1 Korɛnt 4:7 - Kálar Nzyɛ̌m : Ejwán é Sáá

⁷ Nzé nyɨɛ á bɨ̂r gua kʉ́, laa bʉ̂r bɨ́bɛ̂h ɛ̌? Yé gó dí e yé, gó á be abǐ biʼée yɨ́? Yé bé sá yɨ́yɛ̂h gó dí e yé yɨ́, go á bi yé ó, biʼée nó, gǒ nkʉ́ná mpʉ̌ sá lɛ́ɛ́, yé abě ndwéá ɨ́ yé?

Kálara Zyɛ̌m Edwán é mpʉ̌n

⁷ Ebe, zé a bɨr gwɔɔ kʉ, laa bʉr bɨbɛh? Yé go ndɨ e ye, yaa go a baabi ɨ? Yé be ó, go a bi ye ó bi biʼe nɛʼɛ, ebe yé go lé edoʼo e ye e? Go esa mpʉ sa lɛɛ ó, yé abe etʉm go a ntɨhɔ ɛ!

1 Korɛnt 4:7 ပူးပေါင်းရင်းမြစ်များ

Yʉanes 3:27

Yʉánɛs, nye e bé ó: «Nzyɛ̌m bé adwe mʉ̂r sɔ̂ʼ nó, nyé abe e nkul ebi yê.

1 Pyɛr 4:10

Mpʉ mʉ̂r nyɨnyɛ̂h ɨ́ sɔ́má gá yɨ́ná á bi wé mbǐ ndwéá yɨ́, bɨbaʼlaa gá mindwéá mín myaá lɨ́ esú lé ékɛm bʉ̂r ó sɔ́má yɨ́n oswîh. Sɨ́sáʼ gá nó, ebě, bɨ̌n bé ó osyɛ̂l o mésá mé Nzyɛ̌m dí ɨ́ mbɨǎ njwɨr, baá bé á bi metyɛʼ me mpóm mé Nzyɛ̌m mimbi mimbi bá.

Jacques 1:17

bisá bíbyɛ̂h bi dí ɨ́ mbɨa bí, le mindwéá mi dí ɨ́ pémémé ɨ́ mipáʼ mímyɛ̂h mí, byé duho ó, ɨ́ jʉ́o kʉ́, kwá mé Nzyɛ̌m Sɔ́ŋ. Nzyɛ̌m ó b'á komlo ocwícwén, le dʉ́o ti e l'álomó. Nó ó, nyé abe lɨ́ ecéně mpʉ bísâ byaá dí ecéne bítyé byɔ́ɔ́ yɨ́. Nyé acéně mpʉ dʉ́o, sá dí edíme, kǎ líʼe bʉ̂r ɨ́ pyóo yɨ́.

Rôm 12:6

Nzyɛ̌m á dwe mɨná gá mindwéá ó, mimbi mimbi. Mpʉ nyé á kpɛl edwe mɨná gá mindwéá myaá yɨ́, nó ó, mʉ̂r nyɨnyɛ̂h jálá le eséǎ Nzyɛ̌m syɛ́ɛ́ yɨ́. Yé bé nye á si dwe go ndwéá égwîh mílɔ̌b myé nó, tóʼ le egwîh myé dóló ɨ́ nzɨ̌ búʼó.

Yʉanes 1:16

Mɨná gá óbɛ̂h, bé á be ó sí bi émbɨa lé ndu e mpam nyé ɨ́ buo buo.

Lʉkas 19:13

Nye dína apǎ tô, nye á si jébe osyɛ̂l o mésá bé kám, nzě dwe bé mʉr ngwár, nzǎŋ gʉ̂l ngwár, bím mɔnɨ́ syɛ̂l mesâ dí ede lɨ́ ongɔn otɛ̂n yɨ́. Nye e bé ó: “Bulɨɨ gá me mɔnɨ́ yɨ̂, tó pyâl ɨ́ jɔʼ mé óbúla yɨ́.” Nye nzě mɔa, tô.

1 Korɛnt 15:10

Damá jóʼo nó, me mʉr milʉ́mlʉ́ ó, ɨ́ metyɛʼ me mpóm Nzyɛ̌m á sʉ me má. Nye á bé asʉ mé mǎ dwêh. Nye á sʉ me mǎ ó, me nkʉ̂ séa, laa bʉ́ʉ́ bʉ̂r o mílʉ́mlʉ́ bé bɨ́bɛ̂h. Lɨ́ otyeetye, ntʉ mé á séa. Metyɛʼ me mpóm me dí ɨ́ me má, mé ó dí esâ ó, me séaa.

1 Korɛnt 7:7

Mɛm mʉr tɨ̂ʼ buú gwɨ̂m ó, mpa bʉr bɨ́bɛ̂h, bé ó mpʉ mê. Sâ gwár, mʉr nyɨnyɛ̂h, nye ó e wé mbǐ ndwéá Nzyɛ̌m á dwe nye wɨ́. Nyâʼ mʉ̂r e wé mbi; nyʉ́ʉ́, e wé.

Rôm 12:3

Nzyɛ̌m á si lɛ̂ʼle me mpam nyé. Ɨ́ mpam nyaá ó mé dí elɛ́ɛ e mʉr nyɨnyɛ̂h dí ɨ́ sɔ́má yɨ́n nyá ó: mʉ̌r sá abuú láa nyé mʉr tɨ̂. Nye sêʼlaa nye mʉr tɨ̂ʼ, antaa sʉ́ŋa. Mʉr nyɨnyɛ̂h, nye pâhlaa nye mʉr tɨ̂, nye nkʉ̂ gʉ́ǎ mbi mʉ̂r nyé dí wɨ́, lɨ́ edû mbǐ búʼó Nzyɛ̌m á gbâ nye ɨ́ léme wɨ́.

Rôm 1:5

Nzyɛ̌m á si cwɨ́a e bɨ̌h ɨ́ nzɨ̌ mé Yésʉs-Krîst, le etyêl bɨ́h bʉr o mílʉ́mlʉ́ bé, lɨ́ esú é bíkúl bíbyɛ̂h, ó byé dyéʼee koo e né, le esâ nyé mejóʼo. Nye á sâ bɨ̌h syɛ́ɛla yaá ó, lɨ́ esú lé édwe díé é Mwân wé kûm.

1 Korɛnt 5:6

Yé ambɨa ɨ́ jɔʼ bɨ́n dí enkʉ́na ɨ́ lɔ̌b wɨ́n, bɨ̌n bʉr o tɨ̂ʼ yɨ́, ebě, kɨkɛna lɛ́ɛ́ ó: «Levwîr damá twâʼwo, yé óbánǎ sâ ó, blêr yɨ́yɛ̂h, yé nkáŋlaa.»

1 Korɛnt 3:5

Lɨ́ otyeetye, nzé dí Ápolos? Nzé dí Pɔ̂l? Bɨ̌h bé ó osúʼa bɨ́n, bʉr o b'á be bɨ̌n e nyɔm ó, bɨ̌n bûʼlaa bá. Mʉr nyɨnyɛ̂h, nye lɨ́ esâ syɛ́ɛla Tî Yésʉs á dwe nye ó, nye sâʼ yɨ́.