1 Pyɛr 1:20 - Kálar Nzyɛ̌m : Ejwán é Sáá

²⁰ Nzyɛ̌m Sɔ́ŋ á si boo gʉ́a, kʉ́ e sí, byé l'apǎ bě kuhá ó, Krîst ólóŋlǒ syɛ́ɛ́ yaá. Nye nzě kǎ lɛ̂ʼle mɨ́ná gá nyǎ ɨ́ melú mé épíhe mâʼ lɨ́ esú lɨ́n.

Kálara Zyɛ̌m Edwán é mpʉ̌n

²⁰ Zyɛm Sɔŋ a be ó si bɛa gʉa ó, Krɨst ójɛna mobyaʼ maa, taare é jɔʼ kʉ e si, byé a baapa cyeŋɔ ɛ. Nye ze nyin é jɔʼ yi, é l'esie e mbi jɔʼ yiʼ ó, é l'efu lɨn.

1 Pyɛr 1:20 ပူးပေါင်းရင်းမြစ်များ

Éfɛsɔs 1:4

mɨná gúmlaa gá nye, ebě, nye á si boo twâr mɨná gâ, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Nye á twâr mɨná gá ó, mɨná gúmaa gá e né, ɨ́ nzɨ̌ mé Krîst, abe e sá ébébe nyé ónwâhle mɨ́ná gá e tɨ̂.

Ebrœ̂ 9:26

Yé bé nye á dwidwe ndwéá wé ó, nzɔʼ nzɔʼ nó, mpa nye á sia ntémé e mitúú ó, nzɔʼ nzɔʼ, táare ɨ́ jɔ̌ʼ Nzyɛ̌m á kuho kʉ́ e sí yɨ́. Nye á jaa nyɨ̂n ɨ́ sí yɨ̂ʼ ó, njɨ jɔʼ gwár ɨ́ kpɔ́ŋ. Yé á be ó, ɨ́ jɔʼ éswéhlɨ́ é sí yɨ̂, lé á pyâl ɨ́ mɨná gá yɨ́. Nye nzě dwě Nzyɛ̌m nyʉ̂l nyé, lɨ́ epɛʼ bʉ̂r misyóm myɔ́ɔ́ lɨ́ esú é bíjɔʼ bíbyɛ̂h.

Mɨngwiha 13:8

Nó ó, bʉr ó sí yɨ̂ʼ bɨ́bɛ̂h, bé ódwe nyé kûm, pɛ̌ʼ njɨ baá Nzyɛ̌m á boo cɛma míé mɔ́ɔ́ ɨ́ mekaná mé twiʼ bá. Mekaná maá, mé á boo be cɛmá ó, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Mé gúmó ó e Mâ Nteme bé á boo jʉ̂ nyá.

Ebrœ̂ 1:2

Ɨ́ yɨ̂ʼ jɔʼ mpʉ mélú mé mpóʼo sí yɨ̂ʼ mû lɨ́ ekɔ́a yɨ́, nye mû kǎ lwib e mɨná gá ó, cɨɨ ɨ́ nzɨ̌ Mwân wé. Nye ó waá Nzyɛ̌m á kɛʼ ó, nye ónʉa bílíʼé bí sí yɨ̂ʼ bíbyɛ̂h nyá. Nzyɛ̌m á kuho kʉ́ e sí ndu e l'ekomlǒ sá yɨ́yɛ̂h dí tɨ̂ʼ yɨ́ ó, ɨ́ nzɨ̌ nyé.

Kolosi 1:26

Wé á nyɛɛ bɨbe ó, ɨ́ lwǐb ódîm, sá Nzyɛ̌m á sol ɨ́ mimyǎ mi bʉ̂r, duho myâ yɨ́. Tó kœb ó, nyɨ́ kǎ lɛ̂ʼle wé ɨ́ kpɛŋlɛm kwá bʉr o dí egúmo e né bá.

Éfɛsɔs 3:11

Ɨ́ jɔʼ kʉ́ e sí, byé á be apǎ bě kuhá yɨ́, Nzyɛ̌m á boo tíʼe ɨ́ lémé wé ó, nye ónzě dirǎ jwɨʼ yaá ó, cɨɨ ɨ́ nzɨ̌ Tî gá wɨ́ná, Yésʉs-Krîst.

Éfɛsɔs 3:9

Nye á dwe me syɛ́ɛ́ ntémé ó, me pâʼlaa jwɨʼ nyé á boo tíʼe ɨ́ lémé wé yɨ́, pyêl yé ɨ́ myɛ́n. Nzyɛ̌m, mʉr á kuho bisá bíbyɛ̂h nyá, á nyɛɛ sol jwɨʼ yé yaá ɨ́ mimbú mí píhe ó, bʉr jóʼaa sɔ̂ʼ njɨ lwǐb ódîm, yé omér.

Galásia 4:4

Yé ntɔ̂ʼ kǎ pyâl mbɨambɨa jɔ̌ʼ Nzyɛ̌m á boo tyêl yɨ́. Jɔʼ yaá ó Nzyɛ̌m á nze ntɨh Mwân wé, ó nye ntáa nzě byɛ̂l ɨ́ mo nyʉ́ʉ́ mʉ́má. Mwân waá á be ó, ɨ́ mpila métié tʉ́ŋlʉ̌.

1 Yʉanes 1:2

Etín é Twiʼ laá, lé á si nyɨ̂n ɨ́ sí yɨ̂. Bɨ̌h bé á si bee nye, bɨ̌h nzě táare éboʼlo, dumo e mʉr waá. Nó yaá ó bɨ́h dí etyɛ̂b kwá nyɨ́n le túnó dí edumo le Etín é Twiʼ wɨ́. Etín é Twiʼ, lé di ó njʉ̌m dǐ e njʉ̌m dǐ. Bé e Nzyɛ̌m Sɔ́ŋ ó b'á be. Nye nzě nyɨ̂n ɨ́ sí yɨ̂.

Éfɛsɔs 1:10

Bijwɨʼ byé byaá, byé á nze ka gwíhɔɔ ó, píe bijɔʼ byé á jala le elaa bí, byé á sil elaa yɨ́. Nzyɛ̌m á boo tíʼe ɨ́ léme ó, bisâ bi dí ɨ́ jʉ́o, le ejwoo, le ɨ́ sí yɨ̂ʼ bí, bíbyɛ̂h, byé ɨ́ jala le eswâl ó, ɨ́ jwɨ́ɨ́ mʉ̂r ngwár, Krîst.

Rôm 3:25

Nzyɛ̌m á ntɨh nye ó, nye ntáa dwe, búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé. Nye á dwe ó, nye nkʉ̂ kɛm bʉ̂r o dí ebúʼlǎ ndwéá métié waá bá. Ɨ́ nzéá Yésʉs-Krîst á nze wɨ́, Nzyɛ̌m á si lɛ̂ʼle mpʉ nyé dí tîtyěl yɨ́. Misyóm bʉ̂r bé á boo sɨ̂sa mí, Nzyɛ̌m á si bu dûhwo myê, kʉ́ lɛŋ myé ɨ́ buo buo, alwib.

1 Yʉanes 3:8

Mʉr dí etô dóló le esâ syóm nyá, nye ó mʉr mé sɔ́ŋ meleme, ebě, sɔ́ŋ meleme ó dí etín é mísyóm, boó duho ó duháa ɨ́ menyɛ̌l, kumo mûh ɨ́ dʉ́ó lɨ̂. Tó kœb ó, Mwân mé Nzyɛ̌m á nze nyɨ̂n ɨ́ sí yɨ̂ʼ ó, nye nkʉ̂ gbɛ́ɛ bísyɛ́ɛla mé sɔ́ŋ meleme.

1 Yʉanes 3:5

Bɨ̌n bé lɨ́ egʉ́a ó: Tî Yésʉs á nze nyɨ̂n ɨ́ sí yɨ̂ʼ ó, nye nkʉ̂ nzě pɛʼ mísyóm gá mɨ́ná. Bɨ̌n bé lɨ́ egʉ́a ntémé ó, abe le syóm dí ɨ́ nye tʉ́ŋlʉ̌.

Mataos 25:34

Jɔʼ yaá, njwɨ́ɨ ólɛ́ɛ e baá o dí nye ɨ́ mbó éjʉ́m bá ó: “Ntáʼ gâ, bʉr o Sɔ́ŋ wǎm á sʉ metyɛʼ me mpóm bá. Ntaá nzě nî gá ɨ́ sí nyé á boo komlo bɨ̌n, táare ɨ́ jɔʼ kʉ́ e sí, byé á be apǎ bě kuhá yɨ́.

Mɨlʉmlʉ 2:23

Mpʉ̌ Nzyɛ̌m á boo tíʼe ɨ́ lémé wé yɨ́, nye á kpɛl ó, nye dwêʼ bɨ̌n nkul emɛ̂r Yésʉs. Nó bɨ́n bɨɛ á tímle nye ɨ́ mebó mínjéʼe-Nzyɛ̌m, míɛ nzě bomlo nyé e binzâŋ, bɨ́nɔɔ nyé ɨ́ kolôs kʉ́, jʉ́ŋɔɔ nyê.

Rôm 8:29

Ebě, baá Nzyɛ̌m á boo gʉ́a bá, nye á twâr bé ó, bé díʼee mpʉ Mwân wé. Bé ódǐ mpʉ Mwân mé Nzyɛ̌m nó, Mwân waá, nye ósûʼla ó, medwéʼé mé Mwân, le ontwóm ɨ́ buo buo.

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

Ebrœ̂ 2:14

Bwán nyé dí elwib, dumo e bé bá, bé e bipúno ndu e bidwehé. Jwɨʼ gwár yaá ntémé ó Yésʉs á tíʼe yɨ́. Nye á si dwe lɨ́ esú ó, nye têʼlaa mʉr á bɨbe e nkul eswie nyá. Mʉr waá, nye ó sɔ́ŋ meleme.

1 Pyɛr 1:2

Nzyɛ̌m Sɔ́ŋ ó b'á twâr bɨ̌n, bʉr o nyé á boo gʉ́a, kʉ́ e sí dína apǎ bě kuhá bá. Píe jɔʼ nyé á twâr bɨ̌n yɨ́, Sísǐm wé nzě pubo bɨ́n. Nye á pubo bɨ̌n ó, lɨ́ emyɛʼ bɨ́n e metié mé Yésʉs-Krîst, lɨ́ esú ó, bɨ̌n sâʼ nye mejóʼo. Metyɛʼ me mpóm mé Nzyɛ̌m le mepyɛbla mé, mé díʼee e bɨ̌n ɨ́ ntʉʉʉ́.