1 Korɛnt 4:1 - Kálar Nzyɛ̌m : Ejwán é Sáá

¹ Bɨ̌n bé ɨ́ jala le eláa bɨ́h bɨɛ mpʉ ósyɛ̂l o mésâ mé Krîst, bʉr o dí egʉ́a ébaʼlě lwǐb ódîm mé Nzyɛ̌m bá.

Kálara Zyɛ̌m Edwán é mpʉ̌n

¹ Bɨn bé ejala le enʉa bɨh bɛɛ mɨlʉmlʉ mo Krɨst mpʉ osyɛl o mosa be. Bɨh bé ó baa ndɨ egʉa ebaʼle lwib odim mo Zyɛm ɨ.

1 Korɛnt 4:1 ပူးပေါင်းရင်းမြစ်များ

1 Pyɛr 4:10

Mpʉ mʉ̂r nyɨnyɛ̂h ɨ́ sɔ́má gá yɨ́ná á bi wé mbǐ ndwéá yɨ́, bɨbaʼlaa gá mindwéá mín myaá lɨ́ esú lé ékɛm bʉ̂r ó sɔ́má yɨ́n oswîh. Sɨ́sáʼ gá nó, ebě, bɨ̌n bé ó osyɛ̂l o mésá mé Nzyɛ̌m dí ɨ́ mbɨǎ njwɨr, baá bé á bi metyɛʼ me mpóm mé Nzyɛ̌m mimbi mimbi bá.

Títos 1:7

Yé ó nó: yé jɨ ó, mʉr dí epála bʉ̂r ó Mbɛ̌r-Nzyɛ̌m nyá, díʼee waá dí apǎ dweŋɔɔ mébě nyá, ebě, nye ó syɛ̂l mesá mé Nzyɛ̌m. Nyé ajala le esâ pyêh, nkʉ̂ di ɨ́ ŋmaaa, abě nyʉnyóʼ, nkʉ̂ mʉr esweha, nkʉ̂ waá dí esáa bímɔnɨ́ ɨ́ menzɨ̌ me dí onzyɛ́h ónzyɛ́h má nyá.

1 Timotɛ 3:9

Bé gwâ baʼle ótyeetye ó búʼó gá yɨ́ná, e mipahlá míléme mi dí ɨ́ pyɛɛɛ mí.

2 Korɛnt 4:5

Ebě, bɨ̌h bé atúnǒ lɔ́ɔ́ wɨ́h, bɨ̌h bʉr o tɨ̂. Lɔ́ɔ́ bɨ́h dí etúno wɨ́, wé dumo ó e Yésʉs-Krîst, dí Tî gá wɨ́ná nyá. Nó, bɨ̌h bɨɛ ó dí osyɛ̂l o mésá bɨ́n lɨ́ esú mé Yésʉs.

Éfɛsɔs 6:19

Jɨʼlaa gá ntémé e Nzyɛ̌m ɨ́ lɔ̌b wâm, ó nye dwêʼ me mekǎn mé lwíbɨɨ ɨ́ hwɨ́m, abáawǒ sɔ̂ʼ má. Me pâʼlaa lwǐb ódîm dí edumo e Mbɨambɨa Lɔ́ɔ yɨ́, bʉr gʉ́ŋaa yê.

Kolosi 2:2

Syɛ́ɛ́ mé dí eséa yɨ́, mě séá yé ó, me nkʉ̂ gbâ bɨ́n nkul ɨ́ miléme, le esâ ó, bɨ̌n kpɛ́laa, le egwá pûhla. Bɨ̌n nkʉ̂ gʉ́ǎ búʼó gá yɨ́ná ɨ́ pébébé, sá dí bɨ̌n e nyɔm ɨ́ buo buo yɨ́. Bɨ̌n gʉ́ŋaa ntémé Krîst, mʉ̌r Nzyɛ̌m á sol ɨ́ lwǐb ódîm nyá.

Rôm 16:25

Sâ bwaʼ nkûl Nzyɛ̌m dí e né nyɨ́ e! Nkul nyaá ó mû lɨ́ elɨl bɨ́n mpʉ̌ Mbɨambɨa Lɔ́ɔ́ mé dí elɛ́ɛ le etúno wɨ́ dí yɨ́. Mbɨambɨa Lɔ́ɔ waá, wé dumo ó e Yésʉs-Krîst. Wé lɨ́ edû ntémé lwǐb ódîm, yé á boo be solá,

Kolosi 4:3

Jɨʼlaa gá ntémé lɨ́ esú lɨ́h. Nzyɛ̌m díbɨɨ bɨ̌h nzɨ̌ ó, bɨ̌h túnaa Mbɨambɨa Lɔ́ɔ́ wé, ó bɨ̌h pâʼlaa lwǐb ódîm dí edumo e Krîst yɨ́. Me ó kɛ́ʼá ɨ́ mbʉʼ ɨ́ lɔ́ɔ waá mé dí eboó tutúno wɨ́.

Éfɛsɔs 1:9

Nyě títyɛ́b mɨ́ná gá ɨ́ miléme ó, mɨná gʉ́ŋaa gá mitíʼá mí lémé wé, myaá myé á boo lɛ́ɔɔ ɨ́ lwǐb ódîm mí. Yé ó sá nyé á nyɛɛ jwɨʼ, kǎ sâ ɨ́ kpɛ̌l yé nye mʉr tɨ̂ʼ yɨ́.

2 Korɛnt 12:6

Mé nyɛ́l énkʉ́na ɨ́ mɛm mʉr tɨ̂ʼ nɛ́ɛ: ntʉ̌ syɛ́ɛla yaá ngá liŋ mé gʉʼlʉgʉ́, ebě, me ólɛ́ɛ yɨ́ɛ otyeetye. Sâ gwár, mɨ́ kamle mé mʉr tɨ̂ʼ lɨ́ esâ nó, lɨ́ ebene ó, nyʉ́ʉ́ mʉ̂r ámû kǎ dwáawo mé ɨ́ buo buo, laǎ bím bísyɛ́ɛla nyé dí ebee mé lɨ́ esâ bí. Nye ámû dwáawo mé ɨ́ buo buo, laǎ bím mílɛ́ʼlá nyé á pa jóʼo me lɨ́ edwe bʉ̂r mí.

2 Korɛnt 11:23

Nzê bé ó osyɛ̂l o mésâ mé Krîst ɛ̌? (Mě kʉ́ lwib ó, mpʉ̌ gʉʼlʉgʉ́!) Mɛm ó b'á sahle. Ɨ́ páʼ bísyɛ́ɛ́, mɛm ó b'á sahle. Ɨ́ páʼ égbáŋɔɔ ɨ́ mbʉʼ, mɛm ó b'á sahle. Ɨ́ páʼ mébíʼé, yé abe e tólɔ́ɔ. Ɨ́ páʼ méswie, me á si jʉ́ŋɔɔ nzɔʼ nzɔʼ.

Lʉkas 12:42

Tî Yésʉs ntɔ̂ʼ yala e né ó: «Nzé dí twóó mbɔʼlʉ ekúró dí mʉr ebúʼlɔɔ nyá, waá sɔ́ŋ á tyêl ó, nye díʼee lʉ́ ósyɛ̂l o mésá bé, le ekab bé menkɔb méde mɔ́ɔ́ ɨ́ bijɔʼ bi dí ejala bí nyá?

Mataos 24:45

«Nzé dí twóó túʼǎ, waá dí mʉr ebúʼlɔɔ, waá sɔ́ŋ wé á tyêl ó, yé díʼee lʉ́ bítúʼǎ byé, le ekab byé mede ɨ́ mepʉ́la me dí ejala má nyá?

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

1 Timotɛ 3:6

Nyé ajala le ebe mʉ̂r alúno dwirǎ léme, nî ɨ́ búʼó nyá. Yé ámû jaá sâ ó, nye nkɛ́yɨɨ nyʉ̂l. Nyé odumǎ mpʉ̌ sɔ́ŋ meleme á duma yɨ́. Nyé osia e bintɨ́ʼá bimpwár ntémé sɔ́ŋ meleme á sia e byé bí.

2 Korɛnt 6:4

Bɨ̌h lɛ́ʼlé e nzɨ̌ bisyɛ́ɛla bíh ó, bɨ̌h kʉ́ bě tyeetye ó osyɛ̂l o mésâ mé Nzyɛ̌m. Bɨ̌h sá nó ó e menzɨ̌ mâ: esâ sɨ́n damá jóʼo ɨ́ mitúú e mindɛ̌l tʉ́ŋlʉ̌, edûhwo édi ɨ́ bi bísyɛ́ɛ́,

1 Korɛnt 4:13

Jɔʼ bé dí elwib e bɨ̌h ebébe yɨ́, bɨ̌h bɨɛ̌ yɨyalá e bé ó e léme ɨ́ piiia. Bé láá bɨ́h ó mpʉ ékunuu é sí yɨ̂, nkʉ̂ sá mébomo, nzě kumo ɨ́ báánâ.

1 Korɛnt 3:5

Lɨ́ otyeetye, nzé dí Ápolos? Nzé dí Pɔ̂l? Bɨ̌h bé ó osúʼa bɨ́n, bʉr o b'á be bɨ̌n e nyɔm ó, bɨ̌n bûʼlaa bá. Mʉr nyɨnyɛ̂h, nye lɨ́ esâ syɛ́ɛla Tî Yésʉs á dwe nye ó, nye sâʼ yɨ́.

1 Korɛnt 2:7

Bɨ̌h lɛ́ʼlé ó, ocwóó mé Nzyɛ̌m dí solá wɨ́. Wé ó sá Nzyɛ̌m á sol bʉr yɨ́. Nye dína apǎ kuho kʉ́ e sí, nye á boo tíʼe ɨ́ lémé wé ó, nyě dwé mɨ́ná gá ó ocwóó waá, ti e kûm tɨ̂.

Markus 4:11

Yésʉs ntɔ̂ʼ lɛ́ɛ ó: «Bɨ̌n ó Nzyɛ̌m á gwîh bisá mésǒ bí Mpóʼo nyé. Sâ gwár, ɨ́ páʼ bʉ̂r oswîh bɨ́ɛ, bé kʉ́ gwá jóʼo ó, njɨ ɨ́ nzɨ̌ bikɨkɛna, lɨ́ esú ó,

Mataos 13:11

Nye ntɔ̂ʼ yala e bé ó: «Bɨ̌n ó Nzyɛ̌m á gwîh bisá mésǒ bi Mpóʼo nyé. Nó bɨ́ɛ á bé agwíhɔɔ byê.

Lʉkas 8:10

Yésʉs ntɔ̂ʼ yala ó: «Bɨ̌n ó Nzyɛ̌m á gwîh bisâ bi dí misolá ɨ́ Mpóʼo nyé bí, ó bɨ̌n gʉ́ŋaa byé ɨ́ pébébé. Sâ gwár, ɨ́ páʼ bʉ̂r oswîh bɨ́ɛ, bé kʉ́ gwá jóʼo ó, njɨ ɨ́ nzɨ̌ bikɨkɛna, lɨ́ esú ó, mekǎn me ngwíha milɔ̌b mé Nzyɛ̌m, mé díraa. Nye á cɛma ó: “Bé lɨ́ edwɛ̂ʼ e mîh mimběʼ, abee. Bé lɨ́ ejôʼlo e megwǎl, ajóʼo, agʉ́a ntémé.”

Lʉkas 1:2

Byé á cɛmɔɔ ó mpʉ bʉ̂r o b'á be tɨ̂ʼ bá, bé á kala mɨná lɔ́ɔ́ bísyɛ́ɛla bé á bee e míh mɔ́ɔ́ ɨ́ menyɛ̌l bí. Bé ntémé mû báánâʼ ó, oboʼlo o tɨ̂ʼ le osyɛ̂l o mésâ ó lɔ́ɔ waá.

Rôm 11:25

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa lwǐb ódîm yɨ̂ʼ ɨ́ pébébé. Bɨ̌n ámû jwɨʼ ó, bɨ̌n bé ó ocwóó. Lwǐb ódîm yaá, yé ó: bʉ́ʉ́ bʉ̂r ɨ́ kúl bʉ̂r o b'Ɨ́zraɛ̂l, bé e miléme mi dí ɨ́ buú lele lɨ́ ejóʼo mi. Milémé myɔ́ɔ́, myé óbe ɨ́ lele lɨ́ ejóʼo ó, tó kumo ɨ́ jɔʼ tólɔ́ɔ obûʼla o dí abe óYúden bá, ókumǒ bím Nzyɛ̌m á boo tíʼe ɨ́ lémé wé ó, nyě dwé ó bé twǐʼ njʉ̌m dǐ yɨ́.

1 Korɛnt 4:2

Tó kœb ó, sá bé dí edî e mʉr dí ebaʼlě mbɛ̌r nyá yɨ́, yé ó, nye díʼee mʉr ebúʼlɔɔ.