1 Korɛnt 4:5 - Kálar Nzyɛ̌m : Ejwán é Sáá

⁵ Ɨ́ tɨ̂ʼ ɨ́, alɨ̌ tíʼe gá lɔ̌b mé nyʉ́ʉ́ mʉ̂r ɨ́ jɔʼ yé dí apǎ pyâl jɔʼ élab yɨ́. Bónáá gá ó, Tî Yésʉs, nye ntâʼ. Nyé opyêl sá dí lɨ́ edúrʉ́ʉ́ yɨ́, tyen yé ɨ́ myɛ́n. Nyé ogwîh mípahlá mi dí misolá ɨ́ milémé mí bʉ̂r mí. Jɔʼ yaá ó Nzyɛ̌m ódwe mʉ̂r nyɨnyɛ̂h kûm jálá e né nyɨ́ yɨ́.

Kálara Zyɛ̌m Edwán é mpʉ̌n

⁵ No ó, atiʼe ga lɔb mo nuu mʉr cye yiyɛh yé l'apa pyal jɔʼ elab ɨ. Bona ga ó, Da, nye ntaʼ. Nye ópyɛl sa ndɨ é l'edurʉ ɨ, cen ye é myɛn. Nye ógwih bɨjwɨʼ bʉr lé ebà é mɨmo si ɨ. É jɔʼ yaa ó Zyɛm óseʼle bʉr be, dwe mʉr nyiwɛh kum ójala e nye e.

1 Korɛnt 4:5 ပူးပေါင်းရင်းမြစ်များ

Jacques 5:7

Bɨ́ɔɔ́ bâm! Okɛ́l bâm! Diʼee gá e bíhwó, tó pyâl ɨ́ jɔʼ Tî gá wɨ́ná óbáʼǎ nze yɨ́. Diʼee gá e bíhwó mpʉ óbel o mémpeʼ dí e nye yɨ́. Ebě, bé lɨ́ edûhwo, ó bipemé bé á be bí, byé gúmaa mpumó mpâ. Bé dúhwó ó, ebóno ómpíé bé ésôʼ le baá bé épíhe.

2 Korɛnt 5:10

Ebě, yê mɨná gá bɨ́bɛ̂h bi ó, mɨná pyálaa gá ɨ́ mpǒm mé Krîst lɨ́ esú é tíʼá mílɔ̌b gá wɨ́ná. Mʉr nyɨnyɛ̂h óbi myɛ́na ó, dû mpʉ bísyɛ́ɛla byé, byé á be ɨ́ jɔʼ nyé á be ɨ́ twiʼ yɨ́: nkʉ̂ byé á be ó, ɨ́ mbɨa, nkʉ̂ ó, byé á be ó, ɨ́ bébe.

1 Korɛnt 3:13

Syɛ́ɛ́ mʉ̂r nyɨnyɛ̂h dí eséa yɨ́, yé ónyɨ̂n ɨ́ ponó ɨ́ dʉ́ó lé étíʼ é mílɔ̌b, ebě, nyɔ̌m sá yɨ́yɛ̂h, wé ónyɨ̂n ɨ́ sʉ́lʉ́lʉ́ ó, ɨ́ móhó waá. Nyɔm tɨ̂, wé nyɨ́nyɨ́n ó, ɨ́ siʼe ngá lɛ̂ʼlě nyɔ̌m syɛ́ɛla mʉ̂r yɨ́. Syɛ́ɛla yé sí dûhwo yɨ́ɛ siʼe yaá nó, lɛ́ɛ́, syɛ́ɛla yaá, yé á kʉ be ó e nyɔm lɨ́ esú mé Nzyɛ̌m.

Ebrœ̂ 4:13

Yé abe e yʉ́ʉ́ kwihá sɔ̂ʼ dí solá ɨ́ míh mé Nzyɛ̌m. Sá yɨ́yɛ̂h nyé á komlo yɨ́, yé ɨ́ ponó, ɨ́ nkɛŋlɛ̂m ɨ́ míh mé. Bíbyɛ̂h, byé ókar mínkar myɔ́ɔ́ ó, ɨ́ mpǒm nyé.

2 Korɛnt 10:18

Ebě, ntʉ waá dí esêʼle nyé mʉr tɨ̂ʼ nyá, Dâ Nzyɛ̌m dí ekam. Nyě kǎm ó, waá nyé mʉr tɨ̂ dí epǎ sêʼle nyá.

Rôm 2:16

Sá mé dí elwib wâʼ yɨ̂, yé ónyɨ̂n ɨ́ ponó, ɨ́ móhó Nzyɛ̌m ngá tíʼe bʉ̂r milɔ̌b wɨ́. Nye ósâ nó ó, ɨ́ nzɨ̌ mé Yésʉs-Krîst. Bisâ bi dí bʉr baá solá ɨ́ miléme bí, nye ólɛ̂ʼle byé ɨ́ kpɛŋlɛm. Mbɨambɨa Lɔ́ɔ mé dí etúno wɨ́, wé ó nó.

Rôm 2:1

Nó ó, gua, mʉr dí edwe bʉ̂r mebě nyá, gó abe e nkul ekar ɨ́ míh mé Nzyɛ̌m. Jɔʼ gó dwé bʉ̂r mebě yɨ́, num gô, wé lɨ́ edwe ntémé go mʉr tɨ̂ʼ mebě, ebě, gua yɨ́ɛ tîʼ milɔ̌b, gǒ jaá sâ ntémé ó, njɨ bisyɛ́ɛla bimpwár byaá.

Mɨngwiha 20:12

Me ntɔ̂ʼ bee ódwe. Ɨ́ bʉr baá, yé á be ó, le minjwɨ́ʼ mí bʉ̂r ndu e baántéʼenteʼe o bʉ̂r. Bé á be ó sí tyɛ̂b ɨ́ mpǒm mecwɨ́ɨ́ mé jwɨ́ɨ. Mekaná, mé ntɔ̂ʼ bɛ́ɔɔ ɨ́ buo buo. Mʉ́ʉ́ mékaná meswîh ntɔ̂ʼ bɛ́ɔɔ ntémé, mɨ́haá e míé mé bʉ̂r o ngá bǐ twǐʼ njʉ̌m dǐ bá. Nzyɛ̌m nzě pahle bʉ̂r o b'á dwe bá. Nye á tíʼe milɔ̌b myɔ́ɔ́ ó, lɨ́ edû mpʉ bísyɛ́ɛla byɔ́ɔ́ byé á be yɨ́. Bibaa bísyɛ́ɛla byɔ́ɔ́ byaá, byé á be ó micɛmá lɨ́ ebɨ́ʼ é mékaná mé ésôʼ maá.

1 Pyɛr 1:7

Ndyɛ́ʼwá bɨ́n dí edyɛ̂ʼwo e Nzyɛ̌m wɨ́, wê bɨ̌n ó, ɨ́ buo ódimé, laǎ gʉ̂l. Gʉ̂l pǎ nyɛɛ́ gbáŋɔɔ ɨ́ duró lé ólûl, ó yé gwâ nyɨ̂n tyeetye ó, yé ó yaá mpâ, yɨ́ɛ yé ó sá dí ó, yé ódîm yɨ́, á dwɛʼra e búʼó gá yɨ́ná! Yé ógbáŋɔɔ ɨ́ duró, bʉr nkʉ̂ gʉ́a bee ó, yé ó búʼó mpâ. Nó bʉ̂r, bé ógúmlǒ Nzyɛ̌m, le edwe nyé kûm ɨ́ jɔ̌ʼ Yésʉs-Krîst óbáʼǎ nze yɨ́.

Rôm 2:29

Mpǎŋ Yúden, nye ó waá dí ɨ́ léme tʉ́ŋlʉ̌ nyá. Mpǎŋ tíʼá mpʉ́n, wé ó waá Sísǐm mé Nzyɛ̌m dí etíʼe ɨ́ lémé mʉ̂r wɨ́. Wé atíʼɔɔ ɨ́ lɔ̌b métié mé Moyɨ̂z. Mʉr dí e tíʼá mpʉ́n waá nyá, ntʉ bʉ̂r ngá gúmlo nyê. Kûm nyé, nye óduho ó kwá mé Nzyɛ̌m.

2 Korɛnt 4:2

Bɨ̌h bé asâ bísyɛ́ɛla mésǒ bi dí edulo sôn bí. Bɨ̌h bé acéně sɔ̂ʼ ɨ́ milɔ̌b mé Nzyɛ̌m bɨ́h dí elɛ̂ʼle mí. Bɨ̌h jaá dwe ó, njɨ mpǎŋ lɛ́ʼlá dí tyeetye wɨ́. Ɨ́ mbi waá ó bɨ́h dí esâ ó, mʉr nyɨnyɛ̂h béyɨɨ bɨ̌h mbɨ̂mbɨá yɨ́. Bɨ̌h sá nó ó, ɨ́ míh mé Nzyɛ̌m.

Rôm 14:4

Gua, go nzé, gó dí edwe syɛ̂l mesâ nye onkán mebě nɨ̌? Nyé sí sâ ébébe nó, njwɨ́ɨ wé ó jálá le elɛ̂ʼle nyé lǎ. Nyé sí sâ émbɨa nó, njwɨ́ɨ wé ntémé ó jálá le elɛ̂ʼle nyé lǎ. Nye átwe yɨ́ɛ twêʼ, ebě, Tî Yésʉs, nyě e nkul esúʼo nyé lɨ́ esú ó, nye ayɨ́ twe.

Yʉanes 5:44

Bɨ̌n jaá kpɨkpɛl ébi kûm ó, njɨ páʼ nyɨ́n. Bɨ̌n bé akpɛl ébi kûm dí eduho kwá mé waá dí Nzyɛ̌m nye omér nyá. Yé bé nó wá, á bɨ̌n bé ódyɛ̂ʼwo e Nzyɛ̌m nyá?

Jacques 4:11

Bɨ́ɔɔ́ bâm! Okɛ́l bâm! Asâ gá mesyɛ́ɛla páʼ nyɨ́n. Waá nyɨnyɛ̂h dí esâ mɨ́ɔɔ́ mesyɛ́ɛla, dwe nyé mebě nyá, nye mû ó mpʉ̌ sá lɛ́ɛ́, nyɨ́ bee étié mé Nzyɛ̌m e bigwǐh. Yé ntémé, yé ó mpʉ̌ sá lɛ́ɛ́, nyě dwé ó etié laá mebě. Nyé akǎ be mʉ̂r dí ebaʼle étié laá nyá. Nye mû ó lɨ́ edwe lé mebě.

Lʉkas 6:37

«Ayɨ́ dwe gá bʉr mebě, ebě, Nzyɛ̌m ámû jaá dwe bɨ́n mebě tɨ̂. Ayɨ́ dwe gá bʉr mpono. Nzyɛ̌m nkʉ̂ be, adwe bɨ́n mpono. Pɛʼɛɛ gá bʉr bibaa bí ébébe bɨ́n á niʼe bé bí, Nzyɛ̌m nkʉ̂ pɛʼ bɨ́n byaá nyé á niʼe bɨ̌n bí.

Mataos 24:46

Sɔ́ŋ wé ótô ɨ́ tyen, nzě búla nó, metyɛʼ me mpóm, mé e mbi syɛ̂l mesâ, waá njwɨ́ɨ ngá kœb lɨ́ eséǎ syɛ́ɛ́ yaá nyá!

Mɨngwiha 1:7

Paá bee gâ: nye lɨ́ enze ɨ́ dwiné. Bʉr bɨ́bɛ̂h, bé óbee nyê, damá be ó baá bé á lúmo nye ekʉá bá. Bʉr o bíkúl bí sí yɨ̂ʼ bíbyɛ̂h, bé ójɨ médwê le ekâm ékúhó lé. Eee! Amɛn!

1 Pyɛr 5:4

Ɨ́ jɔʼ «Mbɔ̂ʼlʉ bintemě nɨ́nɨ́ɨ́» ngá báʼǎ nze yɨ́, nye ótoŋlo bɨ́n ɨ́ syɛ́ɛ́ yɨ́n yaá, lɨ́ ebôr bɨ́n bikáráá bi dí ɨ́ buo kûm bí. Byé ódidi ɨ́ ntyɛ̌n ntɨ̂ ntyɛ̌n ó, mentyɛnwa me tɨ̂ʼ adímedime, tó kumo ɨ́ twǐʼ njʉ̌m dǐ.

1 Tesalonika 5:2

Ebě, bɨ̌n bʉr o tɨ̂, bé lɨ́ ekʉ́ gʉ́a ɨ́ pébébé ó, ɨ́ jɔʼ Tî Yésʉs óbáʼǎ nze yɨ́, nye ópyâl bʉ̂r metwɨrâ mpʉ míndíblʉ̌ dí eboó pipyâl ɨ́ mipum yɨ́.

Yʉanes 21:22

Yésʉs, nye e né ó: «Mé sí kpɛl ó, nye díʼee, tó pyâl ɨ́ jɔʼ mé óbáʼǎ nze yɨ́ nɛ́ɛ: gó e wáǎ lɔ̌b tɨ̂? Gua, dúʼóó mê.»

2 Pyɛr 3:4

ebě, bʉr baá bé ólɨlɛ́ɛ ó: «Lɔ́ɔ́ nyé á lɨlɛ́ɛ ó, nye ónze wɨ́, wé ó kwahaá dwêh. Odâ, bɨ́ boó dwe, nye l'apyâlpyal. Sá yɨ́yɛ̂h, yé ó jwɨʼ gwár e gwár e mpʉ yé á boo be, duho ɨ́ metááré mé kʉ́ e sí yɨ́.»

Mataos 25:23

Nó ó njwɨ́ɨ wé á nze lɛ́ɛ e né ó: “Ɨ́ mbɨa! Go ó syɛ̂l mesâ dí mʉr ebúʼlɔɔ nyá, ebě, go á si gwa baʼle sá dí tîtííǎ yɨ́. Me ósâ ó, go bâʼlaa byaá bi dí ɨ́ buo buo bí. Nó ó, ntaá nzě nʉa nkɔ̂b bisʉhʉʉ jwɨʼ gwár e gwár e mpʉ mé dí ɨ́ bisʉhʉʉ yɨ́.”

Yʉ̂d 1:14

Énɔk á be ó ngwih ebaalé mé Ádam. Nye á si gwîh milɔ̌b mé Dâ Nzyɛ̌m, dumo e bʉr baá. Nye á lɛ́ɛ ó: «Paá jóʼo gâ: Tî gá wɨ́ná ónze ó e beéngeles bé dí tí bá, tâŋ mekám mé ótɔ́ɔ́sin,

2 Pyɛr 3:12

Jɔʼ yɨ́yɛ̂h mɨ́ná dú gá kʉ̌ tyen waá yɨ́, mɨná bónó gá ó, móhó Nzyɛ̌m ngá báʼǎ nze wɨ́. Mɨná séá gá ntémé ó, syɛ́ɛ́ ngá sâ ó, nye kpâhwa nze yɨ́. Ɨ́ móhó waá ó, jʉ́o le ejwoo le baántɛ́n ngá jɔǎ siʼe, ntɔ̂ʼ dinwa. Bisá Nzyɛ̌m á komlo byé e tɨ̂ʼ bí, byé ójǎ siʼe, buma mínjʉl.

1 Korɛnt 15:23

Sâ gwár, mʉr nyɨnyɛ̂h, nye ópah ó, ɨ́ yé jɔʼ: Krîst esôʼ; bʉr bé, bé ónzě bɔma e né ɨ́ jɔʼ nyé ngá báʼǎ nze yɨ́.

1 Korɛnt 11:26

Ebě, ɨ́ jɔʼ bɨ́n dína lɨ́ edě blêr yɨ̂ʼ le menyoʼ mâʼ yɨ́, bɨ̌n bé lɨ́ etúno pô eswie mé Tî gá wɨ́ná. Bɨ̌n bé ósɨ̂sa nó ó, tó pyâl ɨ́ jɔʼ nyé óbáʼǎ nze yɨ́.

1 Korɛnt 1:7

Tó pyâl ó, sá yɨ́yɛ̂h Nzyɛ̌m dí edwe bʉ̂r bé yɨ́, nyɨ́ dwe bɨ́n ntémé yǎ. Jɔʼ yɨ́yɛ̂h bɨ́n dína lɨ́ ebónǒ nzéá Tî gá wɨ́ná, Yésʉs-Krîst ngá nze wɨ́ yɨ́, bɨ̌n mû ó le mindwéá mé Nzyɛ̌m myaá.

Rôm 2:7

Bâʼ bʉ̂r, bé sáá ó kûm, le dúu le twiʼ dí asíesie yɨ́. Bé lɨ́ edûhwǒ sɔ́ɔlʉ waá e bíhwó, lɨ́ esâ mímpaŋ bísyɛ́ɛla. Bé ó baá Nzyɛ̌m ngá dwě twǐʼ njʉ̌m dǐ bá.

Mataos 24:30

Jɔʼ yaá, dweʼle ngá lɛ̂ʼle ó, nzéá mé Mwân mé Mʉr, wé mû lɨ́ ekúnwo yɨ́, yé ónyɨ̂n ɨ́ jʉ́o kʉ́. Bikúl bí sí yɨ̂ʼ bíbyɛ̂h, byé ótáare éjɨ médwê, le ekâm ékúhó lé. Bé óbee Mwân mé Mʉr lɨ́ enze ɨ́ bidwiné bí jʉ́o, le ánɨ̂nɨ̂n nkul le mentyɛnwa ɨ́ buo buo.

1 Korɛnt 3:8

Mʉr dí ebe nyá, bé e waá dí esʉ médíbé nyá, bé ó jwɨʼ gwár. Nzyɛ̌m ódwe mʉ̂r myɛ́na ó, dû mpʉ̌ syɛ́ɛ́ nyé mʉr tɨ̂ʼ á séa yɨ́, yé á be yɨ́.

Mataos 25:21

Nó ó njwɨ́ɨ wé á nze lɛ́ɛ e né ó: “Yé ɨ́ mbɨa. Go ó mpǎŋ syɛ̂l mesâ dí mʉr ebúʼlɔɔ nyá, ebě, go á si gwa baʼle sá dí tîtííǎ yɨ́. Me ósâ ó, go bâʼlaa byaá bi dí ɨ́ buo buo bí. Nó ó, ntaá nzě nʉa nkɔ̂b bisʉhʉʉ jwɨʼ gwár e gwár e mpʉ mé dí ɨ́ bisʉhʉʉ yɨ́.”

Mataos 10:26

«Akpɛ́ɛ gá bê. Sá yɨ́yɛ̂h dí lɨ́ esǒ yɨ́, yé ógwíha. Sá yɨ́yɛ̂h dí solá yɨ́, yé ógʉ́ŋɔɔ.

Yʉanes 21:23

Táare ɨ́ jɔʼ yaá, lɔ́ɔ nzě myaŋla ɨ́ sɔ́má óbûʼla ó, mpʉ́n waá, nye ákǎ dwe. Tó kœb ó, Yésʉs á bé alɛ́ɛ̌ Pétrus ó: “Nye ákóʼó dwe.” Nye á lɛ́ɛ ó: “Mé sí kpɛl ó, nye díʼee, tó pyâl ɨ́ jɔʼ mé óbáʼǎ nze yɨ́ nɛ́ɛ: gó e wáǎ lɔ̌b tɨ̂?”

1 Korɛnt 3:14

Yé bé mʉr á be ó sí sumo ɨ́ nkan e sá dí edûhwǒ siʼe mbɨ̂mbɨá yɨ́ nó, nye óbi myɛ́na mé tɨ̂.

1 Korɛnt 11:16

Mʉ̂r sí gwɨ̂m étô dóló le edo e bɨ̌h ɨ́ lɔ̌b waá nó, nye gʉ́ŋaa ó, bɨ̌h e bʉr ó Mbɛ̌r-Nzyɛ̌m bɨ́bɛ̂h, bɨ̌h bé abe e tum swîh.

Jacques 5:9

Bɨ́ɔɔ́ bâm! Okɛ́l bâm! Ayɨ́ sɛ́ɛla gá bipurá páʼ nyɨ́n, ebě, Nzyɛ̌m nkʉ̂ be, atíʼe bɨ́n lɔ̌b tɨ̂. Tîʼ milɔ̌b mû ó kúno enze.

2 Korɛnt 10:9

Mé akpɛl ó, bɨ̌n béyɨɨ ó, me lɨ́ ebɛ̂ŋ bɨ́n e nzɨ̌ mekaná mé dí ecɛma bɨ́n má.