1 Korɛnt 5:5 - Kálar Nzyɛ̌m : Ejwán é Sáá

⁵ bɨ̌n e tyén mʉ̂r waá kwá mé Sátan, ó Sátan ndámaa nye ɨ́ páʼ njwɨr myâ gá wɨ́ná. Ɨ́ páʼ sísǐm wé, nyé otiʼe ɨ́ móhó Tî gá wɨ́ná óbáʼǎ nze wɨ́.

Kálara Zyɛ̌m Edwán é mpʉ̌n

⁵ bɨn bé à cen mʉr waa boo Satan, ó Satan lɨrɨ nye é nko paʼ bɨpuno bye. é nko paʼ sisim we, nye óbi tiʼ molu mo mpoʼ mɨmɛh é dobo Tî ga wina óbula ze e.

1 Korɛnt 5:5 ပူးပေါင်းရင်းမြစ်များ

1 Timotɛ 1:20

Ɨ́ sɔ́má bʉ̂r yaá, yé ó Iménaus ndu e l'Alɛ́kzaŋdros. Bé ó mé á dwe Sátan ó, nye lɛ̂ʼlaa bé túú, bé nkʉ̂ gwâʼ ésâ Nzyɛ̌m nkěh.

2 Korɛnt 13:10

Sá tɨ̂ʼ ó mé dí ecɛma bísá bîʼ jɔʼ mé dína apǎ pyâl gʉ̂ʼ yɨ́. Ɨ́ jɔʼ mé ópyâl gʉ̂ʼ yɨ́, me l'anyamlě kœ̌b sá yé ósâ ó, me lɛ̂ʼlaa bɨ̌n lémé ébɨ̌h e nkul jwɨ́ɨ nyǎm yɨ́. Tî Yésʉs á dwe me nkul nyaá ó, me gbâʼ bʉr nkul ɨ́ miléme, abe lɨ́ esú lé éndáma bê.

2 Korɛnt 10:6

Ɨ́ jɔʼ bɨ́n óbe, bɨ̌n mû sí sâ Nzyɛ̌m mejóʼo e menzɨ̌ mɨ́mɛ̂h yɨ́, bɨ́h ókœb bʉ́ʉ́ bʉ̂r dína lɨ́ egbɔba e Nzyɛ̌m nó, bɨ̌h bé obe ó ɨ́ cǎr lɨ́ edwe bé bintɨ́ʼá.

1 Korɛnt 11:32

Sâ gwár, Tî Yésʉs, nyɨ́ nyɛl étíʼ é mílɔ̌b gá lɨ́ná. Nó yé ó, nye mû ó lɨ́ esɨ̂ʼ mɨ́ná gá milʉ̂. Nyě sá nó ó, mɨná nkʉ̂ syɛ̂hle gá lé ɨ́ jɔʼ nyé ótíʼe bʉ̂r oswîh milɔ̌b, le edwe bé mebě jɔʼ gwár yɨ́.

1 Korɛnt 5:13

Nzyɛ̌m ó ngá tíʼe mílɔ̌b mí óhááden. Yê cɛmá ɨ́ Mekaná mé Nzyɛ̌m ó: «Soʼ gá bébebébe mʉr ɨ́ sɔ́má yɨ́n tʉ́ŋlʉ̌.»

1 Korɛnt 1:8

Nye ntémé ó ngá gbâ bɨ́n pîm ɨ́ búʼó, tó pyâl ɨ́ mesíé, abe e sá ébébe nyé ónwâhle bɨ́n e tɨ̂ʼ ɨ́ jɔʼ Tî gá wɨ́ná, Yésʉs-Krîst ngá pyâl yɨ́.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

1 Yʉanes 5:16

Mʉ̂r sí bee mɨ́ɔɔ́ wé lɨ́ esâ syóm, syóm waá, abe waá dí etyen nyé lɨ́ eswie wɨ́ nó, nye jɨ̂ʼlaa e Nzyɛ̌m. Nzyɛ̌m ókʉ́ tíʼ mɨ́ɔɔ́ wé. Yé e nyɔm ó, ɨ́ páʼ mɨ́ɔɔ́ dí sí sâ mbǐ syóm dí abe lɨ́ etyen mʉ̂r lɨ́ eswie wɨ́ nyá. (Sâ gwár, gúú mbǐ syóm, wé yɨ́ɛ ó tɨ̂: waá dí etyen mʉ̂r lɨ́ eswie wɨ́. Mé alɛ́ɛ ó, bɨ̌n jɨ̂ʼlaa e Nzyɛ̌m lɨ́ esú é mbi syɛ̂l misyóm waá.)

2 Pyɛr 3:12

Jɔʼ yɨ́yɛ̂h mɨ́ná dú gá kʉ̌ tyen waá yɨ́, mɨná bónó gá ó, móhó Nzyɛ̌m ngá báʼǎ nze wɨ́. Mɨná séá gá ntémé ó, syɛ́ɛ́ ngá sâ ó, nye kpâhwa nze yɨ́. Ɨ́ móhó waá ó, jʉ́o le ejwoo le baántɛ́n ngá jɔǎ siʼe, ntɔ̂ʼ dinwa. Bisá Nzyɛ̌m á komlo byé e tɨ̂ʼ bí, byé ójǎ siʼe, buma mínjʉl.

2 Timotɛ 1:18

Go lɨ́ egʉ́a ntémé mimbi bísyɛ́ɛla nyé á sâ bʉr Éfɛsɔs mí. Tî Yésʉs sâʼ ó, nye bíʼee njɨ́ʼá nkóó ɨ́ mebó mé ɨ́ móhó nyé óbáʼǎ nze wɨ́.

Filipi 1:6

Me lɨ́ ekʉ́ gʉ́ǎ sá yɨ̂: ó Nzyɛ̌m, nyɨ́ táare édwir mílémé mín mbɨ̂mbɨá. Me lɨ́ egʉ́a ntémé ó, nye ótô le esâ nó, tó pyâl ɨ́ jɔʼ nyé ósîl ékomlo bɨ́n ɨ́ dʉ́ó Yésʉs-Krîst óbáʼǎ nze yɨ́.

Mataos 4:10

Yésʉs ntɔ̂ʼ yala e né ó: «Sátan, duhaa mé ɨ́ mîh. Ebě, yê cɛmá ntémé ó: “Dwéʼ Dâ, dí Nzyɛ̌m gǒ nyá, kûm. Go e dwé dúu, njɨ nye omér.”»

Lʉkas 22:31

Yésʉs ntɔ̂ʼ lɛ́ɛ̌ Pétrus ó: «Simon, Simon, paá bee: Sátan, nyɨ́ gbân bɨ́n! Nye óbóblo bɨ́n. Nye lɨ́ egwɨ̂m éntyeŋ bɨ́n le esyɛʼre bɨ́n mpʉ mʉ́má dí esyɛʼrě fufú blê yɨ́.

2 Korɛnt 12:7

Nzyɛ̌m á bee ó, mpuo mesimá mé á bee má, mé ámû jaá sâ ó, me nkɛ́yɨɨ nyʉ̂l. Nye nzě gbâ mé ekpaa mpʉ édwǎʼ ɨ́ nyʉ̂l bipúno tʉ́ŋlʉ̌. Lé á be ó mpʉ éngeles mé Sátan á be ó, nyě bí ó me nyá. Me ámû jaá nkɛ́ɛ nyʉ̂l, ntaǎ njɨ.