1 Korɛnt 9:3 - Kálar Nzyɛ̌m : Ejwán é Sáá

³ Mě kǎr lɔ̌b wâm ɨ́ mempǒm me bʉ̂r o dí enwâhle mé bá ó nɛ́ɛ:

Kálara Zyɛ̌m Edwán é mpʉ̌n

³ Bɨn bʉr o ndɨ ebee ó, bɨn bé e nkul elwib lɔb wam ɨ, mbi me lé ekomo nkar si ɨ, wé ó wi:

1 Korɛnt 9:3 ပူးပေါင်းရင်းမြစ်များ

2 Timotɛ 4:16

Jɔʼ ésôʼ mé á kar lɔ̌b wâm yɨ́, abe e mʉr á tyɛ̂b bǎʼ e me. Bɨ́bɛ̂h, bé á si líʼe me ɨ́ ntɛ̂ʼ. Nzyɛ̌m sá aláa bé baa ébébe yaá!

Filipi 1:17

Nó ó, bʉr ónɨ̌, bé lɨ́ etúnǒ lɔ́ɔ́ mé Krîst ó, lɨ́ epɨra e me. Sâ yaá, yé aduho bé ɨ́ milémé mímpâ. Bé lɨ́ epɨra e me, bɨ́ɛ lɨ́ ejwɨʼ ó, bé óko mé túú swîh tyé yɨ́yɛ̂h mé dína ɨ́ mbʉʼ yɨ́.

Filipi 1:7

Yé jala ó, me pâhlaa lɔ̌b wɨ́n ɨ́ mbi waá, ebě, me lɨ́ ecwɨ́a e bɨ̌n ɨ́ buo buo. Nzyɛ̌m á si cwɨ́a e mɨná gá óbɛ̂h jwɨʼ gwár. Damá jóʼǒ mpʉ mé dí mbʉʼ yɨ́, damá jóʼǒ mpʉ mé dí eboʼlǒ Mbɨambɨa Lɔ́ɔ́ mé Nzyɛ̌m yɨ́, metyɛʼ me mpóm mé Nzyɛ̌m, mé lɨ́ eswɨɨ ɨ́ mɨná gá ó tɨ̂.

2 Korɛnt 13:10

Sá tɨ̂ʼ ó mé dí ecɛma bísá bîʼ jɔʼ mé dína apǎ pyâl gʉ̂ʼ yɨ́. Ɨ́ jɔʼ mé ópyâl gʉ̂ʼ yɨ́, me l'anyamlě kœ̌b sá yé ósâ ó, me lɛ̂ʼlaa bɨ̌n lémé ébɨ̌h e nkul jwɨ́ɨ nyǎm yɨ́. Tî Yésʉs á dwe me nkul nyaá ó, me gbâʼ bʉr nkul ɨ́ miléme, abe lɨ́ esú lé éndáma bê.

2 Korɛnt 13:5

Bɨ̌n bʉr o tɨ̂, sáʼ gá pyal ményʉ́l mɨ́n. Bɨ̌n a dwɛ́ʼ nkʉ̂ bɨ̌n dína lɨ́ edyɛ̂ʼwo e Nzyɛ̌m. Bɨ̌n bʉr o tɨ̂, sáŋáá égʉ́a gá nkʉ̂ bɨ̌n bé lɨ́ entaa mébʉ́blá. Bɨ̌n bé apǎ gwá gʉ́a ɨ́ páʼ wɨ́n ó, Yésʉs-Krîst ó dí ɨ́ bɨ̌n ɛ̌? Yé bé abe nó wá, lɛ́ɛ́, bɨ̌n bé ó obûʼla o míkóo ó tɨ̂ʼ yɨ́.

2 Korɛnt 13:3

Ebě, bɨ̌n bé lɨ́ esáa ébee bíjwɨʼ bi dí elɛ̂ʼle ó, Krîst ó dí elwib e nzɨ̌ nyǎm bí. Krîst waá, nyé atyɛʼ ɨ́ páʼ wɨ́n. Nye lɨ́ ekʉ́ buú lɛ̂ʼle bʉ̂r ó sɔ́má yɨ́n nkul nyé.

1 Korɛnt 14:37

Mʉ̂r sí bee ó, nye ó ngwíha milɔ̌b mé Nzyɛ̌m nó, nkʉ̂ ntɔ̂ʼ ó, nyé óbe, nye mû lɨ́ ebee ó, nyě e ndwéá dí eduho e Sísǐm mé Nzyɛ̌m wɨ́ nó, nye e gʉ́á ntémé ɨ́ pébébé ó, sá mê cɛmá bɨ́n wâʼ kʉ́ yɨ́, yé ó etié Tî gá wɨ́ná Yésʉs mʉr tɨ̂ʼ á tyêl mɨná gá lɨ́.

Mɨlʉmlʉ 25:16

Me nzě yala e bé ó, bʉr ó Rôm, bé abe e tum ó, bé tyénɨɨ mʉr ɨ́ mpáh milɔ̌b, bé e bʉr o dí enwâhle nyé bá apǎ kɛra. Bé ópur nyé ɨ́ lɔ̌b syɛ́ɛla yé e yʉ́ʉ́ nó, nye óbe e jɔʼ ntémé ó, nye lɛ̂ʼlaa nkʉ̂ nyɨɛ ó b'á be e nkam.

Mɨlʉmlʉ 22:1

Pɔ̂l, nye ó: «Bɨ́ɔɔ́ bâm le osɔ́ŋ bâm, jóʼlááá gá nkar mé múo nzě kar ɨ́ báánâʼ ɨ́ lɔ̌b wâm ɨ́ míh mɨ́n nyɨ̂!»

Lʉkas 12:11

«Jɔʼ bé ódâʼre bɨ́n ɨ́ mempáh mínjɨʼla nkʉ̂ ɨ́ mempáh mílɔ̌b, tó pur bɨ́n yɨ́, mʉr asyɛl gá bá. Ayêʼwo gá sá bɨ́n ngá lɛ́ɛ bʉ̂r ó jwɨ́ɨ ɨ́ nkar wɨ́n yɨ́!

1 Korɛnt 9:2

Bʉ̂r oswîh sí kɛ́la ó, me ó mʉr milʉ́mlʉ́ mé Krîst nó, bɨ̌n bɨɛ, bé ɨ́ jala le egʉ́a ó, me ó kʉ́ be nyé tyeetye ɨ́ páʼ wɨ́n. Mpʉ bɨ́n mû sí pûhla e Tî Yésʉs yɨ́, bɨ̌n mû ó ndem dí elɛ̂ʼle ó, me ó mʉr milʉ́mlʉ́ wé nyá.

1 Korɛnt 9:4

Nzê bɨ̌h bé abe e nkul ó, bɨ̌h dêʼ mede e menyoʼ mé ójala e bɨ̌h má ɛ́?