1 Korɛnt 4:4 - Kálar Nzyɛ̌m : Ejwán é Sáá

⁴ Mipahlá mí lémé wâm, myé anwâhle mê. Nó yé alɛ̂ʼle ó, mé abe e mebě. Tî Yésʉs ó dí etíʼě lɔ̌b wâm.

Kálara Zyɛ̌m Edwán é mpʉ̌n

⁴ Mɨpɛhla mɨ leme wam, myé adwe me mobe. No yé alɛʼle ó, mɛm, me ó cɨcyel mʉr. Da Yesʉs ó ndɨ elwib lɔb wam.

1 Korɛnt 4:4 ပူးပေါင်းရင်းမြစ်များ

2 Korɛnt 1:12

Sá bɨ́h dí enkʉ́na tɨ̂ʼ yɨ́, yé ó yɨ̂: kʉ̌ tyen dí tîtyěl, waá bɨ́h dí edû e milémé míh mímyɛ̂h ɨ́ míh mé Nzyɛ̌m wɨ́. Mipahlá mílémé míh, myé boʼlo ó, bɨ̌h bé e mbɨambɨa kʉ̌ tyen. Ɨ́ kʉ̌ tyen waá, bɨ̌h jaá sâ ó, njɨ bím mpâm mé Nzyɛ̌m dí ekpɛl ó, bɨ̌h sâʼ yɨ́. Kʉ̌ tyen ngwár waá ó bɨ́h á bu dû kwá nyɨ́n, le ɨ́ sí yɨ̂ʼ yɨ́yɛ̂h wɨ́. Wé abɔma e milɛ́ʼlá bʉ̂r ó sí yɨ̂ʼ dí edwe bʉ̂r mí.

2 Korɛnt 5:10

Ebě, yê mɨná gá bɨ́bɛ̂h bi ó, mɨná pyálaa gá ɨ́ mpǒm mé Krîst lɨ́ esú é tíʼá mílɔ̌b gá wɨ́ná. Mʉr nyɨnyɛ̂h óbi myɛ́na ó, dû mpʉ bísyɛ́ɛla byé, byé á be ɨ́ jɔʼ nyé á be ɨ́ twiʼ yɨ́: nkʉ̂ byé á be ó, ɨ́ mbɨa, nkʉ̂ ó, byé á be ó, ɨ́ bébe.

1 Korɛnt 4:5

Ɨ́ tɨ̂ʼ ɨ́, alɨ̌ tíʼe gá lɔ̌b mé nyʉ́ʉ́ mʉ̂r ɨ́ jɔʼ yé dí apǎ pyâl jɔʼ élab yɨ́. Bónáá gá ó, Tî Yésʉs, nye ntâʼ. Nyé opyêl sá dí lɨ́ edúrʉ́ʉ́ yɨ́, tyen yé ɨ́ myɛ́n. Nyé ogwîh mípahlá mi dí misolá ɨ́ milémé mí bʉ̂r mí. Jɔʼ yaá ó Nzyɛ̌m ódwe mʉ̂r nyɨnyɛ̂h kûm jálá e né nyɨ́ yɨ́.

Rôm 2:13

Mʉr ábi nkâm ɨ́ míh mé Nzyɛ̌m ɨ́ lɔ̌b njóʼá métié wé omér. Waá dí esâ mpʉ métié maá dí etɨ́e yɨ́ nyá, nyɨ́haá ó ngá bi nkâm ɨ́ míh mé Nzyɛ̌m.

Mɨlʉmlʉ 23:1

Nó ó, Pɔ̂l á bɨʼ bʉr ó bʉm mejwôʼlʉ. Nye ó: «Bɨ́ɔɔ́ bâm, mě séá Nzyɛ̌m syɛ́ɛ́ ó e léme ɨ́ sɔ́ɔ́ɔ́, pyâl ɨ́ dʉ́ó lɨ̂ʼ mûh.»

Yʉanes 21:17

Píe tɨ̂, nye nzě báʼǎ dî e né ɨ́ jɔʼ lɛ̂l ó: «Simon, mwân mé Yʉánɛs, nzê gʉ́ kpɛl mé ɛ̌?» Pétrus nzě jóʼo ébúʼ ebě Yésʉs á baʼa dî e né ɨ́ jɔʼ lɛ̂l ó: “Simon, mwân mé Yʉánɛs, nzê gʉ́ kpɛl mé ɛ̌?” Nye e né ó: «Dâ ɛ̌, go lɨ́ egʉ́ǎ sá yɨ́yɛ̂h. Go lɨ́ egʉ́a ntémé ó, me lɨ́ ekpɛl gô.» Yésʉs, nye e né ó: «Baʼlaa bínteme byâm.»

Rôm 4:2

Yé bé Abraham á si bi nkam ɨ́ lɔ̌b bísyɛ́ɛla bimpâ byé nó, lɛ́ɛ́, nye á be ó e sá énkʉ́na tɨ̂. Sâ gwár, nye á bé abe e sá énkʉ́na tɨ̂ʼ ɨ́ míh mé Nzyɛ̌m.

1 Korɛnt 4:3

Ɨ́ páʼ wâm, mé asyɛ̌l bá ó, bɨ̌n lwíbɨɨ lɔ̌b wâm, nkʉ̂ ó, nyʉ́ʉ́ mpáh milɔ̌b swîh lwíbɨɨ wê. Mɛm ntémé, mé atíʼě lɔ̌b wâm mɛm mʉr tɨ̂.