1 Pyɛr 2:10 - Kálar Nzyɛ̌m : Ejwán é Sáá

¹⁰ Ɨ́ mimbú mí píhe, bɨ̌n bé á bé abě kúl bʉ̂r mé Nzyɛ̌m. Nó ó, ɨ́ báánâ, bɨ̌n mû ó kúl bʉ̂r dí egúmo e nye yɨ́. Ɨ́ mimbú mí píhe, abe e mʉr á jɨ̂ʼ bɨ̌n nkoó. Nó ó, ɨ́ báánâ, Nzyɛ̌m, nyɨ́ kʉ́ jɨ̂ʼ bɨ́n nkoó.

Kálara Zyɛ̌m Edwán é mpʉ̌n

¹⁰ Molu pihe, bɨn bé a baabe kul bʉr ye. No ó, banana, bɨn mu ó kul bʉr ndɨ yaa mo Zyɛm ɨ! Molu pihe, abe e mʉr a jwɨʼ bɨn nkoo. No ó, banana, Zyɛm nye mʉr tɨ, nyi kʉ jwɨʼ bɨn nkoo!

1 Pyɛr 2:10 ပူးပေါင်းရင်းမြစ်များ

Ebrœ̂ 4:16

Nó, mɨná sîhlaa gá bǎʼ e né, tó pyâl pyáláa ɨ́ mecwɨ́ɨ́ mé jwɨ́ɨ́ yé. Mɨná pyálaa gá ɨ́ mpǒm nyé, abáawǒ sɔ̂ʼ, le ebúʼla ó, nyě dǐ ɨ́ mecwɨ́ɨ́ maá ó, lɨ́ esú ó, nye sâʼ bʉr mpam, le ejɨ̂ʼ bé nkoó. Mɨná bi gá mpam nyé ó, ɨ́ jɔʼ mɨ́ná dí ebuú jɨ gá nkɔ̌m nyé yɨ́.

1 Timotɛ 1:13

mɛm yɨ́ɛ mʉr á sɨsâ Nzyɛ̌m nkěh ɨ́ melú mé épíhe nyá. Me á si tíble bʉr bé, le edîʼ mpêl. Damá jóʼǒ mpʉ mé á sâ syɛ́ɛla yaá yɨ́, Nzyɛ̌m á si jɨ̂ʼ me nkoó, nyɨɛ lɨ́ egʉ́a ó, bisyɛ́ɛla mé á sɨsâ bí, byé á jaa tɨtɨ̂ ó, njɨ lɨ́ egʉʼla lâm, le abûʼla wǎm.

Rôm 10:19

Nó ó, me lɨ́ ebáʼǎ dî ó: «Nzê oYúden, bé á bé agwá gʉ́a ɛ̌?» Eee, bé á be yɨ́ɛ ó, sí kʉ́ jóʼo. Moyɨ̂z á boo lɛ́ɛ ó: Nzyɛ̌m lɛ́ɛ́ ó: Me ósâ bɨ́n mbi dí ó, bɨ̌n sâʼ egú e bʉr o bíkúl bíswîh. Me ókóblo bɨ́n ebúʼ e nzɨ̌ bʉr o dí ɨ́ sí bígʉʼlʉgʉ́, dí elúʼo pɨ̂ʼ bá.

1 Korɛnt 7:25

Ɨ́ páʼ bíbíŋ méséhe, mé abe e lɛ́á mé Tî Yésʉs. Mě lɛ́ɛ́ yɨ́ɛ ó, yâm jwɨʼ ɨ́ tyé mʉ̂r Tî Yésʉs á jɨ̂ʼ nkoó, waá mû mʉr ebúʼlɔɔ nyá.

Rôm 11:30

Bɨ̌n, bʉr o dí abe óYúden bá, bɨ̌n bé á si sâ Nzyɛ̌m ajóʼo ɨ́ mimbú mí píhe. Ɨ́ báánâ mpʉ óYúden bɨ́ɛ dí ebene édyɛ̂ʼwo e né yɨ́, Nzyɛ̌m kǎ nzě jɨ̂ʼ bɨ́n nkoó.