1 Korɛnt 5:1 - Kálar Nzyɛ̌m : Ejwán é Sáá

¹ Bʉr bé lɨ́ ejóʼo bé lɨ́ elɛ́ɛ ɨ́ gúmó yɨ́yɛ̂h ó, yé e bimolá ɨ́ sɔ́má yɨ́n, bimolá sâ bínwérédé, byaá óhááden dí abe lɨ́ esâ bí. Nyʉ́ʉ́ mʉ̂r ɨ́ sɔ́má yɨ́n, nye lɨ́ ebánǎ tiʼe e myaá sɔ́ŋ.

Kálara Zyɛ̌m Edwán é mpʉ̌n

¹ Bʉr bé ejoʼo bé lé elɛɛ é gumo yiyɛh ó, yé e mʉr é l'esama lɨn lé esa bɨmala é lɔʼba-lɔʼba, é mbi mɨnjeʼe-Zyɛm ndɨ abe lé esa ɛ. Nuu mʉr é l'esama lɨn, nye ebana tiʼe e myaa sɔŋ!

1 Korɛnt 5:1 ပူးပေါင်းရင်းမြစ်များ

Mɨngwiha 21:8

Baábʉ́bʉ́á bɨ́ɛ, bé le ohááden, bʉr o dí e milémé mébomo, ojʉ̂l o bʉ̂r, osyɛ̂l o bímolá, oleme ti e baá o dí edwe bíkpɛʼkpɛ̂ʼ bí ónzyɛ̌m kûm bá, ndu e baányâ-mikóo bɨ́bɛ̂h, bɨ́ɛ, bé ójaá kœb ódiá wɔ́ɔ́ ó, njɨ ɨ́ bɨ́ siʼe. Yé ó lwɨ́ŋlá e siʼe ti e pir. Yé ɨ́ buú díʼa. Tɨ̂ʼ ó bʉ̂r dí edwe éswie embá yɨ́.»

Mɨngwiha 2:21

Me á si dwe nye jɔʼ ó, nye túmaa koo le bimolá nyé dí esɨ̂sa bí. Nó ó, nyé akpɛl édwirǎ léme.

Kolosi 3:5

Sá dí ɨ́ bɨ̌n, yaá dí eduho ɨ́ sí yɨ̂ʼ yɨ́, jʉ́ʼóó gá yê. Yé ó dí: bimolá, bisyɛ́ɛla bi dí edulo mpîr ɨ́ nyʉ̂l bí, gwɨ́má ékœkœb bʉ́bá, gwɨ́má ésâ bísâ bi dí ɨ́ bébe bí, le nzɔ́ɔ́ bísâ. Ebě, mʉr dí e yé nyá, nye ó jwɨʼ gwár e gwár e waá dí edwě yɨŋayɨ̌ nzyɛ̌m kûm nyá.

Éfɛsɔs 5:3

Sâ gwár, mʉ̌r sá ajóʼo lʉ́ʉ́ dʉ́o ó, yé e nyʉ́ʉ́ mʉ̂r sɔ́má yɨ́n dí esâ bímolá nyá, nkʉ̂ byúú bísyɛ́ɛla bi dí edulo mpîr ɨ́ nyʉ̂l bí. Yé sá abe ntémé e mʉr dí etyěn lémé wé ɨ́ nzɔ́ɔ́ bísâ nyá. Bibɨ́bla bísyɛ́ɛla byaá, byé ajala e bʉr o dí egúmo e Nzyɛ̌m bá.

Galásia 5:19

Bisyɛ́ɛla bí njwɨr myâ gá wɨ́ná, byé asâ dɨ̂ʼ. Byé ó dí: elœʼ nyʉ̂l ɨ́ nzɨ̌ bijoó, esâ bísyɛ́ɛla bi dí edulo mpîr ɨ́ nyʉ̂l bí, esâ bímolá nzam le ekomo,

1 Tesalonika 4:7

Ebě, Nzyɛ̌m á jébe mɨná gá ó, mɨná díʼee gá bʉr o dí gúmo e né bá. Nye á bé abáŋle mɨ́ná gâ lɨ́ esú ó, mɨná sâʼ gá bisyɛ́ɛla bi mpîr.

2 Korɛnt 12:21

Sá dí esâ ó, me kpɛ́yɨɨ ebáʼǎ nze gʉ̂ʼ kwá nyɨ́n yɨ́, yé ó, ebě, Nzyɛ̌m wǎm ámû jaá gbâ mé sôn ɨ́ nyʉ̂l ɨ́ míh mɨ́n. Me ámû jaá sɔ́ma ɨ́ lɔ̌b buobuo bʉr o b'á sâ syóm mélú mé épíhe bá. Mé óbee ó, bé apǎ dwira míléme nó, me ámû jɨ, ebě, bé agwâʼ ésâ bísyɛ́ɛla bi dí edulo mpîr ɨ́ nyʉ̂l bí. Bɨ́ɛ ntémé njɨ lɨ́ etô dóló le elœʼ ményʉ̂l ɨ́ nzɨ̌ bijoó, le esâ bímolá nzam le ekomo, jwɨʼ gwár e gwár e mpʉ bé á boo sɨsâ yɨ́.

1 Korɛnt 6:18

Syɛ́hláá gá esâ bímolá. Myúú mísyóm bʉ̂r dí esɨsâ mí, myé sísyɛ́ɛ́lɨ́ ó, ɨ́ mʉ̌r kʉ̌l. Tó kœb ó, ɨ́ jɔʼ mʉ̂r sá bímolá yɨ́, nyě sá syóm waá ó, ɨ́ nkǒ pâʼ nyʉ́l nyé nye mʉr tɨ̂.

1 Korɛnt 6:13

Bé lɨ́lɛ́ɛ́ ntémé ó: «Mede, mê tɨ̂ʼ ó, lɨ́ esú é mo. Mo ntémé, lɨ́ esú é méde.» Yé ó nó. Sâ gwár, Nzyɛ̌m ógbah bíbyɛ̂h, ebě, nyʉ̂l mʉr, nyé abe ó, nye díʼee lœʼá ɨ́ nzɨ̌ bijoó. Nye tɨ̂ʼ ó, lɨ́ esú lé éséa e Tî Yésʉs syɛ́ɛ́. Tî Yésʉs, ntémé, nye tɨ̂ʼ ó, lɨ́ esú é ményʉ́l gá mɨ́ná.

1 Korɛnt 6:9

Bɨ̌n bé lɨ́ egʉ́ǎ tyeetye ó, osyɛ̂l o mísyóm, bé ákóʼó nʉǎ diá ɨ́ Mpóʼo mé Nzyɛ̌m, jala e nkɔb líʼe nyɔ́ɔ́. Mʉ̌r sá ajéʼě sɨ̂: ntʉ mʉ̂r nyɨnyɛ̂h dí e nkɔb ɨ́ Mpóʼo mé Nzyɛ̌m. Bʉr o sâ bímolá bá, baá o dí edwe bíkpɛʼkpɛ̂ʼ bí ónzyɛ̌m kûm bá, osyɛ̂l o médyɛ̂n, otɛba o bʉ́rʉ̂m, bʉrʉ̂m bé dí etɛb bá,

1 Korɛnt 5:11

Me bé ó, me tílaa bɨ̌n ó, bɨ̌n ayɨ́ be e ndwáala e mʉr dí elɛ́ɛ ó, nye ó mbûʼla, nyɨɛ yɨ́ɛ lɨ́ esâ bímolá, nkʉ̂ waá dí e mpuo bigwɨ́má nyá, nkʉ̂ mʉr dí edwe bíkpɛʼkpɛ̂ʼ bí ónzyɛ̌m kûm nyá. Bɨ̌n bé ayɨ́ be e ndwáala e mʉr melwɨ́ɨ, nkʉ̂ nyʉnyóʼ, nkʉ̂ ndíblʉ̌. Bɨ̌n bé ayɨ́ pûhla mébô lɨ́ ede e mimbi mi bʉ̂r myaá.

Mɨlʉmlʉ 15:29

Bɨ̌n bé ɨ́ jala le eti: tír á baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá; ndéá métié; tír á pa dwe tû nyá; ndu e bimolá. Bɨ́n ókánwo ményʉ́l mɨ́n ɨ́ mbi wɨ̂ʼ nó, lɛ́ɛ́, bɨ̌n bé ókʉ́ gʉ́a ésâ sá dí ɨ́ mbɨa yɨ́. Diʼee gá mbɨ̂mbɨá.

Mɨlʉmlʉ 15:20

Mɨná cɛ́maa gá yɨ́ɛ mekaná ó, bé syɛ̂hlaa edulo mélwaʼwo ɨ́ menyʉ́l mɔ́ɔ́ e menzɨ̌ mâ: lɨ́ edwe bíkpɛʼkpɛ̂ʼ bí ónzyɛ̌m dúu, lɨ́ esâ bímolá, lɨ́ ede tír á pa dwe tû nyá, nkʉ̂ lɨ́ ede métié.

2 Korɛnt 7:12

Mekaná maá, mé á bé acɛmɔɔ, ɨ́ lɔ̌b mʉ̂r á byaʼ nyá, nkʉ̂ ɨ́ lɔ̌b waá á byaʼɔɔ ɨ́ lɔ̌b waá nyá. Me á cɛma bɨ̌n mekaná maá ó, yé nkʉ̂ gʉ́a nyɨ̂n mpʉ bɨ́n dí ekpɛl bɨ́h ɨ́ buo buo yɨ́. Bɨ̌n bʉr o tɨ̂, dwɛ́ʼɛ́ɛ́ gá mpʉ bɨ́n dí yɨ́, ɨ́ míh mé Nzyɛ̌m.

1 Korɛnt 1:11

Bɨ́ɔɔ́ bâm! Okɛ́l bâm! Bʉr ó mbɛ̌r bʉ̂r mé Klóes, bé lɛ́ɛ́ mé ó, bɨ̌n bé lɨ́ edǐ pɨra páʼ nyɨ́n.

2 Korɛnt 2:5

Mʉr á to sâ ó, bɨ̌n jóʼaa ebúʼ nyá, á bé asâ mé syɛ́ɛla yaá. Nye á sâ ó, bɨ̌n bɨɛ jóʼaa ebúʼ, bɨ̌n bɨ́bɛ̂h. Nkʉ̂ ntɔ̂ʼ, lɨ́ ebene éběʼ lɔ́ɔ, nye á sâ ó, bʉ́ʉ́ bʉ̂r ɨ́ sɔ́má yɨ́n jóʼaa ebúʼ.