1 Pyɛr 1:23 - Kálar Nzyɛ̌m : Ejwán é Sáá

²³ Nó, bɨ̌n mû ó sí báʼǎ byɛ̂l. Mpeʼ yé á beŋɔɔ ɨ́ milémé mín yɨ́, yé abě sá dí e nkul ebo yɨ́; yé ó lwǐb mé Nzyɛ̌m dí edǐ njʉ̌m dǐ e njʉ̌m dǐ yɨ́. Mpeʼ yé á beŋɔɔ ɨ́ bɨ̌n yɨ́, yé jaá di ó diʼée, acénecene.

Kálara Zyɛ̌m Edwán é mpʉ̌n

²³ No ó, bɨn mu ó si bâʼle byɛl. Bɨn bé a baabyɛl ebe mpœʼ ndɨ e nkul ebo e. Mpœʼ yé a sa ó, bɨn byɛlɨ ɨ, yé ó mpœʼ ndɨ abe e nkul ebo e. Mpœʼ yaa, yé ó lwib mo Zyɛm. Yé ekubla bɨn é mɨleme. Abe e yʉʉ jɔʼ yé ópʉʼa tɨ.

1 Pyɛr 1:23 ပူးပေါင်းရင်းမြစ်များ

1 Pyɛr 1:3

Mɨná gúmlaa gá waá dí Nzyɛ̌m mé Tî gá wɨ́ná Yésʉs-Krîst, waá dí Sɔ́ŋ wé nyá. Nyɨ́ buú jɨ̂ʼ mɨ́ná gá nkoó, ntɔ̂ʼ dwe mɨ́ná gá nkul ebyɛ̂l jɔʼ mbá, lɨ́ esú ó, mɨná díʼee gá lwɨ́ŋlá e mpûʼla ɨ́ miléme. Mpûʼla nyaá, nyě duhó ó, ɨ́ nkul pɛhá nyé á pɛh Yésʉs-Krîst ɨ́ soo wɨ́.

Ebrœ̂ 4:12

Lwǐb mé Nzyɛ̌m, yé ó sá dí kublakúbla yɨ́. Yé e nkul! Yé ntémé, yé ɨ́ bábla, laa pâsoŋ dí njebá myoo mipáʼ mímbá yɨ́. Ɨ́ jɔ̌ʼ Nzyɛ̌m dí elwib yɨ́, lwǐb yé, yé lɨ́ ekʉ́ bánǎ syɛ̂h bípúno, tó kumo ɨ́ mebɨ̌l, ntɔ̂ʼ pin bítíl bí nyʉ̂l ɨ́ mebʉó. Yé lɨ́ ekpâhlǎ gúmó léme ndu e sísǐm dí edira yɨ́. Yé lɨ́ epahle le egbâ mbɔ́ʼ ɨ́ miléme ndu e bijwɨʼ gá bíná.

Yʉanes 3:3

Yésʉs, nye e né ó: «Me lɨ́ elɛ́ɛ gó lɨ́ otyeetye ó, mʉ̂r bé abáʼǎ byɛ̂l jɔʼ dwân nó, nyé abe e nkul enî ɨ́ Mpóʼo mé Nzyɛ̌m.»

Yʉanes 1:13

Bé á bé atyélɔɔ bwán mé Nzyɛ̌m ɨ́ nkǒ páʼ métié, nkʉ̂ ɨ́ lɔ̌b bígwɨ́má ményʉ́l mɔ́ɔ́, nkʉ̂ ɨ́ lɔ̌b gwɨ́má mʉ̂r. Bé á byɛ̂l ó byɛ́lɨ́ɨ nó, ɨ́ gwɨ́má mé Nzyɛ̌m.

Yʉanes 6:63

Sísǐm mé Nzyɛ̌m ó dí edwě twiʼ. Mʉr ákóʼó bǐ twiʼ mpâ lɨ́ edû bígwɨ́má bí nkûl bipúno. Bilwǐb mé dí elwib e bɨ̌n bîʼ duho ó ɨ́ Sísǐm. Byé ntémé, byé ó dí etiʼ bɨ́n.

1 Yʉanes 5:18

Mɨná bé lɨ́ egʉ́a gá ó, mʉr nyɨnyɛ̂h mû mbyɛ́lá ɨ́ mpóʼo mé Nzyɛ̌m nyá, nyé akǎ tô dóló le esâ mísyóm. Mwân Nzyɛ̌m á byâ nyá, nye lɨ́ ekamle e mbi mʉ̂r waá. Ebe nó, Sátan, nyé abe e nkul esâ nyé ebébe.

Jacques 1:18

Nye mʉr tɨ̂ʼ á byâ mɨná gá ó, ɨ́ lɔ̌b gwɨ́má yé, ɨ́ nzɨ̌ lwǐb yé dí tyeetye yɨ́. Nó ɨ́ bisá bíbyɛ̂h nyé á komlo bí, mɨná ó dí gá ɨ́ tyé ésôʼ.

Yʉanes 3:5

Yésʉs, nye ó: «Me lɨ́ elɛ́ɛ gó lɨ́ otyeetye ó, mʉ̂r óbe, abyɛ̂l mbyɛ́lá médíbé e waá Sísǐm nó, nyé abe e nkul enî ɨ́ Mpóʼo mé Nzyɛ̌m.

Mataos 24:35

Kʉ́ e sí, byé ólaa. Milɔ̌b myâm míɛ, myé ákóʼó síe.

1 Yʉanes 3:9

Mʉr nyɨnyɛ̂h mû sí byɛ̂l ɨ́ nkul mé Nzyɛ̌m nyá, nyé atô dóló le esâ syóm, ebě, twiʼ dí eduho kwá mé Nzyɛ̌m yɨ́, yé ó ɨ́ nye tʉ́ŋlʉ̌. Nyé abe e nkul etô dóló le esâ syóm, ebě, nye á byɛ̂l ó ɨ́ nzɨ̌ twiʼ mé Nzyɛ̌m.

1 Pyɛr 1:25

Lwǐb mé Dâ yɨ́ɛ̌ di ó, njʉ̌m dǐ e njʉ̌m dǐ.» Tó kœb ó, lwǐb yaá, yé ó Mbɨambɨa Lɔ́ɔ bé á túno bɨ̌n wɨ́.

Yʉanes 1:3

Nzyɛ̌m á sâ sá yɨ́yɛ̂h ó e Lwǐb. Abe e yʉ́ʉ́ sɔ̂ʼ yé á syɛ́ɛ, Lwǐb abe.

Rôm 1:23

Líʼe ó, bé dwêʼ Nzyɛ̌m, waá dí adwe nyá kûm, bé á ka dwe kûm ó bikpɛʼkpɛ̂ʼ. Bé á kpaʼ bikpɛʼkpɛ̂ʼ byaá ó, mveʼle bʉ̂r, binʉ̌n, otír, nkʉ̂ onyʉ́a, bisâ bi dí elaǎ mpʉ̌ ngúl mpáá bí.

Lʉkas 8:11

«Kɨkɛnǎ nɨ̌, yé lɛ́ɛ́ ó mbi wɨ̂: mpeʼ, yé ó lɔ́ɔ́ mé Nzyɛ̌m.