1 Korɛnt 8:2 - Kálar Nzyɛ̌m : Ejwán é Sáá

² Mʉr dí ejwɨʼ ó, nyɨ́ gʉ́ǎ sɔ̂ʼ nyá, nyé apǎ gʉ́ǎ bím dí ejala yɨ́.

Kálara Zyɛ̌m Edwán é mpʉ̌n

² Mʉr ndɨ ejwɨʼ ó, nye si gʉa sɔʼɔ ɛ, nye apa gʉa bim lé ejala ó, nye gʉŋa ɛ.

1 Korɛnt 8:2 ပူးပေါင်းရင်းမြစ်များ

1 Korɛnt 13:12

Nó ó, ɨ́ báánâ, sá mɨ́ná dí ebee gá yɨ́, yê ɨ́ míh gá mɨ́ná ó, ɨ́ dímlɨ́ di dímlɨ́. Yé ó mpʉ̌ mveʼle dí enyɨ̂n ɨ́ nkóho dí engê yɨ́. Ɨ́ jɔ̌ʼ sá dí ntinɨ̂ mû sí pyâl yɨ́, mɨná bé óbeela gá mempǒm. Ɨ́ báánâ, ngwɨ́á wâm, wé dína ó, tîtil. Jɔʼ yaá ó mé ósûʼlǎ gʉ́ǎ sá yɨ́yɛ̂h ɨ́ pébébé yɨ́, dû mpʉ̌ Nzyɛ̌m dí eboó gʉ́a mé ɨ́ pébébé yɨ́.

1 Korɛnt 3:18

Mʉ̌r sá alêh. Mʉ̂r ɨ́ sɔ́má yɨ́n sí láa ó, nye ó twóó ɨ́ nkǒ páʼ bísá bí jɔʼ yɨ̂ʼ nó, nye nyɛ́ɛ dǐ gʉ̌. Nyé okǎ bi ócwóó ómpâ ɨ́ jɔʼ yaá.

Galásia 6:3

Ebě, nɛ́ɛ: nyʉ́ʉ́ mʉ̂r bé lɨ́ ejwɨʼ ó, nye ó mpǎŋ sɔ̂ʼ, nyɨɛ yɨ́ɛ abě mpaŋ mʉ̂r nó, mʉr waá, nyě dímlé ó, nye mʉr tɨ̂.

Rôm 11:25

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa lwǐb ódîm yɨ̂ʼ ɨ́ pébébé. Bɨ̌n ámû jwɨʼ ó, bɨ̌n bé ó ocwóó. Lwǐb ódîm yaá, yé ó: bʉ́ʉ́ bʉ̂r ɨ́ kúl bʉ̂r o b'Ɨ́zraɛ̂l, bé e miléme mi dí ɨ́ buú lele lɨ́ ejóʼo mi. Milémé myɔ́ɔ́, myé óbe ɨ́ lele lɨ́ ejóʼo ó, tó kumo ɨ́ jɔʼ tólɔ́ɔ obûʼla o dí abe óYúden bá, ókumǒ bím Nzyɛ̌m á boo tíʼe ɨ́ lémé wé ó, nyě dwé ó bé twǐʼ njʉ̌m dǐ yɨ́.