1 Pyɛr 2:1 - Kálar Nzyɛ̌m : Ejwán é Sáá

¹ Myahaa gá bé bisyɛ́ɛla bîʼ bíbyɛ̂h: ebébe é léme, mimbi mímyɛ̂h, bilwǐb míkóo, mimbi mímyɛ̂h, bilwǐb bíbá bíbá, nzwíí ti e mesyɛ́ɛla mimbi mímyɛ̂h.

Kálara Zyɛ̌m Edwán é mpʉ̌n

¹ Ebe no, myaha ga bɨsyɛɛla biʼ bibyɛh: bɨn, e bɨlwib bɨkʉʉŋʉ, e bɨlwib bɨba bɨba, e zii ndwe e mɨmbi movoʼ mimyɛh.

1 Pyɛr 2:1 ပူးပေါင်းရင်းမြစ်များ

Éfɛsɔs 4:31

Akǎ sâ gá otié. Pɛʼɛɛ gá ebúʼ, le nkpaa ɨ́ miléme. Syɛ́hláá gá megô ndu e melwɨ́ɨ. Pɛʼɛɛ gá ebébe é léme ɨ́ milémé mín.

Jacques 1:21

Pɛʼɛɛ gá mebomo dí ɨ́ sɔ́má yɨ́n má. Bɨ̌n e gwâʼ le esâ ébébe é léme, ntaa sʉ́ŋa. Bɨ̌n e nʉ́á lwǐb mé Nzyɛ̌m e miléme mi dí ɨ́ pyɛɛɛ mí. Lwǐb yé yaá, yé mû ó mbeá tʉ́ŋlʉ̌ milémé mín. Lwǐb yaá ó dí e nkul etíʼ bɨ́n.

Jacques 4:11

Bɨ́ɔɔ́ bâm! Okɛ́l bâm! Asâ gá mesyɛ́ɛla páʼ nyɨ́n. Waá nyɨnyɛ̂h dí esâ mɨ́ɔɔ́ mesyɛ́ɛla, dwe nyé mebě nyá, nye mû ó mpʉ̌ sá lɛ́ɛ́, nyɨ́ bee étié mé Nzyɛ̌m e bigwǐh. Yé ntémé, yé ó mpʉ̌ sá lɛ́ɛ́, nyě dwé ó etié laá mebě. Nyé akǎ be mʉ̂r dí ebaʼle étié laá nyá. Nye mû ó lɨ́ edwe lé mebě.

1 Pyɛr 3:10

Ebě, yê cɛmá ó: «Mʉr nyɨnyɛ̂h dí egwɨ̂m étíʼě mbɨ̂mbɨá le egwɨ̂m ébee mélú mé émbɨa nyá, nyě sá alɛ́ɛ̌ sá dí ɨ́ bébe yɨ́. Nye gwáʼaa elɛ́ɛ bísá míkóo.

1 Pyɛr 4:4

Ohááden ónɨ̌, bé mû ó lɨ́ ekʉ́ kâm lɨ́ ebeě mpʉ bɨ́n dí, akǎ lɔ̂ʼwa lɨ́ esâ bísyɛ́ɛla bí ébébě mpʉ bɨ́n le onɔ́ɔ́, bé á nyɛɛ sɨsâ yɨ́. Bé mû ó lɨ́ elwɨ́ɨ bɨ́n tɨ̂.

1 Pyɛr 4:2

Mbi mʉ̂r waá ókǎ títíʼe ɨ́ sí yɨ̂ʼ ó, njɨ lɨ́ elóŋlǒ gwɨ́má mé Nzyɛ̌m. Ɨ́ jɔʼ nyé óbe, nye dína ɨ́ nyʉ̂l bipúno yɨ́, nye ósyɛ̂hle bísyɛ́ɛla bi dí eduho ɨ́ bigwɨ́má bí bʉ̂r bí.

Jacques 5:9

Bɨ́ɔɔ́ bâm! Okɛ́l bâm! Ayɨ́ sɛ́ɛla gá bipurá páʼ nyɨ́n, ebě, Nzyɛ̌m nkʉ̂ be, atíʼe bɨ́n lɔ̌b tɨ̂. Tîʼ milɔ̌b mû ó kúno enze.

Ebrœ̂ 12:1

Ɨ́ páʼ gá wɨ́ná, mɨná gá bé ó tʉ́ŋlʉ̌ bʉr baá. Bé lɨ́ ebɔma mɨ́ná gá ɨ́ nká, lɨ́ eboʼlo mílɔ̌b mé Nzyɛ̌m. Nó ó, mɨná líʼaa gá mimbeʼ médile mímyɛ̂h le syóm dí ekwable mɨ́ná gá wɨ́ wɨ́wɛ̂h. Mɨná sâʼ gá bíhwó lɨ́ eswim míkám, tó pyâl ɨ́ súm Nzyɛ̌m á lyáŋle njɨ ésíé é kám yɨ́.

1 Timotɛ 3:11

Bʉbá bɔ́ɔ́ ntémé, bé ɨ́ jala le edwe ményʉ́l mɔ́ɔ́ medile, abe lɨ́ eswêʼ míé mé bʉ́ʉ́ bʉ̂r. Bé ajala le ede ményoʼ, sahle. Bé ɨ́ jala le ebe ó, bʉr o bé ébûʼlɔɔ ɨ́ mipáʼ mímyɛ̂h.

1 Pyɛr 2:22

«Nye á bé asâ syóm. Lwǐb míkóo, yé aduho ɨ́ num wé.»

Títos 2:3

Lɛ́yɨ́ɨ́ mísile mi bʉ́bá jwɨʼ gwár ó, bé dúʼoo mbǐ kʉ̌ tyen dí ejala e mʉr dí edwáawǒ Nzyɛ̌m nyá. Bé sá aswêʼ míé mé bʉ́ʉ́ bʉ̂r. Bé ayɨ́ lɔ̂ʼwa ɨ́ ndéá ményoʼ, nkʉ̂ di bítúʼǎ bi tɨ̂. Bé dwêʼ bʉr mimpaŋ mélɨ́,

1 Korɛnt 14:20

Bɨ́ɔɔ́ bâm! Okɛ́l bâm! Ayɨ́ kǎ pahle gá mpʉ bwá ó ntwǒm. Bɨ̌n bé óbɛ̌m baŋa bwá ó ntwǒm ɨ́ mpʉ bé dí asâ ébébe é léme yɨ́. Sâ gwár, ɨ́ nkǒ páʼ mípahlá mín míɛ, diʼee gá mpʉ ótɔ́má bʉ̂r.

Rôm 1:29

Bé lɨ́ eswâhle bísyɛ́ɛla bíbyɛ̂h bi dí egbah métié bí. Byé ó dí: jélé, gwɨ́má bísá byé onkán, ebébe é léme, nzwíí, ntaa sʉ́ŋa, ejwɨ́ɨ́ é bʉ̂r, gwɨ́má égœ́a e bʉr, mikóo, sɛ́á mépɨʼ mé ébébe, mesyɛ́ɛla.

Lʉkas 6:42

Wáǎ mbi gó dí e nkul elɛ́ɛ e mɨ́ɔɔ́ gǒ ó: “Paá nze! Mɨ́ɔɔ́ wǎm, me pɛ́ʼɛɛ go mâ sɔ̂ʼ dí go ɨ́ dîh nyá,” gua yɨ́ɛ apǎ pɛ̌ʼ mbʉ́ŋʉʉ dí go ɨ́ dîh wɨ́ ɛ́? Baányâ-mikóo bâ, tááráá épɛ̌ʼ mbʉ́ŋʉʉ dí ɨ́ díh lô wɨ́! Jɔʼ yaá ó gó ngá bee ɨ́ sʉ́lʉ́lʉ́, pɛ̌ʼ mpǔm dí mɨ́ɔɔ́ gǒ ɨ́ díh yɨ́.»

Mataos 23:28

Bɨ̌n bʉr o tɨ̂ʼ, ɨ́ míh mé bʉ̂r, bɨ̌n nyɨ́n ó mpʉ ótîtyěl o bʉ̂r. Tó kœb ó, milémé mín, myê njɨ ó, bɨ̌n sâʼ mikóo le entaa métié mé Nzyɛ̌m.

Mataos 7:5

Ányâ-mikóo, tááráá épɛ̌ʼ mbʉ́ŋʉʉ dí ɨ́ díh lô wɨ́. Jɔʼ yaá ó gó ngá gwá bee, ntɔ̂ʼ pɛ̌ʼ mpǔm dí mɨ́ɔɔ́ gǒ ɨ́ díh lé yɨ́.

2 Korɛnt 12:20

Ebě, mě kpɛ́ɛ́ ó, me ámû be, abáʼǎ bɔma e bɨ̌n lɨ́ epyál lâm mpʉ mé dí egwɨ̂m yɨ́. Bɨ̌n ámû kœb mé, abě mpʉ bɨ́n bɨɛ dí egwɨ̂m yɨ́. Me ámû kœb bɨ́n lɨ́ esâ bísyɛ́ɛla bî: mentɛ́ɛ́, egú, mebúʼ, gwɨ́má épɨra e bʉr, mesyɛ́ɛla, mpǔʼ, nkɛ́á nyʉ̂l, le bintʉ̌.

Mɨngwiha 14:5

Lwǐb míkóo, yé apyâl ɨ́ minum myɔ́ɔ́. Bé ntémé, abe e sá ébébe bé á gwa boʼlo bé e tɨ̂.

1 Pyɛr 2:16

Dúʼóó gá kʉ̌ tyen mpâ ónzyɛh o bʉ̂r jálá le edû wɨ́. Bɨ̌n damá be ónzyɛh o bʉ̂r, sâ gwár, asâ gá ebébe ɨ́ lɔ̌b dǐ bɨ́n dí tɨ̂ʼ yɨ́. Dǐ yaá, yé ajala le esûʼlǎ sá bɨ́n búbló ébébe é léme lɨ́n e tɨ̂ʼ yɨ́. Tiʼaa gá mpʉ bítúʼǎ bi dí egúmo e Nzyɛ̌m bí.

Jacques 4:5

Nzê bɨ̌n mû lɨ́ ebee ó, lwǐb mé Nzyɛ̌m, yé ó dwêh? Ebě, nye á si boo lɛ́ɛ ó: «Sísǐm Nzyɛ̌m á gbâ ɨ́ mɨná gá wɨ́, wé ɨ́ buú sâ mbɔʼ.»

Jacques 3:14

Sâ gwár, yé bé bɨ̌n bé lɨ́ esâ égú le epɨra e bʉr ɨ́ milémé mín nó, ayɨ́ nkʉ́na gá dwêh. Milɔ́ɔ́ bíbɛr myaá, myé ó kwahaá tʉ̂toʼó.

1 Tesalonika 2:3

Mpʉ bɨ́h dí edwe bɨ́n nkul ɨ́ nzɨ̌ Mbɨambɨa Lɔ́ɔ́ wé yɨ́, yé á bé abě gwǐh ɨ́ wɨ́h pâʼ. Yé á bé aduho ɨ́ lémé mpîr, nkʉ̂ ɨ́ mikóo mé nyʉ́ʉ́ mʉ̂r.

1 Korɛnt 5:8

Mɨná bé ayɨ́ bwal gá nzɔɔ gá nyɨ́ná nyaá lɨ́ edě blêr dí e njʉ̌m levure yɨ́. Blêr yaá, yé mveʼle ó, ebébe é léme le jélé. Mɨná bwálaa gá nzɔɔ gá nyɨ́ná lɨ́ edě blêr dí abe e levure yɨ́. Yɨ́haá blêr, yé ó lwǐb ótyeetye dí apûhla e mikóo yɨ́.

Yʉanes 1:47

Jɔ̌ʼ Yésʉs á bee Natanaɛ̂l lɨ́ enzě nko nyé á be yɨ́, nye ó: «Beyɨɨ gá nyɛ̂r Ɨ́zraɛ̂l ɨ́! Nyé abe e mikóo.»

Lʉkas 11:44

Nkoó, nye ó e bɨ̌n! Ebě, bɨ̌n bé ó mpʉ mésoo dí akǎ nyɨ̂n kʉ̌l má. Bʉr, bé lɨ́ etíbe mésoo maá, bɨ́ɛ l'agʉ́a ó, bé lɨ́ ekúna e sá mélwaʼwo.»

Lʉkas 12:1

Lɛŋ bá jɔʼ, entumo e bʉ̂r ntɔ̂ʼ báʼǎ swâl. Bé á be ó otɔ́ɔ́sin otɔ́ɔ́sin. Bʉr tîtibe bʉ́ʉ́ mekʉ̌. Yésʉs, nye le ompʉ́n bé ó: «Gwá baʼ gá oFarizyɛ̂n ɨ́ lɔ̌b levure bé dí e yé yɨ́. Yé ó mikóo.

Markus 12:15

Yésʉs á be ó lɨ́ egʉ́ǎ njɔ́ŋ wɔ́ɔ́. Nó nyé á lɛ́ɛ e bé ó: «Bɨ̌n bá bóblo mé mpʉ́nʉ̌ ɨ́ yé? Ntáʼ gá me e nzǎŋ mɔnɨ́, me béyɨɨ wê!»

Mataos 24:51

Nye ódwe syɛ̂l mesâ waá bintɨ́ʼá jwɨʼ gwár e gwár e mpʉ nyé dí edwe báányâ-mikóo byǎ yɨ́: kpáa nyé mimyál mímbá. Gúmo yaá ó bé ngá jóno le epûʼlo médye yɨ́.»

Mataos 15:7

Bɨ̌n baányâ-mikóo bâ! Gʉ́ŋáá gá ó, Ésayie á si kʉ gwa gwîh milɔ̌b mín ɨ́ jɔʼ nyé á lɛ́ɛ ó: