1 Korɛnt 4:2 - Kálar Nzyɛ̌m : Ejwán é Sáá

² Tó kœb ó, sá bé dí edî e mʉr dí ebaʼlě mbɛ̌r nyá yɨ́, yé ó, nye díʼee mʉr ebúʼlɔɔ.

Kálara Zyɛ̌m Edwán é mpʉ̌n

² Sa bé lé ejɨ bee boo mbɔʼlʉ ekuro e, yé ó, nye diʼe mʉr ebuʼla.

1 Korɛnt 4:2 ပူးပေါင်းရင်းမြစ်များ

Mataos 25:21

Nó ó njwɨ́ɨ wé á nze lɛ́ɛ e né ó: “Yé ɨ́ mbɨa. Go ó mpǎŋ syɛ̂l mesâ dí mʉr ebúʼlɔɔ nyá, ebě, go á si gwa baʼle sá dí tîtííǎ yɨ́. Me ósâ ó, go bâʼlaa byaá bi dí ɨ́ buo buo bí. Nó ó, ntaá nzě nʉa nkɔ̂b bisʉhʉʉ jwɨʼ gwár e gwár e mpʉ mé dí ɨ́ bisʉhʉʉ yɨ́.”

Lʉkas 12:42

Tî Yésʉs ntɔ̂ʼ yala e né ó: «Nzé dí twóó mbɔʼlʉ ekúró dí mʉr ebúʼlɔɔ nyá, waá sɔ́ŋ á tyêl ó, nye díʼee lʉ́ ósyɛ̂l o mésá bé, le ekab bé menkɔb méde mɔ́ɔ́ ɨ́ bijɔʼ bi dí ejala bí nyá?

Mataos 25:23

Nó ó njwɨ́ɨ wé á nze lɛ́ɛ e né ó: “Ɨ́ mbɨa! Go ó syɛ̂l mesâ dí mʉr ebúʼlɔɔ nyá, ebě, go á si gwa baʼle sá dí tîtííǎ yɨ́. Me ósâ ó, go bâʼlaa byaá bi dí ɨ́ buo buo bí. Nó ó, ntaá nzě nʉa nkɔ̂b bisʉhʉʉ jwɨʼ gwár e gwár e mpʉ mé dí ɨ́ bisʉhʉʉ yɨ́.”

Kolosi 4:17

Lɛ́yɨ́ɨ́ gá ntémé le Arkípɔs ó, nye gbâʼ nkul ɨ́ syɛ́ɛ́ Tî Yésʉs á lómo nye ó, nye séaa yɨ́. Nye lóŋlaa yê.

2 Korɛnt 2:17

Nó ó, bɨ̌h bɨɛ, bé abě mpʉ óbɛ́ma o mílɔ̌b mé Nzyɛ̌m. Nzyɛ̌m á lómo bɨ̌h ó e lwǐb yé. Lwǐb yaá, yé abě mbáʼrá e mikóo. Bɨ̌h bɨɛ, bé ó baá Nzyɛ̌m á ntɨh bá. Bɨ̌h lwib mílɔ̌b myé ó, ɨ́ mpǒm mé Nzyɛ̌m, ɨ́ mpúhlá nyɨ́h e Krîst.

Kolosi 1:7

Yé ó mpʉ bɨ́n á jóʼo lɔ́ɔ waá e nzɨ̌ mé Epafrâs yɨ́. Nye ó mʉr bɨ́h e né dí eséǎ syɛ́ɛ́ Nzyɛ̌m, waá bɨ́h dí ekpɛl nyá. Nye ó mʉr ebúʼlɔɔ dí ekʉ́ séa e Krîst lɨ́ esú lɨ́n nyá.

1 Korɛnt 7:25

Ɨ́ páʼ bíbíŋ méséhe, mé abe e lɛ́á mé Tî Yésʉs. Mě lɛ́ɛ́ yɨ́ɛ ó, yâm jwɨʼ ɨ́ tyé mʉ̂r Tî Yésʉs á jɨ̂ʼ nkoó, waá mû mʉr ebúʼlɔɔ nyá.

2 Korɛnt 4:2

Bɨ̌h bé asâ bísyɛ́ɛla mésǒ bi dí edulo sôn bí. Bɨ̌h bé acéně sɔ̂ʼ ɨ́ milɔ̌b mé Nzyɛ̌m bɨ́h dí elɛ̂ʼle mí. Bɨ̌h jaá dwe ó, njɨ mpǎŋ lɛ́ʼlá dí tyeetye wɨ́. Ɨ́ mbi waá ó bɨ́h dí esâ ó, mʉr nyɨnyɛ̂h béyɨɨ bɨ̌h mbɨ̂mbɨá yɨ́. Bɨ̌h sá nó ó, ɨ́ míh mé Nzyɛ̌m.

Kolosi 4:7

Mɨ́ɔɔ́ kpɛ̌l gá wɨ́ná Tisikôs ókǎ lɛ́ɛ bɨ́n sá yɨ́yɛ̂h dí edumo e me yɨ́. Nye ó syɛ̂l mesâ mé Nzyɛ̌m dí ebúʼlɔɔ nyá, mʉr njoo yâm bɨ́h e nɔ́ɔ́ dí eséǎ syɛ́ɛ́ mé Tî Yésʉs nyá.

1 Korɛnt 4:17

Sɨ́ǎ yaá ó mé á lómlo bɨ̌n Timotɛ̂, mwâ kpɛ̌l wǎm yɨ́. Nye ntémé ó dí mʉr ebúʼlɔɔ ɨ́ Tî Yésʉs. Nye ó ngá jɨm bín bitɔŋlá ɨ́ kʉ̌ tyen mé dí edû ɨ́ mpúhlá nyɨ́h e Krîst wɨ́. Mě lɛ́ʼlé Mbɛ̌r-Nzyɛ̌m ɨ́ gúmó yɨ́yɛ̂h ó, bé dúʼoo kʉ̌ tyen ngwár waá.

1 Korɛnt 4:1

Bɨ̌n bé ɨ́ jala le eláa bɨ́h bɨɛ mpʉ ósyɛ̂l o mésâ mé Krîst, bʉr o dí egʉ́a ébaʼlě lwǐb ódîm mé Nzyɛ̌m bá.

1 Korɛnt 4:3

Ɨ́ páʼ wâm, mé asyɛ̌l bá ó, bɨ̌n lwíbɨɨ lɔ̌b wâm, nkʉ̂ ó, nyʉ́ʉ́ mpáh milɔ̌b swîh lwíbɨɨ wê. Mɛm ntémé, mé atíʼě lɔ̌b wâm mɛm mʉr tɨ̂.