1 Pyɛr 2:11 - Kálar Nzyɛ̌m : Ejwán é Sáá

¹¹ Mě jɨʼlá e bɨ̌n, osó bâm ó, bɨ̌n díʼee mpʉ̌ sá lɛ́ɛ́, bɨ̌n bé ó milaa-nkpǎʼ, nkʉ̂ mpʉ ójwóo dí ɨ́ mesí mé sí yɨ̂ʼ bá. Ɨ́ nzɨ̌ nyaá ó bɨ́n ngá tí bísá bʉ̂r ó sí yɨ̂ʼ dí egwɨ̂m bí yɨ́. Bisâ byaá ó dí elwímla e misísǐm mín.

Kálara Zyɛ̌m Edwán é mpʉ̌n

¹¹ Obɨɔ o kpɛl bam aa! Me ejwɨʼla e bɨn ó, bɨn diʼe mpʉ mɨndìndìl ndwe mɨngbaalaŋa é mɨlal mɨ si nwa. Diʼe ga é l'ecyooŋʉ, lé esyɛhle lɔb esa bɨsyɛɛla bɨpuno bin lé egwɨm, byaa ndɨ elwimla e mɨsisim min ɨ.

1 Pyɛr 2:11 ပူးပေါင်းရင်းမြစ်များ

Galásia 5:24

Bʉr o dí egúmo e Krîst bá, bé á si jʉ̂ njwɨr myâ gá wɨ́ná. Bisyɛ́ɛla bí ébébe wé á gwɨ̂gwɨm bí, byé akǎ báʼǎ be. Bé ó mpʉ̌ sá lɛ́ɛ́, bɨ́ jʉ̂ njwɨr waá, lɨ́ ebomlo wé e binzâŋ, bɨ́nɔɔ byé ɨ́ kolôs kʉ́.

1 Pyɛr 4:2

Mbi mʉ̂r waá ókǎ títíʼe ɨ́ sí yɨ̂ʼ ó, njɨ lɨ́ elóŋlǒ gwɨ́má mé Nzyɛ̌m. Ɨ́ jɔʼ nyé óbe, nye dína ɨ́ nyʉ̂l bipúno yɨ́, nye ósyɛ̂hle bísyɛ́ɛla bi dí eduho ɨ́ bigwɨ́má bí bʉ̂r bí.

Ebrœ̂ 11:13

Bʉr baá bɨ́bɛ̂h, bé á dwe ó, bɨ́ɛ lɨ́ edyɛ̂ʼwo e Nzyɛ̌m. Jɔʼ bé á dwidwe nó yɨ́, bé á bé apǎ bǐ sá nyé á kɛʼ bé yɨ́. Sâ gwár, bé á bee nkɛ̌ʼ nyaá ó, nye dína ká ká lɨ́ ejaa. Bê nzě soho nyê. Bé bʉr o tɨ̂, bé á si gʉ́a lɨ́ otyeetye ó, bé ó ojwóo ti e milaa-nkpǎʼ ɨ́ sí yɨ̂.

Rôm 8:13

Bɨ́n dú njwɨr myâ gá wɨ́ná nó, go ó, eswie, lé ójala e bɨ̌n. Bɨ́n lélé nkûl e nzɨ̌ Sísǐm mé Nzyɛ̌m, ntɔ̂ʼ jʉ̂ bísyɛ́ɛla bi nyʉ̂l bipúno nó, lɛ́ɛ́, bɨ̌n bɨ́ tiʼe!

Jacques 4:1

Bitɔm e melwímla dí esyɛ́ɛlɨ páʼ nyɨ́n bí, byé duhǒ nkoó? Byé duho ó, ɨ́ bigwɨ́má bɨ́n dí e byé jɔʼ yɨ́yɛ̂h ɨ́ menyʉ́l mɨ́n bí.

2 Timotɛ 2:22

Diʼeě e mpaŋ ncɛ́rá e bigwɨ́má bí óntwǒm. Dúʼóó njɨ bisâ bi dí tîtyěl bí. Dyɛ́ʼwáá e Nzyɛ̌m. Sáʼ bʉ̂r mpam. Sáʼ ó, bʉr bíʼee mepyɛbla. Sɨ́sáʼ nó, bɨ̌n e bʉr bɨ́bɛ̂h o dí ejɨʼla e Nzyɛ̌m e miléme ɨ́ sɔ́ɔ́ɔ́ bá.

2 Korɛnt 7:1

Nó, bɨ́ɔɔ́ o kpɛ̌l bâm ɛ̌! Mpʉ mɨ́ná gá dí e menkɛ̌ʼ ménɨ̌ yɨ́, mɨná púbaa gá mɨná bʉr o tɨ̂. Mɨná pɛ́ʼɛɛ gá bilœ̌ʼ bi dí ɨ́ mɨná gá ɨ́ menyʉ̂l ti e miléme bí. Mɨná kómlaa gá kʉ̌ tyen gá wɨ́ná, ó wé díʼee sá dí ti yɨ́, ɨ́ ndwááwá mɨ́ná dí edwáawo gá Nzyɛ̌m wɨ́.

Rôm 12:1

Nó, bɨ́ɔɔ́ bâm ɛ̌, me lɨ́ ejɨʼla e bɨ̌n ɨ́ nkoó Nzyɛ̌m á jɨ̂ʼ gá mɨná nyɨ́, ó bɨ̌n tímlaa nye menyʉ́l mɨ́n ntinɨ̂ e ntinɨ̂, ebě, menyʉ́l mɨ́n, mé ɨ́ jala le esûʼla ó, mikublakúbla míndwéá mi dí ti ɨ́ míh mé Nzyɛ̌m mí. Nye óbee bícwiʼ bín byaá mbɨ̂mbɨá. Yé ntémé ó dí mpǎŋ ndwéá kûm dí ejala e misísǐm mín wɨ́.

Éfɛsɔs 4:1

Nó, mɛm mʉr dí mbʉʼ mé Tî Yésʉs nyá, mě jɨʼlá e bɨ̌n ó, bɨ̌n dúʼoo mbɨambɨa kʉ̌ tyěn Nzyɛ̌m á jébe bɨ̌n ó, bɨ̌n dúʼoo wɨ́.

Rôm 7:23

Tó kœb ó, mě beé ɨ́ nyʉ̂l nyǎm ó, yé e lʉ́ʉ́ étié e dí elwímla le etié e dí eduho ɨ́ bijwɨʼ bí lémé wâm lɨ́. Nkul syóm dí ɨ́ me wɨ́, wé ó dí entaa ócwóó wâm, nzě liŋ mé túʼǎ syóm dí me ɨ́ nyʉ̂l wɨ́.

Mɨlʉmlʉ 15:29

Bɨ̌n bé ɨ́ jala le eti: tír á baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá; ndéá métié; tír á pa dwe tû nyá; ndu e bimolá. Bɨ́n ókánwo ményʉ́l mɨ́n ɨ́ mbi wɨ̂ʼ nó, lɛ́ɛ́, bɨ̌n bé ókʉ́ gʉ́a ésâ sá dí ɨ́ mbɨa yɨ́. Diʼee gá mbɨ̂mbɨá.

Lʉkas 21:34

«Gwá di gá le ocwóó. Milémé mín ámû jaá tyɛʼ ɨ́ mpwaʼ edɨ́ɨ́ ndu e mpur menyoʼ, nkʉ̂ ɨ́ mpuo bijwɨʼ bí twǐʼ sí yɨ̂. Móhó waá, wé ámû jaá pyâl bɨ́n metwɨrâ, mpʉ̌ syɛ̌m.

1 Pyɛr 1:17

Bɨ̌n kɨkɛn díé mé Dâ, mʉr dí etíʼe bʉ̂r milɔ̌b lɨ́ otîtyěl, adwáawo bʉ̂r mempǒm nyá. Nyě títíʼé bé milɔ̌b myɔ́ɔ́ myaá ó, dû mpʉ bísyɛ́ɛla byɔ́ɔ́, byé á be yɨ́. Mpʉ bɨ́n dí ekɛ̌n Dâ Nzyɛ̌m yɨ́, jwɨʼ gwár e gwár yaá ntémé ó bɨ́n jala le elɛ̌ŋ twiʼ yɨ́n yɨ́, lɨ́ edû kʉ̌ tyen dí elɛ̂ʼle ó, bɨ̌n bé lɨ́ edwáawo nyé wɨ́.

2 Korɛnt 6:1

Ebě, Nzyɛ̌m lɛ́ɛ́ ó nɛ́ɛ: «Ɨ́ jɔʼ yé á jala yɨ́, me á si jóʼo go. Ɨ́ móhó mé á tiʼ bʉ́ʉ́ bʉ̂r wɨ́, me á si kɛm go ntémé.» Nó mpʉ bɨ́h dí esɨséǎ Nzyɛ̌m syɛ́ɛ́ gwár yaá yɨ́, bɨ̌h bé lɨ́ ejɨʼla e bɨ̌n ó, bɨ̌n ayɨ́ bi mpâm mé Nzyɛ̌m dwêh. Jɔ̌ʼ Nzyɛ̌m á kam ó, nye óyala mɨ́ná gá yɨ́ ó yɨ̂. Móhó nyé á tyêl lɨ́ esú lé étiʼ mɨ́ná gá wɨ́ ó wɨ̂.

2 Korɛnt 5:20

Nó bɨ̌h bé ó bʉr o mílʉ́mlʉ́ ɨ́ syɛ́ɛ́ mé Krîst. Yé ó mpʉ̌ sá lɛ́ɛ́, Nzyɛ̌m mʉr tɨ̂ʼ ó dí ejébe bɨ́n ɨ́ nzɨ̌ njɨ́blɨ́ wɨ́h. Ɨ́ tyé mé Krîst, bɨ̌h mû lɨ́ ejɨʼla e bɨ̌n ó nɛ́ɛ: kamaa gá ó, bɨ̌n bɨɛ díʼee baá Nzyɛ̌m á sâ saá páʼ bé e boo nɔ́ɔ́ bá.

Mɨlʉmlʉ 15:20

Mɨná cɛ́maa gá yɨ́ɛ mekaná ó, bé syɛ̂hlaa edulo mélwaʼwo ɨ́ menyʉ́l mɔ́ɔ́ e menzɨ̌ mâ: lɨ́ edwe bíkpɛʼkpɛ̂ʼ bí ónzyɛ̌m dúu, lɨ́ esâ bímolá, lɨ́ ede tír á pa dwe tû nyá, nkʉ̂ lɨ́ ede métié.

1 Pyɛr 1:1

Yé ó mɛm Pétrus, mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bʉr ó Nzyɛ̌m á twâr, dí etíʼě mpʉ ójwóo ɨ́ sí yɨ́yɛ̂h, mingbɛhá míngbɛhá ɨ́ mesí mé Pɔ́ŋtos, Galásia, Kapadosía, Azía le Bitinî bá.

Éfɛsɔs 2:19

Nó yé lɛ́ʼlé ó, bɨ̌n bé akǎ be bʉ̂r o bíkûl e biloo, nkʉ̂ ojwóo. Bɨ̌n mû ó bʉr o mpóʼo mé Nzyɛ̌m jwɨʼ gwár e gwár e bʉr o b'á nyɛɛ gúmo e né, duho myâ bá. Bɨ̌n mû ó bʉr ó mbɛ̌r bʉ̂r mé Nzyɛ̌m ntémé.

Ebrœ̂ 6:9

Bʉr ó kpɛ̌l bâm, bɨ̌h damá lwib nó, mě e mpûʼla ɨ́ léme ɨ́ lɔ̌b wɨ́n ó, sá dí mbɨa, laa méswomlʉ le medíʼe yɨ́, yé ó bɨ̌n dóló. Sâ yaá, yé ó twǐʼ njʉ̌m dǐ.

1 Pyɛr 4:12

Bʉr ó kpɛ̌l bâm! Atwɨra gá ɨ́ jɔʼ bɨ́n dí ebee mébʉ́blá me dí enze má yɨ́. Mitúú bɨ́n dí esia e myé, myaá mi dí ɨ́ díʼa díʼa mpʉ̌ siʼe mínɨ̌, myé abe mítúú bɨ́n jálá le etwɨra mí.

2 Pyɛr 3:1

Bʉr o mé dí ekpɛl bá, mekaná membá mé mû sí cɛma bɨ́n má ó mâ. Mě cɛmá bɨ́n ó, me jɨ́mɨɨ bɨ̌n bitɔŋlá, bɨ̌n nkʉ̂ pahle byé e miléme mi dí abe e mikóo mí.