1 Korɛnt 14:3 - Kálar Nzyɛ̌m : Ejwán é Sáá

³ Tó kœb ó, ngwíha milɔ̌b mé Nzyɛ̌m nyɨɛ, nye ó dí elwib e bʉr o bé e boo nɔ́ɔ́ dí bá. Nye lɨ́ egbâ bé pîm ɨ́ búʼó, le etɨ́e bé, le epóblo bê.

Kálara Zyɛ̌m Edwán é mpʉ̌n

³ To kœb ó, waa ndɨ egwih mɨfela mɨlɔb ɨ, nye elwib e bʉr o bé e boo nɔɔ ndɨ ɨ. Nye ó e nyɔm, ebe, nye egba be nkul é monyʉl le edwaŋle be mɨleme.

1 Korɛnt 14:3 ပူးပေါင်းရင်းမြစ်များ

1 Korɛnt 14:12

Nó mpʉ bɨ́n dí egbâ ményʉ́l mɨ́n, ó bɨ̌n bi ó mindwéá mé Sísǐm mé Nzyɛ̌m yɨ́, sáŋáá gá myé bé. Diʼee gá milwɨ́ŋlá. Buú sáa gá mindwéá mi dí egbâ Mbɛ̌r-Nzyɛ̌m pîm ɨ́ búʼó mí.

1 Timotɛ 4:13

Tó pyâl ɨ́ jɔʼ mé ngá nze gʉ̂ʼ kwá nyǒ yɨ́, sáʼ sɨ́n lɨ́ eláa Mékaná mé Nzyɛ̌m ɨ́ kpɛŋlɛm, le egbâ bʉ̂r nkul ɨ́ miléme, le elɛ̂ʼle bê.

Yʉ̂d 1:20

Bɨ̌n bɨɛ, bʉr ó kpɛ̌l bâm, búʼó bɨ́n dí e yé, yaá dí tí yɨ́, nʉaa gá pîm ɨ́ búʼó yaá. Jɨjɨʼlaa gá ntémé e nzɨ̌ Sísǐm mé Nzyɛ̌m.

Títos 1:9

Nye díʼee lará e lɔ́ɔ́ búʼó yɨ́ná, waá bé dí eboó lɛ̂ʼle wɨ́. Nó ó nyé óbe e nkul egwá tɨ́e bʉ́ʉ́ bʉ̂r yɨ́. Lɛ́ʼlá mpâ mɨ́ná dí edwe gá wɨ́, wé ólɛ̂ʼle bʉ̂r o dí epére mékǎn e mɨná bá bigwǐh byɔ́ɔ́.

Éfɛsɔs 6:22

Mě lómló bɨ́n nyǎ ó, nye tôʼ lɛ́ɛ bɨ́n milɔ́ɔ́ mí twiʼ yɨ́h, le enzě gbâ bɨ́n pîm ɨ́ búʼó.

2 Timotɛ 4:2

túnáá Mbɨambɨa Lɔ́ɔ. Diʼee ɨ́ cǎr ó, go túnaa wé ɨ́ bijɔʼ bi dí ejala e túnó waá bí, ti e byaá bi dí ajala e wé bí. Dwéʼ bʉ̂r mebě ɨ́ mebébe mɔ́ɔ́. Lɛ́ʼláá bé mebě mɔ́ɔ́. Gbáʼ bé pîm ɨ́ búʼó. Sáʼ nó e bíhwó, ti e milɛ́ʼlá mímpâ.

Títos 2:6

Tɨ́áá mísohó ntémé ó, myé gʉ́ŋaa epahle mbɨ̂mbɨá.

1 Korɛnt 14:31

Sɨ́sáʼ gá nó, ebě, bɨ̌n bé e nkul egwîh mílɔ̌b mé Nzyɛ̌m mʉr ngúngwár, lɨ́ esú ó bʉr bɨ́bɛ̂h, bé jɨ́ʼɨɨ milɛ́ʼlá, bʉr bɨ́bɛ̂h lɨ́ ebi nkûl ɨ́ milémé myɔ́ɔ́ tɨ̂.

1 Korɛnt 14:26

Bɨ́ɔɔ́ bâm! Okɛ́l bâm! Mɨná bé ókǎ lɛ́ɛ gá nyá? Jɔʼ bɨ́n dí egwɨ̂hla yɨ́, nyâʼ mʉ̂r, nye ó e jɨ́m nyé ódyɛɛ yɨ́. Nyʉ́ʉ́, e lɛ́ʼlá nyé ódwe wɨ́. Nyʉ́ʉ́, e gúú solá sɔ̂ʼ nyé ógwîh wɨ́. Nyʉ́ʉ́, nyě e lɔ́ɔ ɨ́ lwǐb ayogoyogo. Nyʉ́ʉ́, nyě e nkul epâʼlǎ sá lwǐb ayogoyogo yaá dí elɛ́ɛ yɨ́. Yé jala ó, syɛ́ɛla yaá yɨ́yɛ̂h gbâʼ Mbɛ̌r-Nzyɛ̌m pîm ɨ́ búʼó.

Rôm 14:19

Mpʉ yé dí nó yɨ́, mɨná gbâʼ gá nkul lɨ́ esâ bísyɛ́ɛla bi dí esâ ó, sɔ́má gá yɨ́ná tíʼaa ɨ́ mepyɛbla bí, ti e byaá ngá sâ ó, bʉ́ʉ́ bʉ̂r, bé gwɨ́aa ɨ́ búʼó bí!

Mɨlʉmlʉ 13:15

Píe métié le mekaná mé ógwíha o mílɔ̌b, mé á sîl eláŋɔɔ yɨ́, nó ójwɨ́ɨ o mpáh bisulá, bé á sâ ó, bé lɛ́yɨɨ ó: «Bɨ́ɔɔ́, yé bé nyʉ́ʉ́ mʉ̂r ɨ́ sɔ́má yɨ́n, nyě e sá élɛ́ɛ dí e nkul egbâ bʉ̂r nkul ɨ́ miléme nó, nye lɛ́yɨɨ bʉr yǎ ɨ́ báánâ.»

Títos 2:9

Bitúʼǎ, byé ɨ́ jala le edi ɨ́ jwɨ́ɨ́ ósɔ́ŋ bɔ́ɔ́ ó, ɨ́ bijɔʼ bíbyɛ̂h. Byé sáŋaa menzɨ̌ ó, ojwɨ́ɨ́ bɔ́ɔ́, bé béyɨɨ bisyɛ́ɛla byɔ́ɔ́ mbɨ̂mbɨá. Byé ayɨ́ do e bê.

1 Tesalonika 2:3

Mpʉ bɨ́h dí edwe bɨ́n nkul ɨ́ nzɨ̌ Mbɨambɨa Lɔ́ɔ́ wé yɨ́, yé á bé abě gwǐh ɨ́ wɨ́h pâʼ. Yé á bé aduho ɨ́ lémé mpîr, nkʉ̂ ɨ́ mikóo mé nyʉ́ʉ́ mʉ̂r.

1 Korɛnt 10:23

Bʉ́ʉ́ bʉ̂r, bé lɛ́ɛ́ ó: «Mɨná bé e nkul esâ gá sá yɨ́yɛ̂h.» Yé ó nó. Sâ gwár, ntʉ̌ sá yɨ́yɛ̂h dí e nyɔm. «Mɨná bé e nkul esâ gá sá yɨ́yɛ̂h.» Yé ó nó. Sâ gwár, ntʉ̌ sá yɨ́yɛ̂h dí e nkul etyen bʉ̂r lɨ́ esóʼ é nzɨ́ mbɨ̂mbɨá.

1 Pyɛr 5:12

Bɨ̌h e Silâs ó dí ecɛma bɨ́n bwá mékaná mâ. Mɛ̌m bee ó, nye me ó mʉr ebúʼlɔɔ. Mě cɛmá bɨ́n ó e gwɨ́má égbâ bɨ́n nkul ɨ́ miléme. Mě boʼlo ntémé ó, mpam bɨ́n mû lɨ́ ebi ɨ́ nzɨ̌ mé Yésʉs nyɨ́, nye ó mpam mpâ mé Nzyɛ̌m.

Ebrœ̂ 13:22

Bɨ́ɔɔ́ bâm! Okɛ́l bâm! Me cɛmá bɨ́n ó, bɨ̌n bíʼee nkul ɨ́ miléme. Me cɛmá ó, mekǎn abuo. Nó ó, mě jɨʼlá e bɨ̌n ó, bɨ̌n dûhwaa mekǎn maá lɨ́ ejóʼo!

Ebrœ̂ 10:25

Adû gá tum bʉ́ʉ́ bʉ̂r mû e né nyɨ́: lɨ́ ekpɛ́ɛ bígwɨ́hlá gá bíná. Gbáʼ gá nkul ɨ́ dwííí lɨ́ esisyɛŋa. Kʉ́ gbáʼ gá nkul ɨ́ miléme páʼ nyɨ́n ɨ́ mpʉ mɨ́ná mû lɨ́ ebee gá dʉ́ó é Tî gá wɨ́ná mû lɨ́ enze yɨ́.

Títos 2:15

Nó ó gó jálá le elwib e bʉr, le tɨ́e bé yɨ́. Lɛ́ʼláá bʉ̂r mebébe mɔ́ɔ́ e nkul jwɨ́ɨ nyǒ nyɨnyɛ̂h. Mʉ̌r sá apyêh gô.

1 Timotɛ 6:2

Nó, bitúʼǎ bi dí ejóʼo le obûʼla mé Nzyɛ̌m bí, byé ajala le epyêh ójwɨ́ɨ bɔ́ɔ́ dɔɔ́ le ebe ó, bé ó bɨ́ɔɔ́ ɨ́ búʼó tʉ́ŋlʉ̌. Byé séaa bé syɛ́ɛ́ túʼǎ yɔ́ɔ́ mbɨ̂mbɨá, bɨ́ɛ lɨ́ egʉ́a ó, bʉr o dí edira mínyɔm ɨ́ bisyɛ́ɛ́ byaá bá, bé ntémé, bé ó obûʼla, bɨ́ɔɔ́ bɔ́ɔ́ be dí ekpɛl bá. Bisá bîʼ ó gó jálá le elɛ̂ʼle le etɨ́e bʉ̂r bí.

1 Timotɛ 1:4

Go e lɛ́ɛ́ bé ó, bé ayɨ́ dû nzɨ́ bikɨkɛna. Bé sá ajóʼo ólɔ́ɔ o bíntán ó mímbɛ̌r mi bʉ̂r, sá dí abe le odumo yɨ́. Bisâ byaá, byé dulo ó nzyɛ́ɛ́lá mecwíí. Ɨ́ páʼ mé Nzyɛ̌m, byé abe e nyɔm. Mɨná nyɨɛ́ lóŋló syɛ́ɛ́ yé ó, ɨ́ nzɨ̌ búʼó yɨ́ná.

2 Tesalonika 3:12

Nó ó, ɨ́ nkǒ páʼ bʉ̂r baá, bɨ̌h tɨ́tɨ́é bé ɨ́ díé mé Tî Yésʉs-Krîst ó, bé séaa bisyɛ́ɛ́ byɔ́ɔ́ ɨ́ puuu. Bé obi méde mɔ́ɔ́, duho ɨ́ bisyɛ́ɛ́ mébó mɔ́ɔ́.

1 Tesalonika 4:18

Sá tɨ̂ʼ ó bɨ́n jálá le egbâ bɨ́n bʉr o tɨ̂ʼ nkul ɨ́ miléme, lɨ́ elɛ́a mílɔ̌b mínɨ̌ páʼ nyɨ́n yɨ́.

1 Tesalonika 4:1

Bɨ́ɔɔ́ bâm! Okɛ́l bâm! Bɨ̌h bé á si tɨ́e bɨ̌n mpʉ bɨ́n jálá le etíʼě mbǐ twǐʼ Nzyɛ̌m dí ekpɛl wɨ́ yɨ́. Bɨ̌n ntémé mû ó lɨ́ etíʼe nó. Damá jóʼo nó, bɨ̌h bé lɨ́ edî bɨ́n, le etɨ́e bɨ́n ɨ́ díé mé Tî Yésʉs ó, bɨ̌n tôʼ le esâ njɨ nó, ɨ́ buo buo!

1 Tesalonika 3:2

bɨ̌h bé ɨ́ jala yɨ́ɛ le elómǒ Timotɛ̂ kwá nyɨ́n. Nye ó mɨ́ɔɔ́ gá wɨ́ná ndu e syɛ̂l mesâ mé Nzyɛ̌m, dí etúnǒ Mbɨambɨa Lɔ́ɔ́ mé Krîst nyá. Bɨ̌h bé á lómo nye ó, nye lɨ́lɨɨ bɨ̌n ɨ́ búʼó, le esâ ó, bɨ̌n tôʼ dóló le edyɛ̂ʼwo e Krîst.

1 Tesalonika 2:11

Bɨ̌n bé lɨ́ ekʉ́ gʉ́a ntémé ó, bɨ̌h bé á si cwɨ́a e mʉr nyɨnyɛ̂h ɨ́ sɔ́má yɨ́n mpʉ sɔ́ŋ dí ecwɨ́a e bwán bé yɨ́.

Kolosi 4:8

Nye ó mʉr mé á lómo bɨ̌n nyá, ó nye tôʼ lɛ́ɛ bɨ́n mpʉ̌ twiʼ yɨ́h dí elaa yɨ́, le esul bɨ́n miléme sí.

Éfɛsɔs 4:29

Mʉr alwib gá ekǎn e dí e bibol tɨ̂ʼ lɨ́. Nye lwíbɨɨ njɨ sá ngá be e nyɔm lɨ́ esú lé égbâ bʉ́ʉ́ bʉ̂r pîm ɨ́ búʼó yɨ́. Nye jáa lwǐb njɨ sá dí ɨ́ mbɨa yɨ́, lɨ́ esú ó, Nzyɛ̌m sʉ́ʼoo bʉr o dí ejóʼo nyé bá metyɛʼ me mpóm.

2 Korɛnt 2:7

Nó ó, ɨ́ báánâ, yé mû ó jɔʼ dí ó, bɨ̌n pɛ́ʼɛɛ bibaa bí ébébe bɨ́n á láa nye bí yɨ́. Yé ó jɔʼ égbâ nyé pîm ɨ́ búʼó, ebě, nyʉ̂l, nye ámû jaá tyɛʼ nyê.

2 Korɛnt 1:4

Nyě gbá bɨ́h nkul ɨ́ miléme ó, ɨ́ jɔʼ bɨ́h dí esia e mitúú yɨ́. Nye ó mʉr dí etyɛ̂b bɨ́h ɨ́ miléme, ó bɨ̌h gbâʼ bʉ́ʉ́ bʉ̂r nkul ɨ́ myɔ́ɔ́ míléme mbi ngwár waá nyá. Ɨ́ jɔʼ bé dí esia e myɔ́ɔ́ mítúú yɨ́, bɨ̌h ó dí ekɛm bé e nzɨ̌ menkɔ̌m bɨ́h bɨɛ bé á nyɛɛ sáŋɔɔ, mé á duho kwá mé Nzyɛ̌m má.

1 Korɛnt 14:17

Gǒ damá dwě Nzyɛ̌m nzyǒo ɨ́ minjɨʼla myaá, abe e mʉr ónʉa pîm ɨ́ búʼó ɨ́ lɔ̌b mínjɨʼla myô myaá.

1 Korɛnt 8:1

Ɨ́ nkǒ páʼ ótír o dí ebaŋɔɔ ɨ́ nzaá bikpɛʼkpɛ̂ʼ bí ónzyɛ̌m bá, mɨná gá óbɛ̂h, bé ɨ́ buú gʉ́ǎ mpʉ bɨ́n dí elɛ́ɛ yɨ́. Tó kœb ó, ngwɨ́á dwídwé mʉ̂r ó, enkɛ́ɛ e nyʉ̂l. Bʉr, bé buú dirǎ nyɔm ó e kpɛ̌l.

Rôm 15:2

Mʉr nyɨnyɛ̂h ɨ́ sɔ́má gá yɨ́ná, nye sâʼ syɛ́ɛla mɨ́ɔɔ́ wé mʉr ókpɛl yɨ́. Nye sâʼ yaá yé óbɛ̌m be e nyɔm ɨ́ páʼ mɨ́ɔɔ́ waá ó, nye gwɨ́aa ɨ́ búʼó yɨ́!

Rôm 12:8

Yé bé nye á dwe gua ó, metwɨ́ɨ́ me dí egbâ bʉ̂r nkul ɨ́ miléme má nó, gbáʼ bé nkul nyaá. Yé bé nye á si dwe gua nkul ekab báántéʼenteʼe o bʉ̂r mebi nó, dwéʼ bé mǎ e lémé gô wɨ́wɛ̂h. Yé bé nye á tyêl gua ó, ɨ́ dǐ tyɛ̂b esôʼ nó, léme díʼee go ɨ́ báná báná ó, go séaa syɛ́ɛ́ yaá mbɨ̂mbɨá. Yé bé nye á dwe gua ó, ndwéá écwɨ́a e bʉ́ʉ́ bʉ̂r nó, lɛ́ʼláá bé mpam nyaá e bisʉhʉʉ.

Mɨlʉmlʉ 15:32

Yʉ́da, bé e Silâs, bé á be ntémé ó, ogwíha o mílɔ̌b. Bé á si bu lɛ́ɛla e bɨ́ɔɔ́ bɨ́ná baá, lɨ́ etɨ́e bê, le egbâ bé nkul ɨ́ miléme.

Mɨlʉmlʉ 14:22

Bê nzě gbâ ómpʉ́n nkul ɨ́ miléme, le etɨ́e bé ó, bé tôʼ le edû búʼó gá yɨ́ná. Bé e bé ó: «Mɨ́ná bé ókpɛl gá enî ɨ́ Mpóʼo mé Nzyɛ̌m nó, mɨná bé ɨ́ jala le enyɛɛ́ sia gá e mitúú e mindɛ̌l ɨ́ buo buo.»

Mɨlʉmlʉ 9:31

Mbɛ̌r-Nzyɛ̌m nzě bi mépyɛbla, táare ɨ́ sí Yʉ́da, kala ɨ́ yaá Samarî, kumǒ kumáa ɨ́ yaá Galilê yɨ́yɛ̂h. Wé á si bu nʉa pîm le megwɨ́e. Mbɛ̌r-Nzyɛ̌m ntɔ̂ʼ bwaʼ ɨ́ nzɨ̌ Sísǐm mé Nzyɛ̌m. Wé á titiʼe ntémé ó, lɨ́ ekʉ́ dwáawo Tî Yésʉs.

Lʉkas 3:18

Nó nyé á nze baʼa tɨ́e bé ɨ́ myúú mílɔ̌b ɨ́ buo buo, le elɛ́ɛ bé Mbɨambɨa Lɔ́ɔ.

Ebrœ̂ 3:13

Dyɛ́m bɨ́n dína mûh sɔ́má yɨ́, yé mbɨa ó, bɨ̌n dwîdweelaa melɨ́ páʼ nyɨ́n móhó wɨ́wɛ̂h. Sá tɨ̂ʼ ó mísyóm, myé óbe, alɨl bɨ́n miléme, nkʉ̂ dímle nyʉ́ʉ́ mʉ̂r ɨ́ sɔ́má yɨ́n ɨ́ nzɨ̌ mikóo yɨ́.

Mɨlʉmlʉ 4:36

Yé á be ó e nyʉ́ʉ́ mpʉ́n á be e díe ó, Yóseb nyá, mʉr onzweh mé Levî, waá á byɛ̂l ɨ́ tíhé Swiprʉ̂s nyá. Bʉr o mílʉ́mlʉ́, bé á ka jwɨr nye lʉ́ʉ́ díe ó, Banabâs. (Nó yé páʼlɔ́ɔ́ ó: “Póblobʉr”.)