1 Korɛnt 2:5 - Kálar Nzyɛ̌m : Ejwán é Sáá

⁵ Nó ó bɨ́n bé á nʉa pîm búʼó ɨ́ nkul dí eduho kwá mé Nzyɛ̌m nyɨ́, abe nyaá dí eduho lɨ́ ocwóó ó bʉ̂r nyɨ́ yɨ́.

Kálara Zyɛ̌m Edwán é mpʉ̌n

⁵ No ó bɨn bé a nʉa pim é buʼo e nkul lé eduho boo Zyɛm ɨ, abe waa lé eduho é l'ocyoo o bʉr ɨ.

1 Korɛnt 2:5 ပူးပေါင်းရင်းမြစ်များ

2 Korɛnt 4:7

Tó kœb ó, bɨ̌h bʉr o dí ebee kûm mé Nzyɛ̌m bá, bɨ̌h baʼle ókúm waá ó, ɨ́ mikáʼ mí déʼé. Mikáʼ mí déʼé myaá, myé ó menyʉ́l gá mɨ́ná. Yê bɨ̌h nó ó, yé nkʉ̂ gʉ́a nyɨ̂n ɨ́ sʉ́lʉ́lʉ́ ó, nkǔl nɨ́nɨ́ɨ́ mɨ́ná dí gá e nye nyɨ́, nyě duhó ó, kwá mé Nzyɛ̌m, abe ɨ́ bɨ̌h bʉr o tɨ̂.

2 Korɛnt 12:9

Nó nyé á ka yala e me ó: «Ncwɨ́ncwɨ́a mé dí elɛ̂ʼle gó nyɨ́, nyɨ́ jala e go, ebě, nkul nyǎm kʉ́ nyɨnyɨ̂n ntinɨ̂ e ntinɨ̂ ó, ɨ́ jɔʼ nyé gbáŋɔ́ɔ́ ɨ́ mʉr dí ɨ́ tyɛʼ nyá yɨ́.» Nó mé ókpɛl énkʉ́na ɨ́ lɔ̌b étyɛʼ lâm ɨ́ mbi ngá sahle wɨ́ yɨ́. Nó ntémé ó nkûl mé Krîst ódi ɨ́ me yɨ́.

2 Korɛnt 6:7

túnó bɨ́h dí etúno ótyeetye wɨ́, nkǔl nɨ́nɨ́ɨ́ mé Nzyɛ̌m, bisá bí mɔ̂m bɨ́h dí elwímla dɔ̂m lɨ́ esú lé ótîtyěl mé Nzyɛ̌m e tɨ̂ʼ bí, bîʼ le ejʉ̂m, byúú le emyɛ̌l,

1 Korɛnt 1:17

Krîst á bé alómo mé ó, me tôʼ le edu bʉ̂r. Nye á lómo me ó, me tôʼ le etúnǒ Mbɨambɨa Lɔ́ɔ. Me túnaa wé, abě túnó pɨ̂ʼ bʉr, lɨ́ esú ó, eswie nyé á dwe ɨ́ kolôs lɨ́, lé nkʉ̂ be, adímle ódimé wé.

1 Korɛnt 3:6

Mɛm, me á si be mpeʼ; Ápolos nyɨɛ nzě sʉ médíbé. Sâ gwár, Nzyɛ̌m ó b'á sâ ó, yé páhaa.

Mɨlʉmlʉ 16:14

Ɨ́ tɨ̂ʼ ɨ́ sɔ́má bʉ́bá yaá, yé á be ó e mʉmá á be e díe ó, Lidía, waá á duhǒ Teatîr nyá. Nye á bɨbɛ́ma ó, mikán mí kaá e kaá. Nye á bɨbe ó, lɨ́ egúmlǒ Nzyɛ̌m. Nye nzě jóʼo bɨ́h, Dâ Nzyɛ̌m nzě tyɛ̂b nyé ɨ́ léme ó, nye gwâ jôʼlǒ sá Pɔ̂l á lwilwib yɨ́.