1 Pyɛr 1:1 - Kálar Nzyɛ̌m : Ejwán é Sáá

¹ Yé ó mɛm Pétrus, mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bʉr ó Nzyɛ̌m á twâr, dí etíʼě mpʉ ójwóo ɨ́ sí yɨ́yɛ̂h, mingbɛhá míngbɛhá ɨ́ mesí mé Pɔ́ŋtos, Galásia, Kapadosía, Azía le Bitinî bá.

Kálara Zyɛ̌m Edwán é mpʉ̌n

¹ Mɛm, Pyɛr, lʉmlʉ mo Yesʉs-Krɨst ó lé etile bɨn kalara nwa. Me etile ó, bʉr o Zyɛm a pɛh, baa mu ojyoo, mu si myɛʼa, jala lal Pɔŋtos bé e waa Galat, e waa Kapadosia, ndwe e waa Azia, ka kɛl waa Bitini ɨ.

1 Pyɛr 1:1 ပူးပေါင်းရင်းမြစ်များ

Jacques 1:1

Yé ó mɛm Jacques, syɛ̂l mesâ mé Nzyɛ̌m le Tî Yésʉs-Krîst ó dí ecɛma bɨ́n mekaná mâ. Me lɨ́ esoho bɨ́n, bʉr o ménzweh kám e mebá mû mingbɛhá míngbɛhá ɨ́ sí yɨ́yɛ̂h bá.

Ebrœ̂ 11:13

Bʉr baá bɨ́bɛ̂h, bé á dwe ó, bɨ́ɛ lɨ́ edyɛ̂ʼwo e Nzyɛ̌m. Jɔʼ bé á dwidwe nó yɨ́, bé á bé apǎ bǐ sá nyé á kɛʼ bé yɨ́. Sâ gwár, bé á bee nkɛ̌ʼ nyaá ó, nye dína ká ká lɨ́ ejaa. Bê nzě soho nyê. Bé bʉr o tɨ̂, bé á si gʉ́a lɨ́ otyeetye ó, bé ó ojwóo ti e milaa-nkpǎʼ ɨ́ sí yɨ̂.

Éfɛsɔs 2:19

Nó yé lɛ́ʼlé ó, bɨ̌n bé akǎ be bʉ̂r o bíkûl e biloo, nkʉ̂ ojwóo. Bɨ̌n mû ó bʉr o mpóʼo mé Nzyɛ̌m jwɨʼ gwár e gwár e bʉr o b'á nyɛɛ gúmo e né, duho myâ bá. Bɨ̌n mû ó bʉr ó mbɛ̌r bʉ̂r mé Nzyɛ̌m ntémé.

Mɨlʉmlʉ 8:4

Baá bé á gbɛha bá, bê nzě tô mésí e mésí mɛ̂h, lɨ́ etô le etúnǒ Mbɨambɨa Lɔ́ɔ.

Yʉanes 11:52

Abě njɨ ɨ́ lɔ̌b óYúden bé omér. Nye ntémé á dwe ó, lɨ́ esú é bwán mé Nzyɛ̌m bɨ́bɛ̂h. Nye ónʉa bé ɨ́ bigúmó byɔ́ɔ́, syɛŋ bé sûm gwár, ó bé díʼee njɨ kûl gwár.)

Mataos 24:22

Yé bé Dâ atuŋlo mélû maá nó, lɛ́ɛ́, mʉr ákóʼó tiʼe. Sâ gwár, nye ótuŋlo mé ó, lɨ́ esú é bʉ̂r o nyé á twâr bá.

1 Pyɛr 2:11

Mě jɨʼlá e bɨ̌n, osó bâm ó, bɨ̌n díʼee mpʉ̌ sá lɛ́ɛ́, bɨ̌n bé ó milaa-nkpǎʼ, nkʉ̂ mpʉ ójwóo dí ɨ́ mesí mé sí yɨ̂ʼ bá. Ɨ́ nzɨ̌ nyaá ó bɨ́n ngá tí bísá bʉ̂r ó sí yɨ̂ʼ dí egwɨ̂m bí yɨ́. Bisâ byaá ó dí elwímla e misísǐm mín.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

Éfɛsɔs 2:12

Símsáá gá ntémé mpʉ bɨ́n á nyɛɛ bɨbě dǐ gwár yɨ́. Bɨ̌n e Krîst, bé á bé apǎ pûhla. Bɨ̌n bé á si pɨ́mɔɔ ɨ́ kúl bʉ̂r o b'Ɨ́zraɛ̂l. Ɨ́ nkǒ páʼ sáá Nzyɛ̌m á sâ nyɨ́, ti e menkɛ̌ʼ mé, bɨ̌n bé á be ó, bʉr o bíkúl bíswîh, abe e bá nkɔ̂b tɨ̂. Ɨ́ jɔʼ yaá yɨ́yɛ̂h, bɨ̌n bé á bé abe e mpûʼla ɨ́ miléme. Ɨ́ sí yɨ́yɛ̂h, bʉr o bíkúl bín, bé á bé agʉ́ǎ Nzyɛ̌m.

2 Korɛnt 1:8

Nó, bɨ́ɔɔ́ bɨ́h ɛ́, bɨ̌h kpɛl ó, bɨ̌n gʉ́ŋaa mitúú bɨ́h á sia e myé ɨ́ sí Azía mí. Bɨ̌h bé á si kʉ bu sia e mitúú. Myé á si gwa ntaa bɨ̌h ɨ́ nkul, tó pyâl ɨ́ jɔʼ mpûʼla nyɨ́h á gwa pʉʼa bɨ̌h ɨ́ miléme yɨ́. Mpûʼla nyaá á be ó, bɨ̌h bé óbáʼǎ tô dóló le etiʼe.

Mɨlʉmlʉ 18:2

Nye nzě bɔma e Yúden, díé lé Akílas. Nye á byɛ̂l ó, ɨ́ sí Pɔ́ŋtos. Nye alúno duhǒ sí Italî, bé e mʉmá wé, Prǐska, ebě, Kɛ́ɛza Klodíʉs á lɛ́ɛ ó, oYúden bɨ́bɛ̂h, bé pɔ́ʼaǎ Rôm. Nó ó, Pɔ̂l á nze to syɛŋa e bê.

Mɨngwiha 1:11

Nye e me ó: «Sá gó mû lɨ́ ebee yɨ́, go e cɛ́má yé ɨ́ mekaná. Gó otyen mé ɨ́ bʉr ó Mbɛ̌r-Nzyɛ̌m dí ɨ́ binkana nzaangbá bi dí Éfɛsɔs, Smírna, Pɛ́rgamos, Teatîr, Sárdɛs, Filadɛ́lfia, ndu e Laodiséa bí.»

2 Timotɛ 1:15

Go mû ó lɨ́ egʉ́a ó, bʉr ó sí Azía bɨ́bɛ̂h, bɨ́ pɨʼ mê. Fígɛlus, ndu e Ermogɛ̂n, bé ó ɨ́ sɔ́má bʉ̂r yaá tʉ́ŋlʉ̌.

Galásia 1:2

Bɨ̌h e bʉ́ʉ́ óbûʼla o dí wâʼ bá, bé lɨ́ esoho bɨ́n, bʉr ó Mbɛ̌r-Nzyɛ̌m dí ɨ́ sí Galásia bá.

1 Korɛnt 16:19

Bʉr ó Mbɛ̌r-Nzyɛ̌m dí ɨ́ sí Azía bá, bé lɨ́ esoho bɨ́n. Akílas, bé e Prǐska ti e bʉr ó Mbɛ̌r-Nzyɛ̌m dí egwɨ̂hla ɨ́ mbɛ̌r wɔ́ɔ́ bá, bé lɨ́ esoho bɨ́n ɨ́ díé mé Tî Yésʉs ntémé.

Mɨlʉmlʉ 19:10

Pɔ̂l á sâ nó ó, tâŋ mimbú mímbá, tó pyâl ɨ́ jɔʼ bʉ̂r bɨ́bɛ̂h bé á be ɨ́ sí Azía bá, oYúden ndu e bikúl bíswîh, bé á jóʼo lɔ́ɔ́ dí edumo e Tî Yésʉs wɨ́ yɨ́.

Mɨlʉmlʉ 18:23

Nye nzě jâ bwá mélú gʉ̂ʼ, ntɔ̂ʼ mɔa, tô ɨ́ sí Galásia, ndu e yaá Frigía, lɨ́ etô le elɨl ómpʉ́n mé Yésʉs bɨ́bɛ̂h búʼó.

Mɨlʉmlʉ 6:9

Nó bʉ́ʉ́ bʉ̂r, bé á mɔa, tó sâ óntáʼdira e né. Bé á be ó bʉr o mpáh minjɨʼla dí e díe ó: “Mpáh onzyɛh o bʉ̂r”. Bâʼ bʉ̂r, bé á duho ó ɨ́ Sirénia. Bʉ́ʉ́, duhǒ Alɛksandrî, ndu e sí Silisía, le yaá Azía. Mpʉ bé á be lɨ́ esâ óntáʼdira le Étiene yɨ́,

Yʉanes 7:35

OYúden nzě táare édíila páʼ nyɔ́ɔ́ ó: «Nye ókǎ tô wâʼ wó, mbi dí ó, mɨná bé ákǎ bee gá nye wɨ́? Nzê nye ótô le elɛ̂ʼle óYúden mû mingbɛhá míngbɛhá ɨ́ Grɛ̂s, le elɛ̂ʼle ntémé bʉr o Grɛ̂s ɛ̌?

Mataos 10:2

Bʉr o mílʉ́mlʉ́ mé Yésʉs kám le obá baá, bé ó bâ: waá esôʼ Simon á jɨjébɔɔ ó, “Pétrus” nyá, le André, mɨ́ɔɔ́ wé; Jacques le mɨ́ɔɔ́ wé, Yʉánɛs, bɨ́bɛ̂h bwán mé Zebedê;

Mataos 4:18

Ɨ́ lʉ́ʉ́ dʉ́o, mpʉ̌ Yésʉs á be ɨ́ nkpâh máŋ mé Galilê yɨ́, nye nzě bee bʉ̂r obá. Bé á be ó Simon, bé dí ejébě Pétrus nyá, bé e mɨ́ɔɔ́ wé, André. Bé á be ó lɨ́ eguho méntám mɔ́ɔ́ ɨ́ mâŋ maá le edulo mê, ebě, bé á be ó ogwih o méntâm.

Lʉkas 18:7

Nó ó, mbeá wɨ́n, wê nyá? Nzê Nzyɛ̌m ódi l'akamle e bʉr bé nyé á twâr bá ɛ́? Bé lɨ́ ejɨʼla e né móhó e pum. Nzê nye ósâ táb lɨ́ enzě kɛm bé ɛ̌?