1 Pyɛr 2:15 - Kálar Nzyɛ̌m : Ejwán é Sáá

¹⁵ Sá Nzyɛ̌m dí egwɨ̂m ɨ́ wɨ́n pâʼ yɨ́, yé ó: bɨ̌n sâʼ bisyɛ́ɛla bimpâ, bɨ̌n díblaa bigʉʼlʉgʉ́ minum, byé l'akǎ lwǐb sá dí asiŋa ɨ́ lɔ̌b wɨ́n yɨ́.

Kálara Zyɛ̌m Edwán é mpʉ̌n

¹⁵ Sa Zyɛm lé egwɨm é win paʼ, yé ó: bɨn cwɨa e bʉr, bɨgʉ nkʉʼ di é jwɨm, aka lwib sa ndɨ asiŋa ɛ.

1 Pyɛr 2:15 ပူးပေါင်းရင်းမြစ်များ

1 Pyɛr 3:17

Nzyɛ̌m óbě sí tíʼe ɨ́ lémé wé ó, nyě dwé ó go túú nó, yé mbɨa ɨ́ páʼ gô ó, go síaa e túú waá, duho ɨ́ bisyɛ́ɛla bimpâ byô, laa ó, go síaa e túú duho ɨ́ syóm gô pa sá wɨ́.

Títos 2:8

Lwǐb yô, yé díʼee lwɨ́ŋlá e lɛ́ʼlá mpâ mɨ́ná dí edwe gá wɨ́. Ɨ́ tɨ̂, bʉ̂r bé óbe, akœ̌b sá ébébe bé ólɛ́ɛ, dumo e lwǐb yô yɨ́. Bʉr o dɔ̂m ónɨ̌, bé ókǎ jóʼo sôn ntémé, bé l'abe e sá ébébe bé ólɛ́ɛ, dumo e mɨná gâ.

1 Pyɛr 2:12

Diʼee gá e kʉ̌ tyen mpâ témé ohááden. Bé damá swêʼ bɨ́n, nkʉ̂ lɛ́ɛ ó, bɨ̌n bé ɨ́ bébe, bé óbánǎ bee bísyɛ́ɛla bimpâ bɨ́n dí esâ bí, ntɔ̂ʼ dwě Nzyɛ̌m kûm tɨ̂ʼ ɨ́ móhó nyé ónze mɨ́ná gá ɨ́ menɔɔlʉ wɨ́.

Mataos 7:26

Mʉr nyɨnyɛ̂h mû sí jóʼǒ lwǐb yɨ̂, asâ mpʉ mê lɛ́ɛ́ yɨ́ nyá, nwɨɨla ó e gʉʼlʉgʉ́ yé á sumo mbɛ̌r kʉ́ epum lé ósɨ́ǎ yɨ́.

1 Tesalonika 5:18

Jɔʼ yɨ́yɛ̂h le ɨ́ bisá bíbyɛ̂h, dwéʼ gá Nzyɛ̌m nzyǒo, ebě, Nzyɛ̌m á tíʼe ɨ́ lémé wé ó, bʉr o dí ɨ́ Yésʉs-Krîst bá, bé ósɨ̂sa nó.

1 Tesalonika 4:3

Ebě, sá Nzyɛ̌m dí ekpɛl yɨ́, yé ó, bɨ̌n díʼee bʉr o dí egúmo e né bá. Ebe nó, syɛ́hláá gá esâ bímolá.

2 Pyɛr 2:12

Bibɨ́bla bí ólɛ̂ʼla byaá, byé sɨ́sá sá bé dí agʉ́a yɨ́ nkěh. Byé ó kwahaá mpʉ ótír ó dwǐʼ, lúʼo pɨ̂ʼ. Tó kœb ó, tír jaá byɛ̂l njɨ ó, nye mɛ́rɔɔ. Nyé ojʉ́ŋɔɔ. Jwɨʼ gwár e gwár yaá ó bʉ̂r baá, bé ópɛʼɔɔ médwôʼlʉ yɨ́. Bé ódwe ó, bé dína lɨ́ ekʉ́ sâ bísyɛ́ɛla mélwaʼwo bé á bu kpɛl bí.

Rôm 1:21

Damá jóʼǒ mpʉ bé á kʉ gʉ́a ó, Nzyɛ̌m, nye ó tɨ̂ʼ yɨ́, bé á bé adwe nyé kûm jálá e né nyɨ́, nkʉ̂ pʉgʉ́ bá dwe nyé nzyǒo. Bé á jaa pɨpahle sɔ̂ʼ ó, njɨ bisâ bi dí abá be e nyɔm bí. Bé ó bigʉʼlʉgʉ́, lúʼo pɨ̂ʼ. Milémé myɔ́ɔ́, myé jaá di ó, njɨ lɨ́ edúrʉ́ʉ́.

Yʉ̂d 1:10

Bʉr baá bɨ́ɛ ntuhlo ó, sá yɨ́yɛ̂h bé dí agʉ́a yɨ́. Yaá bé dí egʉ́a yɨ́ yɨ́ɛ, yé lɨ́ edímle bê. Sá ngwɨ́á yɔ́ɔ́ yaá, yé antaǎ bím ótír ó dwǐʼ dí egʉ́a bísɔ̂ʼ yɨ́.

1 Pyɛr 4:2

Mbi mʉ̂r waá ókǎ títíʼe ɨ́ sí yɨ̂ʼ ó, njɨ lɨ́ elóŋlǒ gwɨ́má mé Nzyɛ̌m. Ɨ́ jɔʼ nyé óbe, nye dína ɨ́ nyʉ̂l bipúno yɨ́, nye ósyɛ̂hle bísyɛ́ɛla bi dí eduho ɨ́ bigwɨ́má bí bʉ̂r bí.

1 Timotɛ 1:13

mɛm yɨ́ɛ mʉr á sɨsâ Nzyɛ̌m nkěh ɨ́ melú mé épíhe nyá. Me á si tíble bʉr bé, le edîʼ mpêl. Damá jóʼǒ mpʉ mé á sâ syɛ́ɛla yaá yɨ́, Nzyɛ̌m á si jɨ̂ʼ me nkoó, nyɨɛ lɨ́ egʉ́a ó, bisyɛ́ɛla mé á sɨsâ bí, byé á jaa tɨtɨ̂ ó, njɨ lɨ́ egʉʼla lâm, le abûʼla wǎm.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

Galásia 3:1

Bɨ̌n bʉr ó Galásia bé ó bigʉʼlʉgʉ́. Nzé á bana kʉ́a bɨ̌n? Báb, bé á si kʉ gwa lɛ̂ʼle bɨ̌n ɨ́ micɛmá, bɨ̌n nzě bee ɨ́ sʉ́lʉ́lʉ́ mpʉ̌ Yésʉs-Krîst á jʉ́ŋɔɔ ɨ́ kolôs kʉ́ yɨ́.

Mataos 25:2

Bîʼ bítɛ̂n, byé á be ó bigʉʼlʉgʉ́. Byúú bítɛ̂n, ocwóó.

1 Pyɛr 3:16

Sáʼ gá nó e njwɨr ɨ́ tala tala, ndu e bʉ́á. Mipahlá mílémé mín, myé díʼee njɨ myaá mi dí ɨ́ pyɛɛɛ mí. Bɨ́n dú mbɨambɨa kʉ̌ tyen ɨ́ Krîst, bʉ̂r kǎ swêʼ bɨ́n míe náǎ tɨ̂ʼ nɛ́ɛ: bé ósûʼlǎ kǎ jóʼo sôn, ebe bé dí bʉr o mélwɨ́ɨ.