1 Pyɛr 1:13 - Kálar Nzyɛ̌m : Ejwán é Sáá

¹³ Nó, diʼee gá ɨ́ cǎr ó, bɨ̌n sâʼ bisyɛ́ɛla bimpâ. Gwá mâr gá miléme. Mpûʼla, nye díʼee bɨ̌n ɨ́ miléme ó, bɨ̌n bé ódweŋɔɔ̌ mpǎŋ ndwéá ɨ́ jɔ̌ʼ Yésʉs-Krîst óbáʼǎ nyɨ̂n yɨ́.

Kálara Zyɛ̌m Edwán é mpʉ̌n

¹³ Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.

1 Pyɛr 1:13 ပူးပေါင်းရင်းမြစ်များ

1 Pyɛr 5:8

Máráá gá miléme. Diʼee gá ɨ́ doho. Ntɨ̂m e mbɨn wɨ́n, sɔ́ŋ meleme, nye lɨ́ elie bɨ́n ɨ́ mipáʼ mímyɛ̂h mpʉ̌ ngbampɨɨ dí emwóolo wɨ́. Nyě sáá ó, ede mʉ̂r.

Lʉkas 12:35

«Píláá gá menkwán. Bɨ̌n e túmó méláma mɨ́n.

1 Pyɛr 4:7

Ɨ́ báánâ, bisá bíbyɛ̂h, byé mû ó kúno ekumo ɨ́ meswéhlɨ́. Dwéʼ gá menyʉ́l mɨ́n medile. Máráá gá miléme, lɨ́ esú ó, bɨ̌n sâʼ minjɨʼla.

1 Pyɛr 3:15

Díʼéé gá e tiŋé ɨ́ miléme ó, bɨ̌n bé ódwě Krîst kûm, ebe nyé dí Tî wɨ́n yɨ́. Diʼee gá ntémé ɨ́ cǎr ó, bɨ̌n gwâ yala mʉ̂r nyɨnyɛ̂h ngá dî bɨ́n tíá, dumo e sá dí egbâ bɨ́n mpûʼla ɨ́ léme yɨ́.

Ebrœ̂ 9:28

Jwɨʼ gwár e gwár e Krîst. Nye á si dwe jɔʼ gwár, ó nye búraa le misyóm lɨ́ esú é bʉ̂r ɨ́ buo buo. Ɨ́ jɔʼ mbá nyé ókǎ nze yɨ́, nye ákǎ báʼǎ nze ɨ́ lɔ̌b ébúra e misyóm. Nye ónze ó, lɨ́ enzě tíʼ bʉ̂r o dí ebóno nyé bá.

1 Yʉanes 3:3

Nyé ógbâ nyʉ́ʉ́ mʉ̂r mpûʼla nyaá ɨ́ léme nó, mʉr waá ópubo nyé mʉr tɨ̂, ó nye díʼee mʉr dí tí nyá. Sá tɨ̂ʼ ó nyé óbě mpʉ mé Yésʉs, mʉr dí tí nyá yɨ́.

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.

Éfɛsɔs 6:14

Nó, tyɛ́bɨ́ɨ́ gá ɨ́ tyé dɔ̂m, mekʉá ɨ́ binyâ. Bɨ̌n a dí le otyeetye. Wé óbe bɨ́n ó mpʉ káná dɔm, dí yémlá ɨ́ sɨ́ŋ lɨ́ odyɛ́m nyá. Diʼee gá ntémé otîtyěl o bʉ̂r. Otîtyěl waá, wé díʼee bɨ̌n mpʉ mímbór bínkóho bé dí ebwâr, myaá dí ekamle e bɨr mí.

1 Korɛnt 1:7

Tó pyâl ó, sá yɨ́yɛ̂h Nzyɛ̌m dí edwe bʉ̂r bé yɨ́, nyɨ́ dwe bɨ́n ntémé yǎ. Jɔʼ yɨ́yɛ̂h bɨ́n dína lɨ́ ebónǒ nzéá Tî gá wɨ́ná, Yésʉs-Krîst ngá nze wɨ́ yɨ́, bɨ̌n mû ó le mindwéá mé Nzyɛ̌m myaá.

Lʉkas 17:30

Nó ntémé ó yé ngá syɛ́ɛlɨ ɨ́ móhó Mwân mé Mʉr ngá nze wɨ́.

Ebrœ̂ 10:35

Mʉ̌r sá amyǎh búʼó dí elɛ́ɛ nyé ó, nye óbɛ̌m sîhle kwá mé Nzyɛ̌m yɨ́. Búʼó yaá, yé óbe nyé ó e myɛ́na ménɨ́nɨ́ɨ́.

Ebrœ̂ 6:19

Mpûʼla nyaá, nye lɨ́ esúʼo míléme gá míná e nkul. Nyé abá tyɛ̂b. Nyě súʼó mílémé gá míná ó, ɨ́ kpɨ́ɨ́ɨ́ mpʉ̌ kǒl dí emɛ̂r byɛ̂l ɨ́ sʉ̌m díbé wɨ́. Mpûʼla nyaá, nye ó mpʉ̌ kǒl dí entaǎ kán ébê dí tyelá ɨ́ mpáh Nzyɛ̌m wɨ́. Wɨ̂ʼ ódumo ó kǒl waá, wê tyeelá ó, ɨ́ mɨná gâ. Gúú ódumo wɨ́ɛ, wé ó ɨ́ gúmó dí tí yɨ́, ɨ́ mpáh Nzyɛ̌m tʉ́ŋlʉ̌.

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

2 Timotɛ 4:5

Sâ gwár, gua, máráá léme ɨ́ bijɔʼ bíbyɛ̂h. Júhwáá mítúú. Séáá syɛ́ɛ́ étúnǒ Mbɨambɨa Lɔ́ɔ. Lóŋláá syɛ́ɛ́ Nzyɛ̌m á tyêl go tɨ̂ʼ yɨ́ yɨ́yɛ̂h.

1 Korɛnt 13:13

Nó ó, ɨ́ báánâ, búʼó, mpûʼla ti e kpɛ̌l, byé ó tɨ̂: bisá bílɛ̂l. Ɨ́ bisá bílɛ̂l byaá, yaá dí elaa byaá byúú yɨ́, yé ó kpɛ̌l.

Rôm 13:13

Mɨná, bʉr o dí etye ɨ́ móhó bá, mɨná tíʼaa gá mpʉ dí ejala yɨ́. Mɨná bé ayɨ́ lɔ̂ʼwa gá lɨ́ ede méde, nkʉ̂ puro ményoʼ, nkʉ̂ lœʼ ményʉ́l gá mɨ́ná ɨ́ nzɨ̌ bijoó, nkʉ̂ sâ bímolá nzam le ekomo. Mɨná bé ayɨ́ kǎ gœ́a páʼ gá nyɨ́ná, nkʉ̂ síila páʼ gá nyɨ́ná.

2 Tesalonika 1:7

Yé ntémé, yé óbe ó syɛ́ɛla mpâ ɨ́ jɔʼ nyé ódwe mɨ́ná gá óbɛ̂h egbalá píe bintɨ́ʼá bín yɨ́, ebě, mɨná bé ógbala gá ɨ́ jɔ̌ʼ Tî Yésʉs ónyɨ̂n, duho ɨ́ jʉ́o kʉ́ yɨ́. Bé e beéngeles bé, baá o dí ɨ́ lele ménkul bá, bé ópyâl ɨ́ njʉ̌l siʼe tʉ́ŋlʉ̌.

Lʉkas 17:8

Heʼé, nye ólɛ́ɛ e né ó: “Jámáá mé mede, gó océne míkán, gó oka mé mede jɔʼ mé dína lɨ́ ede méde le menyoʼ yɨ́. Píe tɨ̂, gó okǎ de.”

Rôm 8:19

Ebě, bisá bíbyɛ̂h Nzyɛ̌m á komlo bí, byé lɨ́ egwɨ̂m ébee bwán Nzyɛ̌m ngá lɛ̂ʼle byé ɨ́ ponó bá.

Kolosi 3:4

Krîst ó dí edwe mɨ́ná gá mpǎŋ twiʼ. Jɔʼ nyé óbáʼǎ nyɨ̂n bʉ̂r ɨ́ mîh ɨ́ kpɛŋlɛm yɨ́, bɨ̌n le onɔ́ɔ́, bé ónyɨ̂n sɔ́má e kûm nyɨnyɛ̂h.

1 Pyɛr 1:10

Ogwíha o mílɔ̌b mé Nzyɛ̌m, bé á si boo gwîh, lɛ́ɔɔ ó, Nzyɛ̌m ósâ bɨ́n mpam ɨ́ buo buo. Bé á be yɨ́ɛ ó, agʉ́a ménzɨ̌ Nzyɛ̌m á be ó, nye ótíʼ mɨ́ná gá e tɨ̂ʼ má.

1 Pyɛr 5:12

Bɨ̌h e Silâs ó dí ecɛma bɨ́n bwá mékaná mâ. Mɛ̌m bee ó, nye me ó mʉr ebúʼlɔɔ. Mě cɛmá bɨ́n ó e gwɨ́má égbâ bɨ́n nkul ɨ́ miléme. Mě boʼlo ntémé ó, mpam bɨ́n mû lɨ́ ebi ɨ́ nzɨ̌ mé Yésʉs nyɨ́, nye ó mpam mpâ mé Nzyɛ̌m.

Mataos 20:4

Nye ó: “Bɨ̌n nyɨɛ ntémé, laŋaa gâ. Tó séa gá pemé yâm. Me ójána bɨ́n myɛ́na ngá jala e bɨ̌n má.”