1 Korɛnt 13:4 - Kálar Nzyɛ̌m : Ejwán é Sáá

⁴ Kpɛ̌l, yé lɛ́ʼlé mɨ́ná gá ó, mɨná sâʼ gá bíhwó le mpam. Kpɛ̌l, yé ásíé mʉ̂r. Yé áséʼlé yé mʉr tɨ̂. Yé ánkɛ́ɛ́ nyʉ̂l.

Kálara Zyɛ̌m Edwán é mpʉ̌n

⁴ Kpɛl, yé e bihbe le ncwɨncwɨa. Kpɛl, yé abe e l'egu. Yé ákwoʼ seʼle yé mʉr tɨ. Yé abe e nkɛa nyʉl.

1 Korɛnt 13:4 ပူးပေါင်းရင်းမြစ်များ

1 Pyɛr 4:8

Sá ésôʼ, yé jala ó, bɨ̌n kpɛ́laa páʼ nyɨ́n kpɛ̌l ápurapúra, ebě, kpɛ̌l ó dí edímle mébébe ɨ́ buo buo.

Éfɛsɔs 4:32

Lɨlɛ́ʼláá gá mpam páʼ nyɨ́n, bɨ̌n óbɛ̂h. Jɨ́ʼɨ́ɨ́ gá bʉr bɨ́bɛ̂h ekpaa nkóó. Pɛʼɛɛ gá bibaa bí ébébe bɨ́n á pa niʼla bʉ́ʉ́ bʉ̂r bí, mpʉ̌ Nzyɛ̌m á pɛʼ byaá nyé á niʼe bɨ̌n ɨ́ nzɨ̌ mé Krîst bí yɨ́.

Kolosi 3:12

Bɨ̌n ó dí bʉ̌r Nzyɛ̌m á twâr, baá o dí egúmo e né, nyé dí ɨ́ buú kpɛl bá. Nó ó, sáʼ gá njɨ́ʼá nkóó páʼ nyɨ́n, le mpam. Sulɨɨ gá menyʉ́l mɨ́n sí. Diʼee gá bʉr o dí ɨ́ talǎ njwɨr bá, le bʉr o bíhwó.

1 Yʉanes 4:11

Bʉr ó kpɛ̌l bâm, yé bé Nzyɛ̌m á be ɨ́ bánǎ lɛ̂ʼle mɨ́ná gá kpɛ̌l yaá nó, lɛ́ɛ́, mɨná bé ɨ́ jala le ekpɛla gá páʼ gá nyɨ́ná ntémé.

1 Pyɛr 3:8

Lʉ́ ékǎn ɨ́ mekaná mâʼ lɨ́ esú é bɨ́n óbɛ̂h, wé ó: diʼee gá e mbǐ pahlá ngwár. Jóʼáá gá mebúʼ mémpwár. Kpɛlaa gá páʼ nyɨ́n kpɛ̌l dí páʼ bɨ́ɔɔ́ e bɨ́ɔɔ́ yɨ́. Lɛ́ʼláá gá kpɛ̌l dí eduho ɨ́ lémé tʉ́ŋlʉ̌ yɨ́. Jɔrɨɨ gá menyʉ́l mɨ́n páʼ nyɨ́n.

1 Tesalonika 5:14

Bɨ́ɔɔ́ bâm! Okɛ́l bâm! Bɨ̌h jɨʼlá e bɨ̌n ó, bɨ̌n cɨ́lɨɨ bʉr o dí esâ épɨ̂h bá. Póbláá gá baá o dí e bʉ́á ɨ́ miléme bá. Kɛmɨɨ gá baá o dí ɨ́ tyɛʼ bá. Júhwáá gá bʉr bɨ́bɛ̂h.

2 Pyɛr 1:7

Ɨ́ kʉ̌ tyen mpâ, esó páʼ bɨ́ɔɔ́ e bɨ́ɔɔ́. Lɨ́ esó páʼ bɨ́ɔɔ́ e bɨ́ɔɔ́, kpɛ̌l.

Éfɛsɔs 4:2

Jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, le bʉr o bíhwó. Júdúhwáá gá páʼ nyɨ́n ɨ́ lɔ̌b kpɛ̌l bɨ́n dí e yé yɨ́.

2 Korɛnt 6:6

edile e nyʉ̂l lɨ́h, ngwɨ́á wɨ́h, bíhwó nyɨ́h, mpam nyɨ́h, bisyɛ́ɛla bɨ́h dí esâ e nzɨ̌ Sísǐm mé Nzyɛ̌m bí, kpɛ̌l yɨ́h dí abě mbáʼrá e mikóo yɨ́,

Kolosi 1:11

Bɨ̌h jɨjɨʼlá e né ntémé ó, nye tyɛ́bɨɨ bɨ̌n ɨ́ miléme, ó bɨ̌n séaa bisyɛ́ɛ́ bí nkûl mimbi mímyɛ̂h e nkul ɨ́ buo buo nyé dí e né nyɨ́. Bɨ̌n sɨ̂sea nó ó e bíhwó, le esia e mitúú, ti e bisʉhʉʉ.

Galásia 5:26

Mɨná bé ayɨ́ nkɛ́ɛ gá menyʉ̂l gá mɨ́ná. Mɨná bé ajala le egbâ gá bʉ́ʉ́ bʉ̂r ebúʼ ɨ́ miléme. Mɨná bé ajala le egwɨ̂m gá bisá byé onkán.

1 Korɛnt 4:6

Bɨ́ɔɔ́ bâm! Okɛ́l bâm! Mekaná mé dí ecɛma bɨ́n mâ, mé e nyɔm lɨ́ esú lɨ́n. Bɨ̌h le Ápolos, bé ó dí bimveʼle bi dí elɛ̂ʼle bɨ́n bí. Bɨ̌h lɛ́ʼlé bɨ́n tɨ̂ʼ ó, mʉr, nyé ajala le enkɛ́ɛ nyʉ̂l, nkʉ̂ sêʼle nyâʼ mʉ̂r, nkʉ̂ waá nyʉ́ʉ́. Mě dwé bɨ́n mveʼle yaá ó, bɨ̌n jɨ́ʼɨɨ sá kɨkɛna yɨ̂ʼ dí elɛ́ɛ ó: «Mʉr antaa gá sá dí cɛmá» yɨ́.

2 Timotɛ 4:2

túnáá Mbɨambɨa Lɔ́ɔ. Diʼee ɨ́ cǎr ó, go túnaa wé ɨ́ bijɔʼ bi dí ejala e túnó waá bí, ti e byaá bi dí ajala e wé bí. Dwéʼ bʉ̂r mebě ɨ́ mebébe mɔ́ɔ́. Lɛ́ʼláá bé mebě mɔ́ɔ́. Gbáʼ bé pîm ɨ́ búʼó. Sáʼ nó e bíhwó, ti e milɛ́ʼlá mímpâ.

2 Timotɛ 3:10

Gua mû ó sí kʉ́ gwá beě mpʉ mé dí elɛ̂ʼle yɨ́, bee ntémé kʉ̌ tyen mé dí edû wɨ́. Go á si gʉ́a mitíʼá mí lémé wâm, ti e búʼó yâm. Go lɨ́ egʉ́a ntémé bíhwó nyǎm, kpɛ̌l yâm, ti e mpʉ mé dí esia e mitúú yɨ́.

1 Pyɛr 2:1

Myahaa gá bé bisyɛ́ɛla bîʼ bíbyɛ̂h: ebébe é léme, mimbi mímyɛ̂h, bilwǐb míkóo, mimbi mímyɛ̂h, bilwǐb bíbá bíbá, nzwíí ti e mesyɛ́ɛla mimbi mímyɛ̂h.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

1 Korɛnt 3:3

ebě, bɨ̌n tiʼe ó mpʉ bʉ̂r ó sí yɨ̂. Bɨ̌n bé lɨ́ esâ nzwíí le egœ́a páʼ nyɨ́n. Nzê bɨ̌n bé abee náǎ ó, bɨ̌n dína ó, lɨ́ ekʉ́ tiʼě mpʉ bʉ̂r ó sí yɨ̂ʼ ɛ̌? Bɨ̌n bé lɨ́ ekʉ́ dû kʉ̌ tyen bʉ̂r ó sí yɨ̂!

Mɨlʉmlʉ 7:9

«Tó kœb ó, byúú bímpám gá bíná, byé á be lɨ́ esíe mɨ́ɔɔ́ wɔ́ɔ́, Yóseb. Bé ntɔ̂ʼ bɛ́ma nyê, tyenɔɔ nyé sí Egɨ̂ptɛn. Sâ gwár, bé e Nzyɛ̌m ó b'á be.

2 Timotɛ 2:25

Yé jala ó, nye gwâ tɨ́e bʉ̂r o dí edû nyé e megô bá, e njwɨr ɨ́ tala tala. Nyé sá nó wá, Nzyɛ̌m óbɛ̌m dib bé nzɨ̌ ó bé túmaa mikoo e misyóm myɔ́ɔ́, le edwira míléme. Bé ogʉ́a ótyeetye ɨ́ jɔʼ yaá.

1 Timotɛ 6:4

Nyɨɛ ntémé agʉ́ǎ sɔ̂ʼ. Nyě le ekpaa. Ekpaa laá, lé nyɨ́n ó, ɨ́ jɔʼ nyé dí edo e bʉr, le egœ́a ɨ́ lɔ̌b mílɔ́ɔ yɨ́. Sá dí eduho tɨ̂ʼ yɨ́, yé ó: nzwíí, megô, nkěh e Nzyɛ̌m, tómlá.

1 Korɛnt 8:1

Ɨ́ nkǒ páʼ ótír o dí ebaŋɔɔ ɨ́ nzaá bikpɛʼkpɛ̂ʼ bí ónzyɛ̌m bá, mɨná gá óbɛ̂h, bé ɨ́ buú gʉ́ǎ mpʉ bɨ́n dí elɛ́ɛ yɨ́. Tó kœb ó, ngwɨ́á dwídwé mʉ̂r ó, enkɛ́ɛ e nyʉ̂l. Bʉr, bé buú dirǎ nyɔm ó e kpɛ̌l.

Rôm 1:29

Bé lɨ́ eswâhle bísyɛ́ɛla bíbyɛ̂h bi dí egbah métié bí. Byé ó dí: jélé, gwɨ́má bísá byé onkán, ebébe é léme, nzwíí, ntaa sʉ́ŋa, ejwɨ́ɨ́ é bʉ̂r, gwɨ́má égœ́a e bʉr, mikóo, sɛ́á mépɨʼ mé ébébe, mesyɛ́ɛla.

Jacques 4:5

Nzê bɨ̌n mû lɨ́ ebee ó, lwǐb mé Nzyɛ̌m, yé ó dwêh? Ebě, nye á si boo lɛ́ɛ ó: «Sísǐm Nzyɛ̌m á gbâ ɨ́ mɨná gá wɨ́, wé ɨ́ buú sâ mbɔʼ.»

1 Korɛnt 4:18

Bʉ́ʉ́ bʉ̂r ó sɔ́má yɨ́n, bé mû ó lɨ́ enkɛ́ɛ ményʉ̂l, bɨ́ɛ lɨ́ ejwɨʼ ó, me ákǎ nzě bee bɨ́n.

Rôm 13:13

Mɨná, bʉr o dí etye ɨ́ móhó bá, mɨná tíʼaa gá mpʉ dí ejala yɨ́. Mɨná bé ayɨ́ lɔ̂ʼwa gá lɨ́ ede méde, nkʉ̂ puro ményoʼ, nkʉ̂ lœʼ ményʉ́l gá mɨ́ná ɨ́ nzɨ̌ bijoó, nkʉ̂ sâ bímolá nzam le ekomo. Mɨná bé ayɨ́ kǎ gœ́a páʼ gá nyɨ́ná, nkʉ̂ síila páʼ gá nyɨ́ná.

Kolosi 2:18

Mpʉ bɨ́n di ajɔr ményʉ̂l ɨ́ míh bééngeles, nkʉ̂ dwáawo bé yɨ́, mʉ̂r dwé bɨ́n mebě me mpéne, duho tɨ̂ʼ nó, anʉa gá lwǐb yé, gbâ ɨ́ nkɔb. Bisá bé dí ebee lɨ́ esimá bí ó bé dí enʉa, gbâ ɨ́ nkɔb. Mimbi mi bʉ̂r myaá, myé ó lwɨ́ŋlá e nkɛ́á nyʉ̂l. Bé nkɨ́nkɛ́ɛ́ ményʉ́l mɔ́ɔ́ ó, dwêh, ebě, bijwɨʼ byɔ́ɔ́, byé jaá duho ó, njɨ ɨ́ nkul misyóm myɔ́ɔ́ tʉ́ŋlʉ̌.

Filipi 1:15

Yê tyeetye ó, bâʼ bʉ̂r, bé lɨ́ etúnǒ lɔ́ɔ́ mé Krîst ɨ́ lɔ̌b nzwíí, bɨ́ɛ lɨ́ edǐ pɨra e me, ebě, bé kpɛl ó, bé lwíbɨɨ, laa mê. Bʉ́ʉ́ bʉ̂r bɨ́ɛ tútúnó wé ó e mpǎŋ gwɨ́má.

2 Korɛnt 12:20

Ebě, mě kpɛ́ɛ́ ó, me ámû be, abáʼǎ bɔma e bɨ̌n lɨ́ epyál lâm mpʉ mé dí egwɨ̂m yɨ́. Bɨ̌n ámû kœb mé, abě mpʉ bɨ́n bɨɛ dí egwɨ̂m yɨ́. Me ámû kœb bɨ́n lɨ́ esâ bísyɛ́ɛla bî: mentɛ́ɛ́, egú, mebúʼ, gwɨ́má épɨra e bʉr, mesyɛ́ɛla, mpǔʼ, nkɛ́á nyʉ̂l, le bintʉ̌.

1 Korɛnt 5:2

Bɨ̌n ntémé bé ɨ́ buo élɛ́ɛ e nyʉ̂l! Yé á gwa mbɨa ɨ́ páʼ wɨ́n ó, mpa milémé mín, myé á si lóno lɨ́ ebúʼ. Waá á sâ syɛ́ɛla yaá nyá, soʼ gá nye ɨ́ sɔ́má yɨ́n.

Mataos 27:18

Nye á lwib nó ó, ebě, nye á bee ó, bé á pur Yésʉs ó ɨ́ lɔ̌b nzwíí.