1 Korɛnt 8:9 - Kálar Nzyɛ̌m : Ejwán é Sáá

⁹ Syɛ́ɛla bɨ́n dí e nkul esâ, agbah étié yɨ́, yé óbɛ̌m be ntémé ebɔ̌ʼ dí ejâ ɨ́ nzɨ̌ mé nyʉ́ʉ́ mʉ̂r lɨ́. Mʉr waá óbɛ̌m bɨm lé, ntɔ̂ʼ twe, ebě, nyé abe e mpǎŋ búʼó. Nó ó, kánwáá gá lɨ́ esâ syɛ́ɛla yaá.

Kálara Zyɛ̌m Edwán é mpʉ̌n

⁹ Syɛɛla bɨn ndɨ e nkul esa, antaa yɛɛ etie e, yé óbɛm be nteme ebɔʼ bɨn ndɨ ekol nuu mʉr, laa lé ódumo nye e. No ó, kanba ga lé esa syɛɛla yaa.

1 Korɛnt 8:9 ပူးပေါင်းရင်းမြစ်များ

Galásia 5:13

Bɨ́ɔɔ́ bâm! Okɛ́l bâm! Nzyɛ̌m á jébe bɨ̌n ó, nye pɛ́ʼɛɛ bɨ̌n lɨ́ mpila ébébe, bɨ̌n búlaa ɨ́ fá. Ɨ́ tyé yɨ́n yaá tʉ́ŋlʉ̌, akam gá ó, bɨ̌n sâʼ syóm njwɨr myâ gá wɨ́ná dí egwɨ̂m wɨ́. Kpɛlaa gâ. Séáá gá ntémé páʼ nyɨ́n.

1 Pyɛr 2:16

Dúʼóó gá kʉ̌ tyen mpâ ónzyɛh o bʉ̂r jálá le edû wɨ́. Bɨ̌n damá be ónzyɛh o bʉ̂r, sâ gwár, asâ gá ebébe ɨ́ lɔ̌b dǐ bɨ́n dí tɨ̂ʼ yɨ́. Dǐ yaá, yé ajala le esûʼlǎ sá bɨ́n búbló ébébe é léme lɨ́n e tɨ̂ʼ yɨ́. Tiʼaa gá mpʉ bítúʼǎ bi dí egúmo e Nzyɛ̌m bí.

2 Pyɛr 2:19

Bé kɛʼ bé ó, bé ópɛʼ bé lɨ́ otúʼǎ, dil bé ɨ́ dǐ ónzyɛh o bʉ̂r. Tó kœb ó, bé bʉr o tɨ̂ʼ, bé ó mpǎŋ bitúʼǎ, lɨ́ edû métum me dí etyen mʉ̂r lɨ́ eswie má, ebě, sá yɨ́yɛ̂h dí ejwɨ́ɨ mʉ̂r yɨ́, mʉr waá, nye ó túʼǎ sâ yaá.

1 Korɛnt 10:24

Mʉ̌r sá asáǎ nyɔm wé. Mʉr sáŋaa sá dí e nyɔm lɨ́ esú é bʉ́ʉ́ bʉ̂r yɨ́.

1 Korɛnt 10:32

Tiʼaa gá, mbi dí ó, bɨ̌n bé ákǎ sâ syɛ́ɛla ngá be ébɔ̌ʼ lé óbɨma óYúden le bʉr o bíkûl biswîh, nkʉ̂ ntɔ̂ʼ bʉr ó Mbɛ̌r-Nzyɛ̌m lɨ́!

1 Korɛnt 9:22

Ɨ́ jɔʼ mé dí e bʉr o dí apǎ bi pîm ɨ́ búʼó bá yɨ́, mě dǐ ntémé ó mpʉ mʉ̂r dína apǎ bi pîm ɨ́ búʼó nyá. Mě sá nó ó, me dúlaa bê. Me lɨ́ esáa énwɨɨla e mimbi mi bʉ̂r mímyɛ̂h lɨ́ esú lé étiʼ bʉ́ʉ́ bʉ̂r.

1 Korɛnt 8:12

Ɨ́ jɔʼ bɨ́n sá syóm ɨ́ nkǒ páʼ bɨ́ɔɔ́ bɨ́n, le ebáʼǎ tyeʼ mílémé myɔ́ɔ́ dí ɨ́ tyɛʼ mí yɨ́, bɨ̌n bé lɨ́ esâ syóm ɨ́ nkǒ páʼ mé Krîst.

1 Korɛnt 8:10

Go e bâʼ, gua mʉr dí ɨ́ buú gʉ́a nyá! Gó tó dě dína ɨ́ nzaá bikpɛʼkpɛ̂ʼ bí ónzyɛ̌m nó, go ámû jaá sâ syɛ́ɛla yaá, nyʉ́ʉ́ mʉ̂r ntɔ̂ʼ bánǎ baŋa yê, damá jóʼo ó, lémé wé, wé lɨ́ edwe nyé mebě tɨ̂.

Mɨngwiha 2:14

Yé e sâ gwár mé dí ebene e bɨ̌n. Yé ó metwɨ́ɨ́ bʉ́ʉ́ bʉ̂r ó sɔ́má yɨ́n dí edû má. Syɛ́ɛla yaá ó mé dí ebene bɨ́n yɨ́. Bé lɨ́ edû mílɛ́ʼlá mé Balâm. Nye ó waá á dulo Bálak lɨ́ ebébe, tɨ́e nyé egbâ mébɔ̌ʼ mé óbɨma bʉ̂r o b'Ɨ́zraɛ̂l ɨ́ miléme ó, bé sâʼ ebébe má, ebě, nyɨɛ Bálak á sâ ó: nʉa tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá, nzě tímle nyé bʉr o b'Ɨ́zraɛ̂l. Bɨ́ɛ ntɔ̂ʼ de nyê, nzě sáŋɔɔ ntémé bimolá.

2 Korɛnt 11:21

Yé lɨ́ esâ mé sôn lɨ́ ekam ó, etyɛʼ bé lwɨ́lwɨ́ɨ́ mé e lǎ lɨ́, lé ó b'á sâ ó, me ayɨ́ tû bɨ́n nó. Yé bé yé e nyʉ́ʉ́ mʉ̂r dí e nkul enkʉ́na ɨ́ lɔ̌b syɛ́ɛla yé e yʉ́ʉ́ nó, mɛm ntémé, me óbɛ̌m nkʉ́na ɨ́ mbi ngwár e ngwár waá. (Mě lwib náǎ ó, mpʉ̌ gʉʼlʉgʉ́.)

1 Korɛnt 10:29

Mé alɛ́ɛ ó, go dúʼoo mipahlá mí lémé gô. Mě lɛ́ɛ́ ó, go dúʼoo myaá mí lémé wé, nye mʉr tɨ̂. Lɨ́ otyeetye, mé abě túʼǎ. Nzê yé ó sá dí tîtyěl yɨ́ ɨ́ jɔʼ mʉ̂r swîh dwé mé mebě me twíí céme ɨ́ bisyɛ́ɛla mé dí etwâr ó, mě sá ó byê, byaá nyé dí epahle, bee ó, byé ajala le esáŋɔɔ bí ɛ́? Heʼé!

Rôm 15:1

Mɨná gâ, bʉr o b'á nʉa pîm ɨ́ búʼó bá, bé ɨ́ jala le edûhwo bʉ̂r o dí e búʼó ɨ́ tyɛʼ tyɛʼ bá. Mɨná bé ajala le esáa gá minyɔm gá míná.

Mataos 18:10

«Gwá di gá le ocwóó ó, bɨ̌n ayɨ́ pyêh mwân ngwár lɨ́ bwán bâ, ebě, mě lɛ́ɛ́ bɨ́n ó: beéngeles bɔ́ɔ́ dí kʉ́ bá, bé lɨ́ ebee ɨ́ tooobó mpǒm me Sɔ́ŋ wǎm dí ɨ́ jʉ́o kʉ́ nyá ɨ́ jɔʼ yɨ́yɛ̂h.»

1 Korɛnt 10:28

Nyʉ́ʉ́ mʉ̂r ká gwîh gó ó: «Tír nyâʼ baŋɔɔ ó, ɨ́ nzaá bikpɛʼkpɛ̂ʼ bí ónzyɛ̌m» nó, akǎ báʼǎ de nyê. Go ɨ́ jala le ebîr tír waá, akǎ de nyé ó, lɨ́ esú lé écwɨ́a e mʉr á boʼlo lɔ̌b waá nyá. Go ɨ́ jala le edû mípahlá mí léme.

2 Korɛnt 6:3

Bɨ̌h bé agbâ mébɔ̌ʼ ɨ́ nzɨ̌, lɨ́ ebene ó, mʉr ámû jaá twe. Nó ntémé ó bɨ́h ngá séǎ syɛ́ɛ́, mʉr adwe bɨ́h mebě tɨ̂ʼ yɨ́.

2 Korɛnt 11:29

Yé bé nyʉ́ʉ́ mʉ̂r, nye ɨ́ tyɛʼ nó, sɨ́ǎ yaá, yé lɨ́ etyeʼ mé nyʉ̂l. Bʉ̂r sí gbâ ébɔ̌ʼ ɨ́ nzɨ̌, nyʉ́ʉ́ mʉ̂r ntɔ̂ʼ bɨm lé nó, sɨ́ǎ yaá, yé lɨ́ ebuú kpaa mé ɨ́ léme.

Kolosi 2:8

Akam gá mekǎn mé dí dwêh, maá me dí edímle bʉ́ʉ́ bʉ̂r ɨ́ nzɨ̌ mikóo myɔ́ɔ́ má. Ajóʼǒ sá bé dí ejébe ó, «ocwóó ó sí yɨ̂ʼ» yɨ́. Abîr gá ó, mʉr gbâʼ bɨ̌n lɨ́ okómó wé ɨ́ nzɨ̌ nyaá. Mekǎn ménɨ̌, mé duduho ó, ɨ́ metum me bʉ̂r ó sí yɨ̂, ndu e milɛ́ʼlá bʉ̂r ó sí yɨ̂ʼ dí ekûhlo mí. Milɛ́ʼlá myaá, myé aduho kwá mé Krîst.