1 Korɛnt 8:4 - Kálar Nzyɛ̌m : Ejwán é Sáá

⁴ Nó ó, ɨ́ nkǒ páʼ ndéá tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá, mɨná bé lɨ́ egʉ́a gá ó, sɔ̂ʼ, yé abe ɨ́ bikpɛʼkpɛ̂ʼ bí ónzyɛ̌m. Nzyɛ̌m, nye ó njɨ ngwár.

Kálara Zyɛ̌m Edwán é mpʉ̌n

⁴ No ó, é lɔb ndɨa tir a pa bàŋɔ é mpah bé ndɨ edwiibɨ bɨbaŋabaŋa bɨdweʼle e, me bɨha bɨn ó, é mbi wi. Bɨna bé ekʉ gʉa ga ó, é jɔʼ okpɔʼ ndɨ edweʼle sa bé lé edwiibɨ no e, yé alɛɛ ó, sa bé a dweʼle e, yé ó kʉ be tɨʼ é l'ocyecye. Bɨna bé egʉa ga ó, Zyɛm, nye ó njɨ ngwar.

1 Korɛnt 8:4 ပူးပေါင်းရင်းမြစ်များ

1 Timotɛ 2:5

Ebě, Nzyɛ̌m, nye ó njɨ ngwár. Nó ntémé, bʉr, bé ó njɨ e mesaádɔm ngwár dí páʼ bé e boo Nzyɛ̌m nyá. Nye mʉr tɨ̂, nye ó mʉr: Yésʉs-Krîst,

Éfɛsɔs 4:6

Waá dí Nzyɛ̌m bʉ̂r bɨ́bɛ̂h, dí ntémé Sɔ́ŋ bʉr bɨ́bɛ̂h nyá, nyé ó njɨ ngwár. Nye lɨ́ ejwɨ́ɨ̌ sá yɨ́yɛ̂h. Nye ntémé ó dí eséa, cɨɨ e nzɨ̌ sá yɨ́yɛ̂h. Nye ɨ́ sá yɨ́yɛ̂h.

Markus 12:29

Nó ó Yésʉs á nze yala e né ó: «Etié e dí elaa métié mɨ́mɛ̂h ɨ́ medile lɨ́, lé ó: “Bʉr o b'Ɨ́zraɛ̂l, gwá jôʼlo! Dâ, dí Nzyɛ̌m gá wɨ́ná nyá, nye ó njɨ ngwár.

Yʉ̂d 1:25

Nye omér ó dí Nzyɛ̌m. Kûm dwéŋɔɔ Nzyɛ̌m, dí Tiʼbʉr gá wɨ́ná nyá, ɨ́ nzɨ̌ mé Yésʉs-Krîst, Tî gá wɨ́ná, táare ɨ́ mimbú mí píhe, le ɨ́ báánâ, tó kumǒ kumáa ɨ́ twǐʼ njʉ̌m dǐ e njʉ̌m dǐ. Amɛn.

1 Korɛnt 8:10

Go e bâʼ, gua mʉr dí ɨ́ buú gʉ́a nyá! Gó tó dě dína ɨ́ nzaá bikpɛʼkpɛ̂ʼ bí ónzyɛ̌m nó, go ámû jaá sâ syɛ́ɛla yaá, nyʉ́ʉ́ mʉ̂r ntɔ̂ʼ bánǎ baŋa yê, damá jóʼo ó, lémé wé, wé lɨ́ edwe nyé mebě tɨ̂.

1 Korɛnt 8:1

Ɨ́ nkǒ páʼ ótír o dí ebaŋɔɔ ɨ́ nzaá bikpɛʼkpɛ̂ʼ bí ónzyɛ̌m bá, mɨná gá óbɛ̂h, bé ɨ́ buú gʉ́ǎ mpʉ bɨ́n dí elɛ́ɛ yɨ́. Tó kœb ó, ngwɨ́á dwídwé mʉ̂r ó, enkɛ́ɛ e nyʉ̂l. Bʉr, bé buú dirǎ nyɔm ó e kpɛ̌l.

Mɨlʉmlʉ 19:26

Bɨ̌n bé lɨ́ ejóʼo le ebeě mpʉ mʉ̂r nɨ̌ dí elɛ́ɛ ó, onzyɛ̌m bʉ̂r dí esâ e mebô bá, bé abe ónzyɛ̌m yɨ́. Nyɨ́ sîl édulo bʉ̂r ɨ́ buo buo, abě njɨ wâʼ ɨ́ Éfɛsɔs yé omér. Nye mû ó sí dulo ntémé kúnókúno e sí Azía yɨ́yɛ̂h.

Mɨlʉmlʉ 14:15

Bé ó: «Bʉr bâ, bɨ̌n sá mpʉ́nʉ̌ ɨ́ yé? Bɨ̌h ntémé, bé ó bʉr jwɨʼ gwár mpʉ bɨ́n dí yɨ́. Bɨ̌h nzé kwá nyɨ́n ó, lɨ́ enzě túnǒ Mbɨambɨa Lɔ́ɔ, le elɛ́ɛ bɨ́n ó, bɨ̌n túmaa koo e bisâ bi dí dwě-ntuʼ bî. Bɨ̌n a dwírá míléme, dyɛ̂ʼwo e Nzyɛ̌m, waá dí kublakúbla nyá. Nye ó b'á kuho kʉ́ le sí, ndu e l'ekomlo mâŋ ti e bisá bíbyɛ̂h bi dí tɨ̂ʼ bí.

1 Timotɛ 1:17

Nzyɛ̌m dí njwɨ́ɨ melú mé mpóʼo mɨ́mɛ̂h, adwidwe nyá, waá dí anyɨ̂n, waá dí Nzyɛ̌m nye omér nyá, dúu e kûm, byé díʼee e né njʉ̌m dǐ e njʉ̌m dǐ. Amɛn.

Mɨlʉmlʉ 15:20

Mɨná cɛ́maa gá yɨ́ɛ mekaná ó, bé syɛ̂hlaa edulo mélwaʼwo ɨ́ menyʉ́l mɔ́ɔ́ e menzɨ̌ mâ: lɨ́ edwe bíkpɛʼkpɛ̂ʼ bí ónzyɛ̌m dúu, lɨ́ esâ bímolá, lɨ́ ede tír á pa dwe tû nyá, nkʉ̂ lɨ́ ede métié.

1 Korɛnt 8:11

Mʉr dí e mipahlá ɨ́ léme ɨ́ tɨ́ŋ nyá, nye ó mɨ́ɔɔ́ gá wɨ́ná Krîst á dwe lɨ́ esú lé nyá. Nyé ajala le edwe ɨ́ lɔ̌b sá gó dí ejébě «mpǎŋ ngwɨ́á» yɨ́.

Galásia 4:8

Ɨ́ mimbú mí píhe, bɨ̌n bé á bé apǎ gʉ́ǎ Nzyɛ̌m. Bɨ̌n bé á bɨbe ó mpʉ bítúʼǎ, lɨ́ edû bíkpɛʼkpɛ̂ʼ bí ónzyɛ̌m bi dí abe ónzyɛ̌m ompâ bí.