1 Korɛnt 3:8 - Kálar Nzyɛ̌m : Ejwán é Sáá

⁸ Mʉr dí ebe nyá, bé e waá dí esʉ médíbé nyá, bé ó jwɨʼ gwár. Nzyɛ̌m ódwe mʉ̂r myɛ́na ó, dû mpʉ̌ syɛ́ɛ́ nyé mʉr tɨ̂ʼ á séa yɨ́, yé á be yɨ́.

Kálara Zyɛ̌m Edwán é mpʉ̌n

⁸ Mʉr lé ebè e, bé e waa lé esʉ modibe e, bé ó jwɨʼ gwar. Zyɛm ódwe mʉr myɛna ó, nye osi jwɨʼ bim syɛɛ nyiha mʉr a sea nye e.

1 Korɛnt 3:8 ပူးပေါင်းရင်းမြစ်များ

Rôm 2:6

Nye ójána mʉ̂r nyɨnyɛ̂h ó, dû mpʉ bísyɛ́ɛla byé dí yɨ́.

2 Yʉanes 1:8

Bɨ̌n e báʼ gá bɨ̌n bʉr o tɨ̂. Abîr gá ó, bɨ̌n dímlaa sá mɨ́ná bé á boo séa gá lɨ́ esú lé yɨ́. Sáŋáá gá ó, bɨ̌n bíʼee myɛ́na maá ɨ́ ntʉʉʉ́.

Mataos 16:27

Ebě, Mwân mé Mʉr múo nzě pyâl ɨ́ mentyɛnwa me Sɔ́ŋ wé, bé e bééngeles bé. Jɔʼ yaá ó nyé ngá tíʼe bʉ̂r milɔ̌b, dû mpʉ bísyɛ́ɛla byɔ́ɔ́, byé á be yɨ́.

Mɨngwiha 22:12

Yésʉs, nye lɨ́ elɛ́ɛ ó: «Paá bee gâ: me lɨ́ enze ɨ́ báánâ! Me mû ó lɨ́ enze e myɛ́na ɨ́ mebô, ó me jánaa e mʉr nyɨnyɛ̂h syɛ́ɛ́ nyé á séa yɨ́.

1 Korɛnt 15:58

Bɨ́ɔɔ́ le okɛ́l bâm mé dí ekpɛl bá, tyɛ́bɨ́ɨ́ gá mekʉ̌ sí ɨ́ sɨ́ŋ. Kʉ́ buú séa gá syɛ́ɛ́ mé Tî Yésʉs ɨ́ jɔʼ yɨ́yɛ̂h. Gʉ́ŋáá gá ó, syɛ́ɛ́ bɨ́n dí eséa Tî Yésʉs yɨ́, yé ákóʼó dwě ntuʼ.

1 Pyɛr 5:4

Ɨ́ jɔʼ «Mbɔ̂ʼlʉ bintemě nɨ́nɨ́ɨ́» ngá báʼǎ nze yɨ́, nye ótoŋlo bɨ́n ɨ́ syɛ́ɛ́ yɨ́n yaá, lɨ́ ebôr bɨ́n bikáráá bi dí ɨ́ buo kûm bí. Byé ódidi ɨ́ ntyɛ̌n ntɨ̂ ntyɛ̌n ó, mentyɛnwa me tɨ̂ʼ adímedime, tó kumo ɨ́ twǐʼ njʉ̌m dǐ.

Ebrœ̂ 6:10

Ebě, Nzyɛ̌m, nyé abe waá onzyɛ́h ónzyɛ́h. Nye ájɨ́há syɛ́ɛ́ bɨ́n dí eséa nyé yɨ́. Nye ntémé, nyé abe e nkul ejɨhǎ kpɛ̌l bɨ́n dí elɛ̂ʼle nyé yɨ́. Yé á si nyɨ̂n ɨ́ ponó ɨ́ jɔʼ bɨ́n á be lɨ́ ekɛm bʉ̂r bé yɨ́. Bɨ̌n ntémé dína ó lɨ́ etô e menkɔ̌m maá dóló.

Galásia 6:4

Mʉr nyɨnyɛ̂h pâhlaa syɛ́ɛ́ yé, nye mʉr tɨ̂ʼ dí eséa yɨ́. Syɛ́ɛ́ yaá, yé óbě mbɨ̂mbɨá nó, nye mɛ́ɛlaa ɨ́ lɔ̌b syɛ́ɛ́ nyé mʉr tɨ̂ʼ á pa séa yɨ́ yaá. Nyě sá amɛɛla ebe nyé dí ejwɨʼa e nyʉ́ʉ́ mʉ̂r.

1 Korɛnt 3:14

Yé bé mʉr á be ó sí sumo ɨ́ nkan e sá dí edûhwǒ siʼe mbɨ̂mbɨá yɨ́ nó, nye óbi myɛ́na mé tɨ̂.

1 Korɛnt 3:9

Ebě, bɨ̌h séá ó, ɨ́ mpúhlá nyɨ́h, ɨ́ syɛ́ɛ́ mé Nzyɛ̌m. Nó ó, bɨ̌n bɨɛ ó dí pemé mé Nzyɛ̌m. Bɨ̌n ntémé bé ó mpáh Nzyɛ̌m.

Mɨngwiha 2:23

Me ntémé, me ójʉ̂ bwán bé. Ɨ́ nzɨ̌ nyaá ó bʉ̂r ó Mbɛ̌r-Nzyɛ̌m bɨ́bɛ̂h ngá gʉ́a ó, mɛm ó dí egʉ́a bíjwɨʼ ndu e bigwɨ́má bí bʉ̂r yɨ́. Me ójána mʉ̂r nyɨnyɛ̂h ɨ́ sɔ́má yɨ́n ó, dû mpʉ bísyɛ́ɛla byé dí yɨ́.

1 Korɛnt 3:7

Nó ó dí elɛ̂ʼle ó, mʉr dí ebe ndu e waá dí esʉ médíbé nyá, bé abě sɔ̂ʼ. Mʉr ngwár dí ejala e dúu nyá ó dí Nzyɛ̌m, waá á sâ ó, mpeʼ yaá, yé páhaa nyá.

1 Korɛnt 4:15

Bɨ̌n damá be le otɨ́a otɔ́ɔ́sin kám ɨ́ twiʼ yɨ́n e Krîst, bɨ̌n bé ó njɨ e sɔ́ŋ ngwár. Mɛm, me ó dí sɔ́ŋ wɨ́n á byâ bɨ̌n nyá. Ɨ́ páʼ twiʼ yɨ́n e Yésʉs-Krîst, me ó b'á byâ bɨ̌n lɨ́ enze le elɛ́ɛ bɨ́n Mbɨambɨa Lɔ́ɔ.

1 Korɛnt 9:7

Wáa mʉ̂r bisója dí eséǎ syɛ́ɛ́ bísója yé lɨ́ ejána nyé mʉr tɨ̂ʼ mɔnɨ́ ngɔ̂n nyá ɛ́? Wáa mbêl bilɨ́ dí ebe bílɨ́, ntɔ̂ʼ tine mpúmó dí egúmo tɨ̂ʼ nyɨ́ nyá ɛ́? Wáa pála bitab dí epála dáa e bítab lé, ntɔ̂ʼ kǎ bene éde médíbé mébêl mɔ́ɔ́ nyá ɛ́? Yé abe e mʉr!

Galásia 6:5

Ebě, mʉr nyɨnyɛ̂h, nye ɨ́ jala le esâ syɛ́ɛlǎ Nzyɛ̌m á pa dwe nye yɨ́.

Lʉkas 19:19

Sɔ́ŋ, nye e né ó: “Gua, mɨ́ tyêl gó njwɨ́ɨ binkana bitɛ̂n.”