1 Korɛnt 5:3 - Kálar Nzyɛ̌m : Ejwán é Sáá

^3-4 Ɨ́ wâm pâʼ, mě damá di e ncɛrá e bɨ̌n ɨ́ nkǒ páʼ nyʉ̂l, me yɨ́ɛ ó, gúmo gwár e bɨ̌n ɨ́ nkǒ páʼ sísǐm. Nó ó, mɨ́ boó tíʼě lɔ̌b mʉ̂r waá ɨ́ díé mé Tî gá wɨ́ná Yésʉs. Yé ó mpʉ̌ sá lɛ́ɛ́, me ó ɨ́ sɔ́má yɨ́n. Ɨ́ jɔʼ bɨ́n ngá báʼǎ syɛŋa, mɛm ntémé tɨ̂ʼ ɨ́ nkǒ páʼ sísǐm, nkul me Tî gá wɨ́ná Yésʉs tɨ̂ʼ ɨ́ mɨná gá yɨ́,

Kálara Zyɛ̌m Edwán é mpʉ̌n

³ É nko paʼ wam, dam be ó, me ó jaabe é nko paʼ nyʉl, bɨna ga bé ó é nere-nere é nko paʼ sisim. No ó, mɨ bɛa tiʼe lɔb mʉr waa. Yé ó mpʉ sa lɛɛ ó, me ó é mbɛr Zyɛm win tʉŋlʉ!

1 Korɛnt 5:3 ပူးပေါင်းရင်းမြစ်များ

Kolosi 2:5

Mě damá cɛra e bɨ̌n ɨ́ nkǒ páʼ nyʉ̂l, me yɨ́ɛ ó bǎʼ e bɨ̌n ɨ́ nkǒ páʼ sísǐm. Me lɨ́ ejóʼo bísʉhʉʉ lɨ́ ebeě mpʉ̌ sɔ́má yɨ́n dí ɨ́ kpɨ́ɨ́ɨ́ yɨ́. Me lɨ́ esoho ntémé mpʉ bɨ́n dí edyêʼ koo e Krîst yɨ́.

1 Tesalonika 2:17

Bɨ́ɔɔ́ bâm! Okɛ́l bâm! Jɔʼ mɨ́ná bé á bɔ́ʼa gá, akǎ beela mémpǒm yɨ́, gʉ́ŋáá gá ó, yé á bé abe e mpɔ́ʼá miléme. Bɨ̌h bé á si bu gwɨ̂m ebee bɨ́n. Miléme, myé á be bɨ̌h ɨ́ báná báná ó, bɨ̌h báʼa pyâl kwá nyɨ́n.

2 Korɛnt 13:2

Me á si nyɛɛ cɨ̂l bɨ̌n ɨ́ tyen mbá ɨ́ jɔʼ mɨ́ná bé á be gá yɨ́. Me lɨ́ ebáʼǎ cɨ̂l bɨ́n ɨ́ jɔʼ yɨ̂, ɨ́ jɔʼ mɨ́ná gá dína e ncɛrá yɨ́ ó: mé ókǎ báʼǎ nze gʉ̂ʼ kwá nyɨ́n nó, me ákǎ kamle e mʉr ngwár ɨ́ sɔ́má bʉ̂r o b'á nyɛɛ sâ syóm mélú mé épíhe bá, ti e baá dína le esâ syóm bá, bɨ́bɛ̂h.

2 Korɛnt 10:11

Mě lɛ́ɛ́ e waá dí elwib nó nyá ó: «Ɨ́ jɔʼ bɨ́h dí lɨ́ ejaa, cɛma bɨ́n mekaná, dumo e sâ swîh, nkʉ̂ sâ kɛl yɨ́, jɔʼ bɨ́h ópyâl kwá nyɨ́n yɨ́, sâ gwár yaá ó bɨ́h ónyɛl ésâ ntémé yɨ́.»

2 Korɛnt 10:1

Nó ó, mɛm mʉr tɨ̂, Pɔ̂l, me lɨ́ ejɨʼla e bɨ̌n ɨ́ metala le mpam mé Krîst,... Mɛm, mʉr bɨ́n dí epǎ lɛ́ɛ ó: «Nye ɨ́ jɔr nyʉ̂l ɨ́ jɔʼ mɨ́ná gá le onɔ́ɔ́ dí gúmo gwár yɨ́», waá bɨ́n dí epǎ lɛ́ɛ ntémé ó: «Nyě e lémé ébɨ̌h e mɨná gá ɨ́ jɔʼ mɨ́ná gá le onɔ́ɔ́ dí e ncɛrá yɨ́» nyá.

1 Korɛnt 5:12

Yé adwɛ̂ʼ mɛ̂m ó, me tíʼaa ohááden milɔ̌b. Bɨ̌n bé ɨ́ jala le etíʼe mílɔ̌b ó, myaá mi bʉ̂r ó Mbɛ̌r-Nzyɛ̌m. Nzê yé abe nó ɛ̌?