1 Pyɛr 1:22 - Kálar Nzyɛ̌m : Ejwán é Sáá

²² Njóʼá bɨ́n á jóʼo otyeetye wɨ́, wê nzě pubo bɨ́n ɨ́ páʼ ébébe. Mejóʼo bɨ́n á dwe Nzyɛ̌m má, mɨ́ lɛ̂ʼle bɨ́n mpʉ bɨ́n jálá le ekpɛla, kpɛ̌l dí ápurapúra yɨ́. Yé ó yaá mpâ dí eduho bɨ́n ɨ́ miléme, yaá dí abě mbáʼrá e mikóo yɨ́.

Kálara Zyɛ̌m Edwán é mpʉ̌n

²² Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

1 Pyɛr 1:22 ပူးပေါင်းရင်းမြစ်များ

1 Timotɛ 1:5

Ɨ́ metwɨ́ɨ́ ménɨ̌, ndumló tɨ̂, wé ó, mɨná kpɛ́laa gâ. Kpɛ̌l yaá, yé dúhaa ɨ́ miléme mi dí ɨ́ sɔ́ɔ́ɔ́ mí, le ɨ́ mipahlá míléme mi dí ɨ́ pyɛɛɛ mí. Kpɛ̌l yaá dúhaa ntémé ɨ́ mpǎŋ búʼó yɨ́ná dí abě mbáʼrá e mikóo yɨ́.

Ebrœ̂ 13:1

Mʉr akâr gá ekpɛla páʼ nyɨ́n, mbǐ kpɛ̌l dí páʼ bɨ́ɔɔ́ e bɨ́ɔɔ́ ɨ́ Krîst wɨ́.

1 Yʉanes 4:12

Abe e mʉr dí ɨ́ pǎ beě Nzyɛ̌m. Mɨ́ná kpɛ́lá gá páʼ gá nyɨ́ná nó, Nzyɛ̌m ókʉ́ tíʼe ɨ́ mɨná gâ. Milémé gá míná, myé olóno ɨ́ kpɛ̌l yé.

1 Yʉanes 4:7

Bʉr ó kpɛ̌l bâm, mɨná kpɛ́laa gá páʼ gá nyɨ́ná, ebě, kpɛ̌l, yé lɨ́ eduho kwá mé Nzyɛ̌m. Mʉr nyɨnyɛ̂h dí e kpɛ̌l nyá, nye ó mbyɛ́lá ɨ́ nkul mé Nzyɛ̌m. Nye ntémé, nyɨ́ gʉ́ǎ Nzyɛ̌m.

1 Pyɛr 3:8

Lʉ́ ékǎn ɨ́ mekaná mâʼ lɨ́ esú é bɨ́n óbɛ̂h, wé ó: diʼee gá e mbǐ pahlá ngwár. Jóʼáá gá mebúʼ mémpwár. Kpɛlaa gá páʼ nyɨ́n kpɛ̌l dí páʼ bɨ́ɔɔ́ e bɨ́ɔɔ́ yɨ́. Lɛ́ʼláá gá kpɛ̌l dí eduho ɨ́ lémé tʉ́ŋlʉ̌ yɨ́. Jɔrɨɨ gá menyʉ́l mɨ́n páʼ nyɨ́n.

Jacques 4:8

Síhláá gá bǎʼ e Nzyɛ̌m. Nyé osîhlě nko bɨ́n dí yɨ́. Jwɨyɨɨ gá mebó mɨ́n, bɨ̌n osyɛ̂l o mísyóm. Sohlaa gá milémé mín, bɨ̌n bʉr o dí mekʉ̌ me kwɨ̂h bá.

1 Yʉanes 3:23

Etié nyé á tyêl lɨ́ esú gá lɨ́ná lɨ́, lé ó lɨ̂: mɨná dyɛ̂ʼwaa gá e díé é Mwân wé, Yésʉs-Krîst, le ntémé ó, mɨná kpɛ́laa gá páʼ gá nyɨ́ná mpʉ nyé á tɨ́e mɨná gá yɨ́.

2 Tesalonika 1:3

Bɨ́ɔɔ́ bɨ́h le okɛ́l bɨ́h, bɨ̌h bé ɨ́ jala le edwě Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n. Yé ɨ́ jala nó, ebě, búʼó bɨ́n dí ebúʼlǎ Krîst yɨ́, yé lɨ́ etô le egwɨ́e. Kpɛ̌l bɨ́n dí ekpɛl bʉ̂r yɨ́, yé bwaʼ ó bwaʼáa.

1 Tesalonika 3:12

Tî Yésʉs tyɛ́bɨɨ bɨ̌n ɨ́ miléme, ó kpɛ̌l bɨ́n dí ekpɛla páʼ nyɨ́n yɨ́, yé bwáʼaa. Nye sâʼ ntémé ó, bɨ̌n kpɛ́lɨɨ ntémé bʉr oswîh ɨ́ buo buo, kpɛ̌l yaá, yé nkʉ̂ bwaʼ. Yé syɛ́yɨɨ nó, bɨ̌n kpɛ́lɨɨ bé mpʉ bɨ́h dí ekpɛl bɨ́n yɨ́!

1 Yʉanes 4:20

Mʉ̂r lɛ́ɛ́ ó: «Mě kpɛl ó, Nzyɛ̌m,» nyɨɛ yɨ́ɛ lɨ́ enwim mɨ́ɔɔ́ wé nó, nye ó mʉr bibɛr, ebě, mʉr dí apǎ kpɛl mɨ́ɔɔ́ wé, mʉr nyé dí ebee nyá, nyé abe e nkul ekpɛ̌l Nzyɛ̌m, mʉr nyé dí abee nyá.

1 Pyɛr 2:17

Dwéʼ gá bʉr bɨ́bɛ̂h dúu. Kpɛlɨɨ gá bɨ́ɔɔ́ gá bɨ́ná. Jwááwáá gá Nzyɛ̌m. Dwéʼ gá njwɨ́ɨ sí yɨ́n dúu.

Mɨlʉmlʉ 15:9

Nyé agbâ tɔʼ e mbɔ́ʼ ngwár páʼ gá nyɨ́ná le onɔ́ɔ́. Nye á be ó sí pubo mílémé myɔ́ɔ́ ɨ́ lɔ̌b búʼó yɔ́ɔ́.

1 Yʉanes 3:11

Nó ó, lwǐb bɨ́n á boo jóʼo, duho píhe yɨ́, yé ó, mɨná kpɛ́laa gá páʼ gá nyɨ́ná.

2 Pyɛr 1:7

Ɨ́ kʉ̌ tyen mpâ, esó páʼ bɨ́ɔɔ́ e bɨ́ɔɔ́. Lɨ́ esó páʼ bɨ́ɔɔ́ e bɨ́ɔɔ́, kpɛ̌l.

Filipi 1:9

Minjɨʼla mé dí ejɨʼla lɨ́ esú lɨ́n mí, myé ó: ó kpɛ̌l yɨ́n, yé bwáʼaa bwaʼáa. Kpɛ̌l yɨ́n, yé gwɨ́aa lɨ́ ocwóó le pɨʼ.

Éfɛsɔs 4:3

Sísǐm mé Nzyɛ̌m tyɛ́bɨɨ bɨ̌n ɨ́ miléme, ó bɨ̌n díʼee e mepyɛbla páʼ nyɨ́n. Mépyɛbla maá, mé ódi bɨ́n simá ɨ́ miléme nó, sɔ́má gá yɨ́ná, yé ójaá di ó, njɨ gwár. Gbáʼ gá nkul, ó bɨ̌n díʼee lémé ngwár nó.

Galásia 5:5

Bɨ̌h bɨɛ, bé á si dyɛ̂ʼwo e Nzyɛ̌m. Nyɨ́ gbâ bɨ́h mpûʼla ɨ́ miléme ó, nye ódwe bɨ́h nkam. Bɨ̌h bé e mpûʼla nyaá ó e nzɨ̌ Sísǐm mé Nzyɛ̌m.

Mɨngwiha 2:4

“Yé e sâ gwár mé dí ebene e bɨ̌n yɨ́. Yé ó: bɨ̌n mû ó agwá kǎ kpɛl mé mpʉ bɨ́n á nyɛɛ kpɨkpɛl me yɨ́. Syɛ́ɛla yaá ó mé dí ebene bɨ́n yɨ́.

1 Pyɛr 4:17

Etíʼ é mílɔ̌b gá lɨ́ná, lɨ́ pyâl. Nzyɛ̌m nyɛl élwib mílɔ̌b ó, myaá mi bʉ̂r ó Mbɛ̌r-Nzyɛ̌m. Tíʼá mílɔ̌b waá pǎ nyɛɛ́ nyan kwá gá nyɨ́ná, bʉr bé, á dwɛʼra e bʉr o dí abûʼlǎ Mbɨambɨa Lɔ́ɔ́ mé Nzyɛ̌m bá! Ndumló syɛ́ɛla yɔ́ɔ́ yaá, wé óbe yé?

1 Pyɛr 4:8

Sá ésôʼ, yé jala ó, bɨ̌n kpɛ́laa páʼ nyɨ́n kpɛ̌l ápurapúra, ebě, kpɛ̌l ó dí edímle mébébe ɨ́ buo buo.

Ebrœ̂ 11:8

Ɨ́ lɔ̌b búʼó, Abraham á si sâ Nzyɛ̌m mejóʼo ɨ́ jɔʼ nyé á jébe nye ó, nye tôʼ di ɨ́ sí Nzyɛ̌m á be ó, nyě dwé ó nye yɨ́. Nye á tô ó, apʉgʉ́ gʉ́ǎ titii gúmó nyé á be ó, nye tôʼ di yɨ́.

Ebrœ̂ 9:14

á dwɛʼra e metié mé Krîst! Nye ókʉ́ pubo mípahlá mílémé gá míná, e nzɨ̌ Sísǐm mé Nzyɛ̌m dí edǐ njʉ̌m dǐ e njʉ̌m dǐ wɨ́. Mɨná damá sâ gá Nzyɛ̌m bisyɛ́ɛla bi dí mpʉ mímúu bí, mɨná bé ógwá pubɔɔ gá tɨ̂ʼ ó e metié mé, ánta nye, maá nyé mʉr tɨ̂ʼ á nkɛ́ɛ, tó dwě Nzyɛ̌m Sɔ́ŋ má. Nye á be ntémé ó, abe e sâ gwár bʉ̂r, bé á gwa dwe nye mebě tɨ̂. Ɨ́ tɨ̂ʼ ó mɨ́ná bé ókǎ sâ gá Nzyɛ̌m dí kublakúbla nyá gwɨ́hlá óbûʼla mpâ yɨ́.

Ebrœ̂ 6:10

Ebě, Nzyɛ̌m, nyé abe waá onzyɛ́h ónzyɛ́h. Nye ájɨ́há syɛ́ɛ́ bɨ́n dí eséa nyé yɨ́. Nye ntémé, nyé abe e nkul ejɨhǎ kpɛ̌l bɨ́n dí elɛ̂ʼle nyé yɨ́. Yé á si nyɨ̂n ɨ́ ponó ɨ́ jɔʼ bɨ́n á be lɨ́ ekɛm bʉ̂r bé yɨ́. Bɨ̌n ntémé dína ó lɨ́ etô e menkɔ̌m maá dóló.

2 Korɛnt 6:6

edile e nyʉ̂l lɨ́h, ngwɨ́á wɨ́h, bíhwó nyɨ́h, mpam nyɨ́h, bisyɛ́ɛla bɨ́h dí esâ e nzɨ̌ Sísǐm mé Nzyɛ̌m bí, kpɛ̌l yɨ́h dí abě mbáʼrá e mikóo yɨ́,

Yʉanes 15:17

Etié mé dí elíʼe bɨ́n e lé lɨ́, lé ó: bɨ̌n kpɛ́laa páʼ nyɨ́n.»

1 Pyɛr 3:1

Ɨ́ jwɨʼ gwár yaá, bɨ̌n bʉbá, sáʼ gá ojʉ́m bɨ́n mejóʼo. Nyʉ́ʉ́ mʉ̂r ngwár ɨ́ sɔ́má ójʉ́m bɨ́n béné ébûʼla mílɔ̌b mé Nzyɛ̌m nó, nye óbɛ̌m kǎ bûʼla yɨ́ɛ ó, ɨ́ lɔ̌b kʉ̌ tyen mʉ́má wé dí edû wɨ́. Yé ajɨ ɨ́ páʼ mʉ́má ó, nye lɛ́yɨɨ njʉ̂m lʉ́ʉ́ ékǎn eswîh.

Ebrœ̂ 5:9

Píe mitúú myé myaá ó nyé á ka be, nye mû lwɨ́ŋlá ɨ́ nkʉ́ŋ wé yɨ́. Nye á be ó, nye mû sá ngá kǎ dwe bʉ̂r twǐʼ njʉ̌m dǐ yɨ́. Bʉr bɨ́bɛ̂h ngá sâ nyé mejóʼo bá, bé óbǐ twiʼ yaá.

2 Timotɛ 1:14

Baʼlaǎ lɛ́ʼlá gó á dweŋɔɔ wɨ́ e nzɨ̌ Sísǐm mé Nzyɛ̌m dí edi ɨ́ mɨná nyá.

1 Timotɛ 5:2

Tɨ́e ntémé otɔ́má bʉ́bá mpʉ ónyʉ̌ŋ. Tɨ́e méséhé mé bʉ́bá ntémé mpʉ ókɛ́l bô, lɨ́ edwe nyʉ̂l nyǒ medile ɨ́ míh mé Nzyɛ̌m.

1 Timotɛ 4:12

Anyamlě kam ó, mʉr pyéhee go ɨ́ lɔ̌b gó dína loʼo. Lɨlɛ́ʼláá óbûʼla mveʼle édû. Sáʼ nó e bisyɛ́ɛla bî: lwǐb yô, twiʼ yô, kpɛ̌l yô, búʼó yô, lɨ́ edwe nyʉ̂l nyǒ medile ɨ́ míh mé Nzyɛ̌m.

1 Timotɛ 1:3

Diʼeě Éfɛsɔs mpʉ mé á tɨ́e go, ɨ́ jɔʼ mé á be, me mû kúno etô sí Masedónia yɨ́. Diʼee náǎ, go e tɨ́é bʉ̂r ó, bé sá adweela gúú mbǐ lɛ́ʼlá swîh.

2 Tesalonika 2:13

Bɨ́ɔɔ́ bɨ́h! Okɛ́l bɨ́h! Tî Yésʉs, nye lɨ́ ebuú kpɛl bɨ́n. Yé jala ó, bɨ̌h dwêʼ Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n, ebě, nyɨ́ twâr bɨ́n, duho ɨ́ menyɛ̌l, ó bɨ̌n tíʼaa njʉ̌m dǐ e njʉ̌m dǐ. Nye mû ó lɨ́ etíʼ bɨ́n e nzɨ̌ Sísǐm mé Nzyɛ̌m wé á pubo bɨ̌n nyá. Bɨ̌n mû ó lɨ́ ebǐ twiʼ mpâ ɨ́ nzɨ̌ búʼó bɨ́n dí ebúʼla ótyeetye yɨ́.

Galásia 3:1

Bɨ̌n bʉr ó Galásia bé ó bigʉʼlʉgʉ́. Nzé á bana kʉ́a bɨ̌n? Báb, bé á si kʉ gwa lɛ̂ʼle bɨ̌n ɨ́ micɛmá, bɨ̌n nzě bee ɨ́ sʉ́lʉ́lʉ́ mpʉ̌ Yésʉs-Krîst á jʉ́ŋɔɔ ɨ́ kolôs kʉ́ yɨ́.

Galásia 5:7

Bɨ̌n bé á nyɛɛ be ó, lɨ́ ekʉ́ swim ɨ́ duo bíjʉ́ʉ́. Nzé á ka kamle bɨ̌n lɨ́ edû ótyeetye?

Rôm 8:13

Bɨ́n dú njwɨr myâ gá wɨ́ná nó, go ó, eswie, lé ójala e bɨ̌n. Bɨ́n lélé nkûl e nzɨ̌ Sísǐm mé Nzyɛ̌m, ntɔ̂ʼ jʉ̂ bísyɛ́ɛla bi nyʉ̂l bipúno nó, lɛ́ɛ́, bɨ̌n bɨ́ tiʼe!

Rôm 2:8

Bʉ́ʉ́ bʉ̂r, bé lɨ́ epɨra páʼ nyɔ́ɔ́. Bé akam ótyeetye. Bé jaá dû ó, njɨ kʉ̌ tyen ónzyɛ́h ónzyɛ́h. Bɨ́haá, bé ó baá Nzyɛ̌m óbuú lɛ̂ʼle nkpáa nyé bá.

Rôm 1:5

Nzyɛ̌m á si cwɨ́a e bɨ̌h ɨ́ nzɨ̌ mé Yésʉs-Krîst, le etyêl bɨ́h bʉr o mílʉ́mlʉ́ bé, lɨ́ esú é bíkúl bíbyɛ̂h, ó byé dyéʼee koo e né, le esâ nyé mejóʼo. Nye á sâ bɨ̌h syɛ́ɛla yaá ó, lɨ́ esú lé édwe díé é Mwân wé kûm.

Yʉanes 17:17

Sáʼ ó, bé díʼee kwahaá bʉr bô ntinɨ̂ e ntinɨ̂ lɨ́ otyeetye. Lwǐb yô, yé ó tyeetye.

Yʉanes 15:3

Bɨ̌n mû ó mipubá ɨ́ lɔ̌b mílɛ́ʼlá mê dwé bɨ́n mí.

Mɨlʉmlʉ 6:7

Lɔ́ɔ́ mé Nzyɛ̌m ntɔ̂ʼ kpâhwǎ myaŋla. Tâŋ ompʉ́n ntɔ̂ʼ kpâhwǎ buo ɨ́ Yerʉ́zalɛm. Bʉr ɨ́ sɔ́má ópara ɨ́ buo buo nzě dyéʼɔɔ̌ koo e Yésʉs, lɨ́ esáŋɔɔ̌ Nzyɛ̌m mejóʼo.

Yʉanes 17:19

Me lɨ́ etímle gó twiʼ yâm yɨ́yɛ̂h ó, bé nkʉ̂ be bʉ̂r bô, lɨ́ otyeetye tʉ́ŋlʉ̌.

Jacques 1:21

Pɛʼɛɛ gá mebomo dí ɨ́ sɔ́má yɨ́n má. Bɨ̌n e gwâʼ le esâ ébébe é léme, ntaa sʉ́ŋa. Bɨ̌n e nʉ́á lwǐb mé Nzyɛ̌m e miléme mi dí ɨ́ pyɛɛɛ mí. Lwǐb yé yaá, yé mû ó mbeá tʉ́ŋlʉ̌ milémé mín. Lwǐb yaá ó dí e nkul etíʼ bɨ́n.

1 Pyɛr 1:2

Nzyɛ̌m Sɔ́ŋ ó b'á twâr bɨ̌n, bʉr o nyé á boo gʉ́a, kʉ́ e sí dína apǎ bě kuhá bá. Píe jɔʼ nyé á twâr bɨ̌n yɨ́, Sísǐm wé nzě pubo bɨ́n. Nye á pubo bɨ̌n ó, lɨ́ emyɛʼ bɨ́n e metié mé Yésʉs-Krîst, lɨ́ esú ó, bɨ̌n sâʼ nye mejóʼo. Metyɛʼ me mpóm mé Nzyɛ̌m le mepyɛbla mé, mé díʼee e bɨ̌n ɨ́ ntʉʉʉ́.

1 Pyɛr 3:20

Bé á nyɛɛ be ó, asâ Nzyɛ̌m mejóʼo ɨ́ melú mé épíhe. Ɨ́ jɔʼ yaá, Nzyɛ̌m á bʉbóno ó e bíhwó, tó pyâl ɨ́ jɔ̌ʼ Nóe á sil ekpaʼ byɛ̂l yɨ́. Ɨ́ jɔʼ yaá, yé á jaa be ó njɨ mâ dœ́h é bʉ̂r, apʉgʉ́ buo, njɨ bʉr mwom, ó b'á tíʼe ɨ́ byɛ̂l waá tʉ́ŋlʉ̌. Bé á tíʼɔɔ ó, ɨ́ medíbé.