1 Korɛnt 7:2 - Kálar Nzyɛ̌m : Ejwán é Sáá

² Nó ó, ɨ́ lɔ̌b bʉ̂r o dí ekpɛl ésâ bímolá bá, yé ɨ́ buú jala ó, mʉrʉ̂m nyɨnyɛ̂h díʼee e wé mʉ́má; mʉmá nyɨnyɛ̂h di e wé njʉ̂m.

Kálara Zyɛ̌m Edwán é mpʉ̌n

² No ó, é mpʉ yé é kunbo e mʉr ó, nye lama fwon é zi bɨduo e, yé é mbɨa ó, mʉrʉm nyiwɛh, nye diʼe e we mʉma; mʉma nyiwɛh di e njʉm we.

1 Korɛnt 7:2 ပူးပေါင်းရင်းမြစ်များ

Éfɛsɔs 5:28

Nó, ɨ́ páʼ ójʉ̂m, bé kpɛ́lɨɨ bʉbá bɔ́ɔ́ jwɨʼ gwár e gwár e mpʉ bé dí ekpɛl bé bʉr o tɨ̂ʼ yɨ́. Waá nyɨnyɛ̂h kpɛ́l mʉ́má wé nyá, nyě kpɛ̌l ntémé ó nyʉ̂l nyé nye mʉr tɨ̂.

Éfɛsɔs 5:33

Yé ntémé, yê ɨ́ páʼ wɨ́n ó: mʉrʉ̂m nyɨnyɛ̂h, nye ɨ́ jala le ekpɛl mʉ́má wé ánta nye mpʉ nyé dí ekpɛl nyé mʉr tɨ̂ʼ yɨ́. Mʉmá, nye dwáawaa njʉ̂m wé.

1 Korɛnt 7:9

Bɨ́n bé abe e nkul edil ményʉ́l mɨ́n ɨ́ biti nó, bɨ̌n e bâ. Ebâ, lé ɨ́ mbɨa, laa édi e bigwɨ́má.

1 Korɛnt 6:18

Syɛ́hláá gá esâ bímolá. Myúú mísyóm bʉ̂r dí esɨsâ mí, myé sísyɛ́ɛ́lɨ́ ó, ɨ́ mʉ̌r kʉ̌l. Tó kœb ó, ɨ́ jɔʼ mʉ̂r sá bímolá yɨ́, nyě sá syóm waá ó, ɨ́ nkǒ pâʼ nyʉ́l nyé nye mʉr tɨ̂.

1 Timotɛ 4:3

Bé lɨ́ ekamle bʉ̂r lɨ́ ebâ, le etíl bé mʉ́ʉ́ méde. Tó kœb ó, Nzyɛ̌m á komlo mede maá ó, lɨ́ esú lé édeŋɔɔ. Bʉr o dí egʉ́a ótyeetye le ebúʼla wé bá, bé óde mé ó, bé osí pǎ jɨʼla e Nzyɛ̌m, le edwe nyé nzyǒo tɨ̂.

Mataos 5:32

Nó mɛm, mě lɛ́ɛ́ bɨ́n ó: mʉ̂r óbwóolo mʉ́má wé ɨ́ lɔ̌b swîh, abe ɨ́ lɔ̌b médyɛ̂n nó, myɛ́l ótó bâ mʉ̂r swîh nó, nyɨ́ lómo nyé ó, nye sâʼ medyɛ̂n e mʉr waá. Mʉr bá mʉ́mâ bé sí bwóolɔɔ nyá nyɨɛ, nye ntémé, nyɨ́ sâ médyɛ̂n.»

1 Korɛnt 7:1

Ɨ́ lɔ̌b bɨ́n á cɛma me tɨ̂ʼ wɨ́, mʉ̌r mbɨa ó, di nzîhle.

1 Korɛnt 7:3

Njʉ̂m, nye ɨ́ jala le elóŋlǒ syɛ́ɛla mʉ́rʉ̂m yé kwá myɛ̌l. Mʉmá ntémé lóŋlǒ syɛ́ɛla mʉ́má kwá njʉ̂m.

1 Tesalonika 4:4

Nyě kpɛ̌l ntémé ó, mʉr nyɨnyɛ̂h, nye gʉ́ŋaa mpʉ mʉ̂r jálá le ebêm wé mʉ́má yɨ́. Nye bémɨɨ nye ɨ́ mbi dí elɛ̂ʼle ó, nye ó tí ɨ́ míh mé Nzyɛ̌m, nye ntémé e medile ɨ́ míh mé njʉ̂m wɨ́.