1 Korɛnt 7:34 - Kálar Nzyɛ̌m : Ejwán é Sáá

³⁴ Nye mû ó lɨ́ edû bícwia bibá ɨ́ jɔʼ gwár. Nkʉ̂ nzihle mʉmá, nkʉ̂ bíŋ mʉ́má, nyě jaá dudû ó, njɨ milɔ̌b mé Tî Yésʉs, lɨ́ esú ó, nye gúmaa e né, táare ɨ́ nyʉ̂l nyé, kumo ɨ́ sísǐm. Mbɛ́á mʉ́má wɨ́ɛ jaá pɨpálwǒ sɔ̂ʼ ó, njɨ bisá bí sí yɨ̂, ó wé nkʉ̂ sâ bísyɛ́ɛla njʉ̂m dí egwɨ̂m bí.

Kálara Zyɛ̌m Edwán é mpʉ̌n

³⁴ Nye mu ó lé edu bɨcwɨa bɨba é jɔʼ gwar. Nkʉ zihle mʉma, nkʉ esehe ndɨ e l'etie ó, lé óba ɛ, nye ekʉ du ó, njɨ mɨlɔb mo Tî ga wina é l'efu ó, nye diʼe saŋ mʉr we, taare é nyʉl we, to kumo é sisim. Mbɛa mʉma wɛɛ pebre-pebre sɔʼɔ ó, njɨ bɨsa bɨ jobo yi, ó wé nkʉʼ sa bɨsyɛɛla njʉm lé egwɨm ɨ.

1 Korɛnt 7:34 ပူးပေါင်းရင်းမြစ်များ

1 Korɛnt 6:20

ebě, Nzyɛ̌m á si jána myɛ́na ɨ́ bwaʼ bwaʼ ɨ́ jɔʼ nyé á sâ ó, bɨ̌n gúmaa e né yɨ́. Nó, dwéʼ gá Nzyɛ̌m kûm, lɨ́ ebaʼle ményʉ́l mɨ́n ti.

Filipi 1:20

Mě e mpûʼla ɨ́ léme ó, me ákóʼó sɔ́ma bá ɨ́ yʉ́ʉ́ syɛ́ɛla yâm e yʉ́ʉ́. Me ntémé, mě e mpûʼla ó, me ótô le edû kʉ̌ tyen mpâ ɨ́ hwɨ́m, abáawǒ sɔ̂ʼ mpʉ mé á boo sɨsâ yɨ́, lɨ́ esú ó, bʉr tôʼ dóló le egúmlǒ Krîst. Mě damá tiʼe, nkʉ̂ ntémé dwe, bé ótô le egúmlǒ Krîst ɨ́ lɔ̌b wâm.

2 Korɛnt 11:28

Mé akǎ gúm láa byaá byúú bíɛ. Sá dí ekǎ kalwo tɨ̂ʼ kʉ́, yaá dí edihle mé sí, yé ó: dʉ́ó lɨ́lɛ̂h, me lɨ́ esyɛ̌l bá ɨ́ lɔ̌b bʉ̂r ó Mbɛ̌r-Nzyɛ̌m, ɨ́ bigúmó byɔ́ɔ́ bíbyɛ̂h.

Rôm 6:13

Abîr gá bitíl ményʉ́l bín ó, byé díʼee bisá bɨ́n ósâ syóm e tɨ̂ʼ bí. Syóm, wé ámû jaá nʉa bítíl ményʉ́l bín byaá, wê nzě sâ mísyóm e tɨ̂. Bɨ̌n bé ó bʉr o b'á nyɛɛ dwe, nzě kǎ pah bá. Tímláá gá Nzyɛ̌m bɨ̌n bʉr o tɨ̂, ti e bitíl ményʉ́l bín. Byé díʼee bɨ̌n bisá bɨ́n ótó sâ ótîtyěl o bísyɛ́ɛla e byé bí.

Títos 3:8

Lwǐb nɨ̌, yé ó yaá jálá le ebúʼlɔɔ yɨ́. Mě kpɛl ó, go nkʉ̂ gʉ́a dwe bʉ̂r milɛ́ʼlá mínɨ̌. Ɨ́ gúmo yaá ó bʉ̂r o b'á dyɛ̂ʼwo e Nzyɛ̌m bá, bé ósɨsâ bísyɛ́ɛla bimpâ yɨ́. Bisyɛ́ɛla byaá, byé e nyɔm ɨ́ nkǒ páʼ bʉ̂r bɨ́bɛ̂h.

1 Tesalonika 5:23

Nzyɛ̌m waá dí esâ ó, bʉr tíʼaa ɨ́ mepyɛbla nyá, nye mʉr tɨ̂, nye púbaa bɨ̌n ɨ́ mipáʼ mímyɛ̂h. Nye bâʼlaa misísǐm mín, milémé mín, ti e menyʉ́l mɨ́n. Nye bâʼlaa bɨ̌n mbɨ̂mbɨá nó, mɨná díʼee gá abe e mebě, tó pyâl ɨ́ jɔʼ Tî gá wɨ́ná Yésʉs-Krîst óbáʼǎ nze yɨ́.

2 Korɛnt 8:16

Nzyǒo e Nzyɛ̌m ɨ́ lɔ̌b syɛ́ɛla yé! Nye á si tyɛ̂b Títos ɨ́ léme ó, léme díʼee nye ɨ́ báná báná ó, nyě kɛ̌m ó bɨ̌n. Bɨ̌h e né, bé ó jwɨʼ gwár ɨ́ pâʼ waá.

1 Timotɛ 3:5

(Ebě, mʉ̂r óbé akoʼo éjwɨ́ɨ̌ mbɛ̌r bʉ̂r wé nó, wáǎ mbi mʉ̂r tɨ̂ʼ dí e nkul epálǎ Mbɛ̌r-Nzyɛ̌m ɛ́?)

Yʉanes 10:13

Nyě kpɛ́ɛ́ ó, ebě, nyě jaá séa ó, njɨ mɔnɨ́. Nyé ajɨ̂ʼ bínteme nkoó.

1 Korɛnt 7:33

Mbɛ́á mʉ́rʉ̂m, wé lɨ́ ebuú syɛ̌l bá ɨ́ bisá bí sí yɨ̂. Wé jaá sáa ó, njɨ menzɨ̌ mé ésâ syɛ́ɛla myɛ́l dí egwɨ̂m yɨ́.

1 Korɛnt 7:35

Mě lɛ́ɛ́ nó ó, lɨ́ esú é mémbɨa mɨ́n! Mé akâʼ mʉ̂r. Mě jaá kpɛl ó, njɨ bɨ̌n tírwaa e Tî gá wɨ́ná. Mě kpɛl ntémé ó, bɨ̌n dúʼoo kʉ̌ tyen dí le odimé wɨ́. Bɨ̌n bé ójaá dûdu ó, njɨ wé e wê. Adi gá ɨ́ ké kɨ ké.

1 Timotɛ 5:5

Nó ó, waá dí kúho tyeetye ɨ́ ntɛ̂ʼ wé omér wɨ́, wé lɨ́ ekʉ́ sâ sɨ́n lɨ́ ejɨʼla e Nzyɛ̌m móhó e pum, ó nye súʼaa wê. Nzyɛ̌m nye omér ó dí egbâ wé mpûʼla ɨ́ léme.