1 Korɛnt 4:9 - Kálar Nzyɛ̌m : Ejwán é Sáá

⁹ Ebě, mbeá wâm, wé ó, Nzyɛ̌m á si tyêl bɨ̌h, bʉr o mílʉ́mlʉ́ bé, ɨ́ tyé bʉ̂r o jálá le ebuú pyaŋɔɔ, baá bé ókpɛl éjʉ̂ téme bʉr bá. Bɨ̌h mû ó, sí tyélɔɔ ɨ́ míh mé bʉ̂r mpʉ bʉ̂r o jálá le esiŋlɔɔ bá, táare e bʉr ó sí yɨ̂, kumo e beéngeles.

Kálara Zyɛ̌m Edwán é mpʉ̌n

⁹ Ebe, mbea wam, wé ó, Zyɛm a si cyel bɨh, mɨlʉmlʉ mye, é cye bʉr o jala le epyaŋɔ, baa bé lé ekpɛl jʉ teme bʉr ɨ. Bɨh mu ó si cyelɔ é mih mo bʉr mpʉ bʉr o jala le edwɛʼɔ ɛ, taare é bʉr o si nwa, to pyal é beengles.

1 Korɛnt 4:9 ပူးပေါင်းရင်းမြစ်များ

Ebrœ̂ 10:33

Ɨ́ jɔʼ yaá, bâʼ bʉ̂r, bé á be lɨ́ elwɨ́ɔɔ le etíblɔɔ ɨ́ kpɛŋlɛm. Bʉ́ʉ́ bʉ̂r bɨ́ɛ, bé á kam ó, bé súʼó ó bʉr o b'á sáŋɔɔ nó bá.

Rôm 8:36

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: «Ɨ́ lɔ̌b mé Nzyɛ̌m ó bɨ́h bé lɨ́ ejʉ́ŋɔɔ ɨ́ dʉ́ó lɨ́lɛ̂h yɨ́. Ɨ́ míh mé bʉ̂r, bɨ̌h bé ó mpʉ bínteme múo tó tíʼɔɔ bí.»

Ebrœ̂ 1:14

Beéngeles bɨ́ɛ, bê onzé? Bɨ́bɛ̂h, bé ó misísǐm mi dí eséǎ Nzyɛ̌m syɛ́ɛ́ mí. Nyě lómló mɨ́ná gá bǎ ntémé ó, bé ntáa súʼo bʉ̂r o ngá bǐ twǐʼ njʉ̌m dǐ, jala e nkɔb líʼe nyɔ́ɔ́ bá.

Ebrœ̂ 11:36

Bʉ́ʉ́ bʉ̂r, bé á si kam elwɨ́ɔɔ le ebíŋɔɔ ɨ́ lɔ̌b búʼó yɔ́ɔ́. Bâʼ, bé á si káʼɔɔ e mikʉ̂kɔ̌b, tyenɔɔ lɨ́ okómó ɨ́ lɔ̌b búʼó yɔ́ɔ́.

1 Tesalonika 3:3

Mpʉ bʉ̂r bóbló bɨ́n ɨ́ báánâʼ yɨ́, bɨ̌h bé á lómo nye ó, bɨ̌n sá adímlě búʼó ɨ́ lɔ̌b mébʉ́blá maá. Bɨ̌n bʉr o tɨ̂, bɨ̌n bé lɨ́ egʉ́a ó, bintɨ́ʼá bínɨ̌, byé ó sá Nzyɛ̌m á boo kab mɨná gá yɨ́.

2 Korɛnt 6:9

ɨ́ jɔʼ bé dí eláa bɨ́h ɨ́ sɔ́má bʉ̂r o dí agʉ́ŋɔɔ, bɨ̌h bɨɛ yɨ́ɛ bʉr o dí egʉ́ŋɔɔ bá yɨ́, ɨ́ jɔʼ bé dí eláa ó, bɨ̌h bé ó mimúu, bɨ̌h bɨɛ yɨ́ɛ bʉr o dí ɨ́ twiʼ bá yɨ́, ɨ́ jɔʼ bɨ́h dí edweŋɔɔ bíntɨ́ʼá, bɨ̌h bɨɛ yɨ́ɛ ajʉ́ŋɔɔ yɨ́,

Mɨlʉmlʉ 19:31

Bʉ́ʉ́ ójwɨ́ɨ ó sí Azía, bé á be osó bé bá, bê nzě tyen nyé mpáŋla ó, nye ayɨ́ tô gʉ̂, ntʉ̌ yaá dína lɨ́ esyɛ́ɛlɨ.

Mɨlʉmlʉ 19:29

Nó ó, nkana yɨ́yɛ̂h, yé á be, yé mû áleŋéleŋé. Bʉr nzě mɛ́rɔɔ̌ Gáywis bé e Arîstark, tô le edulo bé sí e sí. Bʉr obá baá, bé á be ó bʉr ó Masedónia. Bé á be ó, osó mé Pɔ̂l, bé le onɔ́ɔ́ bé á titye bá.

1 Korɛnt 15:19

Yé bé milémé gá míná jaá didyɛ̂ʼwo ɨ́ Krîst ó, njɨ ɨ́ twǐʼ sí yɨ̂ʼ nó, lɛ́ɛ́, mɨná gá bé e nkoó, laa bʉ̂r ó sí yɨ̂ʼ bɨ́bɛ̂h.

2 Korɛnt 11:23

Nzê bé ó osyɛ̂l o mésâ mé Krîst ɛ̌? (Mě kʉ́ lwib ó, mpʉ̌ gʉʼlʉgʉ́!) Mɛm ó b'á sahle. Ɨ́ páʼ bísyɛ́ɛ́, mɛm ó b'á sahle. Ɨ́ páʼ égbáŋɔɔ ɨ́ mbʉʼ, mɛm ó b'á sahle. Ɨ́ páʼ mébíʼé, yé abe e tólɔ́ɔ. Ɨ́ páʼ méswie, me á si jʉ́ŋɔɔ nzɔʼ nzɔʼ.