́. Mʉ̌r sá aséa lɨ́ esú é méswɨ̂ʼlʉ me bʉ̂r. Mpʉ bɨ́n mû osyɛ̂l o mésâ mé Krîst yɨ́, séáá gá bé syɛ́ɛ́, lɨ́ elóŋlǒ gwɨ́má mé Nzyɛ̌m, e milémé mín mímyɛ̂h.

2 Pyɛr 2:19

Bé kɛʼ bé ó, bé ópɛʼ bé lɨ́ otúʼǎ, dil bé ɨ́ dǐ ónzyɛh o bʉ̂r. Tó kœb ó, bé bʉr o tɨ̂ʼ, bé ó mpǎŋ bitúʼǎ, lɨ́ edû métum me dí etyen mʉ̂r lɨ́ eswie má, ebě, sá yɨ́yɛ̂h dí ejwɨ́ɨ mʉ̂r yɨ́, mʉr waá, nye ó túʼǎ sâ yaá.

Kolosi 3:24

Gʉ́ŋáá gá ó, Tî Yésʉs ókʉ́ jána e bɨ̌n tɨ̂. Bɨ̌n bé óbi mémbɨa nyé dí ekomo bʉ̂r bé má. Mé óbe ó nkɔb líʼe nyɨ́n. Mpǎŋ njwɨ́ɨ bɨ́n dí eséa e né nyá ó dí Krîst.

Mataos 23:13

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ ela bʉ̂r nzɨ̌ dí etô ɨ́ Mpóʼo mé Dâ nyɨ́. Bɨ̌n bʉr o tɨ̂, bɨ̌n bé adyɛ̂l tɨ̂. Bɨ̌n bé abîr ntémé ó, baá o dí esuo édyɛ̂l tɨ̂ʼ bá, bé dyɛ́lɨɨ.

Yʉ̂d 1:4

Bʉ́ʉ́ bʉ̂r, bɨ́ nî ɨ́ sɔ́má yɨ́n ɨ́ myaaa, bɨ̌n l'agʉ́a. Mekaná mé dí edwe bé mebě, le ekab bé bintɨ́ʼá má, mɨ́ boó cɛmɔɔ. Bɨ́ɛ bé ó minjéʼe-Nzyɛ̌m. Bé jaá gwɨ̂m ó, njɨ edirǎ nyɔm e mpam mé Nzyɛ̌m gá wɨ́ná, bé nkʉ̂ sâ bímolá nzam le ekomo. Bé ntémé, bé lɨ́ ekɛ́lǎ Yésʉs-Krîst. Nye omér ó dí Tyɛ̂b esôʼ le Tî gá wɨ́ná.

1 Tesalonika 2:5

Gʉ́ŋáá gá ntémé ó, bɨ̌h bé á bé abe lɨ́ esêʼle bɨ́n. Bɨ̌h bé á bé asâ míkóo ɨ́ nyɔm énʉa bísá bín. Nzyɛ̌m, nye me ó mboʼlo!

Yʉanes 15:22

Yé bé me á bé anzě lwib e bé nó, lɛ́ɛ́, bé á bé agwá be e misyóm. Nó ó, ɨ́ báánâ, bé akǎ be e nkar ɨ́ lɔ̌b mísyóm myɔ́ɔ́.