1 Korɛnt 4:6 - Kálar Nzyɛ̌m : Ejwán é Sáá

⁶ Bɨ́ɔɔ́ bâm! Okɛ́l bâm! Mekaná mé dí ecɛma bɨ́n mâ, mé e nyɔm lɨ́ esú lɨ́n. Bɨ̌h le Ápolos, bé ó dí bimveʼle bi dí elɛ̂ʼle bɨ́n bí. Bɨ̌h lɛ́ʼlé bɨ́n tɨ̂ʼ ó, mʉr, nyé ajala le enkɛ́ɛ nyʉ̂l, nkʉ̂ sêʼle nyâʼ mʉ̂r, nkʉ̂ waá nyʉ́ʉ́. Mě dwé bɨ́n mveʼle yaá ó, bɨ̌n jɨ́ʼɨɨ sá kɨkɛna yɨ̂ʼ dí elɛ́ɛ ó: «Mʉr antaa gá sá dí cɛmá» yɨ́.

Kálara Zyɛ̌m Edwán é mpʉ̌n

⁶ Obɨɔ ga bam aa! Kalara me mu lé etile bɨn nwaʼ ɛ, nye e nyɔm é l'efu lɨn. Me etile wâʼ ó, é lʉ wih boo Apolos, lé enʉa bɨh mpʉ dweʼle, sa lé elɛʼle bɨn ó, mʉr, nye ajala le enkɛɛ nyʉl, nkʉ seʼle mʉr fih mʉr kɛ̀l. Me esa no ó, bɨn jwɨʼɨ sa kɨkɛna yiʼ lé elɛɛ ó: «Mʉr antaa ga sa ndɨ tila é Kalara Zyɛm» ɛ.

1 Korɛnt 4:6 ပူးပေါင်းရင်းမြစ်များ

2 Korɛnt 11:4

Bɨ̌n sá ó, kʉ́ bánǎ dûhwo ó, nyʉ́ʉ́ mʉ̂r ntáa nzě lɛ́ɛ bɨ́n lɔ́ɔ́ mé Yésʉs swîh, abě Yésʉs waá bɨ́h nyɨɛ dí etúno nyá. Bɨ̌n bé ɨ́ cǎr lɨ́ eníŋle gúú mbǐ sísǐm swîh ɨ́ menyʉ̂l mɨ́n, abě Sísǐm mé Nzyɛ̌m. Bɨ̌n ntémé bé ɨ́ cǎr lɨ́ ekam gúú lɔ́ɔ́ swîh, abě Mbɨambɨa Lɔ́ɔ bɨ́h nyɨɛ dí etúno wɨ́.

2 Korɛnt 12:19

Táare mélú mé épíhe, kumo ɨ́ báánâ, bɨ̌n jaá gbɨ̂gba ɨ́ milʉ́ mín ó: «Pɔ̂l mû ó lɨ́ esâ mínkar ɨ́ míh gá mɨ́ná.» Yé akúnwo bá nó. Mě jaá kar nkâr nyǎm ó, njɨ ɨ́ míh mé Nzyɛ̌m, ɨ́ mpʉ̌ Krîst dí ekpɛl yɨ́. Bʉr ó kpɛ̌l bâm ɛ̌! Bɨ̌h sá bísyɛ́ɛla bínɨ̌ bíbyɛ̂h ó, lɨ́ esâ ó, búʼó yɨ́n, yé gwɨ́aa.

2 Korɛnt 12:6

Mé nyɛ́l énkʉ́na ɨ́ mɛm mʉr tɨ̂ʼ nɛ́ɛ: ntʉ̌ syɛ́ɛla yaá ngá liŋ mé gʉʼlʉgʉ́, ebě, me ólɛ́ɛ yɨ́ɛ otyeetye. Sâ gwár, mɨ́ kamle mé mʉr tɨ̂ʼ lɨ́ esâ nó, lɨ́ ebene ó, nyʉ́ʉ́ mʉ̂r ámû kǎ dwáawo mé ɨ́ buo buo, laǎ bím bísyɛ́ɛla nyé dí ebee mé lɨ́ esâ bí. Nye ámû dwáawo mé ɨ́ buo buo, laǎ bím mílɛ́ʼlá nyé á pa jóʼo me lɨ́ edwe bʉ̂r mí.

Kolosi 2:18

Mpʉ bɨ́n di ajɔr ményʉ̂l ɨ́ míh bééngeles, nkʉ̂ dwáawo bé yɨ́, mʉ̂r dwé bɨ́n mebě me mpéne, duho tɨ̂ʼ nó, anʉa gá lwǐb yé, gbâ ɨ́ nkɔb. Bisá bé dí ebee lɨ́ esimá bí ó bé dí enʉa, gbâ ɨ́ nkɔb. Mimbi mi bʉ̂r myaá, myé ó lwɨ́ŋlá e nkɛ́á nyʉ̂l. Bé nkɨ́nkɛ́ɛ́ ményʉ́l mɔ́ɔ́ ó, dwêh, ebě, bijwɨʼ byɔ́ɔ́, byé jaá duho ó, njɨ ɨ́ nkul misyóm myɔ́ɔ́ tʉ́ŋlʉ̌.

1 Tesalonika 1:5

Ebě, ɨ́ jɔʼ bɨ́h á lɛ́ɛ bɨ̌n Mbɨambɨa Lɔ́ɔ́ mé Krîst yɨ́, bɨ̌n bé á bé anʉǎ lɔ́ɔ waá le epɨ̂h. Yé ó, ebě, ɨ́ jɔʼ yaá, Nzyɛ̌m á si lɛ̂ʼle bɨ̌n nkǔl nɨ́nɨ́ɨ́ nyé tɨ̂. Sísǐm wé, wé á si sulo ntémé ɨ́ bɨ̌n. Bɨ̌n bé á nze ka gʉ́a ɨ́ jɔʼ yaá ó, lɔ́ɔ waá, wé á kʉ be ó, tyeetye. Bɨ̌n bé lɨ́ egʉ́a ntémé mpʉ mɨ́ná bé á bɨbe gá yɨ́. Bɨ̌h bé á títíʼe nó ó, lɨ́ esú lé édi bɨ́n e nyɔm.

Rôm 12:3

Nzyɛ̌m á si lɛ̂ʼle me mpam nyé. Ɨ́ mpam nyaá ó mé dí elɛ́ɛ e mʉr nyɨnyɛ̂h dí ɨ́ sɔ́má yɨ́n nyá ó: mʉ̌r sá abuú láa nyé mʉr tɨ̂. Nye sêʼlaa nye mʉr tɨ̂ʼ, antaa sʉ́ŋa. Mʉr nyɨnyɛ̂h, nye pâhlaa nye mʉr tɨ̂, nye nkʉ̂ gʉ́ǎ mbi mʉ̂r nyé dí wɨ́, lɨ́ edû mbǐ búʼó Nzyɛ̌m á gbâ nye ɨ́ léme wɨ́.

2 Korɛnt 10:7

Gwá dwɛ̂ʼ gá bisâ bi dí enyɨ̂n ɨ́ mîh ɨ́ ponó bí. Mʉ̂r kʉ́ gwá gʉ́a ó, nye ó mʉr mé Krîst nó, nye gʉ́ŋaa ntémé ó, mɨná gá le onɔ́ɔ́ bɨ́bɛ̂h ó dí egúmo e Krîst ngwár waá.

2 Korɛnt 4:15

Ebě, mitúú e mindɛ̌l myaá mímyɛ̂h, myé pípyál bɨ́h ó, lɨ́ esú lɨ́n. Nó ó Nzyɛ̌m ngá cwɨ́a e buobuo bʉr lɨ́ esú lé ébul tâŋ minjɨʼla mi nzyóo yɨ́. Nzyɛ̌m óbuú bi kûm tɨ̂.

1 Korɛnt 8:1

Ɨ́ nkǒ páʼ ótír o dí ebaŋɔɔ ɨ́ nzaá bikpɛʼkpɛ̂ʼ bí ónzyɛ̌m bá, mɨná gá óbɛ̂h, bé ɨ́ buú gʉ́ǎ mpʉ bɨ́n dí elɛ́ɛ yɨ́. Tó kœb ó, ngwɨ́á dwídwé mʉ̂r ó, enkɛ́ɛ e nyʉ̂l. Bʉr, bé buú dirǎ nyɔm ó e kpɛ̌l.

1 Korɛnt 5:6

Yé ambɨa ɨ́ jɔʼ bɨ́n dí enkʉ́na ɨ́ lɔ̌b wɨ́n, bɨ̌n bʉr o tɨ̂ʼ yɨ́, ebě, kɨkɛna lɛ́ɛ́ ó: «Levwîr damá twâʼwo, yé óbánǎ sâ ó, blêr yɨ́yɛ̂h, yé nkáŋlaa.»

1 Korɛnt 3:19

Ebě, ocwóó ó sí yɨ̂, wé ó ogʉ̌ ɨ́ míh mé Nzyɛ̌m. Nó yê cɛmá ó: Nzyɛ̌m mɨ́mɛ́r ócwóó ó bʉ̂r ó, ɨ́ mpila ócwóó yɔ́ɔ́.

2 Timotɛ 2:10

Mě dúhwó mítúú mímyɛ̂h ó, lɨ́ esú é bʉ̂r Nzyɛ̌m á twâr bá. Nye á twâr bé ó, bé bíʼee twiʼ, ti e kûm dí edǐ njʉ̌m dǐ e njʉ̌m dǐ nyɨ́, ɨ́ nzɨ̌ mé Yésʉs-Krîst.

2 Korɛnt 10:15

Nó ó, bɨ̌h bé antaa mínjɨ̌ Nzyɛ̌m á lyáŋle mí. Bɨ̌h bé ankʉ́na ɨ́ syɛ́ɛ́ yé onkán. Sá dí tɨ̂ʼ yɨ́, yé ó: búʼó yɨ́n, yé ótô le egwɨ́e nó, bɨ̌h bé obi nkûl ebǔl syɛ́ɛ́ dí ɨ́ buǒ nyɔm yɨ́. Syɛ́ɛ́ yaá, yé óswîʼ njɨ ɨ́ minjɨ̌ Nzyɛ̌m á boo lyáŋle mí.

2 Korɛnt 10:12

Yé díʼee abá kúnwo ɨ́ páʼ wâm ó, me lɛ́yɨɨ ó, bɨ̌h e bʉr o dí esêʼle bé bʉr o tɨ̂ʼ bá, bé ó mityé. Damá jóʼo nó, bʉr o dí esêʼle bé bʉr o tɨ̂ʼ ónɨ̌, bé abá be e pɨʼ, ebě, bé nʉǎ jwɨʼ ó e bé bʉr o tɨ̂ʼ lɨ́ esú lé égʉ́ǎ bím bé mû lɨ́ ejaa kʉ́ yɨ́.

1 Korɛnt 13:4

Kpɛ̌l, yé lɛ́ʼlé mɨ́ná gá ó, mɨná sâʼ gá bíhwó le mpam. Kpɛ̌l, yé ásíé mʉ̂r. Yé áséʼlé yé mʉr tɨ̂. Yé ánkɛ́ɛ́ nyʉ̂l.

1 Korɛnt 9:23

Mě sá bísyɛ́ɛla byaá bíbyɛ̂h ó, lɨ́ esú lé étúnǒ Mbɨambɨa Lɔ́ɔ. Mě sá nó ntémé ó, me nkʉ̂ bi mémbɨa me tɨ̂, jala e nkɔb líʼe nyǎm.

1 Korɛnt 5:2

Bɨ̌n ntémé bé ɨ́ buo élɛ́ɛ e nyʉ̂l! Yé á gwa mbɨa ɨ́ páʼ wɨ́n ó, mpa milémé mín, myé á si lóno lɨ́ ebúʼ. Waá á sâ syɛ́ɛla yaá nyá, soʼ gá nye ɨ́ sɔ́má yɨ́n.

1 Korɛnt 3:21

Nó, mʉ̌r sá amɛɛla ɨ́ páʼ bʉ̂r, ebě, sá yɨ́yɛ̂h, yé ó yaá yɨ́n:

1 Korɛnt 1:31

Nó yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Mʉ̂r sí kpɛl énkʉ́na nó, nye nkʉ́naa yɨ́ɛ ɨ́ bisyɛ́ɛla mé Dâ Nzyɛ̌m.

1 Korɛnt 1:19

Wê ɨ́ páʼ wɔ́ɔ́ ogʉ̌ ó, ebě, yê cɛmá ó: «Me ógbah ócwóó ó bʉ̂r ocwóó wɔ́ɔ́.» «Me ópɛʼ mípɨpɨ́ʼ pɨʼ nyɔ́ɔ́.»

1 Korɛnt 1:12

Mě jóʼó ó, mʉr nyɨnyɛ̂h ɨ́ sɔ́má yɨ́n, nye mû lwib ó, wé mbi. Nyâʼ, nye ó: «Me ó mpʉ́n mé Pɔ̂l.» Nyʉ́ʉ́, nye ó: «Me ó mpʉ́n mé Ápolos.» Nyʉ́ʉ́, nye ó: «Mɛm, me ó mpʉ́n mé Kefâs.» Nyʉ́ʉ́ ntémé, nye ó: «Me ó mpʉ́n mé Krîst.»

Mɨlʉmlʉ 18:24

Nyʉ́ʉ́ Yúden á be ó gʉ̂ʼ Éfɛsɔs, díé lé Ápolos. Nye á byɛ̂l ó, Alɛksandrî, nye ntɔ̂ʼ kǎ tó dǐ Éfɛsɔs. Nye á be ó mʉr á be le ocwóó ɨ́ lwǐb, le egʉ́a Mékaná mé Nzyɛ̌m nyá.

Mɨlʉmlʉ 19:1

Jɔ̌ʼ Ápolos á bě Kórɨnt yɨ́, Pɔ̂l á si cɨɨ ɨ́ sí Frigía, ntɔ̂ʼ tó pyâl Éfɛsɔs. Nye nzě kœb bʉ́ʉ́ ómpʉ́n mé Tî Yésʉs gʉ̂.

2 Korɛnt 12:20

Ebě, mě kpɛ́ɛ́ ó, me ámû be, abáʼǎ bɔma e bɨ̌n lɨ́ epyál lâm mpʉ mé dí egwɨ̂m yɨ́. Bɨ̌n ámû kœb mé, abě mpʉ bɨ́n bɨɛ dí egwɨ̂m yɨ́. Me ámû kœb bɨ́n lɨ́ esâ bísyɛ́ɛla bî: mentɛ́ɛ́, egú, mebúʼ, gwɨ́má épɨra e bʉr, mesyɛ́ɛla, mpǔʼ, nkɛ́á nyʉ̂l, le bintʉ̌.