1 Korɛnt 3:3 - Kálar Nzyɛ̌m : Ejwán é Sáá

³ ebě, bɨ̌n tiʼe ó mpʉ bʉ̂r ó sí yɨ̂. Bɨ̌n bé lɨ́ esâ nzwíí le egœ́a páʼ nyɨ́n. Nzê bɨ̌n bé abee náǎ ó, bɨ̌n dína ó, lɨ́ ekʉ́ tiʼě mpʉ bʉ̂r ó sí yɨ̂ʼ ɛ̌? Bɨ̌n bé lɨ́ ekʉ́ dû kʉ̌ tyen bʉ̂r ó sí yɨ̂!

Kálara Zyɛ̌m Edwán é mpʉ̌n

³ ebe, bɨn bé etiʼe-tiʼe ó, kʉ be mpʉ bʉr o si nwa. Bɨn mu ó lé esa mpɔʼa monkɔm ndwe le esiila motwii. Zê bɨn bé abee naa ó, bɨn bɨ kʉ nʉa dweʼle tiʼ mo bʉr o si nwaʼ ɛ? Bɨn bé ekʉ kœʼ ebò e cyen bʉr o si nwaʼ lé ebul kœʼ œ.

1 Korɛnt 3:3 ပူးပေါင်းရင်းမြစ်များ

Jacques 3:16

Ebě, gúmó bʉ̂r dí esâ égú, le epɨra e bʉr yɨ́, tɨ̂ʼ yé ó, le oleŋéleŋé, ndu e mebébe mimbi mímyɛ̂h.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

Galásia 5:15

Sâ gwár, bɨ́n ókoʼla, le etɛ̂l páʼ nyɨ́n mpʉ ótír ó méntwǐʼ dí esâ yɨ́ nó, bɨ̌n e bâʼ. Bɨ̌n bé ámû síe lɨ́ ejwɨ́ɨla páʼ nyɨ́n.

2 Korɛnt 12:20

Ebě, mě kpɛ́ɛ́ ó, me ámû be, abáʼǎ bɔma e bɨ̌n lɨ́ epyál lâm mpʉ mé dí egwɨ̂m yɨ́. Bɨ̌n ámû kœb mé, abě mpʉ bɨ́n bɨɛ dí egwɨ̂m yɨ́. Me ámû kœb bɨ́n lɨ́ esâ bísyɛ́ɛla bî: mentɛ́ɛ́, egú, mebúʼ, gwɨ́má épɨra e bʉr, mesyɛ́ɛla, mpǔʼ, nkɛ́á nyʉ̂l, le bintʉ̌.

1 Korɛnt 11:18

Sá ésôʼ, yé ó, ɨ́ jɔʼ bɨ́n dí esâ bígwɨ́hlá bí Mbɛ̌r-Nzyɛ̌m bín yɨ́, bé lɛ́ɛ́ mé ó, bɨ̌n bé lɨ́ esâ mpɔ́ʼá menkɔ̌m. Nó ó, me lɨ́ ebúʼla gúú páʼ lɔ́ɔ waá.

1 Korɛnt 1:11

Bɨ́ɔɔ́ bâm! Okɛ́l bâm! Bʉr ó mbɛ̌r bʉ̂r mé Klóes, bé lɛ́ɛ́ mé ó, bɨ̌n bé lɨ́ edǐ pɨra páʼ nyɨ́n.

Rôm 13:13

Mɨná, bʉr o dí etye ɨ́ móhó bá, mɨná tíʼaa gá mpʉ dí ejala yɨ́. Mɨná bé ayɨ́ lɔ̂ʼwa gá lɨ́ ede méde, nkʉ̂ puro ményoʼ, nkʉ̂ lœʼ ményʉ́l gá mɨ́ná ɨ́ nzɨ̌ bijoó, nkʉ̂ sâ bímolá nzam le ekomo. Mɨná bé ayɨ́ kǎ gœ́a páʼ gá nyɨ́ná, nkʉ̂ síila páʼ gá nyɨ́ná.

1 Pyɛr 4:2

Mbi mʉ̂r waá ókǎ títíʼe ɨ́ sí yɨ̂ʼ ó, njɨ lɨ́ elóŋlǒ gwɨ́má mé Nzyɛ̌m. Ɨ́ jɔʼ nyé óbe, nye dína ɨ́ nyʉ̂l bipúno yɨ́, nye ósyɛ̂hle bísyɛ́ɛla bi dí eduho ɨ́ bigwɨ́má bí bʉ̂r bí.

1 Korɛnt 1:10

Bɨ́ɔɔ́ bâm! Okɛ́l bâm! Me lɨ́ ejɨʼla e bɨ̌n ɨ́ díé mé Tî gá wɨ́ná, Yésʉs-Krîst: diʼee gá twíí. Mpɔ́ʼá menkɔ̌m, nye ayɨ́ be ɨ́ sɔ́má yɨ́n tʉ́ŋlʉ̌. Me lɨ́ ejɨʼla ó, bɨ̌n díʼee ɨ́ mpúhlá nyɨ́n mbɨ̂mbɨá, mipahlá mimpwár, gwɨ́má gwár.

1 Korɛnt 3:4

Jɔʼ nyâʼ mʉ̂r ɨ́ sɔ́má yɨ́n lɛ́ɛ́ ó: «Me ó mpʉ́n mé Pɔ̂l,» nyʉ́ʉ́, nye ó: «Mɛm, me ó mpʉ́n mé Ápolos» yɨ́, nzê bɨ̌n bé abee náǎ ó, bɨ̌n sá ó mpʉ bʉ̂r ó sí yɨ̂ʼ ɨ̌?