1 Pyɛr 1:25 - Kálar Nzyɛ̌m : Ejwán é Sáá

²⁵ Lwǐb mé Dâ yɨ́ɛ̌ di ó, njʉ̌m dǐ e njʉ̌m dǐ.» Tó kœb ó, lwǐb yaá, yé ó Mbɨambɨa Lɔ́ɔ bé á túno bɨ̌n wɨ́.

Kálara Zyɛ̌m Edwán é mpʉ̌n

²⁵ Lwib mo Da yɛɛ ó njʉmdia e njʉmdia.» To kœb ó, lwib yaa, yé ó Mbɨambɨa Lɔɔ bé a lɛɛ bɨn ɨ!

1 Pyɛr 1:25 ပူးပေါင်းရင်းမြစ်များ

Mataos 5:18

Mě lɛ́ɛ́ bɨ́n lɨ́ otyeetye ó, tó pyâl ɨ́ jɔʼ kʉ́ e sí ngá síe yɨ́, kaŋá gwár tɨ̂, nkʉ̂ mâ etɔ́n égwár e tɨ̂, byé ákóʼó pʉʼa, tó pyâl ɨ́ jɔ̌ʼ sá yɨ́yɛ̂h ngá syɛ́ɛ yɨ́.

1 Yʉanes 1:1

Lɔ́ɔ́ bɨ́h mû lɨ́ elɛ́ɛ bɨ́n wɨ́, wé ó, ɨ́ lɔ̌b Lwǐb Twiʼ. Nye á boo be ó tɨ̂, kʉ́ e sí apǎ bě kuhá. Bɨ̌h bé á si jóʼo twíí nyé, bee ntémé nye e míh mɨ́h. Nye ó mʉr bɨ́h á siŋle, waá mebó mɨ́h, mé á kúna nyá.

2 Pyɛr 1:19

Nó, lɔ́ɔ́ ógwíha o mílɔ̌b bé á tutúno wɨ́, wé ó sá mɨ́ná mû sí gʉ́a gá ɨ́ pébébé yɨ́. Bɨ̌n e kʉ́ gwá di le ocwóó, ebě, wé ó mpʉ éláma e dí epan ɨ́ gúmó yé á bɨbe lɨ́ edúrʉ́ʉ́ yɨ́ lɨ́. Tóʼ gá dóló le ebúʼlǎ lɔ́ɔ waá, tó kumo ɨ́ jɔʼ dʉ́o lé ójɨma yɨ́, le ɨ́ jɔʼ twítwén melɔ́ma mé mɛ́n ópan bɨ́n ɨ́ miléme yɨ́.

Lʉkas 16:17

Kʉ́ e sí, byé e nkul edîm kám e kám. Sâ gwár, yé ɨ́ buú lele ó, kaŋá gwár dí ɨ́ buú twâʼwo ɨ́ metié mé Nzyɛ̌m yɨ́ dímɨɨ.»

Éfɛsɔs 2:17

Krîst á nze ɨ́ sí yɨ̂ʼ ó, nye ntáa nzě túno bɨ́n, bʉr o b'á be e ncɛrá e né bá, lɔ́ɔ́ wɨ̂: Nzyɛ̌m, nyɨ́ gbâ mépyɛbla páʼ nyɨ́n le onɔ́ɔ́. Nye á túno lɔ́ɔ́ mépyɛbla ngwár e ngwár waá ntémé ó, kwá nyɨ́h, oYúden, bʉr o b'á bɨbě bǎʼ e Nzyɛ̌m bá.

Yʉanes 1:14

Lwǐb á be ó sí byɛ̂l mʉ̂r. Nye á si tiʼe páʼ gá nyɨ́ná. Mɨná bé á be ó sí bee gá mentyɛnwa mé, mentyɛnwa mé étíʼé é Mwân mé Nzyɛ̌m. Nye á si duho kwá Sɔ́ŋ wé lwɨ́ŋlá e mpam mé Nzyɛ̌m, le otyeetye.

Yʉanes 1:1

Nzyɛ̌m dína apǎ kuho kʉ́ e sí, mʉr á be e díe ó, “Lwǐb” nyá, á boo be ó tɨ̂. Lwǐb, bé e Nzyɛ̌m ó b'á be. Lwǐb á be ó Nzyɛ̌m.

1 Yʉanes 1:3

Sá bɨ́h á bee e míh mɨ́h, jóʼo e megwǎl mɨ́h yɨ́, yé ó bɨ́h dí etúno bɨ́n ntémé yɨ́, mbi dí ó, mɨná nkʉ̂ di gá ɨ́ mpúhlá, mɨná gá óbɛ̂h. Mpúhlá mɨ́ná ngá pûhla gá nyɨ́, óbe ó e Nzyɛ̌m Sɔ́ŋ, bé e Mwân wé, Yésʉs-Krîst.

1 Pyɛr 2:2

Gwɨ́mɨ́ɨ́ gá mbɨambɨa lɛ́ʼlá dí abe mpúhlá e mebomo, waá dí ejala e misísǐm mín wɨ́. Wé ó ngá sâ ó, bɨ̌n gwɨ́aa, ntɔ̂ʼ tó kumo ɨ́ twǐʼ njʉ̌m dǐ. Gwɨ́mɨ́ɨ́ gá yé mpʉ bítyéé dí egwɨ̂m ébêl, ó byé nkʉ̂ dwaʼ le egwɨ́e yɨ́.

1 Pyɛr 1:23

Nó, bɨ̌n mû ó sí báʼǎ byɛ̂l. Mpeʼ yé á beŋɔɔ ɨ́ milémé mín yɨ́, yé abě sá dí e nkul ebo yɨ́; yé ó lwǐb mé Nzyɛ̌m dí edǐ njʉ̌m dǐ e njʉ̌m dǐ yɨ́. Mpeʼ yé á beŋɔɔ ɨ́ bɨ̌n yɨ́, yé jaá di ó diʼée, acénecene.

1 Pyɛr 1:12

Nzyɛ̌m á lɛ́ɛ le ogwíha o mílɔ̌b baá ó, túnó bé á to le etúno wɨ́, wé á bé abe lɨ́ esú lɔ́ɔ́ bé bʉr o tɨ̂, ó bé gʉ́ŋaa wé ɨ́ pébébé. Bé á tyɛ̂b le túnó ɨ́ jɔʼ yaá ó, lɨ́ esú lɨ́n. Bɨ̌n ó dí edirǎ nyɔm e túnó waá ɨ́ báánâ. Bʉr o b'á to le etúno Mbɨambɨa Lɔ́ɔ waá bá, bé á tutúno wé ó e nkul Sísǐm á duho ɨ́ jʉ́o kʉ́ nyɨ́. Lɔ́ɔ́ bé á lɨlɛ́ɛ bɨ̌n wɨ́, wé ó waá bééngeles dí ɨ́ buú gwɨ̂m ésʉ médwôʼlʉ tɨ̂ʼ wɨ́.

Títos 1:3

Nye á ka túno lɔ̌b twiʼ yaá ó, ɨ́ jɔʼ yé á jala le egwíhɔɔ yɨ́. Nzyɛ̌m, Tiʼbʉr gá wɨ́ná á gwîh bʉr lwǐb yé ó, ɨ́ nzɨ̌ nyǎm. Nye á tíʼe ɨ́ léme ó, nyě tyél ó me ɨ́ dǐ lɛ́a lɔ́ɔ wé. Nye á tímle syɛ́ɛ́ yaá ó me.

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

1 Korɛnt 2:2

Ebě, me á tíʼe ɨ́ lémé wâm ó, me ójaá lɛ́ɛ bɨ́n ó, njɨ sá dí edumo e Yésʉs-Krîst yɨ́, Yésʉs waá á dwe ɨ́ kolôs nyá.

Ebrœ̂ 6:5

Bé á be lɨ́ ebibi ntémé lɔ́ɔ́ mé Nzyɛ̌m dí ɨ́ buú mbɨa wɨ́, jóʼo ménwǎn me tɨ̂. Bɨ́ɛ, bé á si nyɛɛ dweŋɔɔ mbi nkûl ngá dweŋɔɔ ɨ́ mpóʼǒ Nzyɛ̌m ngá tyêl nyɨ́ wɨ́.

Mɨngwiha 14:6

Nó ó, me á si bee nyʉ́ʉ́ éngeles lɨ́ epiilɨ lɨ́ ejwoo kʉ́. Nye á nze ó, lɨ́ enzě túnǒ Mbɨambɨa Lɔ́ɔ. Wé ó lɔ́ɔ dí acéneceně kɔ́m ti e kɔ́m wɨ́. Nye ótúno wé ó, kwá bikûl bíbyɛ̂h, odil ó sí bɨ́bɛ̂h, ɨ́ mesí mɨ́mɛ̂h, e mempóʼo mɨ́mɛ̂h, le ɨ́ bilwǐb bíbyɛ̂h.