1 Pyɛr 1:12 - Kálar Nzyɛ̌m : Ejwán é Sáá

¹² Nzyɛ̌m á lɛ́ɛ le ogwíha o mílɔ̌b baá ó, túnó bé á to le etúno wɨ́, wé á bé abe lɨ́ esú lɔ́ɔ́ bé bʉr o tɨ̂, ó bé gʉ́ŋaa wé ɨ́ pébébé. Bé á tyɛ̂b le túnó ɨ́ jɔʼ yaá ó, lɨ́ esú lɨ́n. Bɨ̌n ó dí edirǎ nyɔm e túnó waá ɨ́ báánâ. Bʉr o b'á to le etúno Mbɨambɨa Lɔ́ɔ waá bá, bé á tutúno wé ó e nkul Sísǐm á duho ɨ́ jʉ́o kʉ́ nyɨ́. Lɔ́ɔ́ bé á lɨlɛ́ɛ bɨ̌n wɨ́, wé ó waá bééngeles dí ɨ́ buú gwɨ̂m ésʉ médwôʼlʉ tɨ̂ʼ wɨ́.

Kálara Zyɛ̌m Edwán é mpʉ̌n

¹² Zyɛm a ka lɛɛ ogwiha o mɨlɔb baa ó, lɔɔ bé a to le elɛɛ ɛ, wé a baabe é l'efu lɔɔ, bé bʉr o tɨ, ó bé gʉŋa we é kpɛhla. Bé a ze lé elɛɛ we ó, é l'efu lɨn. Bɨn ó ndɨ edira nyɔm e lɔɔ waa é banana, é nkul mo Mbɨambɨa Sisim a ntɨhɔ bɨn, duho é jobo kʉ ɨ. Lɔɔ bé a lɛɛ-lɛɛ bɨn ɨ, wé ó waa beengles lé ebul gwɨm gʉa ɛ.

1 Pyɛr 1:12 ပူးပေါင်းရင်းမြစ်များ

Yʉanes 15:26

«Kɔmlʉ wɨ́n, nye ónze. Nye ó dí Sísǐm Ótyeetye ngá duho kwá mé Sɔ́ŋ wǎm wɨ́. Me óntɨh bɨ́n nyǎ. Nyé onzě boʼlǒ lɔ̌b wâm.

Éfɛsɔs 3:10

Yé ka lîʼ ɨ́ báánâʼ ó, njɨ epâʼlǎ jwɨʼ yé yaá, pyêl yé ɨ́ myɛ́n lɨ́ esú lé écɨ̂l mísísǐm mí édúrʉ́ʉ́ mi dí e jwɨ́ɨ mí le myaá mi nkûl, myaá mi dí páʼ jʉ́o le ejwoo mí. Myé mû ó lɨ́ ekǎ jɨ̂ʼ yé kwá gá nyɨ́ná, bʉr ó Mbɛ̌r-Nzyɛ̌m, le egʉ́ǎ mpʉ ócwóó mé Nzyɛ̌m dí ɨ́ buo mímbi wɨ́.

1 Korɛnt 2:10

Mɨná gá ó dí baá Nzyɛ̌m á gwîh sá yɨ́yɛ̂h e nzɨ̌ Sísǐm wé bá. Sísǐm wé, wé ó dí egʉ́ǎ sá yɨ́yɛ̂h, damá jóʼo bíjwɨʼ mé Nzyɛ̌m bi dí nye ɨ́ lémé wé tʉ́ŋlʉ̌ bí.

Ebrœ̂ 4:2

Mɨná bé á be gá ó, sí jóʼǒ Mbɨambɨa Lɔ́ɔ jwɨʼ gwár e gwár e bimpám gá bíná. Sâ gwár, wé á bé abe byé e nyɔm, ebě, byé á bé abûʼla ɨ́ jɔʼ byé á jóʼo wé yɨ́.

Markus 16:15

Nó nyé á lɛ́ɛ e bé ó: «Tóʼ gá ɨ́ sí yɨ́yɛ̂h, lɨ́ etô le etúnǒ Mbɨambɨa Lɔ́ɔ ɨ́ mesí mɨ́mɛ̂h Nzyɛ̌m á kuho má.

1 Pyɛr 1:25

Lwǐb mé Dâ yɨ́ɛ̌ di ó, njʉ̌m dǐ e njʉ̌m dǐ.» Tó kœb ó, lwǐb yaá, yé ó Mbɨambɨa Lɔ́ɔ bé á túno bɨ̌n wɨ́.

Mɨngwiha 5:11

Me á si bee ntémé beéngeles otɔ́ɔ́sin otɔ́ɔ́sin, abe e tólɔ́ɔ. Bé á be ó lɨ́ ebɔma mécwɨ́ɨ́ mé jwɨ́ɨ, ndu e mikublakúbla mí ótír minâ, le otɔ́má bʉ̂r baá ɨ́ nká. Me á si jóʼo jɨ́m yɔ́ɔ́ bé á dyɛɛ yɨ́.

2 Korɛnt 6:6

edile e nyʉ̂l lɨ́h, ngwɨ́á wɨ́h, bíhwó nyɨ́h, mpam nyɨ́h, bisyɛ́ɛla bɨ́h dí esâ e nzɨ̌ Sísǐm mé Nzyɛ̌m bí, kpɛ̌l yɨ́h dí abě mbáʼrá e mikóo yɨ́,

2 Korɛnt 1:22

Nye ntémé, nyɨ́ gbâ sitâm yé ɨ́ mɨná gâ. Nye á nyɛɛ ntɨh mɨná gá Sísǐm wé, dil wé ɨ́ milémé gá míná ó, mpʉ̌ jwɨʼ dí elɛ̂ʼlě mbɨambɨa metʉ́m nyé dí ekomo mɨ́ná gá má yɨ́.

Rôm 15:19

Me á sɨséa ntémé ó e mesimá, le bisá bí ékâm, ti e bisyɛ́ɛla bi nkûl Sísǐm mé Nzyɛ̌m wé á sâ bí. Me á nze túno Mbɨambɨa Lɔ́ɔ dí edumo e Yésʉs-Krîst wɨ́ ó, bigúmó bíbyɛ̂h, táare ɨ́ Yerʉ́zalɛm, tó kumǒ Ilirikɔ̂m.

Mɨlʉmlʉ 2:33

Nye á si bére, tó di sí ɨ́ mbó éjʉ́m mé Nzyɛ̌m. Nye ó b'á ntɨh bɨ̌h Sísǐm Nzyɛ̌m Sɔ́ŋ á kɛʼ bɨ̌h wɨ́. Sâ gwár e gwár yaá ó bɨ́n mû lɨ́ ebee le ejóʼo yɨ́.

Ebrœ̂ 2:4

Nzyɛ̌m, nyɨ́ nzě boʼlo ntémé ó, lɔ́ɔ waá, wé ó tyeetye, ebě, nye á si ntɨh bisyɛ́ɛla bi nkûl, le byaá bí ékâm, le mesimá mimbi mimbi, kumǒ kumáa e mindwéá Sísǐm wé dí entɨntɨh mɨ́ná gá mí, dû mpʉ wé dí ekpɛl yɨ́.

Galásia 1:12

Me á bé ajóʼo wé ɨ́ num nyʉ́ʉ́ mʉ̂r. Abe ntémé e mʉr á lɛ̂ʼle me wǎ. Yésʉs-Krîst mʉr tɨ̂ʼ ó b'á gwîh me wǎ.

Rôm 10:15

Bʉ̂r bé óbe, antɨhɔɔ nó, mʉr á gwa tô ɨ́ túnó waá nyá, á gwa tô le etúno wé náǎ e nyáa nkûl? Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Á mbɨa lɨ́ ebee bʉ̂r o dí enze le etúnǒ Mbɨambɨa Lɔ́ɔ bá ɛ̌!

Rôm 1:17

Mbɨambɨa Lɔ́ɔ waá, wé lɛ́ʼlé ó, mpʉ̌ Nzyɛ̌m dí edwe bʉ̂r nkam ɨ́ míh mé yɨ́. Yé tááré ó, ɨ́ búʼó, tó swîʼ ɨ́ búʼó. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: «Tîtyěl mʉr ótiʼe ó, ɨ́ búʼó.»

Lʉkas 15:10

Mě lɛ́ɛ́ bɨ́n ó: jwɨʼ gwár yaá ntémé ó bisʉhʉʉ ngá bě gúmó bééngeles mé Nzyɛ̌m dí yɨ́, ɨ́ jɔʼ syɛ̂l misyóm ngwár mû sí túmǒ koo e misyóm myé, le le edwirǎ léme yɨ́.»

Mataos 11:25

Jɔʼ yaá ó Yésʉs á nze lɛ́ɛ ó: «Dâ, me lɨ́ edwe gó kûm, gua Njwɨ́ɨ kʉ́ e sí, ebě, go á si lɛ̂ʼle bʉr o dí mpʉ bwá ó ntwǒm bá bisá gó á sol ocwóó le ogwɨ́a ó sí yɨ̂ʼ bí.

1 Tesalonika 2:9

Bɨ́ɔɔ́ bâm! Okɛ́l bâm! Bɨ̌h bé á si kʉ séa bisyɛ́ɛ́ bí nkûl. Bɨ̌n bʉr o tɨ̂, bɨ̌n bé lɨ́ egʉ́a nó. Jɔʼ yɨ́yɛ̂h bɨ́h á lɨlɛ́ɛ bɨ̌n Mbɨambɨa Lɔ́ɔ́ mé Nzyɛ̌m yɨ́, bɨ̌h ntémé á be lɨ́ eséa bísyɛ́ɛ́ mébô, móhó e pum. Bɨ̌h bé á sâ nó ó, bɨ̌h sá agbâ bɨ́n túú ɨ́ nyʉ̂l lɨ́ enkɛ́ɛ̌ mbeʼ wɨ́h.

Lʉkas 9:6

Nó ómpʉ́n, bé á nze ja nzɨ́, tóŋɔɔ mékwár e mekwár mɛ̂h, tô le elɛ́ɔɔ bʉ̂r Mbɨambɨa Lɔ́ɔ, le etiʼɔɔ mímbêl ɨ́ bigúmó bíbyɛ̂h.

Lʉkas 2:26

Sísǐm mé Nzyɛ̌m, wé á si boo lɛ́ɛ e né ó, nye apǎ dwe, nye óbee mʉ̂r Nzyɛ̌m á lœm múló mé jwɨ́ɨ nyá.

Mataos 16:17

Yésʉs ntɔ̂ʼ lɛ́ɛ e né ó: «Go ó e metyɛʼ me mpóm, Simon Bar-Yónas. Ntʉ nyʉ̂l bipúno le metiê gwíh gó sâ yaá. Yê bé ó Sɔ́ŋ wǎm dí ɨ́ jʉ́o kʉ́ nyá. Nye ô lɛ́ʼlé gó yǎ.

Mataos 11:27

Sɔ́ŋ wǎm á si dwe me bisá bíbyɛ̂h. Abe e mʉr dí egwá gʉ́a Mwân, pɛ̌ʼ njɨ Nzyɛ̌m Sɔ́ŋ nye omér. Abe e mʉr dí egwá gʉ́ǎ Nzyɛ̌m Sɔ́ŋ, pɛ̌ʼ njɨ Mwân ndu e waá Mwân kpɛ́l élɛ̂ʼle nyá.

Ebrœ̂ 11:13

Bʉr baá bɨ́bɛ̂h, bé á dwe ó, bɨ́ɛ lɨ́ edyɛ̂ʼwo e Nzyɛ̌m. Jɔʼ bé á dwidwe nó yɨ́, bé á bé apǎ bǐ sá nyé á kɛʼ bé yɨ́. Sâ gwár, bé á bee nkɛ̌ʼ nyaá ó, nye dína ká ká lɨ́ ejaa. Bê nzě soho nyê. Bé bʉr o tɨ̂, bé á si gʉ́a lɨ́ otyeetye ó, bé ó ojwóo ti e milaa-nkpǎʼ ɨ́ sí yɨ̂.

Rôm 1:15

Sá tɨ̂ʼ ó mé dí e tiŋé ɨ́ léme ó, me túnaa Mbɨambɨa Lɔ́ɔ kwá nyɨ́n ntémé, bɨ̌n bʉr ó Rôm yɨ́.

Mɨlʉmlʉ 16:10

Nó ó, jɔ̌ʼ Pɔ̂l á sil ebee esimá laá yɨ́, bɨ̌h nzě sáa étô sí Masedónia, ebě, bɨ̌h bé á si bee ó, Nzyɛ̌m á jébe bɨ̌h ó, bɨ̌h tôʼ túnǒ Mbɨambɨa Lɔ́ɔ ɨ́ sí yaá.

Mɨlʉmlʉ 10:44

Pétrus dína apǎ sîl élwib nó nɛ́ɛ: Sísǐm mé Nzyɛ̌m ntɔ̂ʼ sulo ɨ́ mʉr nyɨnyɛ̂h á jóʼo lɔ́ɔ́ wé nyá.

Mɨlʉmlʉ 8:25

Jɔʼ bé á sil elɛ́ɛ, le eboʼlǒ lɔ́ɔ́ dí edumo e Tî Yésʉs wɨ́ yɨ́, bʉr o mílʉ́mlʉ́ obá baá, bé ntɔ̂ʼ báʼǎ tô Yerʉ́zalɛm. Nzɨ́ e nzɨ̌, bé á be lɨ́ ebuú tô le etúnǒ Mbɨambɨa Lɔ́ɔ ɨ́ mekwár mé sí Samarî.

Mɨlʉmlʉ 4:31

Le bé á sil ejɨʼla e Nzyɛ̌m, le ntɔ̂ʼ gúmó bé á syɛŋa yɨ́, yé á kubla. Sísǐm mé Nzyɛ̌m nzě lóno bɨ́bɛ̂h ɨ́ miléme, bé ntɔ̂ʼ táare élɛ́ɛ̌ lɔ́ɔ́ mé Nzyɛ̌m ɨ́ kpɛŋlɛm, abáawo bá yʉ́ʉ́ sɔ̂ʼ.

Mɨlʉmlʉ 4:8

Nó, Pétrus, lwɨ́ŋlá e Sísǐm mé Nzyɛ̌m, á lɛ́ɛ e bé ó: «Minjwɨ́ɨbʉr le otɔ́má bʉ̂r!

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

1 Pyɛr 4:6

Nó ntémé ó Mbɨambɨa Lɔ́ɔ wé á túnɔɔ kwá odwe yɨ́. Wé á túnɔɔ gʉ̂ʼ ó, Nzyɛ̌m nkʉ̂ dwe bʉ̂r o tɨ̂ʼ mebě, duho ɨ́ bisyɛ́ɛla ményʉ́l mɔ́ɔ́. Bé e bʉr bɨ́bɛ̂h oswîh, bé ódweŋɔɔ mébě jwɨʼ gwár e gwár. Bé okǎ tíʼe píe tɨ̂ʼ ɨ́ nkǒ páʼ mísísǐm mi dí mikublakúbla, nwɨɨla e Nzyɛ̌m mí.