1 Korɛnt 13:8 - Kálar Nzyɛ̌m : Ejwán é Sáá

⁸ Kpɛ̌l, yé ásíe. Mingwíhá mílɔ̌b míɛ, myé ósíe. Bʉr o dí elwib báayogoyogo bá, bé ógwâʼ ésâ nó. Ngwɨ́á bʉ̂r, bé á nyɛɛ be e wé wɨ́, wé ósíe.

Kálara Zyɛ̌m Edwán é mpʉ̌n

⁸ Kpɛl, yé ásie. Mɨlɛa mɨ ogwiha o mɨlɔb myɛɛ, myé ósie. Bʉr o mu lé elwib bɨlɔblɔb ɨ, bé ógwaʼ lé esa no. Ngwɨa bʉr, bé a taare be e we e, wé ósie.

1 Korɛnt 13:8 ပူးပေါင်းရင်းမြစ်များ

1 Korɛnt 13:13

Nó ó, ɨ́ báánâ, búʼó, mpûʼla ti e kpɛ̌l, byé ó tɨ̂: bisá bílɛ̂l. Ɨ́ bisá bílɛ̂l byaá, yaá dí elaa byaá byúú yɨ́, yé ó kpɛ̌l.

Galásia 5:6

Nyʉ́ʉ́ mʉ̂r óbe ɨ́ mpúhlá, bé e Yésʉs-Krîst nó, lɛ́ɛ́, etíʼɔɔ mpʉ́n, lé ákǎ be nyé e nyɔm. Nyé óbe, atíʼɔɔ mpʉ́n nó, syɛ́ɛla yaá, yé ántɨ̂ʼ sɔ̂ʼ. Yé ó jwɨʼ gwár ɨ́ páʼ mʉ̂r waá. Sá dí e nyɔm yɨ́, yé ó búʼó dí enyɨ̂n ɨ́ bisyɛ́ɛla bi mpâm yɨ́.

Mɨlʉmlʉ 2:4

Bɨ́bɛ̂h, bé á be ó, bé mû lwɨ́ŋlá e Sísǐm mé Nzyɛ̌m. Bé ntɔ̂ʼ táare élwib bílwǐb biswîh, byaá Sísǐm mé Nzyɛ̌m wé á dwe bé nkul ó, bé lwíbɨɨ bí.

Ebrœ̂ 8:13

Ɨ́ mpʉ̌ Nzyɛ̌m á jébe saá mbá «edwán é sáá» yɨ́, nye á si liŋ nyaá esôʼ mbǒr. Nó ó, sá mû mbǒr, nkʉ̂ yaá mû sí jwɨm yɨ́, yé mû ntémé ó kúno edîm yɨ́yɛ̂h!

1 Korɛnt 13:10

Ɨ́ jɔ̌ʼ Nzyɛ̌m óbe, nye mû sí komlo bísá bíbyɛ̂h ɨ́ mipáʼ mímyɛ̂h yɨ́, nyé opɛʼ yaá yé á bɨbe pêh yɨ́.

1 Korɛnt 12:10

Sísǐm mé Nzyɛ̌m, nye lɨ́ edwe nyâʼ mʉ̂r nkul esâ mésimá; dwe nyʉ́ʉ́ mʉ̂r nkul egwîh mílɔ̌b mé Nzyɛ̌m. Nye lɨ́ edwe nyʉ́ʉ́ mʉ̂r nkul egbâ mímbɔ́ʼ páʼ wɨ̂ʼ mbǐ sísǐm, bé e gúú mbǐ sísǐm. Nye lɨ́ edwe nyʉ́ʉ́ mʉ̂r nkul elwib báayogoyogo. Nyě dwé nyʉ́ʉ́ mʉ̂r pɨʼ ó, nye pâʼlaa sá mʉ̂r waá lɛ́ɛ́ ɨ́ lwǐb ayogoyogo yaá yɨ́.

Mɨlʉmlʉ 19:6

Ɨ́ jɔ̌ʼ Pɔ̂l á kɛl bé mebô yɨ́, Sísǐm mé Nzyɛ̌m ntɔ̂ʼ sulo bé ɨ́ menyʉ̂l, bé ntɔ̂ʼ táare élwib bílwǐb biswîh, le egwîh mísolá mílɔ̌b mé Nzyɛ̌m.

Lʉkas 22:32

Sâ gwár, me á si jɨʼla e Nzyɛ̌m lɨ́ esú lô, ó búʼó yô, yé sá akur. Jɔʼ nyé ósâ nó, go ntémé sí báʼǎ nze kwá nyǎm yɨ́, go e súʼó bɨ́ɔɔ́ bô bibúʼó byɔ́ɔ́!»

1 Korɛnt 14:39

Bɨ́ɔɔ́ bâm! Okɛ́l bâm! Gwɨ́má yɨ́n, yé díʼee njɨ ó, bɨ̌n gwíhɨɨ milɔ̌b mé Nzyɛ̌m. Sá akamle gá bʉr lɨ́ elwib bílwǐb báayogoyogo.

Mɨlʉmlʉ 13:1

Ɨ́ sɔ́má bʉ̂r ó Mbɛ̌r-Nzyɛ̌m Antiôs, yé á be ó, le ogwíha o mílɔ̌b le ompʉ́n. Bé á be ó Banabâs, ndu e Siméon, mʉr Nígɛr, Lʉ́siʉs, mʉr Sirénia, ti e Manaɛ̂n. (Bé e ngóvina Erôd ó b'á gbɔlwa sɔ́má.) Saʉ̂l á be ntémé ó tɨ̂.

1 Korɛnt 8:2

Mʉr dí ejwɨʼ ó, nyɨ́ gʉ́ǎ sɔ̂ʼ nyá, nyé apǎ gʉ́ǎ bím dí ejala yɨ́.