1 Korɛnt 15:3 - Kálar Nzyɛ̌m : Ejwán é Sáá

³ Me á bě sí kala bɨ́n lɔ́ɔ́ mé á lɛ́ɔɔ wɨ́. Wé ɨ́ bwǎʼ nyɔm. Wé ó nɛ́ɛ: Krîst, nye á si búra e misyóm gá míná mpʉ yé á boo be cɛmá ɨ́ Mekaná mé Nzyɛ̌m yɨ́.

Kálara Zyɛ̌m Edwán é mpʉ̌n

³ Me a be ó si ntɛŋ bɨn lɔɔ me a lɛɔ, waa ndɨ é bwaʼ nyɔm ɨ. Wé ó nɛɛ: Krɨst a si jala e mɨsyem ga mina, mpʉ yé a bɛa be tila é Kalara Zyɛm ɨ.

1 Korɛnt 15:3 ပူးပေါင်းရင်းမြစ်များ

1 Pyɛr 2:24

Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.

Galásia 1:4

Yésʉs-Krîst mʉr tɨ̂ʼ á si dwe twiʼ yé, nzě búra e misyóm gá míná. Mpʉ nyé á jala e myé yɨ́, nyɨ́ dwih mɨ́ná gá ɨ́ sɔ́má ósyɛ̂l o mísyóm ó myǎ wɨ̂. Yésʉs á sâ nó ó, mpʉ̌ Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá, á kpɛl yɨ́.

1 Yʉanes 2:2

Ebě, Yésʉs-Krîst, nye ó mʉr á búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé nyá. Abě njɨ myaá gá míná, myé omér. Nye á dwe twiʼ ó, lɨ́ esú é bʉ̂r ó sí yɨ́yɛ̂h.

Galásia 1:12

Me á bé ajóʼo wé ɨ́ num nyʉ́ʉ́ mʉ̂r. Abe ntémé e mʉr á lɛ̂ʼle me wǎ. Yésʉs-Krîst mʉr tɨ̂ʼ ó b'á gwîh me wǎ.

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.

Rôm 4:25

Yésʉs waá, bʉr, bé á si bɛ́ma nye. Nye nzě búra e misyóm gá míná. Píe tɨ̂, Nzyɛ̌m nzě pɛh nyé ó, nye dwêʼ mɨná gá nkam ɨ́ nzɨ̌ nyé.

Éfɛsɔs 5:2

Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

1 Korɛnt 11:23

Lɛ́ʼlá Dâ á dwe me wɨ́, wé ó mé múo nzě kala bɨ́n wɨ̂. Wé ó: Tî Yésʉs, ɨ́ pum bé á bɛ́ma nye wɨ́, nye á si nʉa blêr,

Mɨlʉmlʉ 3:18

Tó kœb ó, Nzyɛ̌m á lóŋlo ekǎn nyé á lɛ́ɛ ɨ́ minum mí ógwíha o mílɔ̌b bɨ́bɛ̂h lɨ́ ó, cɨɨ e nzɨ̌ syɛ́ɛla yɨ́n yaá. Nye á lɛ́ɛ ó, yé jɨ ó, mʉr nyé á lœm múló mé jwɨ́ɨ nyá nkɛ́yɨɨ mitúú mpʉ́nʉ̌.

Yʉanes 1:29

Ɨ́ mɛ́n tɨ̂, Yʉánɛs kǎ bee ó, Yésʉs lɨ́ enze kwá nyé. Yʉánɛs nzě lɛ́ɛ ó: «Beyɨɨ gá Mâ Nteme mé Nzyɛ̌m dí edwih mísyóm mí sí mímyɛ̂h nyá!

1 Pyɛr 1:11

Bé á be ó lɨ́ egwɨ̂m égʉ́a mʉ̂r Sísǐm mé Krîst á lwilwib, dumo e né nyá, le jɔʼ nyé ótíʼe yɨ́. Tó kœb ó, Sísǐm mé Nzyɛ̌m, wé á boʼlo ó, dumo e mitúú Krîst á jala le esia e myé mí, ti e kûm nyé ókǎ báʼǎ bi píe tɨ̂ʼ nyɨ́. Nye á boʼlo nó ó, bisyɛ́ɛla bi tɨ̂ʼ dína apǎ syɛ́ɛ.

Éfɛsɔs 1:7

Mwân waá ó b'á pyêl metié mé, ntɔ̂ʼ búra e mɨná gâ. Nye á sâ nó ó, nye táŋaa góo, ó nye dwíhɨɨ mɨná gá ɨ́ mpila ébébe. Nye ó b'á sâ ntémé ó, Nzyɛ̌m pɛ́ʼɛɛ bibaa bí ébébe nyé á niʼe mɨná gá bí. Nzyɛ̌m á sâ mɨná gá bisyɛ́ɛla byaá ó, lɨ́ elɛ̂ʼle mɨ́ná gá mpwaʼ mpam nyé.

Galásia 3:13

Mpʉ mɨ́ná dí abaʼle gá metié yɨ́, nó ó, Nzyɛ̌m, nyɨ́ syɛm mɨ́ná gâ. Sâ gwár, Yésʉs-Krîst á si dwih mɨná gá ɨ́ mpila ébébe, le enʉa méswomlʉ maá mɨ́mɛ̂h ɨ́ nyʉ̂l nyé lɨ́ esú gá lɨ́ná, ebě, yê cɛmá ó: Mʉr nyɨnyɛ̂h á tyelɔɔ ɨ́ lɨ́ kʉ́ nyá, nye ó waá Nzyɛ̌m á syɛm nyá.

Rôm 3:25

Nzyɛ̌m á ntɨh nye ó, nye ntáa dwe, búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé. Nye á dwe ó, nye nkʉ̂ kɛm bʉ̂r o dí ebúʼlǎ ndwéá métié waá bá. Ɨ́ nzéá Yésʉs-Krîst á nze wɨ́, Nzyɛ̌m á si lɛ̂ʼle mpʉ nyé dí tîtyěl yɨ́. Misyóm bʉ̂r bé á boo sɨ̂sa mí, Nzyɛ̌m á si bu dûhwo myê, kʉ́ lɛŋ myé ɨ́ buo buo, alwib.

Mataos 26:28

Ebě, metié mâm ó mâ, metié mû lɨ́ eswɨɨ lɨ́ esú ó, Nzyɛ̌m tyélɨɨ saá páʼ nyɔ́ɔ́ le bʉr ɨ́ buo buo má. Nyě tyél nyé ó, nye nkʉ̂ pɛʼ bé bibaa bí ébébe byɔ́ɔ́.

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

Ebrœ̂ 5:3

Sâ yaá ó nyé dí ejala le etáa mébyaʼ mé ɨ́ lɔ̌b mísyóm myé jwɨʼ gwár e gwár e mpʉ nyé jálá le etáa mébyaʼ me bʉ́ʉ́ bʉ̂r yɨ́.

Ebrœ̂ 5:1

Ebě, bé pɨ́pɛ́h njwɨ́ɨ opara nyɨnyɛ̂h ó, tʉ́ŋlʉ̌ bʉr. Nye tyélá ɨ́ dǐ yaá ó, nye tyɛ́bɨɨ ɨ́ medilá me bʉ̂r ɨ́ páʼ bísâ bi dí edwɛ̂ʼ Nzyɛ̌m bí. Nye ó mʉr dí etɨtáa mébyaʼ mɔ́ɔ́ nyá, le edîʼ Nzyɛ̌m mindwéá.

1 Korɛnt 11:2

Me lɨ́ esêʼle bɨ́n ebe bɨ́n dí ebuú toŋlo mé ɨ́ bijɔʼ bíbyɛ̂h ndu e ntémé ó, bɨ̌n bé lɨ́ ebaʼle le edû mílɛ́ʼlá mé á kala bɨ̌n mí.

Mataos 26:24

Yé ó nó. Mwân mé Mʉr ódwě mpʉ yé á boo be cɛmá ɨ́ lɔ̌b wé yɨ́. Sâ gwár, nkoó, nye ó e mʉr ngá bɛ́ma Mwân mé Mʉr nyá! Yé á gwa mbɨa mʉr waá ó, mpa nye á bé abyɛ̂l!»

Lʉkas 24:25

Nó ó Yésʉs á nze lɛ́ɛ e bé ó: «Bɨ̌n bigʉʼlʉgʉ́, bɨ̌n bé ɨ́ buo mésónó, alɨ̌ bûʼlǎ lɔ́ɔ́ ógwíha o mílɔ̌b bé, bé á cɛma wɨ́.

Mɨlʉmlʉ 8:32

Náǎ yé ó, pêh Mékaná mé Nzyɛ̌m nyé á lɨláa yɨ́, yé á lɛ́ɛ ó: “Nye á di ó mpʉ̌ nteme mû lɨ́ etó tíʼɔɔ twíí yɨ́. Nye á be ó mpʉ mâ nteme dídí ɨ́ puuu ɨ́ jɔʼ bé dí ecɨa nyé myě yɨ́ nyá. Nye á bé abɛ́ɛ̌ num.

Mɨlʉmlʉ 17:2

Pɔ̂l ntɔ̂ʼ nî tɨ̂ʼ mpʉ métum mé, mé á boo be yɨ́. Ɨ́ mimóhó mí sábat milɛ̂l, nye á be lɨ́ elɛ̂ʼle bʉ̂r o b'á be tɨ̂ʼ bá, lɨ́ elɛ́ɛ bé milɔ̌b mi dí lɨ́ Mekaná mé Nzyɛ̌m mí.