1 Pyɛr 1:21 - Kálar Nzyɛ̌m : Ejwán é Sáá

²¹ Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

Kálara Zyɛ̌m Edwán é mpʉ̌n

²¹ Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.

1 Pyɛr 1:21 ပူးပေါင်းရင်းမြစ်များ

Mɨlʉmlʉ 2:24

Nzyɛ̌m nzě pɛh nyê, pɛʼ nyé ɨ́ mekpaa mé éswie, ebě, eswie, lé á bé agwá mɛ̂r nyé kɔ́m kɔm.

Ebrœ̂ 2:9

Sá mɨ́ná dí ekʉ́ gwá bee gá yɨ́, yé ó: ɨ́ mâ péh jɔʼ, Nzyɛ̌m á si nyɛɛ sul Yésʉs sí, beéngeles bá laa nyé ɨ́ dúu. Píe tɨ̂, nyɨ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu, ebě, Yésʉs á si sia e mitúú, ntɔ̂ʼ dwe. Ɨ́ mbi waá ó Nzyɛ̌m á cwɨ́a e bʉr bɨ́bɛ̂h yɨ́, lɨ́ esâ ó, Yésʉs dwêʼ lɨ́ esú lɔ́ɔ́.

Yʉanes 12:44

Yésʉs nzě túno. Nye ó: «Mʉr dí edyɛ̂ʼwo e me nyá, nyé adyêʼ koo njɨ e me. Nyě dyɛ́ʼwó ntémé ó e mʉr á ntɨh me nyá.

1 Pyɛr 3:22

Yésʉs waá á si bɨ́nɔɔ ɨ́ jʉ́o kʉ́. Nye mû ó lɨ́ mbó éjʉ́m mé Nzyɛ̌m Sɔ́ŋ, gúmó nyé dí ejwɨ́ɨ bééngeles, le misísǐm mi dí e jwɨ́ɨ le myaá mi dí e nkul mí yɨ́. Byé á si gbáŋɔɔ ɨ́ jwɨ́ɨ́ yé.

1 Pyɛr 1:11

Bé á be ó lɨ́ egwɨ̂m égʉ́a mʉ̂r Sísǐm mé Krîst á lwilwib, dumo e né nyá, le jɔʼ nyé ótíʼe yɨ́. Tó kœb ó, Sísǐm mé Nzyɛ̌m, wé á boʼlo ó, dumo e mitúú Krîst á jala le esia e myé mí, ti e kûm nyé ókǎ báʼǎ bi píe tɨ̂ʼ nyɨ́. Nye á boʼlo nó ó, bisyɛ́ɛla bi tɨ̂ʼ dína apǎ syɛ́ɛ.

Ebrœ̂ 7:25

Sá tɨ̂ʼ ntémé ó nyé dí e nkul etíʼ bʉ̂r o ngá sîhlě bǎʼ e Nzyɛ̌m, cɨɨ ɨ́ nzɨ̌ nyé bá. Nyě jaá pɛʼ mébébe mɔ́ɔ́ ó mɨ́mɛ̂h. Mpʉ nyé dí njʉ̌m dǐ e njʉ̌m dǐ yɨ́, nó ntémé ó nyé dí e nkul ejɨʼla e Nzyɛ̌m lɨ́ esú lɔ́ɔ́ ɨ́ jɔʼ yɨ́yɛ̂h yɨ́.

Éfɛsɔs 1:15

Sá tɨ̂ʼ ó mé dí edwě Nzyɛ̌m nzyǒo ɨ́ lɔ̌b wɨ́n yɨ́. Mɨ́ boó jóʼǒ mpʉ bɨ́n dí edyɛ̂ʼwo e Tî Yésʉs le ekpɛl bʉ̂r ó Mbɛ̌r-Nzyɛ̌m yɨ́. Mé agwâʼ édwe nyé nzyǒo ɨ́ jɔʼ yɨ́yɛ̂h mé dí esímsa bɨ́n, me ntémé lɨ́ ejɨʼla e né yɨ́.

1 Timotɛ 1:1

Pɔ̂l ó dí ecɛma gó mekaná mâ. Me ó mʉr milʉ́mlʉ́ mé Yésʉs-Krîst ɨ́ mitíʼá mé Nzyɛ̌m Sɔ́ŋ, Tiʼbʉr gá wɨ́ná, ti e Yésʉs-Krîst, waá dí egbâ mpûʼla ɨ́ miléme gá míná nyá.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Rôm 10:9

Mekaná mé Nzyɛ̌m, mé lɛ́ɛ́ ó: gó ólɛ́ɛ ɨ́ num gô go mʉr tɨ̂ʼ ó, «Yésʉs ó dí Njwɨ́ɨ!» le ebúʼla tʉ́ŋlʉ̌ lémé gô ó, Nzyɛ̌m á si pɛh nye lɨ́ odwe nó, nye ódwe gó twǐʼ njʉ̌m dǐ.

Rôm 4:24

nye óláa mɨ́ná gá ntémé ó, mɨná gá bé ó otîtyěl o bʉ̂r, baá o dí edyɛ̂ʼwo e né bá, nye waá á pɛh Tî gá wɨ́ná Yésʉs, dwih nyé lɨ́ odwe nyá.

Mɨlʉmlʉ 4:10

bɨ̌n óbɛ̂h le bʉr o b'Ɨ́zraɛ̂l bɨ́bɛ̂h, gʉ́ŋáá gá bé ó, mʉr bɨ́n mû lɨ́ ebee lɨ́ etyɛ̂b tîtyěl nyâ, nye mû mbɨ̂mbɨá ó ɨ́ lɔ̌b nkûl díé mé Yésʉs-Krîst, mʉr Nazarɛ̂t. Yésʉs waá ó bɨ́n á jʉ̂ lɨ́ ebomlo nyé e binzâŋ, bɨ́nɔɔ nyé ɨ́ kolôs kʉ́ nyá. Tó kœb ó, Nzyɛ̌m á si pɛh nye lɨ́ odwe.

Mɨlʉmlʉ 3:15

Bɨ̌n bé á si bana jʉ̂ Etín é Twiʼ. Damá jóʼǒ mpʉ yé á syɛ́ɛlɨ nó yɨ́, Nzyɛ̌m nyɨɛ, nyɨ́ bánǎ pɛh nyê, dwih nyé lɨ́ odwe. Bɨ̌h ó dí oboʼlo ó lɔ̌b waá.

Mɨlʉmlʉ 3:13

Nye tiʼe nó ó, ebě, Nzyɛ̌m mé Abraham, Isaac, ndu e Yákɔb, Nzyɛ̌m bimpám gá bíná, á kpɛl ó, nye dwêʼ syɛ̂l mesâ wé, Yésʉs kûm. Bɨ̌n bɨɛ bé á si bɛ́ma nye kwá mé Pilátos, ntɛŋɔɔ nyé ɨ́ mebó mé ó, nye jʉ́ʼoo nye. Bɨ̌n bé á sâ nye nó ó, Pilátos nyɨɛ, nyé osí tíʼe ɨ́ lémé wé ó, nyě bír ó nye.

Yʉanes 17:1

Jɔ̌ʼ Yésʉs á sil elwib nó yɨ́, nye nzě bɨ̂n mîh kʉ́. Nye ó: «Dâ ɛ̌, jɔʼ, yɨ́ pyâl! Lɛ́ʼláá bʉ̂r kûm me mwân gǒ, mbi dí ó, nye lɛ̂ʼlaa ntémé bʉr kûm nyǒ yɨ́.

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Yʉanes 14:1

Yésʉs, nye e bé ó: «Bisɨ́ǎ bî, byé ayɨ́ tɨ̂l bɨ́n mekʉ̌ sí. Dyɛ́ʼwáá gá e Nzyɛ̌m. Dyɛ́ʼwáá gá ntémé e me.

Yʉanes 3:34

Mʉ̌r Nzyɛ̌m á lómo nyá, lɛ́ɛ́ ó mekǎn mé Nzyɛ̌m, ebě, Nzyɛ̌m, nye lɨ́ edwe nyé Sísǐm wé, ntinɨ̂ e ntinɨ̂.

Mataos 28:18

Yésʉs ntɔ̂ʼ sîhlě nko bé á be yɨ́. Nye ó: «Sɔ́ŋ wǎm, nyɨ́ dwe mé nkul jwɨ́ɨ nyɨnyɛ̂h ɨ́ kʉ́ ti e sí.

Ebrœ̂ 6:1

Nó, mɨná gwáʼaa edwe gá milɛ́ʼlá bé dí enyɛɛ́ jɨ̂ʼ ésôʼ, myaá mi dí edumo e Krîst mí. Mɨná dwéelaa gá myaá mi dí esâ ó, mʉr tɔ́maa ɨ́ pɨʼ mí. Bɨ̌h bé ákǎ báʼǎ lɛ̂ʼle bɨ́n milʉ́ mékǎn mâ: etúmǒ koo e bibol bísyɛ́ɛla, edwirǎ léme, edyêʼ koo e Nzyɛ̌m,

Yʉanes 17:5

Nó ó, dâ, ɨ́ báánâ, dwéʼ mé kûm nyǒ, kûm mé á be e né kwá nyǒ, sí yɨ̂ʼ apǎ be nyɨ́.

Yʉanes 17:24

«Dâ ɛ̌, go á be ó sí dwe mé bǎ. Mě kpɛl ó, bé díʼeě gúmó mé ódidi yɨ́. Bé obee kûm nyǎm gó á dwe me nyɨ́, ebě, go á si boo kpɛl me, táare ɨ́ jɔ̌ʼ kʉ́ e sí, byé á be apǎ bě kuhá yɨ́.

2 Korɛnt 6:15

Krîst, bé e Béelzébul, bé e nkul edi twíí wáǎ mbi? Nkʉ̂ ntɔ̂ʼ ó, wáǎ mbi nkɔ̂b mbûʼla dí e nkul ebi, bé e hááden jwɨʼ gwár nyɨ́?

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

1 Pyɛr 1:3

Mɨná gúmlaa gá waá dí Nzyɛ̌m mé Tî gá wɨ́ná Yésʉs-Krîst, waá dí Sɔ́ŋ wé nyá. Nyɨ́ buú jɨ̂ʼ mɨ́ná gá nkoó, ntɔ̂ʼ dwe mɨ́ná gá nkul ebyɛ̂l jɔʼ mbá, lɨ́ esú ó, mɨná díʼee gá lwɨ́ŋlá e mpûʼla ɨ́ miléme. Mpûʼla nyaá, nyě duhó ó, ɨ́ nkul pɛhá nyé á pɛh Yésʉs-Krîst ɨ́ soo wɨ́.